影片
是日没外出用膳，在外卖平台揾食时看到这家的午餐定价合理，除了主食，还有足料靓汤、一份小食及糖水或沙律可选，所以就买嚟试吓。等左十五至二十分钟左右，外卖到了，真系又汤又甜品，小食就放入主餐度。汤是龙眼猪肉炖汤既味道，除了这两款汤料，还有冬菇同好似猴头菇既料，汤好清，冇味精。小食从卤水鸡翼、虾饼等3-4款中选一款，我就拣左鸡翼，腌得够味，肉好腍，唔错。主食我就拣了香茅猪扒，虽然好浅色，但够味、有香茅既香味，肉质软得嚟有咬口，不过腍，又可拣咖哩汁、黑椒汁或洋葱汁，不过饭量不多，胜在有汤同甜品，一定够饱。是日糖水是杏仁糊，闻到杏仁味，偏甜，我平时唔食呢个甜品，不过今日都食左一大半。除了香茅猪扒，还有照烧鸡扒、牛扒、鱼等选择。价钱由$55-65左右，成个套餐嚟讲真系抵食，亦因为觉得味道不错，所以冇喺呢度出食评好一段时间既我都忍唔住要撑吓，希望大家去试吓啦！
继续阅读
以上资料只供参考，请与餐厅确认详情
猪扒入味够林，唔干身，仲有肉汁，估唔到呢个价钱，有咁嘅质数！我迟左去拎，都仲keep到食物系热的！员工又快手，有礼貌，店面企理干净，食物有水准，会再encore!
继续阅读