影片
以上资料只供参考，请与餐厅确认详情
系葵涌一间戏院睇阿凡达 完场已经11点几 夜晚无食饭 一路行去搭车个肚一路叫 以为葵涌咁夜应该已经无咩食 点知突然闻到一阵好香既孜然味同烧烤味 跟住香味行 见到好多人坐系路边食紧串烧 就知道揾岩路由于客人较多 而且小店人手只有2个 等候时间都几长 不过食完之后觉得等待系值得既 鸡肉串烧大大件 外脆内嫩好juicy 鸡肾脆而不靭主食拣左豉油王鱿鱼炒面 炒得好有镬气 味道岩岩好唔会咸 而且够晒大碟煨鱿鱼烤得好香脆 好似食紧薯片咁夜妈妈仲揾到咁既质素既宵夜真系好彩 以后夜晚系呢边睇完戏都可以黎呢到食个宵夜
继续阅读
有日放工番屋企途中经过见到新开张，咁就打算买几样嘢食返去试吓。咁我就分别买咗一口牛、猪红同乳鸽番屋企食，点知三样嘢价钱买单就已经成旧水，对比其他小食店真系相对贵。咁叫完就等拎外卖，大概等左10分钟左右就有齐三样嘢食，速度上算做唔慢啦，咁搭埋车拎到返屋企都仲热嘅有烟岀，咁都算唔错啦。返到屋企一打开盒外卖，一口牛个份量大概有6旧左右，件件牛都比大量香料覆盖住，同想像中嘅台式一口牛有冲突，食落同睇落一样，香料完全覆盖着牛，食唔岀本身牛嘅味道同质感，重要好干身。重要38蚊一份，真心有啲贵。咁个猪红呢，食落就正正常常冇乜怪味既，不过都唔入味，成碗里面𠮶啲就冇乜味道，底下𠮶啲呢就非常之咸。麻辣嚟讲呢，咁就系港式麻辣嘅程度，一般般啦。最后就剩返个乳鸽，冇乜期望咁食，食落我又觉得算系唔错，一般正常水平，而且$48入面有四旧，性价比系我叫咁多样来讲算系最高。整体来讲，如果下次经过见到，乳鸽都可以一试，其他就有待改善啦～
继续阅读
行过见到新开张 买黎试试 猪红硬身唔会一夹就散辣味浓郁 鸡翼有小小酒香 一口牛好入味 烧生蚝手掌咁大极力推荐 五花腩按表皮烧脆肉身软熟一口一件 绝对值得一试 另有滋润糖水下次试完再出报告
继续阅读