香辣海鲜手打乌冬，居然会系乌冬第一个冲线，厨房梗系好悠闲呢，一开始就比我地先食个热辣辣乌冬做头盘打打底，真系想得周到呢。必食手打乌冬，虽然甘味赞岐只不过系一般货色，但总比即食乌冬好。滑溜中带咽韧，中度索汤力，煮耐左又唔会过腍，好味啊 ﹗大虾、蟹柳、日式鱼蛋、昆布、粟米使到浓郁辣汤泛著海鲜味道，微辣带甜。配料明显比以前少好多，不过汤底同手打乌冬质量仍保持水准，食得过 ﹗三文鱼腩刺生，始终同满腹超肥美三文鱼腩有段距离 ﹗幸好今次已比以往好，暂时系最好既一次。半边系筋、半边系香甜肥美既鱼脂，美味香甜、鱼脂飘香，卷住青瓜丝沾上 wasabi 豉油同吃特别好食，味道特别清新 ﹗而另一边厢，鱼筋当然是又淡又韧啦 ﹗𫠒红鱼刺生，超水准十分肥美油润，质感结实弹牙，咽咽韧韧有咬口。白肉渗出鲜鱼味道，鲜味突出，配上边位红色鱼脂，香气扑鼻，甜到不得了 ﹗跟火锅店食到既瘦猛猛𫠒红鱼有天渊之别，天与地既质数。海胆军舰，筑地喜欢叫佢做海胆寿司，揾死人咩 ﹗每瓣海胆都完整无缺，肥美又鲜甜，没半点腥嗅。肥嘟嘟，质感滑溜，好味道 ﹗筑地样样都好，系寿司饭咁多年都强差人意，煮极都无进步过，可能根本无打算改善 ﹗饭粒硬实又黏口，口感湿烂 ﹗而且每粒紧扣完全密不透风。淡而无味，无饭香亦无甜醋香，非常失败 ﹗只系靠靓食材、靓鱼生瞒混过去 ﹗日式烧原条茄子，热烫烫送到，但完全无味劲搞笑 ﹗茄子无加任何调味，只铺满木鱼片，淡淡鱼干味道夹杂住咸香。茄子肉非常软棉棉，跟木鱼片味道都非常配合，几好食㖞 ﹗如果仍觉得太清淡，可以跟淡豉油同吃都不错。网烧澳洲壳饲牛扒，我平时都唔会食大蒜，但依个一定要卷住食，份外香口清爽，又可以减低油腻感觉 ﹗牛扒虽则牛味略淡，不采质地松软，调味得宜，沾上烧烤汁都可口满意。盐烧大秋刀，我仲幻想到有几巨形添，standard medium size 之麻，吓得我呢。如果有行开街市、超市都会对急冻秋刀鱼咩价位架喇。比我想像中细条好多，秋刀天生油脂澎湃，如果明火烧就要非常小心，因为抢火得十分利害，随时㶶晒都未烧熟呢。师傅烧得外脆内嫩，鱼皮香脆锁得肉汁紧紧在内，秋刀鱼肉味重而香浓，简单的调味再喷上少许鲜柠汁已好好食，最紧要小心鱼骨呀 ﹗一个乌冬、一客寿司、两客刺生、一件牛扒、一条鱼、一只茄子，先够我地两个饱乍，实在太大食喇 ﹗两口子晚上十点几先食晚饭，紧紧急得切 last call 前就坐，几乎最后一台离开呢，阻住收工，sorry sorry。…查看更多
因为怕等位，所以大概6:30己去到，一入到去己见有几枱客食紧，入面格局同以往一样，所以感觉同无乜分别。同行友人早己饿透，所以急不及待叫嘢食。嚟到呢度，当然会叫佢地的三文鱼寿司，因为贪佢大大条好好食；讲开份量，其实佢地啲份量不嬲都好大份，不论寿司、刺身、饭、面、小食等都好鬼抵食。入反正题，除了三文鱼寿司外，我地另叫了一个寿司拼盘及致爱的甜虾和鳗鱼寿司，海胆够新鲜, 三文鱼籽鲜甜, 赤贝亦够弹牙, 值得推介, 另外甜虾食落爽口新鲜, 鳗鱼大大件好抵食
, 这两个都是我每次必叫的心水食品。另我们亦又叫了一口鸡及鸡翼, 2样都系热气嘢, 但男友钟意食, 无法, 嚟到时香喷喷, 搞到我都忍唔到口食咗2件
三文鱼有3层，可以多番少少沙律酱~双色刺身 - 够大件，三文鱼略嫌唔够肥美香芒蟹肉pizza - 推介! 
