得閒飲茶 (MONTEREY Place)

营业中

休息中

出外旅行咗成個月，畀手信朋友時，佢帶我來到將軍澳唐俊街23號呢間DHYC飲夜茶，够晒正宗，以彌補呢一個月的"損失”，話晒第二度雖然有得飲，但始終爭啲嘅😜平時我唔使餐餐蝦餃，燒賣嘅，今次隔咗成個月就來個蝦餃吧，唔係3件而係4件一籠，晶瑩通透，皮薄餡靚，朋友食一件，我食3件，好滿足。菜苗餃(3件)不嬲都鍾意，好飽滿的3隻亦沒有令我失望。「牛肉腸粉」都好正，腸粉滑捋捋，而「韭菜金錢蟹盒」裡可以食到蟹肉，啱晒喜歡海鮮的我，「焗叉燒包」表皮鬆鬆脆脆，內裡的叉燒調味適中，可以食番香港的味道。除咗點心，仲叫咗個小菜「滑蛋炒蝦球」，蝦球好大件，好彈牙，超級正👍👍👍

帶住狗狗出街食飯，第一時間就諗到將軍澳南海傍那邊，好多都係寵物友善餐廳，今日揀咗這間位於MONTEREY Place 一樓的海景點心餐廳～DHYC是《 得閒飲茶》的簡稱，幾有意思😊這裏裝修開陽，望住無敵大海景嘆杯陳皮普洱，很有閒逸的氛圍。看看餐牌，點心粉麵飯甜品樣樣齊，點心即叫即整，上枱熱辣辣。🔘懷舊灌湯餃，外皮打得夠薄，超多餡料（瑤柱、冬菇、冬菜、豬肉等）灌滿湯汁，好味道😋🔘焗墨西哥叉燒包 表面酥脆，麵包軟熟，叉燒餡料夠味。🔘韭菜金錢蟹盒好薄嘅外皮包着韭菜蟹肉同炸，食落卜卜脆又食到蟹肉的鮮甜和韭菜香。🔘菜苗餃（3件）餃子皮晶凝通透，豆苗餡料夠嫩，清清地，中和返其他濃味菜式。🔘滑蛋炒蝦球蝦球爽口鮮甜，雞蛋確實炒得嫩滑，吃起來又香又爽又入味👍🔘瑤柱蛋白炒飯，看着平平淡淡，食落又好好味，飯炒得夠乾身，粒粒分明，超多乾瑤柱，我個人都食咗一大碗😋涼涼爽爽吹著海風食點心，悠悠閑閑又一天，滿足❣️

香港有幾多地方可以望住海景飲茶食點心☕️？將軍澳澳南海岸呢度就有一間遠離繁囂，可以放鬆心情嘅海景點心館「得閒飲茶-DHYC」🫖🐖焗叉燒包（$38/3pcs）呢度嘅招牌菜之一，以金黃色的脆皮包裹着熱辣辣的叉燒餡料，香口得來又帶點溫暖🤍🐄鮮茄牛菘焗飯($130)白飯煮得恰到好處，粒粒分明，與牛菘的鬆軟口感形成對比，配上酸甜番茄醬，令人停不了口。🦐蝦餃($42/4pcs)皮薄晶瑩，內裏蝦肉爽口🤍🫓招牌小籠包($48/3pcs)皮薄適中的小籠包，入口時感受到熱辣辣和滿滿湯汁。🐓西檸煎軟雞 ($190)三黃雞非常嫩滑，外皮炸至輕輕的金黃色，口感酥脆。雞肉與檸檬汁的搭配恰到好處。按自己喜好淋上的適量的檸檬汁，使整道菜更加惹味。🫖茶位 ($15/位)✨呢到除咗可以望住一望無際嘅海景之外，仲有點心晚市！滿足埋放咗工又突然想食點心，飲啖中式茶既朋友🫖👭📍DHYC Dimsum Restaurant (將軍澳)將軍澳澳南海岸唐俊街23號MONTEREY Place 1樓2A號舖

今次黎到一間位於將軍澳南嘅中餐廳DHYC Dim Sum Restaurant，真係好正喎可以望住將軍澳誇灣大橋，未食野已經令人坐得舒適。黎到飲茶一定會叫蝦餃燒賣，蝦餃皮薄，蝦肉鮮甜咬落去仲有彈性，燒賣滿滿既蝦肉，豬肉肉質鮮嫩，而每籠都有四隻😃懷舊灌湯餃係我最鍾意嘅一款，餃皮包住濃濃嘅蘿蔔蓉，咬開時蘿蔔蓉一齊流出，真係一種享受！另外，蒜蓉粉絲蒸鮮魷都好推介，魷魚鮮嫩，蒜香配合粉絲就係絕配😋蘿蔔絲酥卷又係一定要點既，做到外脆內軟，蘿蔔絲嘅清甜同香脆口感配搭得非常好🫶再加埋芝士白汁海鮮焗飯，海鮮新鮮，有青口、帶子、蝦等等，大量芝士融化後撈飯一流呀。最後仲有菠蘿咕嚕肉，酸酸甜甜既菠蘿，搭配冇骨咕嚕肉嘅香脆，食完超有飽肚感😌

打風冇買餸，於是就行去將軍澳海濱長廊度搵嘢食。呢間「得閒飲茶」環境好舒服，而且仲有個好靚嘅海景，可以望住張楠大橋一邊食，一邊嘆景！蝦餃蝦餃皮薄透亮，餡料彈牙，咬下去時餡料會輕輕爆開，釋放出鮮甜的汁液。 菜苗餃餃皮柔韌，鮮蝦Q彈，吃得出自家製的味道！焗叉燒包外層金黃酥脆，內餡的叉燒肉質滑嫩。 牛肉腸粉腸粉滑嫩，牛肉餡料既新鮮又彈牙，高質！京汁脆皮蠔外層酥脆，上面淋有香濃的醬汁，內裡的蠔肉鮮嫩多汁，咬下去時有明顯的層次感。 菠蘿咕嚕肉全晚亮點就係呢碟咕嚕肉！它肉質外酥內嫩，菠蘿的果肉鮮脆，整體口感豐富。

龍豬情侶夜晚突然想食點心，偶然發現為於將軍澳主打新派點心的隱世點心舖，還是寵物有善餐廳，歡迎大家帶毛孩到來 。  蝦餃 $42 ❤❤❤❤❤ 蝦餃皮薄通透，蝦餡爽脆彈牙，口感豐富，每一口都充滿滿足感。  燒賣 $42 ❤❤❤❤❤ 燒賣皮薄，豬肉與蝦肉的餡料鮮美多汁，蒸得剛剛好，香氣撲鼻。  懷舊灌湯餃 $68 ❤❤❤❤❤ 灌湯餃湯汁豐滿，皮薄透亮，餡料口感細膩而充實，湯汁清甜鮮美，店家很貼心用了支架回定了灌湯餃，讓食客易於提取。  蒜蓉粉絲蒸鮮魷 $48❤❤❤❤❤ 蒜蓉的香氣與粉絲完美融合，鮮魷彈嫩。 蘿蔔絲酥餅 $42 ❤❤❤❤ 酥餅外層酥脆，內餡蘿蔔絲鮮甜，口感層次豐富。  葡汁雞粒焗飯 $108 ❤❤❤❤ 焗飯帶有濃郁的葡汁香味，雞粒嫩滑，米飯吸滿汁液，入口充滿濃郁的葡汁風味。  菠蘿咕嚕肉 $148❤❤❤❤❤ 咕嚕肉為豬排，酸甜適中的咕嚕肉配上新鮮菠蘿，外皮酥脆，肉質軟嫩，十分特別。  ❤愈多愈推薦(最多5❤)  龍豬情侶評價： 這間小館的點心和小菜表現超水準，無論是傳統點心還是小菜都讓人驚喜不斷。可惜的是龍豬情侶是晚上到訪，未能看到將軍澳海岸的海景，強烈建議大家可日間時間到訪，

#fatchubelly將軍澳📍DHYC Dimsum Restaurant (將軍澳)💥窩貼蝦多士蝦多士炸得好香脆🤩而且唔會好油膩蝦肉亦都好彈牙配上沙律醬好好食💥韭菜金錢蟹盒韭菜配料豐富而且外皮好薄身脆都好似薯片咁👍🏻💥燒賣燒賣每一粒都脹卜卜上面有啲蟹籽點綴豬肉同蝦肉兩種味道同口感都食到💕💥懷舊灌湯餃灌湯餃入而充滿膠質嘅湯汁有少少啫喱狀😝調味啱啱好外皮亦唔會太厚💥沙嗲粉絲牛肉煲沙嗲粉絲牛肉煲好惹味餸飯一流牛肉係牛肉片而唔係肥牛片個人覺得更加有口感粉絲亦都吸哂啲醬汁😁💥西檸雞西檸雞份量十足😍而且係無骨可以啖啖肉咁食外皮亦都惒脆而且醬汁係另上可以自己點醬汁咁就可以自己調節個味道DHYC Dimsum Restaurant (將軍澳)將軍澳澳南海岸唐俊街23號MONTEREY Place 1樓2A號舖

天氣開始涼,是時候多去露天餐廳感受涼風,溫暖陽光,享受舒爽的轉季時分.本身挺喜歡澳南海岸附近的餐廳,今次到訪的點心店面對着海旁,可一邊嘆茶,一邊享受廣闊美景.隨行家人都覺得寫意~特別喜歡~🔸焗墨西哥叉燒包($38)🔸韭菜金錢蟹盒($55)🔸蝦餃($42/4件）🔸牛肉球($33/3件）🔸菜苗餃($42/3件)🔸蘿蔔絲酥餅($42/3件）🔸排骨陳村粉($48)DHYC為廣東話俚語「得閒飲茶」的縮寫,是由60多年粵菜老字號米芝蓮推介的「益生美食館」副線,感覺比較新潮,而且更有酒精飲品配合年青人口味.大部份點心都叫即叫即蒸,最喜愛韭菜金錢蟹盒炸得香脆,無油膩感,韭菜香味濃郁,微微蟹肉令口感更豐富~牛肉球紮實而彈牙.菜苗餃外皮煙靭有咬口,菜苗塞滿餃子,飽滿清香.而且是寵物友善餐廳,帶主子走走散步,自己再舒暢喝茶是個不錯選擇~

次次如果星期六日 呢間位於將軍澳海邊的點心餐廳 都好爆一黎享受美味的中式點心同時仲可以望著壯麗既海景吹吹海風帶埋我家既毛孩一家人食食點心幾開心呀🔸 彈牙蝦餃蝦餃皮薄而透明 白裡透蝦~裡面的餡料鮮嫩多汁蝦肉的鮮甜仲超級彈牙 第四粒緊係唔夠啦! 叫多籠!🔸 雪山叉燒包雪山叉燒包的外皮柔軟蓬鬆內餡則是又香又多既叉燒肉呢個係我地小朋友個個都爭著食呀🔸 蒜蓉粉絲蒸鮮魷魚魷魚鮮嫩與蒜蓉的香氣相互交融粉絲吸收了魷魚的鮮味與蒜香好適合喜愛海鮮既食客 我見隔離個枱外國人都食得好開心 😂🔸 菠蘿咕嚕肉酥脆的炸排骨外裹著酸甜可口的甜酸醬色香味俱全酸甜平衡得剛剛好搭配一片新鮮的菠蘿提升有唔少口感🔸 啫啫大澳蝦乾椰菜苗選用了新鮮的椰菜苗配上香脆的蝦乾啫啫的烹調方式保留了食材的原汁原味上菜既時候好有鑊氣 正 😎 😎📍 DHYC Dimsum Restaurant📍 地址: 將軍澳澳南海岸唐俊街23號MONTEREY Place 1樓2A號舖

DHYC - 得閒飲茶！將軍澳海濱呢間中菜，夜晚都有點心食🥢環境幽靜舒適，吹住海風嘆點心好舒服🌊室內戶外都有座位坐，而且呢度係寵物友善嘅餐廳，可以同寵物散完步順便飲茶～🥧焗叉燒包 ($38)呢款係墨西哥叉燒包，叉燒包外皮酥脆香口，內裡仍然鬆軟；一啖咬落去滿滿叉燒餡，肉質鮮嫩，味道香濃🤤🥟懷舊灌湯餃 ($68/2件)呢款灌湯餃採用正宗做法，有別於平時將餃子浸喺湯中，呢度係將湯汁灌入餃入面～灌湯餃脹卜卜有驚喜，外皮薄透，內裡充滿湯汁😍包住鮮蝦、豬肉、瑤柱等精華，份量十足，感受到濃郁嘅肉香😋食起嚟有點雪燕嘅口感，配埋紅醋食，滑溜又好味～🦀韭菜金錢蟹盒 ($55)外皮超薄，炸得酥脆；內裏蟹肉份量唔少，仲爆多韭菜餡，韭菜味道鮮美🤤韭菜愛好者必試！🦑蒜蓉粉絲蒸鮮魷 ($48)蒜蓉味道濃郁，粉絲好入味，令人食欲大開😋魷魚爽口彈牙，非常新鮮～🐟脆炸魚柳 配粟米汁/ 糖醋汁 ($220)炸魚柳外層炸粉非常薄，保持到魚柳嘅鮮嫩口感，每一口都感受到酥脆與肉厚嘅完美平衡🥰配上粟米汁同糖醋汁，兩款配搭都好味，特別係糖醋汁酸酸甜甜夠開胃🤤🦐芝士白汁海鮮焗飯 ($138)表面鋪滿芝士勁邪惡😈配料非常豐富，包括蝦仁、

平時放假最鐘意同屋企人去飲茶，中式茶樓大家都會成日去，今次特別少少，嚟呢度睇海景飲啖茶嘆返一盅兩件，呢度無論日頭定夜晚，個海景都係咁靚焗叉燒包 $38好多時喺其他酒樓食嘅都係中式啲嘅蒸叉燒包又或者係叉燒餐包，呢度叉燒包有少少特別焗出嚟好似墨西哥包咁樣面層係脆脆的入邊係鬆軟嘅麵包包住香甜叉燒咁韭菜金錢蟹盒 $55韭菜蝦餃大家都食得多，呢個炸到脆卜卜嘅韭菜盒就改用新鮮嘅蟹肉食落去更加鮮甜好味招牌小籠包 $48皮十分薄，係睇得到粒粒飽滿，裡面裝住滿滿嘅湯汁，加埋陳醋一齊入口，真係要小心啲食基本上所有點心都係即叫即做保證熱辣辣上枱，大家一邊食一邊睇住個靚景，真係可以靜靜地享受一個美好嘅下午

看著大海吃點心，超讚！坐得很舒服，食物也一流👍・　蝦餃 （4件） ($42)蝦餃雖然是茶樓最普通的點心之一，卻最能夠分出高下。所謂皮薄餡靚，蝦肉彈牙有鮮味，外皮薄得來又不會破掉。屬於上品。・　窩貼蝦多士（5件） ($88)蝦多士在坊間的茶樓已經買少見少，想唔到可以喺呢間新式茶數食到。多士上面釀滿咗蝦肉再油炸，不但香口酥脆，而且蝦肉彈牙，令人食指大動。・　菠蘿咕嚕肉 ($148)有別於其他餐廳的咕嚕肉所採用的排骨，這間店用了肉片做咕嚕肉。不但不用噒骨，肉質亦十分細嫩。配上甜酸的咕嚕汁和菠蘿，用來拌飯一流。・　瑤柱蛋白炒飯 ($120)這道炒飯雖然望落平平無奇，但絕不馬虎。炒飯面舖滿瑤柱碎，炒飯充滿鑊氣又不會太油膩，分量亦好足夠，適合多人分享。・　韭菜金錢蟹盒 ($55)酥皮內釀滿了韭菜和蟹肉，夾起來再用油炸成盒子的樣子。香脆的外皮下每一口都充滿香濃的韭菜和新鮮的蟹肉。・　菜苗餃 ($42)看似是簡單的餃子皮和豆苗餡卻意外的好味。清淡的調味突顯了豆苗獨有的幼嫩和香氣，餃子皮做得幼薄之餘亦不失煙靭，簡單的食材做到這種美味實在難得。

今日同媽咪去飲茶～意想不到地好吃，餐廳環境是現代化，又望到澳南海景～建議大家3點來😆冇咁曬又有風，好舒服🧏🏻‍♀️現場有師傅整點心👍🏻每款都是新鮮即叫即蒸，每樣都好味😋下次帶埋爸爸來食🤡1️⃣窩貼蝦多士新鮮即炸的蝦多士炸得金黃酥脆，而且蝦膠十分彈牙，亦很有鮮味，更可按個人喜愛點上沙律醬🤤2️⃣焗叉燒包好鍾意食雪山叉燒包😍外層很似菠蘿包的脆脆表面，有中西合璧的味道，味道似舊式叉燒包而餡料當然有主角叉燒及甜甜的醬汁🤩3️⃣韭菜金錢蟹盒味道很像香港特色小食炸韭菜餃😃4️⃣蝦餃及蝦餃菜苗餃每次去飲茶都必點餡料很飽滿水晶皮很軟不硬👍🏻大家要襯熱食5️⃣牛肉球係超巨型的牛肉球😍牛肉混合馬蹄及芫荽有特獨的香味，口感更豐富！最愛底部有腐皮吸引全水肉汁😍是精華所在！沾上喼汁會令鮮味更突出👍🏻

DHYC Dimsum Restaurant將軍澳南有一間食懷舊點心嘅餐廳DHYC,餐廳位於新界將軍澳奧南海岸唐俊街23號Monterey Place一樓,餐廳裝修帶有工業風為主,餐廳環境光猛乾淨衛生,座位寬敞坐得舒適,有戶外座位供有需要客人選擇,餐廳主打廣東小菜點心,,服務員招呼殷勤有禮。咕嚕蝦球咕嚕蝦球配菜有三色椒,菠蘿和香蔥,蝦球炸醬不太厚,蝦球食落爽口兼彈牙,酸酸甜甜好開胃。瑤柱蛋白炒飯炒飯除咗瑤柱和蛋白仲有菜粒,廚師炒飯炒到夠乾身粒粒分明,,食落好香口。菜苗餃菜苗餃大大隻有3件,菜苗青嫩,新鮮嫩滑入口鮮甜,餃皮半透明,食落軟糯。蝦餃皇蝦餃皇皮身不太厚半透明,鮮蝦食落新鮮彈牙美爽口多汁又鮮甜。韭菜金錢蟹盒韭菜金錢蟹盒炸到金黃色,新鮮地韭菜和蟹肉入口鮮甜,蟹盒皮炸到脆卜卜。

平日放假，帶左媽咪嚟飲茶。餐廳主要食點心，入面環境分戶外同室內，有sofa位坐，戶外更可以望到海景又可以望住跨灣大橋個景，好chill，環境非常開揚，坐位舒服，點心都好高質。眼見不少人帶埋毛孩嚟飲茶🐶💜懷舊灌湯餃（2件）$68 🌕🌕🌕🌕/5大隻足料，湯汁鮮甜，餃皮薄而煙韌，餡料飽滿，一咬落去湯汁爆晒出嚟💜焗叉燒包（墨西哥）$38 🌕🌕🌕🌕🌕/5上枱熱辣辣，原本一碟有三個，但因為太吸引，忍唔住食左一個先記得影相。💜韭菜金錢蟹盒$55 🌕🌕🌕🌕🌕/5個蟹盒勁脆，一咬落去個皮就聽到清脆既聲，一睇就知係即叫即整，非常新鮮。💜蘿蔔絲酥餅 $42 🌕🌕🌕🌕🌕/5賣相已經好吸引，咬落好鬆軟，完全做到外脆內軟既效果。💜蒜蓉粉絲蒸鮮魷 $48 🌕🌕🌕🌕🌕/5魷魚新鮮彈牙，粉絲索晒啲汁，十分惹味。💜手打墨魚餅 $42 🌕🌕🌕🌕/5墨魚餅好彈牙，如果可以配埋泰色辣醬，味道會更上一層樓。💜紫菜鮮蝦腐皮卷 $42 🌕🌕🌕🌕/5口感豐富，金黃香脆，紫菜連埋鮮蝦，味道好夾。💜排骨$32 🌕🌕🌕🌕🌕/5排骨上枱仲出緊煙，熱辣辣，食點心最怕係d點心凍哂，排骨保留住肉汁，原汁原味。整體食評🍴✅食材新鮮，即叫即整✅環境一流