得寶軒 (已結業)

今日中午去食lunch, 食物係ok, 不過放眼所見，全體員工冇一個人有帶口罩！！完全令人驚訝！有個員工拎碗湯比人仲一邊講野！完全不顧衛生！完全不顧衛生！！完全不顧衛生

好像轉了手，又貴又難食。去咗食晚飯，食物質素認真麻麻。叫餸要用普通話，樣樣菜都唔識聽。叫咗個雜菜煲，啲菜又苦又唔生鮮。比以前啲晚飯貴左好多，以前八個人食，晚飯八舊水。 但係而家，要成千二蛟。🤮

今日同班同事來食午餐。我地叫左幾個菜。味道都幾好。價錢都係$55至$68。都係正常小菜價幾，份量都正常。環境都幾好，但唔算太多位，坐得都好舒服。同事話下次要來試打牌，因為佢唔算太貴，可以一試。

今日跟幾個同事去食飯 佢哋話：人多啊 唔使諗 食中菜啦🤫 然後就帶咗我嚟呢間樓上嘅小菜餐廳 我孤陋寡聞 真係唔知咁就腳嘅地方 竟然有一個唔係幾使搵位嘅選擇😂午市小菜套餐有成24款選擇 大約$50-60幾 幾經濟 每人叫一款餸同人頭飯就可以齊齊share😋每人送一碗老火湯 今日係菜亁 正🤣餸我無影晒 為咗影呢張我已經比同事笑咗 話啦呢啲都影😂 小小驚喜嘅係連水煮魚都有 其他樣樣都幾好 但係有樣搞笑嘅就係我哋叫左個老媽回憶(唔係圖入面) 夥計話係用老干媽醬炒菜同肉 但係我哋冇人食到老干媽味🙊🙊🙊😂總括而言 食物質素唔差 就係正常小菜 價錢又平又容易搵位 啱哂一堆同事開飯😂

持續的酷熱天氣令人除了非必要之外都不敢走近爐頭，更何況要煮要洗，弄得一身大汗！本著懶得就懶的精神，晚飯一於叫外賣。家的附近一些住宅樓宇都有些聯誼會或甚麼的，瀏覽Openrice之後選擇了這間，我們叫了幾味小菜都頗合胃口。涼瓜魚腩原來是龍躉腩，魚腩啖啖肉，涼瓜片片爽口，甘而不苦，更是豉味十足。咕嚕肉的肉質緊致得來又不會靭，咕嚕汁酸甜的平衡取得好，菠蘿也有不少。菜芯灼得剛剛好，軟硬得宜，菜芯的鮮甜完全走了出來。省下大費周章的功夫，輕鬆自在地完成了一頓美味的晚餐。

去完好多好多間逼人的餐廳，我同事帶了我來這裡吃飯。神神秘秘的一幢大厦內有這間食肆，12:30pm 到達只有兩三枱人，我們點了蒸䱽魚、松露炒鳳片、肥牛炒金菇。先來了湯，喝下來没有味精，超讚！沒想到肥牛金菇有加菠蘿，但味道也可以。松露炒鳳片其實就係脆肉瓜炒鷄肉，個人覺得比較鹹，沒有什麼松露味。最好食就係蒸䱽魚，簡簡單單的麵豉加上滑滑的魚肉，好好吃呢！條魚又有－隻半手大少！！！！今時今日$62有好味夠份量的鮮魚吃，實在太幸福了。1:15pm 走的時候，也不太滿人。我覺得這兒是附近不擁擠而食物ok 的少有飯店呢！

戊戌年的大年初五，是不少打工仔開工之時。然而，由於不少食肆仍未開門，略為增加了搵食的難度。在朋友的帶路下，去到這間位於莊士敦道舊樓的得寶軒，內裡是私房菜格局，聽說平日也有提供雀局。中午餐牌提供近20款菜式，每款都配上老火湯和白飯，每款取價約60-70元，以小菜來說，取價算是合理。此店提供的小菜甚為精緻，這次點了橙花雞甫和刴椒肉鬆蒸四季豆，前者有點像西檸雞的做法，只不過主角變成了雞和橙，但味道依然不錯。後者則微辣，用來送飯一流。由於不用加一的關係，所以平均每人60元左右，便足以支付這餐打工仔「開年飯」。在此僅祝各位今年豐衣足食，身體健康﹗