影片
港铁大窝口站 B 出口, 步行约7分钟
继续阅读
电话号码
27880326
27880026
营业时间
今日营业
07:00 - 21:00
星期一至日
07:00 - 21:00
以上资料只供参考，请与餐厅确认详情
食家推介
小笼包咬下去时汤汁多到流出黎，😋皮薄而韧，能够完美包裹住内馅和汤汁，吃起来既有嚼劲又不会过于厚重！！！酱油炸鸡翼外酥内嫩，咸香味浓，带有甜味和蒜姜的香气。每一口都充满层次感，口感对比鲜明。必点炸鸡翼，真系超好食！！！👍🏻👍🏻红枣糕口感柔软，甜而不腻，散发著浓郁的红枣香气，带有淡淡的嚼劲。一黎到已经闻到好香浓的红枣味，食得出非常足料，食完忍唔住外卖左一盒返屋企同家人分享！拎返去翻热都仲系咁好味！！！🤤
继续阅读
买外卖最怕系咩？你叫A，返到屋企发现佢俾B你！今次系第一次帮衬已经赖嘢！外卖叫咗是日快餐中嘅豉椒鸡球，知佢唔系即叫即炒，但都等咗好耐先有，当时夜晚未够7点，本身堂食都冇咩人，外卖又得我一个，唔知点解要咁耐！结果搭车返咗屋企打开发现佢俾咗冬菇肉饼！打去同佢讲，叫我下次再帮衬就送个油菜！仲要我再帮衬？佢就想！😤😡个肉饼难食到死，系午餐肉嘅质地，仲要霉霉地🤮🤮，啲点心外卖店卖廿零蚊个肉饼饭仲好食过佢！！😤😤俾错order正常都叫个客下次去攞返啱，但佢居然要我再去买饭先送个油菜当补偿，我一口拒绝咗，啲嘢咁难食，以后唔会再帮衬啰！
继续阅读
行过几次，每次都见到好多人帮衬，好似好受欢迎，但每次望完餐牌，又唔知拣乜好，唔多提得起劲入去食，所以每次都冇入到去。这次思考很久，终于决定试一试（因为真系谂唔到食乜）。睇餐牌，主要都系蒸𩠌蒸饭，感觉好家常。我拣咗咸鱼肉饼饭。个饭有跟汤，我估系菜干猪骨汤，味道偏淡口，但有种屋企饮汤嘅感觉。而个饭份量唔算大，勉强够饱。有两条菜，咸鱼细件，肉饼也有点薄。至于味道，唔可以话唔好食，不过调味比较清淡，似住家饭，应该适合追求健康人仕选择。
继续阅读
今（6-7-2024 Sat）朝同老公送完回收物资后食个早餐，我记得呢个商场重有啲食肆我哋未嚟过，老公就记得呢间食点心嘅，咁就嚟呢间啦。嚟到时都唔系多人，亦剩返一张三人卡位，的哋就坐呢一张 ，坐低后睇menu ，见到佢点心唔系多，都有茶餐厅嘅港式早餐，我哋就要两点心套餐。6. 香片茶未见过会用冷饮咁大个杯嚟装 ，呢个茶味唔系好浓。3. 加$3.00嘅冻柠茶试吓先，呢只唔系涩𠮶只，但又唔太甜，唔错。5分等咗一段时间，嘢食至开始到嚟，1. $40.00餐中萝卜糕见到有煎过，食落唔脆但热，有啲啲腊味，口感啱啱好，唔会太松散，但我食到有啲怪味。2.5分2. 餐中叉烧肠店员拎嚟时，见我哋张枱冇豉油就主动拎嚟。呢嚟嘅豉油系咸豉油，讲返叉烧肠，睇见份量唔多，叉烧瘦但唔系蜜汁叉烧，肠粉唔算太腍。3分之后等好耐好耐，店员拎住蒸好嘅牛肉球同鱼肚棉花鸡嚟，睇吓我哋张单有啲疑惑，我话只系棉花鸡系我哋嘅，佢就放低。4. $50.00餐中鱼肚棉花鸡3件鸡大大件，味道唔太咸但唔多够味，口感正常；鱼肚同样有3件，口感同样正常。2.5分5. 餐中奶黄包呢个系店员走嚟同我讲，厨房蒸错牛肉球，依家蒸返俾我哋，咁又等咗好耐至到。睇到颜色几黄吓，食落，我竟然食到蒜味冇奶黄香甜，好唔掂。0.5分环境：冷气唔多够。3.5分抵食：份量唔够，老公直情即刻要去AEON买寿司食。
继续阅读
上个星期嘅一个下午，朋友拉我去咗间得利，话系佢嘅口袋名单。一入到去，睇个菜单真系五花八门，决定咗几样嘢黎试吓。头先，我哋点咗一笼虾饺，送上嚟嘅时候热气腾腾，啖啖肉嘅虾饺，鲜甜得滞，皮薄馅足，真系赞呱呱！再嚟我哋试咗个牛肉饭，软嫩嘅牛肉配上得嚟又香又滑嘅豉油调味，真系渗透到每块肉纤维入面。🌟同桌嘅朋友试咗嘅咸鱼肉饼饭，肉饼香口得嚟唔腻，同咸鱼嘅咸香调和得刚刚好，佢一路夹饭一路赞叹，话呢个味绝对系回忆里嘅家嘅味道。😋当然少唔得黎碗汤喉润喉，原盅老火汤嘅选择也好丰富，每一啖汤都饮到食材嘅精华，舒服暖胃。整体来讲，得利嘅食物质素好正，令人食咗又想再食。我下次一定要再嚟，顶住个肚腩试埋其他嘢！🍽
继续阅读
您可能会有兴趣的...