徐記廚房點心 (已結業)

突然心血來潮想夜晚食點心 記得之前上網見過有人推介呢間點心舖所以Happy Friday 就去試下一開始搵餐廳個陣 仲意為自己行錯路😂係太子嚟講 餐廳既位置都唔算好嘈吵點心種類唔算超多 但基本點心都有因為點心係即叫即蒸 所以一開始要啲時間等見到其他人嗌盅飯 好似會上得快啲但我地想留肚試多幾款點心 就無試到飯啦雪山叉燒包一上枱 個size都嚇一嚇大過之前去茶樓食咁多 一咬落去口感都好唔同因為預期係表皮係脆 但呢間既雪山叉燒包係軟身 食落就唔會唔好食 係比較香軟之後其他點心陸續都到左 味道都正常有個貼心位係 當蝦餃上枱之後 侍應叔叔主動俾左碟花椒油(好似係咁既名）😂但個小籠包 唔知係咪我地點錯左另一款所以無期待中既多汁效果😗 .最後再加左鮮蝦春卷同黃金流沙包鮮蝦春卷唔使蒸 所以比起點心 上枱速度快好多食落口春卷入面啲蝦肉切左粒粒 口感唔錯👍而且上枱係熱騰騰 好香口 我地極速食曬😝所以唔記得影春卷張相最後個黃金流沙包 一咬落無出面湧出來嚟感覺啱啱開始係有啲失望 但食到中段食到個包入面係有細細既咸蛋粒（如果我無感覺錯既話😂）感覺比普通茶樓既足料 食完覺得都幾好味既總體嚟講 舖頭既座位同員工態度

跟朋友一起去深水埗，想找間黃店支持一下香港，在手機上找到這店鋪，進去試吓。進店時間是1:30左右，不用等位，給安排坐下，發覺枱上太多油漬殘留，跟店員反應，希望店主注意下衛生！再睇下點心紙，他們的點心紙分前后2面，正面的是可以選擇點心，全部價錢也有列明，我們2個人點點了3款，然後看背面，再點了一個東坡肉，但背面的食品，均沒有列明價格，心想也不會太貴。但埋單時發現！一個點心紙上的東坡肉，收費是$198元，要是列明價錢，我就的不會點，感覺自己中咗伏！但問題是自己太輕心，以為不會太貴，所以沒有問價錢？本人十分少寫食評，今次寫食評，是希望其他人不要中伏！而且店主也應該例明所有菜品的價錢，。

以前食點心一定要朝早或者晏晝，仲要一定去茶樓，而家多咗好多點心專門店就真係方便咗好多，晚飯都可以食點心做晚餐。呢兩個點心專門店位置方便，地鐵站行過去都唔會好遠，而且全部都新鮮熱辣，唔會擺咗好耐出晒水焗到淋晒嗰啲,呢度仲要係一間良心點心專門店值得幫襯👍

星期日放假起身諗住食下點心...之前一直都想試下呢間...未搬之前成日都見要排隊入去...諗住點都唔會差得去邊..2大1小叫左個飯..咖哩魷魚、春卷、腐皮卷、燒賣、蝦餃、雪山叉燒包、鳳爪、馬拉糕、牛肉、芒果糯米卷等等...個咖哩魷魚完全冇咖哩...用啲水裝住咁...雪山叉燒包就好似隔左幾日夜咁...除左個馬拉糕同糯米卷之外...其他差唔多掉晒...難食到呢...唔會有下次真係希望可以檢討下...咁既食物質素點做生意

武漢肺炎搞到全球大亂，復活節假竟然冇得去旅行， 咁唯有響香港行啦， 不過郊區離島應該旺過旺角， 所以， 我要反其道而行， 去旺角 不過武漢肺炎仲未停，都係小心d好。。。。我地揀咗飲茶做第一個check point, 嚟呢間飲茶係因為知佢有香荽燒賣 去到差唔多一點鐘，啱啱好lunch time, 都幾多人， 好彩有位唔駛等~d點心都幾多款式， 應該有嘅都有。 我地叫咗鮮蝦春卷，黑椒金錢肚，北菇棉花雞，黃金流沙包，翠綠叉燒腸同埋香荽燒賣飲住茶等食 d嘢都幾快嚟到， 個鮮蝦春卷好脆， 熱辣辣, 黃金流沙包真係好流， 香甜好味！！ 個叉燒腸都幾大份，超飽肚， 仲有我最支持嘅新薑棉花。。。。 雞, 都有幾多棉花， 雞又滑， 好好食~ 由於我唔食牛，個金錢肚我個friend自己隊晒成碟， 佢話夠味又好味喎~ 到我地食晒， 我地今日嘅主角--香荽燒賣仲有未嚟。。。 原來漏咗單 不過個哥哥仔都好有禮貌，話即刻蒸返俾我地， 條氣都順d. 啱啱蒸起嘅香荽燒賣終於到， 不枉我地等佢， 又真係highlight of the meal喎， 好香嘅芫荽味，又唔會太over, 好好食喎 如果唔係咁飽，我真係想

黎之前打過黎問有冇得book, 佢話唔駛book, 可能平時唔係太多人啦。平日夜晚黎，個位都幾靜，google map又教錯，搞到我揾左好耐😅一行4人，我第一個到，個叔叔好好人好細心，一見我坐低就俾杯茶我，再問我其他人到未，未到就等佢地到左先拎茶俾佢地。環境都好好，裝修幾靚，而且d位幾闊下，唔會好逼。點心選擇唔算好多，大多數係d大路傳統款式，都幾大件幾足料。 咁啱新年期間，仲有d新年點心。叫左咁多樣野，冇咩邊樣係唔好食，唯一係個牛栢葉有南乳味怪d.😅

太子一帶都唔少呢啲點心舖，想幫襯黃店嘅話可以去徐記呀😄😋 豉汁蒸肉排 $26😋 醬皇蒸鳳爪 $22呢兩樣屬於即蒸點心類，要等一陣先有得食，排骨份量都多，下面有啲細細粒嘅芋頭。味道正正常常，都係普通蒸點心咁，中規中矩無乜特別。😋 懷舊糯米雞 $30感覺呢個係加大版珍珠雞，入面有一隻冬菇、雞肉同珍珠雞嗰啲肉碎，多啲料可能會好啲😗😋 鮮蝦腐皮卷 $26呢個係「健康美點」類，睇唔到英文個fried字，所以落單嗰陣get錯咗以為係鮮竹卷😂 原來係煎炸嗰隻，應該都係即煎/炸，不過塊皮有啲韌。😋 郊外灼時菜（生菜） $20覺得份量同價錢真係唔成正比，味道無問題，但20蚊得一小棵生菜就真係少咗啲。

周圍都係點心鋪，既然要食就揀顏色食。不過整體點心實在有待改進。新鋪乾淨企理，坐得舒服。腸粉皮好黏口，但都算係幾滑唔會太厚，蝦平均分布，但質地比較四實，裡面仲有d翠玉瓜，問題係䜴油無咩味，極淡。排骨飯調味正常，問題係d飯好淋好淋，漿埋一齊，完全過濕。蝦餃正常，皮偏乾。金錢肚係比較出色的一碟了，惹味，唔會太油，下面有d蘿蔔條墊底。燒賣有蝦無冬菇，蝦都係碎上，唔係原隻包入去，調味OK。壺茶無蓋就咁放。希望點心方面可以繼續努力💪🏻

叫咗1. 鮮蝦腐皮卷2. 煎饟虎皮尖椒3. 懷舊糯米雞4. 木魚絲茄子5. 翡翠鮮蝦腸6. 酸菜魚鮮蝦腐皮最好食，正常。煎饟虎皮尖椒唔知點有幾粒芝麻咁大嘅沙，咬到啃啃聲，唔得。懷舊糯米雞，一舊雞肉及肉碎無其他嘢，無味，唔足料。木魚絲茄子比較油，仲入到口。翡翠鮮蝦腸，淡而無味，唔ok。打大佬係酸菜魚，好似飲油、無味、只有辣無酸，魚多骨無味，不夠5分鐘完全放棄。聽到隔離枱食客講，粥係酸嘅，其他嘢食味道有異，話唔會再嚟食！搬咗新舖 質素急速下滑，黃店都要有Quality 先得架，無理由俾我食2-3個歷來最差嘅。如果你唔係黃店 肯定blacklist 希望你盡快改善！

一朝早同老公去太子辦年貨喪行前先搵間良心小店食早餐先想試左徐記好耐架喇☺️☺️朝早唔洗點扮直入有位店員好好禮貌帶入座不過坐到最角落稍嫌有小小暗同焗～唔好講咁多 睇下有咩好食先🤤🤤🤤樣樣都想食呀蝦腸 D蝦都大隻又無雪味雪山叉燒包我平時唔食叉燒包架見到呢個忍唔住🤤熱辣辣送上枱 好正不過我個人覺得入面d料甜左d但出面個皮就好正蝦餃 大大粒 新鮮皮薄最期待既芫荽燒賣呀😍😍😍一百分呀！ 芫荽夠多好濃味撈埋一齊食好夾 啖啖茜味❤️💛食埋個薑汁糕埋尾簡直係完美呀！！！收銀櫃隔離仲有黃色小物賣支持下都要啦🙂🙂🙂我地兩公婆一向比較大食🤣🤣所以唔存在飲茶食得好少野既問題🥳當然 飲茶傾計嘆點心始終都係一班人開心d既

旺店點心選擇唔多，好開喺鬧市嘅更加少之有少，上網見到徐記本身已經結業但因為太多舊街坊要求所以開新鋪繼續做。舖頭入邊擺有文宣擺賣站，Tommy亦有為徐記開post。🐷蟹籽燒賣皇-Hkd29同平時食落傳統燒賣好大分別，味道比較似微波爐點心嘅燒賣味道，口感唔夠紮實亦冇乜鮮蝦同豬肉嘅香味。🥟上海小籠包-Hkd28小籠包皮算薄，湯汁夠多，係今日點心嘅MVP👑🐮山竹牛肉球-Hkd21正常水準，牛肉球唔會好粉，芫茜夠多，但如果芫茜香味可以再出啲就更好。。🦐鮮蝦菜苗餃-Hkd27個皮晶瑩剔透，菜苗同鮮蝦比例平衡兩者都食到鮮味，幾唔錯。🥪雪山叉燒包-Hkd24滿心期待既點心😍一摸落去鬆軟到好似棉花糖咁，一咬落去真係好軟熟，但點知啲餡真係少得誇張，兩細粒肉加叉燒醬😣😣如果咁既質素12蚊一舊包真係幾空氣。🍳煎蛋牛肉飯-Hkd29唔記得咗自己已經嗌左山竹牛肉飯又嗌左個煎蛋牛肉飯，兩者味道完全一樣不過不失但未有偏淡落咗好多都冇乜味。當日去到老闆娘同電訊公司員工有啲拗撬，老闆娘似乎有少少無理取鬧，好彩有客人做中間人去解釋俾老闆娘聽，電訊公司員工先至冇咁尷尬😅

自從徐記搬來新店后，一連四周每周都同朋友來飲茶。地方比前大，舒服，位多，傾計好，唔嘈，但稍嫌暗一點。食物質素維持過去一樣高水凖- 即叫即做，新鮮熱辣，質量都佳。前后試過十多樣點心，印象最好嘅係蝦餃同煎腐皮卷。店員都好友善招呼恰到好處。可能由於位置稍偏，所以每次都唔駛等就有位，亦因為外面冇人排隊，所以每次都可以安心坐成兩個鐘吹飽水先走，唔怕唔好意思。由於係良心店，所以每次亦可以捐款和買良心產品。推薦！

點心保持水準,即蒸即炸。不過因搬咗，openrice 又冇改地址，去番舊舖位置，好彩打過電話問下，徐記老闆娘叫咗個店員過嚟接我，帶我去新店。加分！不過最好在網上做番D宣傳，介紹新店係邊。我喜歡炸雲吞和蝦蛟，燒賣。可能我口味好傳統！必叫選擇！😄(補充：新店原來在舊店附近，但更近花墟）

整體味道唔錯價錢合理。個人最鍾意腐皮卷，腐皮好脆。小籠包皮薄多汁，但啲皮痴住張紙一夾起就穿，啲汁漏曬；奶黃包得好少餡😕😕；魷魚好爽好彈牙。甜品方面，芒果糯米卷煙煙韌韌椰汁🥥幾香，蛋散要額外叫因為點心紙無，好大條size比一般酒樓大舊。餐廳只收現金點心價錢：蝦餃 $30黃金流沙包 $20/2個鮮蝦腐皮卷 $26雪山叉燒包 $24金牌咖喱土魷 $38小籠包 $28鮮蝦菜苗餃 $27糯米雞 $30香芒糯米卷 $29

徐記廚房位置是以前「一點心」的鋪位，自從「一點心」搬離後都沒有光顧這新開的餐廳，疫情下要叫外賣，見也是吃點心，便嘗試一下這徐記廚房。可惜令人失望。也是那一句，黃色經濟圈理念上值得支持，但如果食物質素不好，管它是什麼顏色。盅頭飯的餸太少了，飯多餸少，下次我不好開罐頭伴自己煲的飯?我還叫了三個飯，但餸少得那樣可憐，最後真的開了罐吞拿魚罐頭來加肉。义燒飽不過不失。小籠飽也很細隻。腸粉又是份量少。價錢也不是特別便宜。花園街食肆林立，如不好好改善，會很快被淘汰。