很得輝 (金堂閣)

睇openrice食评话呢间啲沙姜鸡髀好食，今日专程走去试吓，因为一家人都钟意沙姜味，就买咗一只沙姜鸡髀同埋一份沙姜鸡中翼外卖返屋企。等咗十五分钟就出炉，即刻闻到好香浓沙姜味。返屋企试食后，家人同我都话啲鸡好滑，沙姜味好浓，而且腌得好入味~好正。不过唯一美中不足嘅系店面比较陈旧，大热天时34度都冇冷气.......咁点做到堂食生意呀？如果净做外卖生意都还可以嘅，想增加生意建议改善一下店面同埋空调，真系好热呀....但沙姜鸡髀同鸡翼坚好食，平日好少写食评都要上黎写返。啲鸡太香，自己食晒，所以相机冇得食先，冇相，但size同之前评语啲相类近…查看更多

鸡髀配印尼捞面 $53鸡髀配小食 — 陈皮鱼蛋9粒 $47炸鸡髀超大只，皮脆肉嫩有多款调味粉可以选择，试了蜂蜜牛油、芝士、海苔椒盐、椒盐，个人认为蜂蜜牛油有惊喜其他都很好吃。吃辣的还有几款辣粉。鸡髀配印尼捞面是最邪恶的宵夜配搭。陈皮鱼蛋有咬口，配沙嗲汁很好吃。套餐连饮品，叫了柠檬茶和柠檬水（只有冻），抵食！…查看更多

「很得辉」嘅炸鸡髀我一直都好想试，但屯门店个位有啲撠，之后知道大角咀开咗分店，又无的起心肝去帮衬。既然系去大角咀揾食，咁当然要去会一会佢啦。因为之后仲有嘢要去食，所以唔食套餐及其他嘢，净系买一只炸鸡髀（$35）。落单后即时炸，需时七分钟。炸好后，可以系侧边枱自助添加调味粉（有八款），最后加咗麻辣同蜜糖牛油（芝士无哂，可惜）。炸髀唔算好大只，但炸得好靓（会用一支长竹签打直插，撑起成只鸡髀），外层脆卜卜（表面唔多炸粉/炸浆，好薄薄一层），里面肉质仍然嫩滑兼且有肉汁，而且一啲都唔油淋淋，配埋调味粉（麻辣+甜），味道不错。…查看更多

呢间小店嘅外表又旧又残，但听闻炸鸡髀好味，就嚟试试。炎炎夏日走到入嚟，居然冇咩冷气。环境就真系一般，不过为咗试美食都可以忍下嘅。炸鸡髀皮脆肉嫩多汁！个皮唔系好似一般炸鸡髀咁就咁炸个皮，而系有层面包糠。鸡髀肉唔会干，几多汁。鸡髀肉除咗嫩滑多汁之外，亦都好入味。不过size 就唔算好大。佢仲有好多调味粉俾大家加落去玩吓。其实佢个鸡髀本身就好够味，唔使加粉都好好味。不过贪新鲜贪好玩，我哋都试咗加唔同嘅粉。个人觉得香草辣似乎系最夹。海苔味就唔多夹。沙姜鸡髀本身嗌之前都惊有啲伏。但系食落去好惊喜！沙姜汁好浓味，鸡髀亦都多汁嫩滑。就算食到最后，都仲有浓郁嘅沙姜汁系个盒到。钟意沙姜味嘅朋友一定唔会失望，推介！👌🏼陈皮鱼蛋 set $47都系预期中陈皮鱼蛋嘅质感同味道，正正常常OK。:)椰汁芋圆 估唔到呢间整鸡髀嘅小店，个甜品都整得okay好味。有仙草，芋圆，红豆。芋圆都弹牙爽口。整体嚟讲，呢间小店嘅食物试咗几样都高质，诚意推介！环境：★☆☆☆☆ 食物： ★★★★★ 推介度： ★★★★★ …查看更多

唔知系咪太耐无帮衬佢，加左价，鸡脾细只左个饭都细左，唔知系咪饭鸡脾仔细只左所以炸既时间要调教一下，今次比之前食既感觉干左鞋左，不是佢都系无kfx咁干既，不过2地2人餐80蚊都系有鸡有饭有汽水仲多你葡挞，祝生意兴隆…查看更多