彩虹茶餐廳

营业中

休息中

想感受返大排檔嘅氣氛，呢間荔枝角隱世茶餐廳真係要試下！😋食物：🥩蜜椒金薯牛柳粒 (7.5/10) 牛柳粒唔會韌，咬落好嫩滑，密椒香味突出，薯仔甜甜地，配埋一齊食好正！🍆魚香茄子斑腩煲 (8/10) 茄子超級入味，吸哂啲魚香醬汁，斑腩份量大大嚿，魚肉滑溜又新鮮，超滿足！🍚 可選兩餸，包白飯，例湯和飲品 （凍飲加$3）二人份量足，食到飽晒！例湯正常～👛性價比：(7/10) 總共$168（唔使加一），兩人share好夠飽，有大排檔水準～唔錯！🌟總評： 彩虹茶餐廳晚市套餐好有大排檔風味，餸菜味道足料，份量又夠，價錢合理，啱晒朋友或家人聚餐！想搵返屋邨茶記嘅親切感，呢度絕對值得一試～下次放工想食家常飯，記得嚟試下！❤️

去完工業大廈做gym，行下附近睇下有咩嘢食，d2就成日行，行多都厭啦。一路行都係小食同快餐，餓餓地突然見到呢間茶餐廳，即刻衝入去。入到去空間都幾闊，坐落幾舒服，食咗個咖喱牛腩，完全超出預期，好好食。下次會考慮再試其他餐

夜晚路過荔枝角有少少餓了，叫上老友一齊揾好嘢食，行完d2都冇咩想食，突然見到石門食過嘅彩虹茶餐廳，問咗店員係分店。一入去，環境相較於石門店舒適，位置更大更寬，裝修都幾好，坐得好舒服。而餐單同石門有些許不同，令我很驚喜。同老友淺嘗一下，味道都好好，但值得稱讚係服務同氣氛，非常舒適，樓面店員禮貌友善，即時送上熱水熱湯，廚房出餐亦好快，唔需要等到燥，非常好！（題外話；前一晚同老友去做gym，諗住食個譚z，落完單半個鐘都未有，汽水都飲完）

午市特餐～特製蔥油豬扒抄蛋跟飯/撈麵/薯菜+例湯+熱飲 $60， 每日都有得食。 最鍾意個豬扒唔會有好多粉醃，冇雪味，肉質、味道都好，加上有唔少沙律菜拌碟，啱曬平時少菜多肉嘅人士。但注意地方有限，啲凳排到背對背密密麻麻，正常身型嘅女士坐都好勉強，呢點最攞命。 暫時我去食過幾次，次次都係去食呢個餐跟飯XD

（以前喺呢個位置間匯城執左好可惜！以前嘅奶醬多係我食過最正嘅一間。職員又好人又友善，唔知佢地而家去曬邊......希望有機會再見啦）見到新開嘅彩虹茶餐廳，裝修好光猛好醒神，感覺乾淨企理，值得一試。夜晚唔太想食飯，所以叫個常餐雞扒芝士撈麵+黑松露炒蛋+火腿+牛油多士+熱奶茶，盛惠$55，好抵食。驚喜嘅係芝士份量超多，個撈麵一啲都唔會乾，芝士味道濃，雞扒煎得香口，而且有沙律菜伴碟，好有誠意。炒蛋加左黑松露特別香，多士好似係用甜奶包做，加埋牛油去烘，甜味鹹味交織好好味。杯奶茶茶底都幾香。見到餐牌有好多選擇，下次再試下其他嘢。另外想讚一讚啲職員，都好友善，會主動提供水，溫馨提示可以QR code 落單，服務態度好好。