彩虹茶餐廳

想感受返大排档嘅气氛，呢间荔枝角隐世茶餐厅真系要试下！😋食物：🥩蜜椒金薯牛柳粒 (7.5/10) 牛柳粒唔会韧，咬落好嫩滑，密椒香味突出，薯仔甜甜地，配埋一齐食好正！🍆鱼香茄子斑腩煲 (8/10) 茄子超级入味，吸哂啲鱼香酱汁，斑腩份量大大嚿，鱼肉滑溜又新鲜，超满足！🍚 可选两𩠌，包白饭，例汤和饮品 （冻饮加$3）二人份量足，食到饱晒！例汤正常～👛性价比：(7/10) 总共$168（唔使加一），两人share好够饱，有大排档水准～唔错！🌟总评： 彩虹茶餐厅晚市套餐好有大排档风味，𩠌菜味道足料，份量又够，价钱合理，啱晒朋友或家人聚餐！想揾返屋邨茶记嘅亲切感，呢度绝对值得一试～下次放工想食家常饭，记得嚟试下！❤️…查看更多

去完工业大厦做gym，行下附近睇下有咩嘢食，d2就成日行，行多都厌啦。一路行都系小食同快餐，饿饿地突然见到呢间茶餐厅，即刻冲入去。入到去空间都几阔，坐落几舒服，食咗个咖喱牛腩，完全超出预期，好好食。下次会考虑再试其他餐…查看更多

夜晚路过荔枝角有少少饿了，叫上老友一齐揾好嘢食，行完d2都冇咩想食，突然见到石门食过嘅彩虹茶餐厅，问咗店员系分店。一入去，环境相较于石门店舒适，位置更大更宽，装修都几好，坐得好舒服。而餐单同石门有些许不同，令我很惊喜。同老友浅尝一下，味道都好好，但值得称赞系服务同气氛，非常舒适，楼面店员礼貌友善，即时送上热水热汤，厨房出餐亦好快，唔需要等到燥，非常好！（题外话；前一晚同老友去做gym，谂住食个谭z，落完单半个钟都未有，汽水都饮完）…查看更多

午市特餐～特制葱油猪扒抄蛋跟饭/捞面/薯菜+例汤+热饮 $60， 每日都有得食。 最钟意个猪扒唔会有好多粉腌，冇雪味，肉质、味道都好，加上有唔少沙律菜拌碟，啱晒平时少菜多肉嘅人士。但注意地方有限，啲凳排到背对背密密麻麻，正常身型嘅女士坐都好勉强，呢点最攞命。 暂时我去食过几次，次次都系去食呢个餐跟饭XD…查看更多

（以前喺呢个位置间汇城执左好可惜！以前嘅奶酱多系我食过最正嘅一间。职员又好人又友善，唔知佢地而家去晒边......希望有机会再见啦）见到新开嘅彩虹茶餐厅，装修好光猛好醒神，感觉干净企理，值得一试。夜晚唔太想食饭，所以叫个常餐鸡扒芝士捞面+黑松露炒蛋+火腿+牛油多士+热奶茶，盛惠$55，好抵食。惊喜嘅系芝士份量超多，个捞面一啲都唔会干，芝士味道浓，鸡扒煎得香口，而且有沙律菜伴碟，好有诚意。炒蛋加左黑松露特别香，多士好似系用甜奶包做，加埋牛油去烘，甜味咸味交织好好味。杯奶茶茶底都几香。见到餐牌有好多选择，下次再试下其他嘢。另外想赞一赞啲职员，都好友善，会主动提供水，温馨提示可以QR code 落单，服务态度好好。…查看更多