彩虹茶餐廳

营业中

休息中

繁忙時間入到間鋪頭，即刻有員工幫我安排座位，又唔追你點餐，服務非常友善，上餐速度都好快，菜品味道好好，又唔貴，cp值幾高。見到有人叫午餐嘅咖喱牛腩同常餐嘅撈麵，望落都幾好食，下次會試試。

閒暇時光，總愛鑽進街角的茶餐廳，尋覓那份獨特的港味情懷。這次也不例外，邂逅了兩款讓人難忘的吐司。 先上桌的是法式吐司。輕輕咬上一口，那酥脆的外層在齒間發出「咔嚓」聲響，而內裡卻柔軟得如同雲朵，奶油的香濃與麵包的麥香交纏，再配上旁邊新鮮的生菜和小番茄，清爽解膩。 緊接著，火腿蛋吐司登場。烤得金黃的吐司片，夾著厚實的炒蛋和火腿，樸實又紮實。拿起它，還能聞到淡淡的烘烤香氣。一口咬下去，吐司的焦香、炒蛋的嫩滑、火腿的鹹香依次在口中綻放，簡單的食材，卻被茶餐廳的師傅搭配出了驚喜的味道。 在這間茶餐廳，這兩款吐司，讓我在熟悉的味道裡，再次領略到茶餐廳的獨特魅力。

經過不下20次的光顧這店，每次用歺後均感覺滿意。日常職工們會自動相互替補工作，招呼客人也很熱誠有禮，環境及衛生也見理想，食品亦可口美味，多元化可供選擇，價錢又相宜，值得推介。

分別在這裏吃過早餐午後和下午茶這裏下午茶除了有菠蘿油熱狗西多士還有瑞士雞翼和其他選擇大都配一個黑松露蛋沙律可另選薯角飲品有忌廉紅豆奶茶類忌廉厚厚的不像一般紅豆冰快溶掉推介

即係唔係唔肯等，但係要返工呀嘛大佬，咁喺商業區朝頭早買個早餐要我等10幾分鐘，你究竟想唔想做生意㗎？問吓你仲要惡過我…..五香肉丁煎蛋麵就不過不失啦，都係罐頭五香肉丁，咁嘅出品真係唔值得我為你遲到

週末無嘢做，晨早行咗成粒鐘，行下行下就去到石門。見呢間新新地嘅茶餐廳就入去。早餐供應至11點半，我叫咗仿鮑片火腿通粉配煎雙蛋、多士及熱杏霜。 通粉嘅湯底甜得過份，諗住清清地食通粉都未必得。仿鮑片有4-5片，火腿片多啲，通粉份量同口感正常。多士夠脆，不過又係偏甜，但尚可接受(可能入貨入咗啲甜度高嘅包?)，煎蛋火喉啱啱好，但就唔係脆邊。杏霜正常，夠熱。 整體不過不失，希望湯底可以減甜，大家都可以食得食淡啲。

【沙田區】【彩虹茶餐廳】又返返我居住嘅沙田區，去得石門食嘢就好大機會係同喺 1am1188 同 1am1425 都出現過嘅東尼哥食。佢係我人生嘅一名益友嚟，真係帶畀我唔少正面嘅能量同衝擊，今次食飯亦都係佢幫我買首日封，要交收返啲嘢所以先促成，每次佢都非常盡責咁完成。佢叫咗個是日午餐，係 $58 嘅「粟米魚柳海鮮焗飯」，加 $3 飲凍「香濃咖啡」少冰。上菜嗰陣睇個樣都整得唔錯，食落佢話都 okay。而凍咖啡呢家嘢，佢就真係飲開，就冇乜感覺咁話。順帶一提，我喺公司飲嘅掛耳式咖啡，全部都係東尼哥送嘅，好掂。講返呢餐啦，我自己食乜都未講。我就食常餐，揀咗 $55 嘅「香煎雞扒芝士撈公仔麵」配「黑松露火腿炒蛋」，加 $5 配「丹麥酥」，加 $3 飲「凍鴛鴦」。成個餐中規中矩，芝士撈麵都唔差，價錢合理，冇咩好挑剔。埋單 $124，兩位食個午飯委實唔貴。。。（地址：沙田石門安群街3號京瑞廣場1期地下G19號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delici

第一次來彩虹茶餐廳，平常也會點雙拼公仔麵早餐、今日約了朋友、一起品嚐一份豐富歐陸早餐、豬扒紐約香腸黃豆西式早餐！嘩、份量充足、味道也不錯👍🏻，價錢合適！多士熱呼呼、鬆脆、新鮮！

沙田石門又有新餐廳了。這一次，出現的，又是大眾化的茶餐廳。名字叫《彩虹茶餐廳》 。同昔日位於新浦崗的同名茶餐廳有沒有關係呢? 咁就沒有去問個究竟。如果係，我相信佢都會 sell 情懷，會講到明既。唔理任何真實及假設了，入去試下好唔好食，才是最重要既事。這店一開業，已經立即成為小區內的人氣食店。一個人來，算是比較容易搭檯快趣食一餐的。而那天，我就選了午餐餐牌上的柱候牛筋腩飯。柱候牛腩，絕對是伴飯吃的佳品。濃濃，充滿了牛肉香同五香粉味道的醬汁，可以說是柱候牛腩的精神所在。我更可以說，腩汁淋過的飯，才是這一個碟頭飯的真正主角。第二次來，我在午餐餐牌看見干炒牛河啊。色澤均勻，味道也是均勻的，牛肉香，醬油香，而醬油亦深深地附上河粉同牛肉之上，再加上牛河有足夠既鑊氣，令到這一份午餐，又香又味道濃郁，感覺就是妙極了。用得上黑白淡奶的專用杯子，早已經令人 feel 得到，沖出來的奶茶必定是佳品。而《彩虹茶餐廳》的一杯奶茶並沒有令我失望，濃香滑俱全。食品出品有水準的茶餐廳，自然會多人捧場。我經過此店的門口多次，發現到此店的賓客的確是多，中午一定排長龍，事實證明，這是一間好味的的餐廳。

由於男同事PH噚日幫咗我忙，所以決定今日（20-6-2024 Thur）請佢食晏，佢冇揀邊間，我就發現呢間新嘢，女同事SL話呢日OK嘅，於是就試呢間，由於聽聞多人等位，於是早啲出嚟，嚟到時有人龍，我哋都照等啦，等咗10分鐘就有得搭枱，由於我哋等位時已經睇定menu，所以好快就可以落單，不過冇俾QE code我哋，所以人手落單。我哋都要$58.00嘅常餐，PH要瑞士汁雞翼撈公仔麵，加$3.00要凍檸茶。我要雞扒芝士撈公仔麵，加$3.00要凍奶茶。冇耐，黑松露火腿嫩滑炒蛋跟牛油多士到嚟，而兩杯飲品都到咗。先飲吓凍奶茶，茶味淡，成杯嘢都唔太甜。2分然後食黑松露火腿嫩滑炒蛋跟牛油多士，黑松露嫩滑炒蛋真係嫩滑同juicy；火腿薄切，正常冇問題；牛油多士都係薄，但牛油塗得好夠，好香，不過唔係話好脆。3.5分之後PH嘅瑞士汁雞翼撈公仔麵到嚟，睇見有4隻雞翼。而我嘅雞扒芝士撈公仔麵好耐至到，雞扒厚度正常，好熱，食刊美極嘅味道；芝士撈公仔麵撈得好勻循 ，不過都凍凍地喇，但口感正常。沙律菜份量都OK，不過完全冇落醋或麻醬，但算啦，呢個價錢都啱嘅。4.25分食完後，睇見PH啲雞翼骨重有紅色，熟唔透。服務：唔

新開茶餐廳 估唔到有驚喜😍係呢間新開業的茶餐廳用餐,體驗相當不錯。我同老公點左咖喱魚柳飯和老干媽炒米粉,兩道菜式的質素都不錯。😋😋😋咖喱魚柳飯的魚肉鮮嫩多汁,咖喱醬汁濃郁醇厚。老干媽炒米粉清新爽口,米粉Q彈可口,又足料，大件夾抵食。另外，服務態度也很友善主動，而家既茶餐廳有咁好既服務真係買少見少。平時去親啲茶餐廳都要食到好急，催你快d 食完快d 走咁。🫢下次有機會再來,定會繼續支持。👍🏻👍🏻👍🏻