彩翠軒海鮮酒家(餐廳) (裝修中)

當晚我光顧該店的2小時點心放題，放題分為非任食一次性的小菜，以及任食的點心。我晚上7時正入座，當時已立即向職員示意可以上菜（非任食部分），但到了7:34才有其中2份食物（總共應該有6份食物），之後再等到8:04才有另外4份食物，明顯是故意拖延時間，正常的任食放題根本不可能入座後超過一小時才上菜。而任食的點心方面就更加離譜，於8:15才有4項點心送上，但我總共點了7項點心，再追問後，職員叫我們重新落單，我於8:30重新落單，總共點了5項點心，要等到8:56才再送上2項點心，然後9:00才再送上1項點心，結果仍然有1項點心沒有送上。亦即是說，由我7:00入座，足足等了1小時15分鐘才有點心送上，而且遺漏了一半之多，明顯不符合「任食」的原則，因為在入座後的超過1小時15分鐘（整個放題限時2小時），我完全沒有享用到任何任食的點心。…查看更多

咁多款海鮮之中，鮑魚俾人嘅感覺都係貴價啲，但比我搵到間又平又好食嘅海鮮酒樓🤩🤩總括嚟講 平！靚！正！平成點？$138成煲上，仲配埋杯Miyasaka純米吟釀，夠唔夠平？未夠！一煲仲有4隻鮑魚🤤兩個人share，每人兩隻！OMG鮑魚刷乾淨，用京蔥爆香幾入味，石煲上菜保持住個餘溫，香氣十足，質素仲要好唔錯！清酒有助提升到鮑魚嘅鮮味，估唔到係呢間酒樓都食到咁樣嘅配搭👍🏻非常創新店員有禮，會問吓你好唔好食呀，覺得點呀，好似熟客咁☺️…查看更多

大家有冇睇「魷魚遊戲 Squid Game」🤩🤩一晚就追晒 好顛煲劇上癮上到早排去餐廳食飯，一見到魷魚就要叫😀😀膽固醇就快超標喇！！撞正有埋promotion，叫魷魚配埋杯清酒🍶$108食《七味椒鹽鮮魷配風之森807山》🔎呢道菜絕對係酒家或大排檔中，一定經常見到嘅皇牌菜式。🦑炸至金黃鬆脆，仲加埋炸蒜、椒鹽一齊炒，令人即刻流口水🤤份量都幾大下，價錢好抵食。配埋一杯清酒提鮮更加不！得！了！碰碰杯🥂雖然去到最後都唔係好明點解會叫魷魚遊戲，不過冇礙椒鹽鮮魷嘅美味😆🥢…查看更多

大家約好咗一齊食埋飯再上去佢度玩通宵🌚🌝🌝附近冇咩食肆 就腳落左樓下呢間酒樓叫吓小菜小炒食 點知水準唔錯喎 價錢又抵 係點方唔就腳 應該都係做附近熟客仔同居民生意為主🥢$148 剝椒蒸班頭腩 呢道菜搞緊活動配埋清酒 🍶燦然 香り純米雄町 生原酒🐟大家都愛食魚 叫咗個超開胃嘅剁椒蒸班頭腩 辣得一個爽字蒸斑頭腩火候剛好 魚肉好滑溜 個汁用黎撈飯又香又好味😋清酒味道淡身 平行到剁椒濃烈嘅感覺 尾段清爽🌪埋單人均$100多啲 嗰晚上到去玩到通宵 大家第二日仲有番工 有感年輕不再🤣…查看更多

人情味酒家中式酒樓嘅賣點，招呼好，人情味濃厚，這裡雖然裝修普通，設施較舊，但勝在地方夠大，食物可以，價錢超值☺️☺️好平民化的感覺， 部長好細心，好緊張出品，會同食客吹下水，叫比下意見 ，值得介紹。叫得做海鮮酒家，點可以少咗海鮮做主角！大家估吓喺呢度食鮑魚要幾多錢？餐廳新出咗個配搭優惠，大家唔好嚇親😱京蔥爆鮑魚講緊係$138這個優惠還跟埋一杯清酒MIYASAKA美山錦純米吟釀❣️重點係，仲要有4隻鮑魚😱😱😱😱我都比番4個驚嚇🙀🙀🙀🙀煲仔上菜，京蔥爆香後放埋其他材料一齊煮鮑魚，簡單調味都夠滋味。鮑魚算淋身，入味，咁嘅價錢咁嘅出品我已經覺得超值💯💯清酒飲落有少少菌類嘅味道，同先好㗎，尤其係鮑魚👍🏻成晚食得好開心🥳…查看更多

屋邨酒家深度遊今次嚟到另一間屋村酒家，彩翠軒！價錢相宜、味道不錯，如果人手可以再添加少少就最好。地方都幾大，經濟又實惠。我最鍾意食嘅就係椒鹽鮮魷，呢度仲要係七味椒鹽鮮魷🤩味道更濃郁🤤非常非常惹味！🦑🦑🦑🦑🦑🦑炸粉唔算厚身，而且鮮魷份量係超多，配埋一杯清酒都係$108😍我真係差唔多自己一個人食晒成碟😂風之森804山田錦純米酒酒體清新微香，襯埋鮮魷就更加鮮甜地點雖然唔算就腳，但係我自己覺得性價比好高。…查看更多

每個屋村附近都一定有間深入民心嘅酒樓，黃大仙要揀嘅話，就可能會喺呢一間彩翠軒。通常屋企人唔想煮餸嘅時候就會過嚟叫餸食飯🙂我最鍾意食魚！呢份剝椒蒸班頭腩好正！！睇落成碟都係辣椒🌶️但其實又唔會好辣，主要係食佢嘅香味😋班頭腩油脂味較重，魚肉分量多。配埋一杯清酒飲，呢杯係燦然香 純米雄町 生原酒，口味偏甘，中和番剝椒嘅濃烈味道，又有昆提升魚肉鮮味，好感清爽🤩價錢都係$148，叫兩碗白飯都夠兩三個人食😛…查看更多

一個超唔好既經歷呢間酒家啲點心算唔錯既，但如果要來臨嗰度食既話建議大家坐起啲唔當眼既地方會比較好。今日同屋企人4人同檯飲茶既時候，食食下突然有個呀叔企定定望住我地呢檯，郁都唔郁咁望住我地。我地心知不妙，但無職員走過黎幫我地，只係望住我地嗰檯，我地諗可能呢位呀叔肚餓，但無錢買野食，所以見我地成檯都係野食就企左起度等我地俾野食佢。我婆婆就好心地俾左2籠野食俾佢，跟住好死唔死個職員又擺低多一籠點心，佢又繼續企起度想要埋嗰一籠，我地結果都俾埋嗰籠點心佢，佢先肯走。成個過程啲職員係無走過黎幫過手，完左呢件事之後都無職員走過黎問候過我地或者重整番啲點心俾我地，我媽都叫我唔好投訴，當自己唔好彩就算。埋單既時候當然無扣番數啦，我地已經無唒食慾，淨係想快啲食完即刻走。如果真係想食呢家店既食物，建議外賣就算啦，堂食我真係建議不了。以後都唔會再黎。…查看更多

訂外賣付錢後不送食物，等極都話一分鐘後，打電話去問，聽電話的女職員叫僱客檢討，cut線，打返去追退錢，長掛電話，到我寫呢個評論時，見到網上仲落到單，揾到個老闆要求嗰個女職員道歉時，個女職員仲死撐，龜縮，唔認自己有講過，再cut線，再長掛電話，大家小心…查看更多

幾乎每個月都有🎾朋友生日，近這幾次，我們都在 彩翠軒 擺一圍。莫經理每次都給我們安排最好的，廚師 文哥每次都給我們用心的烹調美食，所以我們每次都食到！招呼方面，店內的 首席女侍應－阿𡞵 真的招呼周到！每次她也會熱情地招待我們。其他的服務員待客有禮，真的值得一讚！當你見到有位較年輕的男士在周圍走上菜、執枱時，別以為他是打雜呀！其實他是此店的 太子！太子都親力親為工作，所以每次到這店，真的有回家的感覺！…查看更多

光顧這間酒家只有3個月，但在這3個月內，我們在下午茶、晚飯，甚至搞慶生party都試過，每次的味道和收費都沒有令我們失望！下午茶的特價孖寶點心價錢便宜，但味道就沒有減少，全部即叫即蒸，真的美味！假日如果太晏才去，美味的腸粉、糯米雞等或許會售罄！晚市的套餐超抵食！例湯不是坊間的例水，真材實料，味道濃郁，喝罷不會有口渴的感覺，所以是完全零味精的！除了例湯，還可以選魚肚羮，但我就只喜歡這些明火例湯！燒味可選：燒腩或燒味雙拼或乳鴿兩隻（加$30），還有自選小菜三款，平日收$338，假期便要加$30。全部即4餸1湯，呢個價錢真的超值！這酒家還有房可供訂用，有 k唱，有麻雀打，現在坊間的食肆真的少有這些設備！我試過自選小菜，例如：南乳吊燒鱔、吉列班塊、潮式凍蟹、大蝦沙律等，全部都十分十分美味！最緊要收費合理，招呼周到！…查看更多