影片
<晚饭小菜之选>虽然大埔呢间彩福已经开咗好一段日子，但作为土生土长既大埔人，我地都系第一次黎食野。入到酒楼，新装修既环境好新净，好光猛，感觉唔错。菜牌有好多小菜，烧味，套餐组合。野食方面，我地点咗个片皮鸭二食，因为平时比较少机会食到。烧鸭原只黎到我地面前，服务员即场将烧鸭皮一片一片地切岀。剩余嘅就会用来制作凉瓜炆鸭件。片皮鸭配埋酱同京葱卷起一齐食，皮连著一少层鸭肉，非常juicy 又美味。另外比较喜欢嘅菜肴系怀旧金奖叉烧，一向都好钟意食叉烧，但唔系度度都整得好食。呢度整得几有水准，香口之余，肥瘦均匀，酱汁好味又够多。总体来说，几款小菜都颇有水准，下次放假又可以同屋企人黎饮下茶，试埋呢度嘅点心睇下系咪都系咁得先🤗🤗
继续阅读
彩福国宴大埔店， 嚟到大埔同朋友一行四人，入到嚟揾到呢间酒楼，早前食过别家分店都唔错，心思思又再嚟食，要嘅嘢都系差唔多，不过呢个服务同𠮶间就有啲唔同啦可能大埔区人流少，服务都好随便好多。皮鸭一食皮脆肉香，早前食过，忍唔住再叫多次，依然系咁好味，因为冷气过冻，直到后三几块的油腻了。 所以就食唔晒要攞个盒攞走喇!栗子淮山鸡煲点送𠮶个专食栗子，我都系食得𠮶一两粒，可想然之呢个鸡煲，都好受欢迎，啲鸡配料都系一样，冇晒!都系得番啲酱汁。樱花虾xo酱花生苗露笋炒虾松呢碟𩠌本呢真系冇乜问题嘅，问题就出现咗一啲好大条嘅芽菜，皮奀肉厚，虽然咬落都唔算好难食，但系基因改造嘅感觉实系太大喇! 所以食两食都冇乜特别再食，朋友就食晒佢，我就系食晒其他嘢配料啰，味道都算唔错嘅!跟住甜品就整咗两个椰皇炖官燕，同埋一个金箔芝麻卷 。官燕唔讲大家都知佢点，椰皇先系我嘅强项，食亲呢味嘢，连入面的幼嫩椰肉都括埋嚟食，要食椰肉真系有程序㗎!不过呢个程序我就唔会公开话畀大家知啦!埋单800有找跟住畀埋贴士。
继续阅读
今日同屋企人庆祝生日，我负责订枱揾食。为咗符合大家口味，最后都系决定揾间酒楼食晚饭。之前经过彩福见到都有好多特色小菜选择，就拣咗呢间。片皮鸭二食大家见到都话想食，而且可一鸭两食，都值得一试。第二食我地拣咗用凉瓜炆，都好大碟，又好食。酒香腰虾蒸蛋有淡淡酒香嘅蒸蛋，几特别。蒸蛋十分嫩滑！怀旧金奖叉烧烧得好香，特别系少少㶶果d位好正，肥瘦肉比例正合我心意啫啫虾干通菜梗原来真系得梗无叶，第一次食呢个菜式。个汁同虾干好香好惹味，通菜梗几爽口。秘制无锡骨煲份量都几足，酸酸甜甜又啖啖肉，屋企人个个都赞好食！
继续阅读
好朋友月尾快要回加拿大了，便约了欢聚下，食过晚饭就一定啦！由于他住大埔，便去了附近”彩福喜宴”食晚饭了，大埔呢间都算几宽敞下，环境好光猛，可能是闲日，人客不算太多，我们坐下感觉好舒服自在，又唔嘈吵，朋友话很喜欢食片皮鸭，好几年无食了，咁就一定要叫啦！最紧要开心吖马，虽然上星期我在令一间已食过😂😂原来片皮鸭的味力好强呢？片皮鸭(一食)$180只鸭好肥美，肉汁够嫩滑，好大只，朋友食得好开心栗子淮山鸡煲$93好多栗子配埋新鲜淮山鸡肉又多， 好有镬气啊！樱花虾xo酱花生苗芦笋炒虾酥$88配搭很特别 ，花生苗味道似牙菜 ，好爽口清蒸沙巴龙趸斑$148 侍应生话有1斤2卖相条鱼细条咗少少，鱼肉很滑新鲜，不过我哋四个人食都啱啱好原个椰皇炖燕窝2个$90之前享另一间分店食过，太好味了，嚟到当然要叫返个食啦！水准都差唔多 。金箔芝麻卷(六件)$18
继续阅读
通常如果同屋企人食饭第一时间都会拣食中菜，因为D地方通常可以容纳一大班人食饭，又可以开心share今次拣呢度系因为见啲小菜唔贵，而且环境都舒服好多精选特价小菜有好多两宝三宝嘅配搭，价钱唔贵又可以试多几款菜呢个系彩福招牌小炒王虾干大大只，又有带子、腰果同菜，好抵食烧汁松子绣球珍菌炒花姿柳呢个屋企人钟意食，因为清清哋又多蔬菜，花姿柳又爽口瑶柱蛋白炒饭呢个又系好健康，因为加咗啲豆角去炒，又有瑶柱味，够香好好味我最钟意食呢个片皮鸭，因为有皮有肉够味道，加埋大葱红同青瓜真系好好味开头以为系片埋出嚟，点知原来推埋只鸭出嚟即刻切畀我哋食见到只鸭大大只唔好嘥，叫咗两食可以跟凉瓜或者茄子清蒸沙巴龙趸斑佢写明系一斤二，成条鱼好够肉地，啖啖肉又够滑要赞下啲楼面姨姨态度好好， 食完又会主动帮我哋收碟
继续阅读