強記小食

营业中

休息中

強記小食，魚蛋ok，燒賣真心唔好食，職員態度就同現今香港的士業有得媲美咁親切，可能係學左五条悟老師嘅「無下限術式」，態度一樣「無下限」話說今日2024年5月28日放工經過買左一串魚蛋一串燒賣醫肚，串燒賣阿姐拎俾我時求求其其浸佢桶豉油，攪到最後一粒浸唔到仲係白晒晒，我望左佢枱面又無額外豉油樽比我補飛，唯有打算好似阿姐咁成串快快手再浸浸個豉油桶加啲色，依個時候入面睇場個金髮中年一個隔手用力推開我隻手，再用一把叫你過住聲線講左句「你當自己屋企牙？要就開聲啦！」，拿，行過路過仲要後巷舖污污糟糟嘅地方食串魚蛋燒賣，本來就都預左俾啲下等服務架喇，甚至乎粗聲氣啲對我講句「唔好自己浸豉油」我都好OK，始終每檔街邊檔都運作唔到，不過當你選擇同啲客激情交流，鬧啲客話我當左佢檔污糟邋遢嘅巷仔魚蛋檔係自己屋企就真係「江華JPEG」對自己太有自信喇，，阿老哥你仲要著住件寫住大大隻中文字「多多指教」嘅Tee開工，我都覺得你好有喜感🙃係呀我係話你呀，金髮中年，開工鬧客呢就真係無問題架，做香港飲食業有邊個唔係一路用一幅「食定唔食唔食就咪食快啲過住咪阻住晒我吉住間舖無生意咁玩手機」嘅面口對客，一路又鬧啲香港人唔消費啲客

一直以來都好鍾意食強記，啲燒賣入味而且沙嗲醬好食，但係前幾日去的服務體驗奇差，無端端俾人鬧咗一餐，因為對方冇問我要咩汁就比唔辣嘅，但咁啱我想要沙嗲醬，諗住補錢買多串但無故俾對方串，話教我點樣講嘢：(，but⋯⋯我係消費者，又黑面。雖很好吃，但因服務態度緣故也不會再光顧了。（利申一肚子氣所以唔記得影相）

呢間喺後巷嘅小店每日都見到好多人排隊聽聞佢嘅辣醬好好食✨⇢🍢 山竹牛肉 $13呢款牛肉球質感好厚實好彈牙唔會好似酒樓嗰種牛肉球咁淋每粒都好大粒 食一串都幾夠飽記得要落辣醬 惹味好多🌶️⇢ 見到好多人都會叫燒賣魚蛋有機會可以再試埋呢2款🤎❀ 食物：8/10❀ 性價比：8/10❀ 環境：-/10

平時經過勁多人排隊，今日見人不太多就排下隊， 買咗咖哩燒賣同魚蛋各一串共$16，如果鍾意食辣,佢個辣真係可以食到嘴唇麻痺呀😆， 個人認為燒賣幾好食嘅，幾彈牙😋，但魚蛋就唔得啦太細粒，無咩質感🥲。 下次試下其他嘢先

由讀書開始，最鍾意搭完小巴，或者上巴士返屋企之前，嚟到呢一間後巷嘅小食店，叫返一串燒賣魚蛋！佢嘅秘製醬汁，就係超級入味，陳皮魚蛋出色到，真係喺其他地方都食唔到！反而燒賣就比較普通，不過都好食！總之魚蛋，千祈唔好錯過

呢間小食店係葵芳開咗咁多年都屹立不倒係有原因㗎！因為佢嘅辣醬真係超好味😋大家嗌野食記得要同佢講要辣🤤不過留意翻佢嘅辣係比較偏辣嘅🥵但佢嘅辣係會令你食唔停😋建議大家買定野飲去食😂喺葵芳地鐵站一出嚟右轉入後巷你就會見到好多人企係花叢前面食嘢勁推薦大家食佢嘅👇🏻📌咖喱魚蛋$8佢係陳皮魚蛋嚟煮得啱啱好勁彈牙🤤本身我個人唔係好鐘意食魚蛋，但佢哩間嘅陳皮魚蛋係我每次嚟都會嗌嘅！記得要辣！🧀🧀🧀🧀📌山竹牛肉$13佢哩款牛肉球夠厚實唔會軟冧冧都係比較彈牙我鐘意😋 而且食落係有牛味👍🏻記得要辣！🧀🧀🧀🧀📌香腸$4反而覺得佢腸仔整得太冧🤔不過價錢唔貴都可以試😆記得要辣！🧀🧀🧀重要野要講多幾次，記得要辣！因為佢嘅辣真係好好味🤤

長期排長龍嘅小食店，叫咗牛柏葉、陳皮魚蛋和燒賣。💜啱啱試嘅辣味牛柏葉真係辣得驚艷！牛柏葉夠爽，每一片都滲透住香辣誘人嘅調味。辣椒醬同牛柏葉嘅結合簡直係完美，一啖辣味同牛柏葉同時襲來，令人欲罷不能對於愛辣食嘅人嚟講，呢道菜絕對係一個火辣又滿足嘅選擇，絕對係辣味控必試之選！💜辣味陳皮魚蛋真係驚喜！魚蛋Q彈，沾滿香辣醬，入口即化，辣味刺激又不失滋味。陳皮香氣融合魚蛋，呈現獨特風味。魚蛋外脆內嫩，辣勁迅速彈開，令人上癮。這道小吃絕對是辣味愛好者的美味選擇，每一口都充滿濃烈的香辣滋味，令人回味不已。💜呢度嘅燒賣應該都係自己製作，比坊間食到嘅大粒，質地煙韌，食得出魚肉香味，如果唔加辣汁的話有啲普通。

燒賣凍冰冰，又硬！所謂人氣牛肉球也是凍冰冰的，質素可否好一點？完全得個做字，無用心做試過唔少野，除左腿蛋三文治接受得到，味道、溫度也算可以其他也是奇差的！起初以為是恰巧那次的不幸，再給機會試多次，結果也是一樣。完全不推介這間小食店

昨天去開葵芳， 見到好多人在掃街， 見到呢間店有些人在篤魚蛋， 就試吓。 行埋去， 個店員就好不禮貌說： 要乜呀！ 重點係， 那時候是冇乜客人， 佢嘅態度同表情完全唔似做生意咁。 算喇， 叫左一串魚蛋及燒賣。 佢啲辣醬好似泰式辣醬咁， 唔似正宗港式口味， 另外重點嚟喇， 唔夠熱。 雖然加起來只是$16， 真係100%中伏， 見知去葵廣掃街仲好， 一定冇下次！

要的魚蛋，給了燒麥，實在是無語=_=買的時候排在前面的母子應該是第一次幫襯，欲拿走放成品的盤子被那個老女人串，兩個年輕的職員就在一邊笑，估計是這樣搞錯了我的訂單。味道還可以，價格不貴，街邊檔不用服務但那麼無品，下次再去葵芳，會選擇廣場上的其他店。

葵芳嘅辣味挑戰：燒賣同魚蛋，一個字辣！鍾意挑戰辣嘅朋友可以試試如果你係一個鍾意挑戰辣味嘅朋友，我好推薦你去葵芳試試佢哋嘅燒賣同魚蛋。呢兩樣嘢都以佢哋嘅辣度出名，絕對可以令你嘅味蕾受到前所未有嘅刺激。不過，要準備好迎接呢個辣味挑戰，因為一旦試過，你就難以忘記。燒賣以佢獨特嘅辣味出名。一口咬落去，你會即刻感受到辣椒嘅火辣滋味，佢即刻喚醒你嘅味蕾。燒賣本身亦好好食，肉質鮮嫩多汁，加上辣椒嘅刺激，帶比你一種辣而唔失美味嘅感覺。如果你敢挑戰辣度，呢款燒賣絕對可以帶比你一場辣味盛宴。魚蛋亦以佢驚人嘅辣度而聞名，係辣味愛好者嘅最愛。每一粒魚蛋都充滿咗辣椒嘅香氣同辣味，一咬落去，辣椒嘅辣勁即刻爆發，令你感受到極致嘅辣味。雖然辣度高，但魚蛋本身嘅口感都好唔錯，陳皮味亦夠，每一口都帶比你極度嘅辣味享受。如果你係一個勇敢嘅辣食愛好者，呢度嘅魚蛋就係一個絕佳嘅選擇。

態度惡劣十問九唔應 問佢幾錢又唔講 亂收錢又囂張 問多次幾錢又唔知係度笑咩 真係貼錢買難受邊個話魚旦世一？ 佢啲辣汁唔算特別 好多咖喱魚蛋啲汁仲香 真係食碗車仔麵啲送好過食佢陳皮魚旦好多地方都好食過佢好多車仔麵 腸粉魚旦都有用陳皮魚蛋 全部都整得好食過佢 葵芳都好多好嘢食，唔需要揀佢牛肉好食？完全唔覺 唔好再吹噓呢間嘢好心佢做生意就唔好做到咁啦 如果你啲嘢食真係100分完美 你態度咁衰我都明白 不過唔係囉真係食求其食一間良心小食仲好啦

強記小食呢間「強記小食」喺葵芳已經開咗好耐，好似都有接近20年，葵芳嘅街坊一定唔陌生，暫時我覺得咁多年口味不變，辣到都不變，非常正！1.辣牛肉球$13（9/10）牛肉球粒粒都好大粒，一共有3大粒，辣汁唔稀，有好多辣椒籽，食完辣度會停留口腔內最少5分鐘，夠哂辣，好過癮！個人口味總評分：9/10地址：葵芳港鐵葵芳站D出口Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#強記小食 #葵芳美食 #葵芳好去處 #葵芳 #強記小食 #掃街 #香港探店 #香港美食 #相機食先 #hkfoodie #hkfoodblogger #hkfoodpic #hkfoods #852food #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelc

黎到葵芳，掃街是必須的( ´ ▽ ` )ﾉ雖然葵芳有咁多好味既小食，但每次黎我都一定第一間食呢間強記小食。佢唔係係d商場入面，而係地鐵站一出既一條走廊度。每次黎都一定大排長龍🫡佢既魚蛋係我最愛既陳皮魚蛋，粒粒都好有咬口🤤🤤🤤而且佢d咖哩汁真係好野味，講起又想食🥺🥺🥺燒賣煙煙韌韌，唔係咬落去成舊粉個d，加埋佢d豉油，真係好好食🫶🏻🫶🏻🫶🏻之前黎成日見佢冇開門，原來星期日唔開嫁，大家要留意👀

大隻仔今次覓食嘅店舖就係💥 強記小食 💥 大隻仔今日終於有機會試食魚蛋關注組長期第一名人氣王「強記小食」嘅咖喱陳皮魚蛋，當日大概下午3:30，講真食完，大隻仔真係有少少失望，冇想像中咁好食，甚至乎覺得唔太好食。🥲🥲⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️抵食 ⭐️⭐️⭐️服務 ⭐️⭐️⭐️環境 ⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 咖喱陳皮魚蛋 $8 六粒陳皮魚蛋好細粒，帶有輕微嘅陳皮味，但好似未煮熟咁，食落好似擦子膠，魚蛋外皮比較韌，要用啲牙力先可以咬開。反而，咖哩汁味道不錯，但都幾辣。🔥 山竹牛肉 $13 三粒山竹牛肉比咖喱魚蛋好食好多，牛肉球冇蒸過火，肉質唔會糊口，帶少少煙韌，食落口感不錯。最出色係個豉油，甜甜地，似甜味嘅滷水汁，同山竹牛肉球味道幾夾，幾好食。