強記小廚

营业中

休息中

同朋友行完山後朋友帶左我黎依度食估唔到都幾滿座我地都點左好多餸其中「蛋包珍珠帶子」出面都好少食到帶子好似珍珠咁一粒粒不過如果再濃味啲就更好另外佢個蠔餅真係好抵六十幾蚊又炸得大塊又鬆脆而且入面都有好多蠔值得推介

看完食評的介紹才特意一伙兒過來吃，這裡款式很多，有小菜、串燒、羊煲等等。我們一行4人，一心打算吃一些鑊氣小菜，可惜整晚失望而回，由於吃得不太滿足，我們還要轉場多吃一些滿足下舌頭。未試過食一間店，由頭食到尾都沒有碟覺得滿意，每碟都不及格。生燒金烏頭 $70我很喜歡吃魚的，但仍覺得這條魚腥味很重。鹽燒調味不夠，亦吃不出燒過你焦香味。金蒜金古啫花甲 $70花甲不鮮且乾身強記小炒王 $70幾碟之中，味道最正常的一碟，但都是沒有鑊氣。煎蠔餅 $70蠔大粒，但數量不多，只是炸粉餅又多又大，每吃啖，心裡好想即時去廟街食蠔餅。子蘿雞柳 $80都是一樣啦，沒有鑊氣的小菜，好似醬撈咕嚕肉。

嚟呢間貪係旺角區又可慢慢坐唔焗促夠鑊氣價錢又合理呢度有多款前菜、中菜、特式菜、甚至泰式生蝦都有叫咗拍蒜青瓜醒醒胃，好香蒜味，個汁好濃，酸中帶辣好開胃再叫香囗嘢-椒鹽脆豆腐同窩貼小棠菜，豆腐正常唔會太咸、乾身，椒鹽夠多爆得夠香窩貼小棠菜係墨魚膠mix小棠菜再煎香，唔太油，啖啖墨魚彈身夾雜一粒粒小棠菜，口感唔錯，點喼汁好夾，唔滯，一碟兩個人好快K.O曬呢幾樣送啤酒一流🍻唔夠飽叫多個-荷葉杞紅蒸雞！賣相都ok，份量望落有D少，茨汁較濃略帶杞子甜味，未必人人接受，雞件都算滑身，整體味道正常，過得去。今晚呢餐算抵食，質數ok! 合理

來到看見是第二張枱，便等位。等了差不多成個鐘位，下一張到時，服務員打佔給了後來的客人，差勁！不想一肚氣，建議不來這吃，不是等到一肚氣便是勞氣！之前食過，食物Ok但吃了也不消化！最終不再等走了！服務態度是重要的一環，以後也不 想再來等位眼見後來很多人也走了。BAD!

尋晚同屋企人去咗旺角食飯，其實呢兩三年來都幫襯過呢間強記好多次，一直水準都keep到，所以間唔中都會嚟食晚飯尋晚我地叫咗五樣嘢，包括：柚子焗肉排、蛋包珍珠帶子、水雲蠔泡時蔬、紅棗雲耳蒸雞同埋胡椒花甲湯浸粉絲。柚子焗肉排味道酸酸甜甜，肉排唔會焗得太乾，本身肉又肥瘦適中，食落啖啖肉送飯好正。蛋包珍珠帶子我就嫌多蔥咗少少，蔥亦唔係深綠色嘅蔥，草青味太強有少少搶咗帶子味。不過蛋都整得幾滑，唔錯啦！我好鍾意食呢到個水雲蠔泡時蔬，d蠔新鮮得嚟又算大隻，而且用魚湯浸住d白菜仔，好味又健康！紅棗雲耳蒸雞放係荷葉上面蒸，但係荷葉味唔會過重，雞好滑，有淡淡蒜香味，雲耳都幾好食。店員哥哥話今晚無晒咸菜，不過可以照整胡椒花甲湯，而粉絲係我地叫加嘅⋯⋯不過無咗咸菜，個湯真係爭少少，希望下次有咸菜嘅話再飲過啦。

今晚來到強記小廚九點後有小食送來了一碟wasabi魷魚四季豆朋友標晒眼水啊😆😆之後我地點左:--柚子肉排 好甜 小朋友最愛 (我超喜歡)-京葱肥牛 肥牛太多油份 令呢道菜有啲油膩-脆皮小棠菜 呢個由墨魚+小棠菜嘅小菜 再加喼汁 真係香口 又好味 好正再飲左兩枝酒tim

朋友推介的一間抵食好味既大排檔! 雖然位於旺角區~但離地鐵站原來都有十分中路程 ~七點半黎到都唔洗等位~ !  首先當然一定要叫我至愛既雞煲啦! 唔算多骨既~ 不過隻雞唔夠滑~ 個味都ok~ 不過有朋友唔食辣~唔辣既雞煲真係唔太惹味~蝦仁炒蛋就食得多~估唔到呢個帶子蛋都幾令人驚喜~個蛋好夠味好滑! 粒粒帶子都好大~成碟都幾多帶子! 正!然後見到好多人都叫呢個椒 鹽魷魚! 我地當然都試下! 真係炸得幾好味! 好鬆脆! 都好惹味! 一碟份量都唔算少~ 幾大條! 推介!仲有呢個羊架~ 食食下先記得影相xd 我個人唔太好羊~但都一試~ 幾入味! 幾重香草味 都幾多肉! 唔會太’so’ 入唔到口~!!!! 估唔到係大排檔食到咁既質素既羊架馬拉盞通菜~好似唔太夠咸~份量都幾多!仲有呢個牛柳粒~ 牛柳幾lum~唔會太un咬唔到~幾大粒bor~幾多配料~D配料都好鮮甜~最後侍應向我地推介應該係佢地自家出品加新推出既芒果糯米慈~~ 我地都一人一粒! 芒果都幾大粒幾甜~ 不過個皮就可以有待改進~ 個味一般~!總括而言 啲送幾抵幾大碟 全部都熱辣辣！

睇到openrice 個羊腩煲特集一心要試曬咁多間，呢間位於朗豪坊附近，不過都要行5-10分鐘，沿路都無咩餐廳，不過行到甘霖街街頭會見到燈牌指你向內街行，所以都容易搵到。黎到見到差不多每一枱都食羊腩煲，9:00前落單只係$168送埋生菜仲要好大煲，開心到尖叫。羊腩份量好多而且都連皮，一開始湯底較淡但越煲越好食，所以唔好心急一黎就食曬d羊呀！羊腩唔會有膻味而且肉質較林，枝竹同馬蹄份量都好多而且入味，最後加埋個烏冬($38)，吸收湯底精華，畫上完美句號。好飽飽。我七點鐘到既時候得2成滿，但到八點已經全場爆滿，門口仲要排左十幾人，所以最好早D到攞位~另外呢度既侍應個個服務態度都好好，我食唔曬既羊腩煲想連湯打包，個姐姐好好人咁幫我一齊研究邊個外賣盒夠大同唔會漏湯，真心要讚!!

是日跟幾位朋友到迪迪尼玩完 出到旺角想去打冷  點知心水既店星期日唔開咁唯有係附近搵一間黎食十點幾去到唔使等位可以即入 人數算OK一行人點左8個菜  蠔餅  大大碟 一黎真係嚇親 好脆好好味椒鹽賴尿蝦  店員介紹特價菜  見平平地三十蚊咪試下  但肉梅梅地  以價格黎講唔要求得咁多燒茄子  好清淡  無咩味蒸元貝 好大粒都幾好味抵食仲叫左椒鹽鮮魷牛仔骨 生菜包等  都係水準之中以價格及質素黎講算係OK 但地點偏遠唔係好就腳 下次未必再黎

朗豪坊附近真是食店林立  這裏若不是友人介紹我想我不會找到吧 三人點了三個菜  先送上免費小食泰式鳳爪想不到這小店還會送小食吧  鳳爪也有六七隻  醬汁酸辣很醒胃越食越辣  燒羊架 熱辣辣  當然是用然粉去調味  少少so  不錯金稻牛柳粒  賣相奇奇怪怪  想不到那"金稻"是炒米粒  就是沾滿醬  還是卜卜脆很香口  牛柳粒也炒得剛好火喉juicy也鍋貼小棠菜也不錯  粉醬夠薄身  墨魚膠彈牙小店位置較偏  但仍食客不斷  火煱小菜刺身都有連潮州特色甜品反沙芋都有  難怪長做長有

話說有一位韓國朋友突然拜訪, 他雖然已經來過香港很多次, 但既然來香港就找些地道點的吧~ 我近排最愛的雞煲, 走唔甩!朋友介紹強記小廚, 說選擇多, 又夠地道! 晚上7點多左右到, 只有四成滿, 所以可以任坐唔嬲, 二人選擇了卡位~ 非常舒適~  雞煲 (半隻)  $128雖然說韓國人能吃辣, 但還是穩陣起見, 叫了小辣一打開蓋, 香氣撲鼻~ 嘩, 份量很多耶!(拍照時, 其實已經吃了少許)雞肉很滑, 很JUICY, 也入味!因為走過油, 雞皮都變得很香, 平時不吃雞皮的我都把雞皮吃光!裡面的蔥頭, 蒜頭, 芫茜, 辣椒都很惹味~對味精特別過敏的我 (一有味精就會起痰)竟然吃後沒有太大反應! 朋友更在加湯後, 跟侍應要了支湯匙, 喝起湯來!!"我可以每天都吃這個, 真的很好吃!"感覺有點沾沾自喜, 香港的食物確是不錯的喔! 嘻嘻!P.S.小辣還是會越吃越辣的, 不能吃辣的朋友要當心喔~ 唐生菜  $28新鮮脆口, 尚算洗得乾淨, 份量也不少. 抵! 手打四寶丸  $68真是粒粒新鮮手打出來一樣, 賣相極討好! 可惜, 不知道是因為湯太濃還是丸本身不好吃, 四款都很鹹, 質地很實, 也甜

同幾位朋友聚餐，出到旺角唔知食咩好，其中一位推介，—》強記小廚《— 夜晚7點左右去到，唔洗等位。不過地方不大4個人叫左4個餸，3個白飯，2支啤酒。菜款平凡一般 埋單4位$334

普偏以經驗覺得,任何野開喺旺角呢D旺區,就算一間好食既食店開分店喺旺角,由於太多人,食物質素都會下跌,今日十分開心搵到間旺角入面好正既大排檔呢間旺角甘霖街既大排檔坐落旺角比較辟既位置, 但晚市都好多人,我地等左十分鐘先有位,入面環境比較多枱比較迫,都係一般大排檔既格局同嘈吵,待應做野快手快腳都算有禮我地一行9人點左好多菜椒鹽豆腐 皮脆,豆腐入面密度低夠滑身!鐵皮乾炒牛河 呢個推介,用鐵板上乾炒牛河十分夠獲氣!欖角四季豆 欖角惹味,四季豆新鮮豆豉零魚油麥菜 呢D炒得夠火喉就好好味煎蠔餅 煎得比較乾身,蠔仔大細適中,都好味泰式烏頭 烏頭新鮮,點泰式醬吾錯葱油雞 葱油吊味幾好,不過嗰排冇新鮮雞, 雞差少少雞味豬頸肉 豬頸肉出面夠焦,裏面夠滑,好味羊腩煲 好多料,而且羊腩,支竹同腐皮已憫到好林,正燒茄子 吾食皮,茄子燒到十分林,配蒜蓉,好味蜜桃骨 呢個估吾到甘好味, 排骨偏滑多脂肪,吸哂嗰D蜜桃汁,正椒鹽鮮魷 出面層麵粉夠薄,入面鮮魷夠新鮮,正!!食物全部超正夠鑊氣而且價錢平,而且大家留意到,食店除左中菜,仲有泰式菜,多選擇!值得推介

先講不足，如果你8：30過黎等位預等20分鐘，因為火煱配料一律特價，有得必有失。。。食家策略：早一日訂位我由強記開業至今已經食左超過20次，一直無時間留食評。以前覺得它的雞煲既汁底超濃超好食，但近來已經變得唔足料，無論雞件，蔥頭，雞脾菇放少好多，唔抵。但好食既仲有好多，如燒波蘿夠甜不太乾，燒孜然饅頭夠熱蒜蓉足，黃金大蝦包住咸蛋雞蛋槳黎炸超脆，孜然羊仔骨燒得剛好不會老，而且$42兩件價錢好合理有得泊車，無咩人抄牌太子爺收銀好好態度，但最近無咩浦頭。。兩個人消費$400，平均一人$200

我21:00左右到達，人坐8成左右。沒有人安排位置，自己入去搵位。上菜時間頗長，第一碟等了15分鐘，但只是泰式生蝦。。。吃完了又等，今次係香蒜牛油生蠔。。。又等，燒牛仔骨（本來點啫啫骨煲，但師傅整錯了。為免再等，照食）首先，生蝦-過分，過度雪藏，蝦身結哂冰，冇味；生蠔-都ok,但蒜蓉少咗d,略嫌燒得有點乾;牛仔骨-味道尚可，但有點鹹。唔明點解燒咁耐，但上菜時都只係微暖？！整體一般。值得一讚係有個後生侍應好有禮貌及笑容，服務不錯。