強記乳鴿1983

营业中

休息中

強記食物好味，最近呢班員工，很好，有禮貌，同以前唔一樣，之前經歷真系差，現在真系改善左👍👍👍，所以想寫返，讚返下現在呢班員工，香港食肆已經好慘淡，希望可以真誠服務，留返班人消費. 大家會更加好🙌🏻

早排腸胃唔舒服，朋友車我去河畔花園幾十年歷史嘅強記食雞粥，我記得好細個時有食過，而家裝修靚左好多，店員都好熱情，服務唔錯，有啲驚喜😂本身我話要食清淡啲淨係食粥，但見到張點心紙好吸引又忍唔到口😂雞粥(小窩) $78依個雞粥唔知係咪隱藏menu嚟，搵勻成個餐牌都搵唔到😂，店員姐姐幫我哋揸主意要左個小窩，份量其實一啲都唔細，有成六七碗，雞嘅份量都好多，但就比較嚡😅乳鴿 $68/隻嚟到食雞粥冇理由唔叫埋乳鴿𠺢，有啲瘦，冇乜肉食，但都算幾香口的。菲林黑芝麻卷 $31.8賣相好靚，油潤有光澤，仲有好多芝麻喺面，雙重芝麻香味🤩黑芝麻熊仔包 $29.8依排真係好興熊貓，依個黑芝麻熊仔包好可愛，裡面有流心嘅芝麻，好味道😋雖然天公不造美，但食完點心去左賞花，一樣好靚😍評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺強記乳鴿1983沙田大涌橋路20-30號河畔花園地下11-16號舖📍沙田圍港鐵站C出口10分鐘路程#healingbobo #foodie #hkfoodie #foodiehk #香港 #美食 #沙田 #Shatin #河畔花園 #飲茶 #點心 #雞粥 #乳鴿

見到有人嗌咗一款點心係三層，問吓職員原來呢個係酥炸拼盤，於是我又叫一份🤭酥炸拼盤包括：蘿蔔絲酥餅甘筍鯪魚餅薯片叉燒包蒜香蝦春卷酥炸白花球其實佢都炸得好鬆化，味道真係唔差。酥炸百花球真係好味，其他嘅都好好食，除咗雪影叉燒包我覺得甜咗少少之外，但其實雪影叉燒包就算喺其他酒樓食都一樣係較甜，可能係佢嘅特色🤪另外嗌咗蠔皇鮮竹卷，呢一款係好多酒樓已經唔再提供，呢度盅有三件，味道都ok 丫。至於韭黃鮮蝦腸，個皮都見到係玻璃腸粉，隻蝦好大隻而且係彈牙！整體呢間酒樓都唔錯！

行過強記，肚仔餓餓地，忍唔住就撩進去試下啦。頭盤先來個經典乳鴿，啖啖肉香嘅乳鴿，咬落去皮脆肉嫩，每啖都滋味十足，食得我瞓意全無🐦！金銀蛋白菜仔跟住上，雖然無咗點綴嘅咸蛋王，但嗰綿滑豆腐、青翠白菜，夾埋銀杏蛋，啖啖都爽口得黎又唔膩口。煲呔煲呔等咗一陣，終於等到紅燒肉，香氣三溢揭蓋嗰刻，我個鼻已經係香到不得了！🍖側面嗰啲脆皮，軟肉，肥而不膩，同埋個汁微甜帶香，嗚呼，完美！大快朵頤嘅時候，真係幸福到唔想講嘢。強記啊強記，唔單止乳鴿出名，你個環境同埋其他嘅菜式，都系令人掂晒口皮👍！下次一定仲要返嚟，試吓其他嘅好味道！食得開心之餘，又唔使太斬仔，真系街坊最愛。

中午1點幾買外賣 叫左幾款點心 同埋粥 味道偏清淡 正正常常 好多人食 收銀姐姐做到面色都唔多妥返到屋企碗粥食到底 依舊鐵先出現 最慘佢同d菜乾痴住睇唔到 直接入口梅 梅多2野先發現唔妥🤮🤮🤮 補充鐵質都唔係加d咁既野落去架 打電話冇人聽 唯有上黎呻下仲有點心都還可以 個菜乾豬骨粥真係求其整 明顯係白粥底 有單就加幾粒熟排骨 煮淋左既菜乾 碗粥冇菜乾味 冇肉味 可能我耐冇去酒樓食啦依加d做法可以hea到咁 所以我話d野清淡唔係冇原因真係同醫院d粥有得揮

👨🏻‍🍳強記乳鴿1983 (沙田)📍沙田大涌橋路20-30號河畔花園地下11-16號舖 「強記乳鴿果然名不虛傳🙈」 久仰多時既強記乳鴿，終於系今年中秋食到😝 #latergram 火車站出左之後要行一段路，(幾時開分店🥹?)當晚幾乎滿座，中秋一家大小慶團圓。 👍🏻🍽️招牌紅燒乳鴿 $62/隻未‼️食‼️過‼️咁好食既乳鴿🥹🫶🏻平時都中意食乳鴿，但系呢隻真系值得特登入黎食😝乳鴿皮燒到好薄微脆，無乜油膩味！！超香口，好少食到咁脆口既乳鴿🤤重點！！多肉肥美！！吾系瘦柴😆好惹味，食完又encore，連員工都問我地：「好中意食乳鴿咩🤣系咪好好食？」掂👍🏻👍🏻👍🏻👍🏻👍🏻 👍🏻🍽️招牌雞粥小窩 $76超滾熱😻大大窩粥，煲得好綿😋雞勁嫩滑，又大舊！！二人食，每人可以食到2-3碗，好飽肚🤤 另外仲有點左🍽️懷舊脆皮炸大腸 $88，不過無影到相🙈略嫌炸得偏乾身、硬🙈 暫時no1乳鴿 :👍🏻強記乳鴿 #強記乳鴿

乳鴿好好味，個皮非常香口，咬落去d肉幾juicy，最好食完一隻再叫（即叫即燒），最後同朋友每人食左兩隻😋美味指數：😋😋😋😋環境指數：⭐️⭐️⭐️⭐️回頭指數：👍👍👍👍地址：強記乳鴿1983 (沙田)沙田大涌橋路20-30號河畔花園地下11-16號舖

今日去沙田強記點咗佢最馳名嘅雞粥，點知食落發覺啲雞有酸味，好唔新鮮，我同店員講，經理話重新換過比我食，結果唔使2分鐘又再嚟過另外一煲，裏面全部都係雞胸肉，食落仍然有酸味，好唔新鮮，一啲都冇改善！店員嘅服務態度好一般，經理對食物質素亦漠不關心，食物有問題理都愛理不理。我對呢間所謂名牌雞粥十分失望，以後都唔會再嚟。

乳鴿以前經常去食質素，都可以保持，夜晚外賣就算返到屋企都好Juice，上幾個禮拜埋我返屋企食都好Juice，但晏晝千祈唔好叫，告訴服務員柴皮，佢哋話係咁嘅，我都唔係第一次喺呢度食，唔好呃啦。

好耐都冇食過沙田雞粥，今日去咗沙田圍呢一間強記乳鴿1983試吓～ 去到門口都排晒長龍，2個人等咗大約10張枱，20分鐘左右。雞粥（小窩） $75首先一定要叫嘅就梗係佢哋嘅雞粥，我哋兩個人叫咗小窩，但係都比我哋想像中大！差啲食唔晒呀，入邊都有好多舊雞，好足料！而且啲雞好滑，好味！和味海蜇手撕雞 $58見到和味海蜇手撕雞都好似吸引，所以都叫嚟試吓，開下胃～嚟到唔單止賣相靚，味道都超好！下次必叫！蟹籽燒賣皇 $28.8薑蔥牛柏葉 $28.8煎蘿蔔糕 $25.8之後叫咗其他普通飲茶食到嘅點心，佢哋嘅蟹籽燒賣雖然冇影到相，但係真係好好食，推薦！蘿蔔糕就不過不失，朋友仔話覺得可以煎得再燶啲。牛柏葉反而有啲失望，覺得煮得泰林，唔夠爽口彈牙不過總結而言，下一次都會在麗城，呢度嘅裝修唔錯，嘢食嘅質素都幾好

Happy Friday 老豆話想試吓依間新裝修嘅強記，一直都知道佢屹立不倒咗好耐，但之前未裝修環境差啲就冇去，見佢捱到咁多波疫情，應該係有真材實料嘅，所以就去試吓啦～招牌紅燒乳鴿 $62/隻咬落去好juicy，皮都燒得香脆，調味都好好，係必食之選👍🏻招牌雞鍋小粥 $75大鍋足料，雞就算放左好耐都唔會鞋，本身醃得夠味，粥底夠綿，落啲胡椒粉就好正事頭婆炒麵 $72呢個係全場最差🙊賣相OK，但味道唔夠，鑊氣都差咗少少秘製海珊骨 $98有8大塊，炸得好鬆脆，南乳味岩岩好，就咁食都唔會鹹，有層層肥膏夠哂淋砂煲生啫通菜 $88一上來熱辣辣，超香鹹蝦味，通菜撈飯簡直一流總結：除咗事頭婆炒麵之外，其他嘢食質素都好高，沙田嘅朋友絕對推薦帶屋企人嚟食，價錢合理，環境亦好坐👍🏻地址：沙田大涌橋路20-30號河畔花園地下11-16號舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️價錢：⭐️⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

由於近幾次都食唔到好食嘅乳鴿所以今日特登去咗沙田河畔既《強記乳鴿》一上枱已經聞到好香既乳鴿味聽到佢令立立即刻試到下個乳鴿頭嘩～嗰陣滷水味喺個口度爆出黎皮脆肉嫩口爆肉汁呢度既係肥仔乳鴿～d脂肪油香到不得了暫時係我喺香港食過最好食嘅《強記乳鴿》開半邊《上湯蒜子浸勝瓜》勝瓜煮得入味又唔會太淋冇平時嘅草青味爽脆鮮甜好味《薑蔥生蠔》薑蔥爆得夠香呢一種蠔係細隻好似台山蠔咁嘅size蠔邊因為走過油食落小小脆口蠔身好甜無渣👍👍😋《豆腐魚雲湯》白雪雪既豆腐湯不過飲落有啲魚腥味但都好甜但係食舊魚雲有冇腥味如果落多啲薑再煎香啲個魚雲先個湯就好正喇最後落咗重胡椒解決

今日公眾假期，幾日前已經book左枱，今日我再打電話去Double confirm，之後我問佢有冇代客泊車，個小姐話冇，跟住仲串串槓問我有冇book錯咗酒樓呀，我問佢點解咁樣講，佢話10幾年都冇代客泊車，問我使唔使再確實係咪book強記，全程態度傲慢，唔憂做，把鬼火同屋企人決定轉場，費事去到原來所有員工都係咁嘅態度，要受住氣食一餐

強記食左有10次 特別係裝修後，野食好食 飲茶晚飯都有食過，但員工態度差，特別係d老員工 ，短髮帶紅框眼鏡 同埋一個企收銀長髮的，做左好耐的，做得越耐就差態度 新人反而可以，有一次聽到佢話幫查熟的茶客撳飛，比位個客，🤣🤣 叫佢遞張BB櫈係聽到 見到 唔應你 🤣🤣真係唔該曬 浪費d野咁好味 😮‍💨其實一間店 態度真係好改變一切，呢d員工以為做左好耐，就咁的態度，不過都應該唔會改，因之前都見人寫過食評話態度唔好，如果係改善一早改善左

沙田強記乳鴿1983唔算就腳, 不過剛在城門河附近嘅我哋剛好可以去一試, 食後感如下: 香茜帶子餃外皮半黑半白好得意😍, 餃皮彈牙好食, 香茜味道欠奉, 除了帶子亦有蝦在內, 帶子及蝦亦算爽彈鮮甜, 帶子及蝦的比例大概為3:7, 味道調教亦剛好, 不過, 餃的名堂是叫香茜帶子餃, 香茜味欠奉確實失望😐鮮蝦菜苗餃兔仔外型好可愛🤩, 蝦肉爽彈鮮甜, 餃皮咬落彈牙亦有口感, 餡料內的菜苗比例亦比較少, 只有寥寥幾條菜苗, 但味道比較濃🤭蝦餃皇大大隻虾餃, 一如以上兩款餃, 餃皮及蝦肉餡料唔錯😋蟹籽燒賣皇賣相一般, 蒸到有啲過火😒, 以至燒賣皮過淋, 豬肉味唔濃, 口感唔夠紮實, 味道尚😉蒜香蝦春卷有勁蒜味👍, 正! 餡料味道剛好, 炸得亦夠脆😝環境方面就比較一般, 位於位之間比較擠迫狹窄😐, 茶市一般都要搭枱, 可能因為太過繁忙, 員工嘅服務態度亦屬一般🤫