影片
以上资料只供参考，请与餐厅确认详情
大埔墟新街市早餐,盛惠32元加1蚊杯热饮可转大杯装，茶走👍菠萝包火腿煎蛋，咸甜夹杂，入口够热有比较下，环境及餐具都相对较衞生（玻璃杯上，比起隔离舖的千年胶杯，完胜👏👏）做熟客生意，茶客之间也熟络店员记得客人名及有连续性话题，一个人嚟也不孤独，难怪大家也不介意搭枱面餐:出前一丁/拉面/乌冬等都不需要额外收费，下次必试。二拣一𩠌，可以拣杂菜👍#张焕记#茶走加大，够浓厚及香滑#菠萝包唔一定跟牛油嘅
继续阅读
今日试咗呢一间大埔熟食中心上面嘅茶餐厅，坐低问个伙计有乜嘢好食，佢竟然推介我食猪扒乌冬，心中一寒，我梗系冇听佢话自己叫咗奶酱多同埋热奶茶啦，因为我觉得呢两样嘢系最能够代表茶餐厅嘅质素。佢杯奶茶系好饮嘅，奶味同埋茶味嘅份量都OK，唔会只有奶味冇茶味又或者相反，杯奶茶入口都够细滑。奶酱多就有啲强差人意，一句讲晒就系求求其其，多使用嘅面包系普通方包我唔介意，但系烘得唔够干身唔够脆就系多士嘅大忌，另外唔好睇小炼奶同埋花生酱，炼奶嘅份量唔可以太多，否则会整林晒件多士，另外炼奶都系偏甜，如果太多嘅话真系顶唔顺，相反花生酱就要多啲，如果唔系咬落去嘅时候真系冇乜feel，尤其是系边缘位置。呢一间嘅包唔得而且花生酱太少，所以系令人失望嘅。
继续阅读
为食既我又黎啦。今次又系系街市揾食，同上次一样，都系试下炼奶西多士上次试左其中一间，上网找寻一下，原来还有这间西多士都是炼奶的。今天下午两点多到，都几多人。好彩职员姨姨都好热心咁揾位俾我。其实都唔需要睇餐牌，一心念住食西多士加热奶茶。西多士落单时问了有无炼奶，姨姨答只有炼奶，咁就放心了，其实还有花生酱，我走了花生酱，变了只是牛油炼奶西多士呢。坐了一阵好快就到了。已经切开晒，都不需用刀，不过卖相麻麻地，只有几枝叉仔，好难搽牛油。不过因为热的关系，牛油好快溶入了面包当中。味道其实不错的，足够的蛋香，只是下次应该要用刀把牛油搽得均匀比较好呢。另外，热奶茶都几大杯。身为奶茶控，必试的。不过真的失望，因为这杯奶茶太涩了，唔滑，糖又要落得比较多。饮了一两啖其实已经唔想饮，但好似好浪费，所以都饮了半杯。
继续阅读
因有选择困难症，每次去到大埔熟食中心因有太多选择，都唔知拣边间好，但次次靠睇门面或食评入到去，最后都失望而回。今次终于无拣错，所以要写食评，跟别人分享我的成功经历。两碗出前一丁公仔面充满麻油香，连菜也有麻油香味，跟其他地方食的确有分别。奶茶香滑，芝蛋治纯粹是个人的喜好，没有惊喜，也没有失望。炼奶西多士应该是这店的招牌食品，有特色亦好味原本无打算叫的饺子，但看到餐牌推介，便试一试，怎知一试难忘！外面炸得脆而不硬，入面是韮菜饀，够入味，必食之选一家四口的午餐，便宜！
继续阅读
搬左去大埔差唔多一年，老公话大埔美食多，起初觉得佢吹水兼浮夸～住落就真心认同🤗就讲下大埔街市，2间猪扒面出哂名！但偶然会觉得成日食炸野太热气，而且得猪扒好食但面底唔太合脾胃～老公系大埔友，细细个开始食张焕记，一经佢介绍～我简直食到停唔到😛😋我嘅例餐：杂菜猪扒出前一丁，热奶茶～承惠35元Only！(补充：冻饮同出前一丁都唔洗加钱！个餐仲要全日供应！)实在系假期训到自然醒、过左11点早餐之选！讲多无谓～大家睇下d杂菜🙊中意食菜嘅人一定啱食👍🏻除左菜，仲有冬茹丝、萝卜丝、炸菜等～～先饮啖汤底～老板唔系用出前一丁包粉，系自己用猪骨煲嘅汤底！真系好好味！好值得赞😍除左出前一丁，大家仲可选择拉面、米粉、乌冬等等⋯⋯通通唔洗加钱！讲埋块猪扒～绝对唔比邻铺逊色！外层无厚厚嘅炸粉，肉又够哂味，唔会太硬～只系偶然会系冻🤔不过佢唔算油，浸落d汤度食都唔错😁奶茶方面茶味比较浓～但都够滑，系唔错嘅选择🤭顺带一提，佢杯冻饮好大杯，唔洗加钱真系超值🙊中意食西多士嘅朋友可以一试～件西多士暂时系我食过最好味嘅😊但每次都心急食所以无影相🤣
继续阅读
您可能会有兴趣的...