張公館

营业中

休息中

久仰大名了，今次帶鍾意食中菜既媽咪黎食晚餐，點咗幾款推介菜式試，整體體驗充滿驚喜～陳皮水鴨燉湯燉湯好夠火候，湯頭鮮甜，陳皮香氣突出，水鴨肉嫩而不柴，暖胃又滋補。夏果松子鮮百合西芹炒准山片淮山片脆嫩，西芹爽脆，搭配夏威夷果仁和松子的堅果香氣，口感豐富。調味輕盈，突顯食材原味，健康又養生。碧綠雲腿白玉環賣相精緻，冬瓜（白玉環）吸收了雲腿的鹹鮮， 外層以碧綠菜苗點綴，味道淡雅卻層次分明。蒜蓉粉絲蒸九肚魚九肚魚肉質如豆腐般滑嫩，蒜蓉粉絲吸盡魚鮮，蒸製時間恰到好處。生磨蛋白杏仁茶杏仁香濃郁，質地細滑，蛋白增添口感，甜度剛好，暖胃又滿足。楊枝甘露經典甜品，芒果香甜，柚子微酸，整體平衡，不過甜不膩口，為晚餐畫上完美句號。菜式係傳統粵菜框架下注入巧思，食材搭配與烹調細節處見真章。加上銅鑼灣罕有的海景環境，服務亦周到，適合商務宴請或節慶聚餐。下次想試試招牌燒味同海鮮！

TGIF 終於星期五啦！最開心同朋友去銅鑼灣食晚餐，佢帶我去咗一間高級海景中菜餐廳，係登龍街嘅張公館， 餐廳喺29樓，落地大玻璃望住無敵維港海景，環境又高級又開揚，坐得超舒服😌位置好闊落係窗邊位， 氣氛超級chill！脆焗鮮鳳尾蝦多士蝦多士一咬落去，外層多士香脆，蝦肉鮮甜彈牙，油香中帶海味，層次豐富鐵板西班牙叉燒叉燒熱辣辣上枱，外皮微焦帶焦糖香，肉質嫩滑，鹹甜交錯，食完齒頰留香陳皮水鴨燉湯入口清甜，鴨肉鮮嫩，陳皮香氣滲入湯底，飲完暖胃又滋補碧綠雲腿白玉環爽脆冬瓜包住鹹香雲腿，咬落去清甜又帶肉香，口感層次分明蒜蓉粉絲蒸九肚魚九肚魚魚肉滑溜，蒜香撲鼻，粉絲吸晒鮮甜魚汁，每啖都好滿足生磨蛋白杏仁茶香濃滑溜，杏仁味天然細膩，蛋白令口感更順滑，飲落暖笠笠桂花五色糕軟糯清香，桂花香氣淡淡滲出，色彩繽紛又賞心悅目！

星期五放工同朋友嚟呢度食中菜，餐廳面積唔算大，全場滿座，差唔多夜晚9點先有位，仲有大玻璃對住維港夜景！最近做緊一系列推廣菜式，我哋都揀咗幾款～🍽️潮式香炸蝦棗 $108蝦棗一碟有4件，上菜時新鮮炸起熱辣辣，炸得外皮酥脆，內餡鮮嫩彈牙，蝦肉爽彈，配埋甜酸話梅醬，值得一試！🍽️蒜蓉粉絲蒸九肚魚 $188九肚魚蒸得好嫩滑，魚油十足，食落去入口即化，加埋蒜蓉粉絲，超入味，勁好餸飯！🍽️鯊魚骨瑤柱湯 $168湯底好鮮味濃郁，口感順滑，飲落去完全唔腥，用鯊魚骨煲到滿滿膠質，感覺滋補暖胃！🍽️夏果松子鮮百合西芹炒淮山片 $198鮮百合同淮山片好爽脆，而且煮得好入味，再加埋松子，增加層次感。整體味道好清新，健康得嚟又唔會太油膩。🍽️熊貓慕士 $38熊貓造型嘅慕士好可愛，牛奶味重，感覺有啲似食奶凍，作為飯後甜品一流，唔會太膩~

久仰張公館大名嚟一試中餐環境高樓層視野開揚好適合聚會 坐窗邊望住個夜景心曠神怡整體嚟講張公館每一道菜都食得出用心 無論係湯品 小食 定主菜全部都高質 食物水準絕對對得住個價 ✧ 陳皮水鴨燉湯/位（$98） 湯底用咗十足火候燉製 飲落有淡淡陳皮香 水鴨肉質嫩滑 湯頭清甜又唔會油膩 飲完成個人都暖哂係一個打頭陣嘅好選擇✧ 話梅汁蕃茄仔番石榴/例（$168） 呢個係夏天必食開胃菜 蕃茄仔同番石榴都夠新鮮 話梅汁酸酸甜甜 食落去非常開胃 果香味同埋微微咸香配合得好特別 每一啖都好refresh✧ 潮式香炸蝦棗4粒（$108） 炸蝦棗外脆內彈牙 入面材料好新鮮 蝦肉爽口之外 仲有勁多芫荽馬蹄 ‼️食落啖啖蝦香 配埋少少清新香草味 炸得金黃又唔會太油 每粒都啱啱好大細✧ 碧綠雲腿白玉環/位（$48） 碧綠雲腿白玉環擺盤好靚 白玉環即係冬瓜圈夠晒清甜 中間加咗鹹香雲腿同蔬菜 食落去層次豐富 清新又唔會膩✧ XO醬黃金准山麵（$198） 口感有啲似升級健康版嘅星洲炒米齊哂超多芽菜、炒蛋絲、叉燒條、蝦仁麵條煙韌 XO醬惹味 每啖都好香口 但又唔油膩 食完仲

🫖 張公館📍位於銅鑼灣登龍街V Point 29樓✨居高臨下⚜️坐擁維港夜景🌃主打高質粵菜嘅中菜館🥢裝潢走現代中式風🥡用咗典雅木系傢俬同柔光燈飾✨環境開揚又私隱度高🫶啱晒朋友聚餐同商務飯局😎 🍽️ 食物方面1️⃣ 鵪鶉蛋燒賣 $68燒賣肉餡紮實彈牙🤏面頭鋪咗隻迷你鵪鶉蛋🍳蛋香同豬肉鮮味夾得啱啱好2️⃣ 麻蓉包 (2件) $38外皮蒸得軟熟✨麻蓉餡磨得幼滑🤤唔會死甜 3️⃣ 鮮蝦菜苗餃 $58透薄水晶皮包住原隻爽彈蝦仁🍤同嫩綠菜苗✨餡料塞到滿一滿🤤入口清新帶芹香4️⃣ 田園咸水角 $58外層炸得金黃脆身🫶咬落煙韌唔油膩✨入面餡料有蘿蔔粒、肉碎同冬菇，鹹香中帶微甜👍口感豐富🤌5️⃣ 脆脆笑哈哈 $68創意腸粉捲住炸蝦春卷🍤外軟內脆👍蝦肉新鮮彈牙🤏影相打卡必點📸

潮式香炸蝦棗炸蝦棗外面炸得金黃香脆，非常足料！啖啖蝦仲要好彈牙～配埋少少甜酸醬，食完一粒就忍唔住想再食多粒～蝦醬骨濃濃嘅蝦醬香氣，豬骨炸得外脆內嫩，啱啱好保留咗肉汁。蝦醬嘅鹹香味滲到入豬肉，唔會過濃亦唔會搶走豬味～再加埋外面咁脆口，真係好正！櫻花蝦脆米海鮮炒飯呢道炒飯係一個大驚喜！櫻花蝦配合啲脆米一齊食，口感一流，外脆內鬆。海鮮份量十足，有蝦同帶子～每樣都夠鮮甜。飯粒炒得非常乾身，粒粒分明～整體味道又香口又惹味～香煎黃金糕黃金糕煎到表面微微焦香，一層層好似多士咁但係又好軟糯！甜度啱啱好，唔會太甜膩。黃金糕嘅椰香同蛋香味非常突出，外面好少見到，感覺好新鮮！

登龍街V Point 29樓嘅「張公館」真係有驚喜！居高臨下望住維港景🌃，裝修仲要係現代中式風，座位闊落，同班friend吹水或者請客都夠體面～ 🌟必試菜式： ▫️「碧綠雲腿白玉環」— 冬瓜環清甜夾住金華火腿鹹香，賣相精緻到唔捨得食！ ▫️「蒜蓉粉絲蒸九肚魚」🐟 魚肉滑到似豆腐，粉絲吸晒蒜蓉同魚鮮，超惹味～ ▫️「香芒大蝦球」🍤 大蝦爽彈配芒果甜酸汁，夏天食好開胃！ ▫️燉湯控必飲「陳皮水鴨燉湯」♨️，陳皮香完全滲入湯水，飲完成個胃暖笠笠～ 🍨甜品方面： ▪️「生磨蛋白杏仁茶」濃郁唔澀口，仲有蛋白滑嘟嘟 ▪️「海帶綠豆沙」同「熊貓慕士」🐼 都好有心思，後者得意到相機食先！ 小食嘅「酸蕎頭」同「花生炸魚仔」🐟 送酒一流，餐前等齊人嗌碟慢慢咬就啱晒～ 總結：環境同食物質素都值回票價💯，想睇住夜景食中菜嘅話，呢度絕對係銅鑼灣隱藏好選擇！

銅鑼灣張公館陳皮水鴨燉湯絕對是必試招牌，湯色清澈見底，入口卻濃郁得令人驚艷。老陳皮的香氣與水鴨的鮮甜完美融合，特別喜歡他們家不過分油膩的處理方式，喝完不會覺得負擔。椒鹽雞軟骨炸得金黃酥脆，咬下去會發出咔吱聲的那種程度。外層裹著蒜香十足的椒鹽粉，裡面的軟骨還保留著膠質口感。雖然是油炸物但完全不膩口，證明師傅對油溫掌控很有一套。香芒大蝦球新鮮芒果著大蝦。蝦球彈牙得能在牙齒間跳舞，裹著輕盈的蛋黃醬。讓整道菜層次更豐富。XO醬黃金准山麵看起來平凡卻暗藏玄機，手工製的准山麵條沾滿自製XO醬，每條都閃著金黃油光。醬裡的干貝絲和蝦米香氣撲鼻，微辣中帶點甜，麵條既入味又保持彈性，吃完盤底不見多餘油漬。張公館的菜式保留傳統粵菜精髓又不失創新，建議預約窗邊位，邊吃美食邊看銅鑼灣街景更有氣氛。

張公館 可以望維港夜景中菜陳皮水鴨燉湯 $98燉湯好足料, 除水鴨陳皮仲有乾瑤柱、瘦肉, 湯底清澈帶陳皮香, 配合水鴨鮮味係舒服味道椒鹽雞軟骨 $138炸得金黃外脆, 配左椒鹽好似下酒菜碧綠雲腿白玉環 $48入面冬瓜炆得好軟腍, 而湯羮帶有點雲腿鹹香同紹酒香, 底下有嫩綠豆苗XO醬黃金淮山麵 $198淮山麵條炒得幾好, 唔會散腍. 有幾隻爽彈蝦仁, 唔係太食到XO醬味. 紅燒乳鴿 $98肉質唔會好乾帶油香@cheungkungkoon銅鑼灣登龍街18號V Point 29樓

係銅鑼灣行街又想同朋友係啲靚景打下卡，網上見到好多人都post 左好多係張公館靚靚相，所以去試下。一去到見到個景就wow 左聲，估唔到銅鑼灣市中心都可以見到呢個咁靚既景，仲要嘢食都整得好精緻，店員仲定時定侯會係附近睇下你有冇嘢要幫手。麻蓉包：包得非常飽滿，出色表達出香港人對甜食嘅追求，甜得來唔會太甜，好食鵪鶉蛋燒賣：啖啖肉既燒賣上面放上鵪鶉蛋，口感豐富，咬下去有驚喜，味道香滑，值得一試。田園咸水角：外脆內軟，餡料豐富，融合咗蘿蔔蓉嘅皮外脆內軟囉，帶少少甜味，夾埋鹹香嘅內涵，口感豐富香茅蒸排骨：大大件，食得出係用隻新鮮肉扒黎蒸，豆豉味唔重，略略調味芝士炸春卷：外脆內軟，芝士流心，咬落去滿口香濃，搭配辣醬更添風味楊枝甘露：清爽的楊枝甘露，椰奶香滑，搭配芒果和西柚，酸甜適中，夏天解暑良品熊貓幕士：可愛既熊貓造型，奶香濃郁，口感滑順，甜度適中，打卡一流

呢間位於銅鑼灣鬧市嘅海景中菜餐廳，地點方便，環境開陽舒適。邊嘆靚景邊用餐，大飽口福同眼福，雙重享受。菜式融合傳統概念同現代創意，十分多元化。除左粵菜之外，仲有其他唔同地方嘅中菜，選擇好多。一坐低就有花生魚仔同蕎頭做前菜，魚仔大大條又脆口，食到停唔到口🤣。鯊魚骨瑤柱用鯊魚骨同瑤柱熬成奶白色嘅湯，湯嘅質感較濃稠，裏面仲加咗啲杞子，每一啖都係精華。紅燒乳鴿乳鴿皮香肉嫩，唔使點淮鹽或醬汁都好夠味。新加坡胡椒蟹爪粉絲煲呢道菜式係張公館十大招牌名菜之一，螃蟹鮮嫩多肉，黑胡椒醬料嘅辣味又香又惹味，粉絲吸收曬醬汁，用黎餸飯就啱曬，嗜辣嘅朋友一定唔可以錯過。😍上湯蒸星班伴脆皮紫菜賣相矜貴又精緻，用蠟燭加熱一直保持溫度。上湯清淡唔油膩，配嫩滑嘅星班肉同豆腐，加多一片脆皮紫菜，增加口感層次。

去咗銅鑼灣飲午茶，餐廳呢度可以望到海景，環境都唔錯。下午有多款點心，價錢合理，可以慢慢坐慢慢食。首先，香茅蒸排骨聞落去已經好香，香茅味突出但唔會蓋過排骨味，排骨蒸得啱啱好，肉質嫩滑。之後鮮蝦菜苗餃蝦肉爽口，口感滿滿。芝士炸春卷外皮炸得金黃香脆，入面嘅芝士半溶狀態，仲有蝦肉。另外，脆脆笑恰哈呢個名幾得意，喺腸粉入邊有炸粉包住蝦，食落脆口。腸粉好滑。最後嘅甜品海帶綠豆沙，綠豆沙煮得綿滑，唔會太甜～～～

這次的用餐體驗感覺不錯。一走進餐廳，環境非常優美，維港的美景令人陶醉。菜品方面：首先，鯊魚骨的濃郁鮮味與瑤柱的鮮甜尚算融合，但似乎缺乏深度，鮮味不夠突出。接下來是避風塘炒蟹粉絲煲有點驚喜，這道菜色彩繽紛，蟹肉鮮美，粉絲吸足了蟹汁，口感滑順。辣椒和蒜香的調味恰到好處，讓整道菜充滿香辣味，吃上一口，讓人忍不住想再來一碗白飯搭配。乳鴿的外皮雖然酥脆，但肉質稍微有些乾，缺乏應有的嫩滑感。雖然每道菜都有其亮點，但整體的味道表現並未夠出色，讓人感到有些可惜。不過，餐廳的氛圍非常舒適，坐在窗邊欣賞維港的美景，讓人感到放鬆。希望未來能在菜品上有所改善，讓這個美麗的環境與美食之間形成更好的平衡。

如果想有一個休息嘅時間，可以享受美景同美食，張公館係不二之選。🥣陳皮水鴨燉湯熱辣辣，聞到好香嘅陳皮味，又見到幾粒成粒嘅乾瑤柱，一飲就知係好足料。🥡脆脆笑哈哈，係用腸粉粉皮包住油炸鬼再夾住蝦滑，滑捋捋撳入口，睇落去就脆卜卜，直到中間就彈又爽口，好特別。🥢蟹籽麻辣燒賣，燒賣上面嘅蟹籽，一啲都唔孤寒，麻辣味亦都好出，夠晒辣，平時食燒賣都鍾意點辣椒油嘅真係點辣椒油都慳返。推介！🦐潮式香炸蝦棗最特別嘅地方係佢嘅炸皮好薄，裏便超爽口彈牙，直頭好似感覺到師傅有幾用心打個蝦滑出嚟🤣配埋蜜糖醬去食又好夾喎！🍭甜品叫咗我最鍾意嘅生磨蛋白杏仁茶，同桂花五色糕。杏仁茶勁好味，底有燉蛋白，杏仁茶都飲得出真係沙喎，有種沙沙嘅感覺。五色糕由上而下包括桂花糕，斑斕糕，火龍果糕，芒果布甸，同椰汁糕。聽到火龍果嗰下都覺得幾特別！好奇心極重嘅我當然就要試吓每一層分開咁食！食咗火龍果嗰陣佢真係有火龍果肉好驚奇！

今日放早，同屋企人去銅鑼灣張公館飲茶🫖貪呢度環境靚，對住維多利亞港🌊有海景睇～對住靚景食嘢，同屋企人傾下計，人都開心啲❤️⭐️脆脆笑哈哈🦐網紋炸蝦腸，好好食，脆卜卜，再沾少少豉油已經好好食，特別推薦👍🏻⭐️鴛鴦燒賣川式麻辣燒賣2粒，蟹籽燒賣2粒，川式燒賣唔會過辣，兩款燒賣都好彈牙⭐️鮮蝦菜苗餃夏天都食到咁新鮮嘅豆苗實在難得，而且佢唔會將餡料包到實一實⭐️熊貓慕士食完正餐，梗係要加番個甜品，好可愛嘅熊貓🐼好香椰香味