廣發茶餐廳

营业中

休息中

噚日（18-5-2025 Sun）同老公晏咗落樓買餸，都先食嘢，都已經開始供應午餐，去邊喥食？老公話呢間。我哋入到去都好full，坐到最入廚房出餐處嘅卡枱，坐低後未睇menu，亞姐又即問食咩嘢。我哋都未睇menu，點知呢？就同佢講一陣先。睇完menu，我決定要$40.00嘅精選午餐，厚牛油多士配火腿煎蛋，揀雪菜肉絲米，要熱檸水。老公要$49.00嘅咖哩汁撈三寶一丁（叉燒，紅腸，腸仔），加$3.00飲凍檸水。落完單，兩杯飲品到嚟係必然，然後都等咗一陣，我嘅雪菜肉絲米到嚟，份量正常，口感同味道都正常，湯底好味。然後厚牛油蛋士配火腿煎蛋到嚟，煎蛋脆邊但全熟，火腿薄片，厚牛油多士正常冇問題。老公嘅咖哩汁撈三寶一丁（叉燒，紅腸，腸仔）終於到嚟，睇見咖哩汁顏色好核突，叉燒唔係我哋平時食到嗰個樣，老公撈埋嚟食時，我嗅到好香，我都試一啲叉燒嚟食，就係普通瘦叉燒。我杯熱檸水就留到最後飲，冇澀味，正。味道係3.7分題外話：食完嘢後我至發覺呢喥竟然有過橋米線，同部隊鍋，真係要出多啲嘢食吸客。上次食評係2024年9月9日刊登嘅呢篇：https://www.openrice.com/zh/hongkong/re

噚日（8-9-2024 Sun）同老公買餸前食晏先，去邊喥食？我提議呢間，我哋嚟到時都幾多人，連九成侍應都換成後生傑6女，唔通易咗手？我哋聽完menu後，我就決定要$49.00嘅拿破崙雞扒意粉，飲熱檸水。老公要 $42.00嘅沙爹牛肉茄子飯，加$3.00要凍檸茶。好快，老公嘅沙爹牛肉茄子飯到嚟，之後係兩杯嘢飲，我杯熱檸水真係好熱。然後我嘅拿破崙雞扒意粉到嚟，原來呢個係焗嘅，所以都好熱，見佢有芝士，食落，意粉係全腍嗰種，拿破崙雞扒口感同味道都對版，唔錯。而老公嘅我冇試到，佢亦冇乜comment。環境：啱啱坐嘅卡位冷氣唔多夠。2.5分服務係3.3分其他：原來依家快餐可免費升級轉菜飯，感覺都幾健康。上次食評係2024年4月1日刊登嘅呢篇:https://www.openrice.com/zh/hongkong/r-%E5%BB%A3%E7%99%BC%E8%8C%B6%E9%A4%90%E5%BB%B3-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-r8954/reviews

今日（1-4-2024 Mon）復活節最後一日假期， 朝早就同老公去食早餐，由於唔知天氣係點，所以都唔落荃灣，就喺呢度食，呢度嘅選擇就只有四間，咁廣發好似被人遺忘咗，於是走嚟，嚟到時啱啱有最後一張卡位，睇咗menu後，決定要$46.00嘅特餐同$35.00嘅醒神早餐D。3. 特餐中嘅沙爹牛肉通粉沙嗲係有少少辣味，不過唔算好辣;牛肉好滑，佢嘅沙嗲都幾夠，最後係可以成個湯都有沙嗲味;而通粉份量都多，口感正常。5分1. 醒神早餐D嘅西煎雙蛋同牛油方包老公食，我冇食到。4. 特餐中嘅腸仔菠菜炒蛋同牛油厚多士原以為腸仔係喺埋菠菜炒蛋裡面，原來唔係， 係成條擺喺喥。菠菜炒蛋唔係太大份，裏面嘅菠菜大約有一湯匙左右，食落係炒得啱啱好，唔會太過腍，炒蛋都全熟; 而腸仔來貨係鹹，但味道有少少怪;件牛油厚多士烘得夠同牛油份量啱啱好，係幾好食。4分2. 醒神早餐D嘅番茄濃湯牛肉意呢個都係老公食嘅，我冇食到。5.-6. 兩杯熱檸水我飲到我嗰杯澀，要加啲糖飲。2.5分其他:以前呢喥嘅侍應多數都係中年以上，但今日睇見嘅都係後生仔女，有三個重係南亞裔，老闆係唔會分種族。上次食評係2020年8月3日刊登嘅呢篇:http

好耐冇去石圍角食嘢， 諗住懷念一番。 記得廣發啲嘢食都幾好， 諗住嗌過午餐，外賣返屋企食。 原來而家午餐只係得三款選擇，其他炒粉麵飯都冇做。 都冇所謂啦， 叫咗個西式午餐， 叫俄羅斯牛肉飯， 加一杯凍飲。 打開睇落到幾靚，但係一食就大件事。 原來係用辣醬嚟煮，唔係一般一辣，係超辣， 冇可能食到。 其實建議可以寫清楚係超辣，客人就有預期， 不會浪費食物。 餐廳好似好少左好多人幫襯。知道老闆好好人，好親切。唔知佢有冇留意食物的味道係如此極端呢？

一個月最少食一次，本人比較單一，鐘情於特餐，多數叫雞扒或者豬扒米粉+厚多士+菠菜炒蛋+熱奶茶，仲有牛扒選擇，粉面可轉，仲係$44，已經係非常實惠，常說的味道就係這種裝修環境+熟悉的員工+食物的味道結合而成，希望可以一直保存下去。不變的還有咁多年都係收6點，唔做晚市😮‍💨夜晚想食個米線或者飯都無🤷🏼‍♀️

係荃灣上急救堂幾日，係石圍角邨附近都係茶餐廳，無咩好食。就入左呢間，人流係幾旺。平日午市12點，都幾多客。座位都幾乾淨企理。價錢都係$40~起。有快餐、有米線。+$6有紅豆冰特飲，杯鴛鴦紅豆冰唔錯。野飲幾特別。跟餐係平好多。咖哩牛腩牛筋飯。牛肉有些鞋，癡牙。+$15小食，有鴨腎，豬耳，呢個價錢抵食啊！味道唔錯~~份量都算多。個米線都大碗，有好多芽菜係底，呢種腩肉係譚仔個種，唔係我鍾意個款紅橙色醃炒左既。豬耳爽口，有韭菜係足料。食左兩日，無得揀就食呢間。常餐三十幾蚊，算係咁啦。小食唔錯，可以試下。牛腩飯賣相麻麻。米線大大碗。

食物具傳統港式風味,如午餐的㗎喱牛扒是炸牛扒2塊加買返黎既㗎喱汁(非最cheap果隻);少飯減一元,但也有一碗飯量;奶茶是港式奶茶的温度和味道!超出$37元午餐的美味和情懷。優質有禮服務更是此店令我最欣賞的部分,如念出是日午餐選擇,上單時特意告訴您減去一元的少飯費;街坊的尋常面貌和談話,自身有莫名的親切感,有種希望溶入當中的感覺。環境就是舊派沒返新的格局,但在門口也有手掌量體温的設施,掌櫃也不容體温高於上限人仕進入;在我的卡位牆上有張2014年的2篇飲食健康剪報,有意義又可愛。經過路過,應去一試。

今日(30-8-2020 Sun)同老公買嘢前食早餐,睇完menu,我哋都要$31.00嘅早餐,老公要A餐,揀牛油方包,炒蛋,沙嗲牛肉意,加$6.00要涼粉紅豆冰.我要C餐, 揀牛油方包,西式豬扒同腸仔,飲熱檸水.好快,所有嘢食到齊,其實都係普通正常嘢,豬扒約一厘米厚,口感鬆軟唔嚡;沙嗲牛肉唔辣亦同樣鬆軟.但我杯熱檸水又係澀;要飲啖老公嘅涼粉紅豆冰中和,呢個唔太甜,紅豆亦夠腍.味道係3.29分其他:呢間良心食肆對長者係好好,但都要注意menu同禮劵上嘅細節:Menu上4款早餐下,寫上有”配通粉/意粉/米粉/….”,但我落單時,我以為所有餐都會有,咁我就叫通粉,侍應話只係A,B餐包埋.其實我冇所謂,$31.00重點會有呢啲?呢點老問最好寫清楚喇.2. 俾錢後,嗰個男侍應送一張$10.00現金劵俾我哋,話星期一至五用.我睇睇後面條款,係寫明星期一至五用,咁公眾假期?用唔用得?平日我哋都要返工啦,除非請假.或者俾爸爸用啦,大熱天時,去涼住冷氣食個晏吧.上次食評係喺20年6月23日刊登嘅呢篇: https://www.openrice.com/zh/hongkong/review/%E9%8A

前日(21-6-2020 Sun)父親節須要打掃屋企,同老公食個晏兼買西瓜返屋企啦.我哋嚟呢間食,大家都要$38.00嘅午餐,佢要咖哩豬扒飯,加$3.00要凍奶茶.我就要白汁火腿雞絲意,飲熱檸水.我試咗老公嘅咖哩豬扒,咖哩冇以前咁辣,啱我口味,豬扒冇炸過,而口感鬆軟,唔錯嘅.味道:5分我嘅白汁火腿雞絲意呢?其實真係唔可以太有要求,白汁質地稀同唔太夠味,其實嘢嘅口感都正常冇問題.味道:2.8分抵食係2.8分上次食評: https://www.openrice.com/zh/hongkong/r-%E5%BB%A3%E7%99%BC%E8%8C%B6%E9%A4%90%E5%BB%B3-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-r8954/reviews

大前日(13-10-2019 Sun)晏晝,同老公喺附近行完山返嚟,就嚟食個下午茶,由於我都唔太餓,所以黐食,我要一杯$22.00嘅鴛鴦紅豆冰走啡,老公要$33.00炸雞髀沙律,加$6.00要涼粉冰.等咗10分鐘,兩杯嘢飲至到,我杯奶茶紅豆冰嘅味道啱啱好,唔會太甜,紅豆又夠腍,正.味道:5分老公杯涼粉冰呢?我只飲一啖,淡淡地,ok啦.等多幾分鐘,炸雞髀沙律到嚟,見到炸雞髀顏色幾靚,食落,皮薄同脆同夠味,可惜係啲肉嚡;沙律就正常冇問題.味道:2.42分服務:亞姐落完單,埋嚟放低張單時,提醒我哋一聲,原來鴛鴦紅豆冰要$23.00,餐牌唔update.環境:我哋坐近後門嘅卡位,冷氣開得夠,但嗅到陣陣似狗屎嘅臭味,唔多唔少影響食慾,佢哋要check check由邊喥傳嚟同處理喇.上次食評: https://www.openrice.com/zh/hongkong/review/%E5%94%94%E5%AF%AB%E6%97%A5%E5%BC%8F%E5%A5%BD%E5%95%B2-e3523199

其實都係逼住 先係石圍角食野 咁但係幾間茶餐廳之中 呢間係最好食 雖然佢飯唔多 但飯的軟硬度係適中 （其他係硬或煮唔熟！？） 所以飯係好不錯 而香茅豬排配薑蔥汁 亦非常好味 比個讚

今(1-9-2019 Sun)日同老公有事落荃灣整嘢前食個晏,我哋嚟呢間,睇吓menu,就決定要變咗日式嘅中式,同咖喱餐,熱凍熱檸水.咖哩魚柳飯到嚟,然後係日式野菜炒烏冬.睇見咖哩魚柳大大塊,佢有炸過,外脆內滑,冇鯹味;咖哩同上次一樣https://www.openrice.com/zh/hongkong/r-%E5%BB%A3%E7%99%BC%E8%8C%B6%E9%A4%90%E5%BB%B3-%E8%8D%83%E7%81%A3-%E7%B2%B5%E8%8F%9C-%E5%BB%A3%E6%9D%B1-r8954/reviews咁辣.味道: 4分而日式野菜炒烏冬呢?加魚蛋蟹柳同一片鳴門卷就係日式,野菜呢?就係韭黃同韭菜,韭黃硬掘掘,平顯冇炒過,我鍾意食韭黃,但生嘅韭黃點食得落?重差啲哽死我.豉油味道入晒去烏冬喥,好彩烏冬都唔係完全腍到變糊,味道: 2分凍熱檸水正常冇問題.環境:今日冷氣開得唔夠,定係我哋今次坐嗰張枱本身冷氣唔夠,食完烏冬,杯熱檸水重係好熱,飲到我出晒汗.抵食係2.5分

前日（4-8-2019 Sun）同老公喺屋企打掃前食晏，佢喺喥用咗$42.00買咗盒咖喱豬扒飯，要凍檸水。返到嚟，我未影相，佢就已經將豬扒切條，將咖哩汁同飯撈勻晒，食得。咖哩顏色偏綠，唔通加咗青咖哩？印象中，青咖哩比黃咖哩辣啲，食落，係辣咗啲，飯太濕，我唔係咁鍾意;而豬扒口感同味道啱啱好，唔太鹹又鬆軟同juicy，反而係最好食，但可惜少，同埋一啲菜都冇。凍檸水就正常冇問題，而飲管係用紙做嘅。上次食評:https://www.openrice.com/zh/hongkong/review/快成集體回憶-e3231455

前幾日得知廚師牌雞肉香腸因為破產而停售,餐廳食肆o衣o家用埋存貨就冇,所以趁今日(1-12-2018 Sat)o黎食腸仔早餐,我同老公o黎到,幾驚呢o度冇腸仔早餐,見到有,就即刻要$30.00o既C餐,飲熱檸水,老公要$32.00o既D餐,飲熱好立克.落完單,o野飲到先,之後係我o既吉列魚柳,腸仔配牛油方包,見到吉列魚柳同腸仔都好深色,炸過火喎.然後老公o既番茄牛肉通粉,煎雙蛋配牛油方包都到o黎.先食腸仔,依然係廚師牌雞肉香腸,我重趕得切食,要好好記住仍o既味道,以後食唔返喇.吉列魚柳外脆內嫩,冇鯹味,加少少千島醬食,好味.牛油方包正常冇問題;最後o既熱檸水,加o左半茶匙糖,味道係苦澀o既.而老公o既早餐呢?佢話牛肉韌o既,我食一細舊,都唔係吖,而牛肉味好濃.抵食係2.8分

30-9-2018 (Sun)我o地為o左清潔家居前,老公就去買午飯食,佢o係o度用$38.00買o左葡汁魚柳飯,打開睇,大大塊魚柳炸得好深色,食吓先,葡汁甜而不失咖哩香,好味.魚柳嫩滑,唔錯.飯又唔會太乾,成個配合等宜.上次食評: https://www.openrice.com/zh/hongkong/review/%E5%B0%91o%E5%B7%A6%E5%95%B2%E5%95%8A-e3068089