影片
以上资料只供参考，请与餐厅确认详情
食家推介
食记 (42)
㖊日（18-5-2025 Sun）同老公晏咗落楼买𩠌，都先食嘢，都已经开始供应午餐，去边喥食？老公话呢间。我哋入到去都好full，坐到最入厨房出餐处嘅卡枱，坐低后未睇menu，亚姐又即问食咩嘢。我哋都未睇menu，点知呢？就同佢讲一阵先。睇完menu，我决定要$40.00嘅精选午餐，厚牛油多士配火腿煎蛋，拣雪菜肉丝米，要热柠水。老公要$49.00嘅咖哩汁捞三宝一丁（叉烧，红肠，肠仔），加$3.00饮冻柠水。落完单，两杯饮品到嚟系必然，然后都等咗一阵，我嘅雪菜肉丝米到嚟，份量正常，口感同味道都正常，汤底好味。然后厚牛油蛋士配火腿煎蛋到嚟，煎蛋脆边但全熟，火腿薄片，厚牛油多士正常冇问题。老公嘅咖哩汁捞三宝一丁（叉烧，红肠，肠仔）终于到嚟，睇见咖哩汁颜色好核突，叉烧唔系我哋平时食到𠮶个样，老公捞埋嚟食时，我嗅到好香，我都试一啲叉烧嚟食，就系普通瘦叉烧。我杯热柠水就留到最后饮，冇涩味，正。味道系3.7分题外话：食完嘢后我至发觉呢喥竟然有过桥米线，同部队锅，真系要出多啲嘢食吸客。上次食评系2024年9月9日刊登嘅呢篇：https://www.openrice.com/zh/hongkong/review/%E5%A5%BD%E5%91%B3%E5%96%8E-e5667153
继续阅读
好耐冇去石围角食嘢， 谂住怀念一番。 记得广发啲嘢食都几好， 谂住嗌过午餐，外卖返屋企食。 原来而家午餐只系得三款选择，其他炒粉面饭都冇做。 都冇所谓啦， 叫咗个西式午餐， 叫俄罗斯牛肉饭， 加一杯冻饮。 打开睇落到几靓，但系一食就大件事。 原来系用辣酱嚟煮，唔系一般一辣，系超辣， 冇可能食到。 其实建议可以写清楚系超辣，客人就有预期， 不会浪费食物。 餐厅好似好少左好多人帮衬。知道老板好好人，好亲切。唔知佢有冇留意食物的味道系如此极端呢？
继续阅读
一个月最少食一次，本人比较单一，钟情于特餐，多数叫鸡扒或者猪扒米粉+厚多士+菠菜炒蛋+热奶茶，仲有牛扒选择，粉面可转，仲系$44，已经系非常实惠，常说的味道就系这种装修环境+熟悉的员工+食物的味道结合而成，希望可以一直保存下去。不变的还有咁多年都系收6点，唔做晚市😮💨夜晚想食个米线或者饭都无🤷🏼♀️
继续阅读
系荃湾上急救堂几日，系石围角邨附近都系茶餐厅，无咩好食。就入左呢间，人流系几旺。平日午市12点，都几多客。座位都几干净企理。价钱都系$40~起。有快餐、有米线。+$6有红豆冰特饮，杯鸳鸯红豆冰唔错。野饮几特别。跟餐系平好多。咖哩牛腩牛筋饭。牛肉有些鞋，痴牙。+$15小食，有鸭肾，猪耳，呢个价钱抵食啊！味道唔错~~份量都算多。个米线都大碗，有好多芽菜系底，呢种腩肉系谭仔个种，唔系我钟意个款红橙色腌炒左既。猪耳爽口，有韭菜系足料。食左两日，无得拣就食呢间。常餐三十几蚊，算系咁啦。小食唔错，可以试下。牛腩饭卖相麻麻。米线大大碗。
继续阅读
食物具传统港式风味,如午餐的㗎喱牛扒是炸牛扒2块加买返黎既㗎喱汁(非最cheap果只);少饭减一元,但也有一碗饭量;奶茶是港式奶茶的温度和味道!超出$37元午餐的美味和情怀。优质有礼服务更是此店令我最欣赏的部分,如念出是日午餐选择,上单时特意告诉您减去一元的少饭费;街坊的寻常面貌和谈话,自身有莫名的亲切感,有种希望溶入当中的感觉。环境就是旧派没返新的格局,但在门口也有手掌量体温的设施,掌柜也不容体温高于上限人仕进入;在我的卡位墙上有张2014年的2篇饮食健康剪报,有意义又可爱。经过路过,应去一试。
继续阅读