影片
以上资料只供参考，请与餐厅确认详情
间唔中都会帮衬下, 以前烧肉系几好味, 皮脆肉嫩 肥瘦适中, 入口松化, 不过最近都越黎越差, 大不如前。厨房倒酱油个呀伯态度恶劣, 经常甩漏, 唔知系咪食错药, 只提醒一句要加姜蓉, 反应极大, 言语和眼神表示不满, 就因为你经常甩漏, 才要提醒一句, 这位员工倒酱油倒到咁巴闭, 真系佩服佩服。附近食物选择多, 真系唔多你一间, 买个饭都要受你气的话, 真系可一不可再, 不会再帮衬, 希望检讨下员工质素, 咁既服务态度真系影衰哂个香港。
继续阅读
因为喺屋企附近所以帮衬过好多次，唔知系我好彩定系咩原因次次帮衬都系热辣辣出晒烟((我男朋友买都系一样热辣辣，唔知系咪佢哋多人买去流快，所以keep到))不过我有试过七点左右去系卖晒的。今日大约5:30pm去买外卖，仍然keep到仲系脆皮嘅烧腩仔~$80一斤~不过图片入边嘅系$89，师傅话斩多咗少少问我可唔可以要埋。整体黎讲，价钱都合理而有质素有机会会试吓佢哋嘅烧味饭，希望都系一样质素((不过见其他食评好似话叉烧麻麻哋，但系我就暂时未试过食佢哋嘅叉烧))
继续阅读
初来报到，对红磡这一带的饮食资料实在不足，中午一出到街，就先是无差别地找一间合眼缘的地方简单食个饭仔。结果，就近公司，就选中了这一间名叫《广源烧味餐厅》的烧腊店来一试。一坐低就有一碗浓浓的例汤了。味道浓郁，甜味比咸味更是突出，相信店方落了劲多的蜜枣，所以味道偏甜了。午餐的主食是叉油鸡饭。可能我不是熟客，也没有要求肥叉，所以来了一些纯瘦肉的叉烧。油鸡的质素普通，味道算好但肉质好鞋口，叉烧非常之瘦，而且味道很甜，是不是腌制时，糖落得太多了。我第一次食咁甜既叉烧，感觉十分之奇怪。跟餐来了一杯奶茶。味道是够浓的，但口感完全不滑，奶味又唔够，很失望的一杯。整体上很失望，觉得这儿，都是吃一次就够。
继续阅读
马头围哩条巷仔系红磡极出名, 短短一条巷仔有成十间食巿, 有D质素普通, 有D味道偏淡, 有D就出色.近日新开咗哩间广源烧味餐厅, 对于我哩D烧味爱好者当然开心啦!同旁边嘅餐厅相比, 第一个感觉当然系光猛干净啦!再留心Ｄ睇吓Ｄ叉烧, 哗! 有唔少黑边㖞! 㶶哂边㖞! 睇到流哂口水!点咗碟肥叉油鸡走翼多色, 冻O茶少冰.优点:1, 新开张, 冷气当然够冻!2, 我睇到厨房有好大个烧味炉, 而且不停有油鸡, 烧肉出出入入, 品质绝对新鲜.3, 叉烧够甜, 而且口感松软, 满分!4, 连埋杯冻饮, 都只系44蚊, 平过不少烧味店, 而且叉烧质素掂! 抵啦!缺点:1, 油鸡口感唔够嫩.2, 油鸡又系假满足, 即系望埋去好似份量充足, 但其实鸡肉就唔多, 好似得个鸡壳.3, 我最爱嘅葱油, 完全唔得! 一来D葱外相唔够翠绿, 都算, 最惨味道过咸呀! 天呀! ~~>_<~~44蚊未至于性价比高, 但价钱绝对合理!下次试叉鸭!
继续阅读
买左个烧鹅叉烧饭。同个老板讲话烧鹅要胸肉。佢就话俾个鹅俾 你。有好多肉㗎。我就话好啦咁。结果全部都是骨。想揾d肉食下都无。如果我冇特别讲清楚我觉得问题不大。如果老板话净系得背脊咋。我都觉得冇问题。但系老板要特登讲话好多肉。咁样就真系嬲咗。$48。自己看图。今次第一次写食评。因为受骗的感觉很强，觉得这样做生意不是太好。所以想多一点人知道。希望佢见到呢个食评会改善一下。如果其他人都见到仲系咁嘅情况麻烦上嚟写多几篇。
继续阅读