廣東名門 (三聖市場)

营业中

休息中

自細都住屯門，之前一直鍾情流浮山的海鮮，但近幾次朋友都極推介去三聖食。今次媽媽生日，決定要入去試一試，雖然當日係星期二，但早一晚就訂左枱，8點鐘,四位。7點半左右去到三聖, 先去右邊海鮮檔選購海鮮。朋友介紹到上記買海鮮，買左一斤龍蝦，四隻鮑魚，半斤蝴蝶蚌，同埋一斤左右蟶子。仲買左兩隻蟹, 一斤左右。8點買完去到名門，因為訂左位，即時有位坐。當晚不算人多，坐左6-7成人左右。坐低冇耐就點菜，伙計好醒目，幫你諗埋點煮點搭最好食。等左10分鐘左右，第一道菜就到黎左油鹽水蝴蝶蚌，自家製既上湯煮，唔會搶味之餘仲好鮮，個湯都好好飲!!爸媽食唔到多野，所以一斤多龍蝦就夠，簡單走油調味就上碟因為仲有烏冬，冇再叫麵底。調味一流，唔油膩又有鮮味!!!陳皮南非鮑魚，上記鮑魚係幾鮮，又大隻又彈牙，而名門既陳皮好香，同鮑魚絕配!!!鹽焗黃油蟹，食海鮮好少咁食，通常都係炒蟹多，今次試鹽焗，好香，蟹膏仲係留係蟹入面，慢慢流出黎!! 好好食! 鹽焗仲有好處，蟹膏仲好熱好香!!!蟶子炒得好入味好香 豉椒汁味道岩岩好 唔會太濃總結 好食又扺食！ 值得一試

同屋企人黎食飯, 一早訂左位,餐廳坐無虛席,好多人都選擇去街市買海鮮黎,但我地選擇餐廳直接點菜,鹽水花甲花甲好大粒清甜, 無沙豉椒蟶子店員建議豉椒炒果然無推介錯豉椒好入味而且有鑊氣蒜蓉粉絲蒸扇貝扇貝大粒蒜蓉多, 配上粉絲超好味避風塘賴尿蝦肉質厚身有口感避風塘味道好惹味焗蟹外面咸, 入面鮮味第一次呢個煮法, 唔錯一家人食飯除左食小菜,間唔中食海鮮都唔錯

大堆頭海鮮宴 同同事來廣東名門食海鮮,先在旁邊的海鮮檔買了大量海鮮, 有南非鮑魚, 大隻瀨尿蝦等等..買了千幾蚊. 之後取過來接廣東名門這邊 先上巨型椒鹽瀨尿蝦, 師傅做法無甚麼特別,但的確夠傳統惹美 ,有前手臂咁大隻瀨尿蝦確實鮮味, 南非鮑魚比一隻八達通更大隻 ,欣賞店家用上陳皮, 香味貫徹, 去走鮑魚的苦澀味, 扇貝買回來的很大隻, 只是不太夠 蒜蓉, 買了一斤鮮蝦級師傅做芝士炸蝦, 廚師弄得夠香口 二三十隻蝦連榖掃清光.餐廳送的湯鮮味十足有魚肉豆腐 瀨尿蝦, 飲落有海鮮味, 桂花糕比較鬆散, 如有更多小小些魚膠粉就更好, 另一道甜品芋頭糖水煲得溶爛, 入口即溶,好食到震.服務方面有些好好, 有些姐姐沒太好禮貌, 黑口黑面的, 看運數吧.

今日中午係側邊海鮮檔買咗一條三刀，一隻斤半花蟹去加功。完全嘥料。條三刀煮得太耐。肉硬無魚油。花蟹用花雕蛋白蒸，但係隻碟太深，隻蟹浸晒係啲水入邊，蒸出來冇晒蟹味。非常失敗。加上服務態度唔好，店員黑口黑面。一定唔會再嚟。

同舊老闆及舊客人食飯, 他們最愛到屯門食海鮮。海鮮是今晚飯局的靈魂, 因此到舊老闆有深交的「關財記」揀海鮮。海鮮檔光猛又整齊, 海鮮種類多不勝數而且非常生猛。日本客人見到各式各樣的海鮮興奮萬分, 不停拍照。老闆友善又風趣!選購海鮮後, 到對面的「廣東名門」交給店員並交代烹煮方法便入座。《象拔蚌刺身》象拔蚌肉身爽口彈牙, 味道鮮甜。這是我最喜愛的刺身兼火煱料。象拔蚌每個部位都可食用, 絕不浪費。象拔蚌膽有多種煮法, 最後用了酥炸的煮法。原來象拔蚌膽份量幾多, 可以滿足我們一行八人。炸粉略嫌太厚密度高, 而且調味太重, 加上象拔蚌膽本身味道帶腥, 整體味道偏咸, 多吃感覺油膩。《墨魚刺身》在香港第一次食墨魚刺身, 賣相不及魷魚那麼通透。試了兩塊刺身, 覺得口感煙韌爽口, 但是味道非常淡味。過了一段時間墨魚刺身變得硬身, 還是放進滾湯中灼一灼比較安心。《避風塘炒賴尿蝦》這菜式絶對是大排檔必點美食, 一顯師傅功架及鑊氣的表現。炸蒜及辣椒炸得金黄, 可是只有少量放在椒鹽賴尿蝦上, 賣相打了折扣。突然想起「橋底辣蟹」及「喜記」的炸蒜及辣椒多得似個金黃小山, 用來送粥真是一絕。幸好這裡的椒鹽賴尿蝦煮

上星期突然很想食海鮮，但兩個人的話沒有什麼選擇，於是邀約爸爸媽媽和妹妹一家同行，順道當作中秋的做節晚飯。媽媽說要去廣東名門，想不到星期三的晚市竟然座無虛席，幸好我在星期一晚早已訂座。到海鮮檔買海鮮經驗不算豐富，不過也記得光顧友人介紹最角落的忠仔記，買了扇貝、鮑魚、花甲、蟶子、蠔以及蝦，價錢也跟新墟街市差不多，很實惠。叫店員送我們雜魚煲湯，店員很豪氣的給了我們兩條活跳跳鮮魚、兩隻中型瀨尿蝦以及一堆蜆，非常豐富。- 油鹽水浸蜆非常鮮甜- 豉椒炒蟶子新鮮嫩滑又惹味- 砵酒蠔最得我歡心，我認為是今天的NUMBER 1，煮得剛剛好之餘還有脆邊- 蒜茸粉絲蒸扇貝蒸得老了一點，因為我們選的扇貝呎吋比較細，我笑說廚師很少泡製這麼小的扇貝所以比較生疏- 胡椒薑蔥鮑魚胡椒味太強，搶了鮑魚的鮮味，下次還是選用果皮蒸比較好，幸好仍能感受到鮑魚的新鮮彈牙- 豉油皇中蝦，因為我們選的蝦相對比較細隻，本來店員建議我們白焯，但我們堅持豉油皇，其實我覺得OK，因為蝦細連殼都可以食埋脆卜卜，但妹妹就好像感到有點遺憾- 蕃茄薯仔豆腐海鮮湯非常鮮甜，用來煲湯的瀨尿蝦啖啖肉，吃得非常滋味。上次跟婆婆舅舅阿姨們吃海鮮時曾經懷疑過

今晚老細請食飯~~~YEAH@@即興去3聖食海鮮好開心...員工我緊係死跟,,,有好野食啦~~係"關財記"買完海鮮就來廣東+工!!是日是平日...餐廳都客滿..有人等位啊~~白勺東風螺~~雖然細細粒~但真係好鬼鮮味!!我吳食....老闆表示好食.爽甜!!!扇貝...+上蒜蓉粉絲..絕配~好大粒,,,好新鮮蒸鮑魚~~火候剛剛好...不會過火...好爽口~~炒聖子...火候十足...調味也很好,,,,辣辣地,,,好花惹味正是奄仔蟹既時候~~呢度鹽焗真係做得好好!!!保持鮮味,,又鹹鹹地,,,好好味!!!爆曬膏~~~瀨尿蝦...平時因為敏感我都吳食既..不過呢次都要破介~~因係佢既膏真係太誇張了..一條粗粗的~~~令人一試愛上!!!最尾炒碟菜食下~~金銀旦現菜~~普普通通~本身仲有個蓄茄薯仔海鮮湯...掛住食無映到....都好好飲...勁鮮甜~+工費連汽水,,菜..好似8百蚊~買海鮮都係差吳多價錢~ ^^

公司搞飯局食大家都鍾意嘅海鮮避風塘瀨尿蝦 - 炒得好惹味，正！豉汁聖子 - 豉汁味道沒有蓋過聖子本身鮮甜味薑蔥石鍋鮑魚 - 鮑魚肉質結實彈牙，D蔥都好好食砵酒焗蠔 - 炸得太乾身，我比較喜歡軟身的薑蔥炒蟹 - 個汁煮得好好，蟹都好鮮味爆炒蝦碌 - 呢個汁麻麻，太咸

本應用膳後盡快寫食評，現在卻隔了個多月……沒法子，認真寫食評實在太累人了！然而這確實是一家好店，值得我翻開記憶的抽屜。那天父親聽了同事的介紹，帶我們一家到屯門這食店吃海鮮。店子對面有一列海鮮檔，我們要先在那裏買海鮮，再由食店烹煮。選哪一檔較好？又是父親同事的介紹：那家「楊合利」價錢公道。我們選了鮑魚、花蟹，還有蟶子。店主說多送兩尾魚和一小堆蜆給我們喝蕃茄薯仔魚湯，簡直求之不得。舍弟點的黑椒石窩鮑魚非常惹味，鮑魚肉質結實彈牙、味道鮮甜。接下來該到蒸花蟹上場了。之前我和舍弟為蟹的烹煮配料爭論不休：我希望用花雕蛋白而舍弟堅持要吃梅子蒸蟹，結果……還是遂他的願。原來他十多年前曾在某店吃過這道菜，自此念念不忘，試問我怎忍心不讓他重温舊夢？此蟹確實滋味無窮，肉質結實且有鮮味，沾了酸酸甜甜的梅子汁簡直絕配。豉椒炒蟶子聽起來沒什麼特別，但以煎過的粉絲墊底(沒錯，類似兩面黃)你又嘗試過沒有？廚師特地勾了一個黏稠的芡汁來配米粉，對我來說口味確實新鮮。蟶子一點也不韌，非常爽口。其實吃過的這三道菜，火侯都控制得剛剛好，值得一讚。差點漏了說蕃茄薯仔魚湯，是用海鮮檔檔主送的兩尾小小的魚和連尖煲成。湯色奶白、魚味

今日同朋友慶祝生日，一行7人入左三聖村食海鮮，自己買料（發記）再去加工 。試既係廣東名門。 買左7款海鮮，包括：蝴蝶蚌，鬼蝦，奄仔蟹，花螺，瀨㳮蝦，金鼓魚，元貝。叫老闆執多小小海鮮去煲個靚湯,，免費0架 。可以去搵叉燒哥。我地訂左630果段時間，但係都FULL FULL 地，可能係假日啦~所以記得要訂位呀~廣東名門有2間鋪位，第一間近馬路既，睇起黎都幾靚，但入D果間就比較普通d。如公司食飯既話記得request 第一間鋪。(冇影到相，sorry ) 2間鋪都乾淨企理，但唔知點解唔開冷氣，想熱死人咩 上菜速度快，應接不暇，完全食唔切，最後用左45分鐘就清哂7道餸。服務都ok，但一定要check 清楚冇漏單，否則佢地加單再做都要用30分鐘以上。好喇~ 入戲肉:::::: 難得咁多人，緊係乜野烹調都試一試。其實都係果幾類啦~有鹽水浸，芝士焗，辣酒煮，蒜蓉粉絲，避風塘炒&清蒸，都係係睇個人喜好啦~~ 芝士焗鬼蝦～可能第一次食啦。鬼蝦有點龍蝦既感覺。芝士味唔係太濃，不過一定要熱食，味道出好多！金鼓魚～又係新嘗試，肉質彈彈的！蒜蓉粉絲扇貝～勁好味，大大粒，好鮮甜！超讚！鹽水浸蝴蝶蚌

星期六晚入三聖食海鮮！那天雨下個不停，雨勢還頗大。幸好流程頗順利。這店有分前後店，前店樓底較高，燈光較亮，裝修亦較舒適。客人要先買海鮮才可登記等位。食店與海鮮檔只隔一條小馬路。我們瀏覽各海鮮檔一圈，最終選了轉角位的“水立方”。買了一隻大墨魚，六隻差不多手掌大的大連鮑魚，一條一斤多的海班，十隻聖子，兩隻膏水蟹和兩隻長過手掌的瀨尿蝦，總共$1200。知市價的朋友說價錢算合理。我們告之海鮮檔食店名稱，付款後便回食店登記。海鮮比我還早到食店！等了約二十分鐘入座。第一道菜 - 白灼墨魚大量芽菜墊底，墨魚上舖上薑絲，芫茜和椒絲。墨魚是遊水的，灼的時間也恰當。味道求清的話，可以的。第二道 - 原本要的是豉椒炒聖子，卻來了豉汁炒。算吧。聖子剛熟又夠鮮甜。第三道 - 清蒸鮑魚意外驚喜！鮑魚大又滑又鮮又軟熟，蒸得剛好，味道亦不鹹不淡地帶出本身鮮味。第四道- 蒸海班與鮑魚一樣Good!第五道 - 豉油王瀨尿蝦唔。。。太鹹！浪費了那麼多膏的瀨尿蝦。。第六道 - 鹽焗蟹差不多每次都點的，因為這煮法能保留蟹的鮮味和蟹膏又香。可惜今次有點過熟，這蟹值得死得更靚。第七道 - 上湯白菜仔要求少油，他們做到！而且菜

今日約咗個客响屯門傾合約，三聖最出名更係食海鮮啦！ 其實食海鮮新鮮就一定係首要㗎啦！其次就係控制火爐同調味！所以先嚟個果皮蒸南非鮑魚、豉油蒸蟶子皇做頭盤先！ 呢兩樣都蒸得啱啱好！剛剛離殼好嫰無𡁻香口膠嘅感覺！豉汁又調較得唔會太咸有少少甜！ok ar！溫和嘅頭盤之後要刺激一吓條脷先！叫咗個辣酒煮花螺！酒味夠香唔嗆喉、辣椒嘅辣當中又有少少香蒜味！至啱辣妹嘅我！ 主菜就係上湯焗南澳龍蝦！火喉都蒸得好好！不過略嫌個豆粉獻汁勾得比較杰身！ 其他炒飯同薑汁芥蘭都正常表現！整體嚟講有70分！下次會再來呀！

臨近年尾很多人都要吃團年飯，而小弟亦不例外，選址方面小弟當然是沒話事權的一堆，所以去那一店都照單全收。小弟深信氣氛會影響味覺，一家人聚在一起團年吃什麼都會覺得份外加分。乳豬皮脆切得再薄一點口感更好，肉身嫩滑。炸子雞賣相金黃，皮薄香脆口，鹽、糖、五香粉和沙薑粉配合得剛剛好，肉身新鮮。蒜容龍蝦仔肉身爽口彈牙咕嚕骨酸酸甜甜又夠脆口，憲汁入味不會跟豬肉骨分離(不懂形容)

在三聖的一間出名食店我們買了很多海鮮，都是比加工費的那種。比較特別的是鹽焗蟹，鹽的份量OK，不太咸，但今次的蟹不夠靚，不夠鮮味，搞到不好吃。失色!胡椒花甲湯是OK，鮮甜。但胡椒味不足，而且有些花甲不夠熟蝦就是一般的白卓蝦，沒有特別的做法，只說剛剛熟，蝦肉算滑，但加工費真不平。不是不好，如果比起西貢，是不貴的，但好不好吃真的只是你帶的海鮮靚不靚。但收的加工費就真的不平，平均每人要200-300元。勝在不用自己煮吧。 

出左年中既花紅，梗係食餐好啦，一於去三聖度食個勁既海鮮餐先首先去左海鮮檔到選擇海鮮，買左象拔蚌，貴妃蚌，聖子皇同埋奄仔蟹象拔蚌就用嚟做刺身，食落勁爽口，加埋唧啲檸檬汁食落更加鮮甜貴妃蚌同聖子皇都係用蒜蓉粉絲嚟蒸，蒜蓉夠多蒸出嚟好香，兩樣個肉質都係好彈牙，最唔好係啲粉絲太少最後到奄仔蟹，用油鹽水嚟焗，第一次試咁樣整，啲蟹好多膏，食膏都飽，真係好食到爆