廣悅粥麵 (已結業)

3月25日（星期四）晚，是晚雖然要去看“醫神”演唱會，但昨晚剛病倒，還發高燒，幸好休息了大半日，感覺上好了點，為免白白浪費了兩張演唱會門票，還是硬著頭皮去罷！先去接女友收工，但女友要七點才走得，結果坐港鐵去到紅磡已差不多七點半，於是急忙趕往附近的國際都會的美食廣場吃晚飯。不過沿途有很多地產經紀在攔路，我要緊握著女友的手，一路不停地說：「唔該借歪，我們是來吃東西而已！」，才能突破那條“經紀巷”去到Food Court。在Food Court內早已人山人海，因為我抱病在身，早已想好去吃粥，女友講低想吃水餃麵就去找位子，我就排隊買食物。這店幾乎全部食物也是套餐的，所以女友的水餃麵可以加碟油菜是一個餐，我就叫碗白粥加碟豉油皇撈麵又是一個餐。眼見師傅忙個不停，兩個餐的食物很快就弄好了！水餃麵賣相平平無奇，相信食味也不見得會很特別，油菜祇得芥蘭，翠綠爽甜，還算不錯；白粥是有味粥，味道偏鹹，而且粥底不算軟綿，有點像潮州粥，豉油皇撈麵色澤夠深，可惜味道又是偏鹹，而且麵條不夠爽滑。不過可能我身體不適，沒甚麼胃口，每樣都吃了幾口就沒有吃了！吃完了，又要衝出那條“經紀巷”，趕往紅館去看“醫神”演唱會。

試了一客粥麵餐。雲吞麵略細碗，麵質味道略淡，口感爽口但不夠彈牙。雲吞賣相一般，但味道比想像中好。皮蛋瘦肉粥生滾粥底，本是中規中矩吧，不過，在進食途中竟發現有膠裝廢物，衛生要扣分。

廿二蚊,可以食到魚片粥加一隻糭,相當抵,可惜味道只是一般.魚片粥雖然有好多魚片,但魚片比較"鞋",粥底亦比較咸;至於隻糭,就非常普通,唔夠味.

嘩, 叫左一碗白弼, 一碗生菜鯪魚球粥. 一送進口.......嘩!!!!　唔通所有通漲都有漲價，除左鹽？咸得要命～係我一世女食過最咸既粥！唔想sodium level 標升不宜到此店！

老坑之前,眾人在火車站集合.時間尚早其他人未到,環觀火車站大多連鎖貨色.唯有到都會廣場個foodcourt,看看有什麼收鑊?用海南雞打底又的確太重手,轉到去唯一一檔粥麵的廣悅,來個蝦子撈麵.蝦子落得不多,咸香味不夠,蠔油的效用,是用來喧賓奪主的.麵身也算過得去,鹼水味都幾重.可能叫雲吞麵會更好,不過如果在這一帶吃麵,還是大光燈作首選.除非你想一邊吃海南雞飯,一邊吃雲吞麵.香港人,就是如此多心.

黎依度食粥都唔會預期靚粥底同新鮮配料, 總之入得口就算, 叫左個魚片粥, 但唔夠魚片, 就搭多樣菱魚球, 我話要兩粒就夠, 個伙計怕我唔夠飽比夠三粒我, 魚片唔算好新鮮但又唔會腥,菱魚球就只係食到d陳皮味, 粥底較鹹, 好彩食完唔會好口渴, 當我食左一大半o既時候, 就比我見到個伙計點煙, 唉,食店伙計食煙唔出奇, 但話哂呢度係商場, 要食o既話都應該返入後欄先食麻, 唔該!