廣州周記茗點居 (已結業)

琴日入咗長洲，唔知食乜好，帶住兩個老人家加兩個細路，突然見到有話樓上有點心食，即管抱住試吓嘅心態上去望吓啦上到去見到一排排嘅座位，唔同傳統酒樓，雖然冇傳統酒樓咁大張枱，但我覺得一家人三對三坐好親切所有點菜都係用電子屏幕，好現代化，茶都係每人一個茶包，有啲茶係出面酒樓搵唔到，例如呢個金桔茶，我叫咗有好香嘅金橘未。佢有啲特色嘅點心賣相都好整得好好味道都唔錯，雖然一啲傳統點心質素同出面差唔多尚可。佢最好玩係嗰個水壺，放低喺張枱旁邊過度可以自動加水同埋煲水，呢樣野我真係香港第一次見。依啲食物係來得比較遲，但就當適應下慢活嘅生活。而佢嘅侍應都好有笑容總之我一家人食得開心，下次會再去…查看更多

1.點心選擇太少2.按 " 服務 "但永遠等很久才有人過來服務3.問佢一句就好唔耐煩4.野食唔齊問下佢 仲要鬧番我轉頭5.最後發現冇落單 6.取消冇來的點心然後埋單 銀碼都冇話我知幾錢就諗住碌我張卡7.唔會有下次…查看更多

周記最近做埋早餐市，開六點如果早到起身，都扮下考順女朝早7點陪媽媽朝早飲個早茶再搭船出去返工周記回應街坊訴求，最近一個月，陸續出左好多新點心及小菜（生煎叉燒包、蟹粉小籠包、叉燒酥、榴槤酥、太極麻蓉包、酥皮蛋鐽etc)其中試了太極麻蓉包，係必吃點心流沙包亦不錯；另外酥皮蛋鐽亦深受街坊歡迎小菜方面：有最愛就是五柳黃花魚（是送飯首選）；亦加左香菠咕嚕肉（大約有8件大大舊的肉）；手撕雞套飯及鹹鴨脾套飯亦是我們的大愛早餐的話，粥品必不可少，最愛吃的粥品是魚片粥，媽就愛菜乾豬粥…查看更多

已經不是第一次！呢間食店，服務完全失望！食物水準不說，而且服務員經常無給客人應有的茶包數量（一人一包，每包10蚊），但是結賬時卻要每人收一份茶包費。服務員卻指客人不提早出聲，導致事情發生！如果評分可以負星，我會考慮。長洲有很多食店，亦有其他茶樓，客人可以好好享受，我不建意客人來這店受氣！…查看更多

身為非長洲原居民，但嫁咗俾位原居民嘅x先生，由外國返嚟住已經3年幾嘅小妹，從未喺島上飲茶食點心，亦無興趣飲茶。呢間新開咗幾個月嘅周記茶樓一直未試過，今日突然同老公有興致試下，仲帶埋阿囝去。首先，腸粉唔得，粉皮厚到爆，一d晶瑩通透嘅感覺都無，一夾起係成一大條痴住咁起，唔似出面d好掂又滑又薄嘅腸粉，係一夾就好容易滑返落隻碟度。總結：腸粉唔掂第二，煎蘿蔔糕幾好，每一啖都食到滿滿的，豐富嘅蘿蔔絲，口感很好。但要彈吓係佢煎得唔夠香同面層無色又唔脆，擺明係hea煎，求其辣兩嘢就算。所以，香煎蘿蔔糕亦扣分其餘點心都唔錯⋯ 阿囝就勁擦馬拉前糕蝦餃皮夠哂煙UN，餡料亦好足春卷係脆，但過份油膩，食一件已經濟住，唔想再食第二舊…查看更多

諗住難得入黎長洲，試下飲茶，第一次幫襯呢間食店，完全失望而走。 首先服務差劣，服務員完全對食客少理會，另外食物賣相麻麻，腸粉皮非常厚，饀少，總之非常失望，下次不會再來！ …查看更多

是晚常秘設宴，聞說長洲有一新開茶樓，遂於晚市時段一試。茶樓地方闊落，採電子化落單，茶芥、點菜，結賬均一pad搞掂，科技水平高出本局十萬八千里。檯上設一水機，會自動補充及煲滾熱水，免卻阿姐不斷加茶之辛勞。點心方面，一行人點了燒賣、牛肉、蝦米腸、蛋腸等。點心尚算精緻，比附近茶樓的點心好吃。排骨飯正常水準，豉油香甜。由於常秘及副局長不嗜辣，遂點了原味雞煲。雞還可以，汁就較淡，應該麻辣較好。總括而言，此茶樓質素不俗，為街坊飲茶聚腳之選。…查看更多

非食評，但有必要話比大家知其實我係真係唔想嚟呢到，無奈屋企人要去……第一次去食，蝦餃係變壞左有異味，換過都有異味，埋單仲要照收錢…理由係咬過當食左…第二次去，經理話唔需要㩒飛等位，佢記得邊個排先，結果到我果陣居然比我後面個呀嬸(我同呀嬸人數一樣)問經理點解，佢居然話記得係呀嬸先……之後又話有位比我地上去，結果上到去原來仲要等，個員工仲話5人枱坐到6-8個人喎😊我真係笑出嚟第三次去，又係漏點心，仲要死口話嚟左🙄最後一次去，叫9樣點心淨係嚟4樣，等左大半個鐘都未到，叫埋單取消未嚟嘅，又死口話有嚟又唔想退錢😊淨係取消5樣嘢都等左你10幾分鐘很抱歉，呢間嘢我同我屋企人，朋友以後都唔會再嚟。咁嘅服務態度確實令人止步。…查看更多

呢間茶樓整體感覺良好，食物都有一定水準但由佢開張到而家，大大話話去左10次餐牌無乜變～對於嘗鮮嘅人會覺得悶～幾時會轉下餐牌，賣下廣州都有嘅野？例如：1）酸菜魚2）榴槤薄餅3）蛋撻4）小籠包5）陳村粉6）紅棗榚還有菜類比較貴（價格調整低會多的人點）叉燒比較肥（不適合香港人口味）油炸食品水準參差（建議改進）…查看更多

這店裝潢和氣氛都很有特色。沒想到每人有一包的茶葉再個別泡茶，特別濃和香；加上智能煲水、自動加水，感覺衛生，乾淨企理。食物質素高，有獨家點心。傳統點心也分量充足，蝦餃和燒賣中間都會多一粒瑤柱、牛肉球下的山竹很多、真菌腐皮卷有菇味很好食、腸粉是石磨腸粉，夾層有油香。不但價廉物美，而且水準不錯。只可惜一些想試的新款點心都售罄了，數量應預備更多。環境裝潢都很有心思，碰上長洲今天人不多，又非繁忙時段，剛好可以享受一大片風景，幾自在舒服的下午茶。…查看更多

星期六早上, 同屋企人飲個早茶我係第一次去周記飲茶由環境 服務 到食物, 都十分不錯😌-👉🏻環境只開放一層, 大多係4人枱座位闊落, 坐得舒舒服服唔會好似去其他酒樓咁, 要同唔識嘅人搭枱之餘仲要愈坐愈迫-👉🏻服務周記採用較自助嘅模式, 自助加水煲水平板電腦點點心, 亦有實體餐牌可以睇職員服務態度都ok自助模式雖然對老人家黎講會比較陌生👴🏻👵🏻但係我唔係好識用電子產品嘅爸爸都表示ok, 易上手, 仲好巴閉咁不斷㩒制煲水幫我地加水🤣-👉🏻食物唔係好似其他酒樓咁一枱一至兩壺茶, 周記係一人一小壺茶, 每人一包獨立包裝嘅茶葉, 加水落自己個壺仔沖, 自己揀返鐘意嘅茶, 濃淡自己控制, 不過個壺仔同個杯都偏細, 加水要加得好密🤔點心飯麵類選擇多, 以下2款我覺得好特別💁🏻‍♀️南乳蔥油餅賣相靚, 外脆內軟, 有d似炸饅頭, 當然比炸饅頭香口💁🏻‍♀️黑金紫薯包賣相平平無奇, 但食落有驚喜, 個餡好香紫薯味同甜甜地, 如果多d 紫薯餡更好👍🏻另外, 我地叫左碟淨腸粉, 唔知點解腸粉有陣花生醬味, 我個人認為ok 的, 但係如果對花生醬敏感嘅就要留意啦~~-…查看更多

長洲新開的茶樓，目前只有2樓開放1樓很明顯的很多東西沒有整理好不過最讓人驚豔不已的是！！噹噹！這個真是太厲害了，加熱還能自動補水，用平板自己下單，真的是省去了繁忙時段，要給阿姐白眼的機會，完全克服飲茶要不斷加熱水的困境！糯米雞，飲茶怎麼可以沒有糯米雞！荷葉包起來的味道很香，整體上味道也很平衡炸水餃，皮很彈牙，熱辣辣，餡料也香，推薦點炸春捲，皮炸得很酥脆，然後....沒了....就很平常的炸春捲...炸蝦餃，第一次聽到，也是第一次吃，意外的還不錯吃，蝦子很新鮮內餡飽滿，配上酥脆的外衣，這個組合不錯這次主要過來看看環境，試吃一下味道，價錢跟環境都可以接受，服務的阿姐態度也不錯，飲茶又多一個地方選擇囉！…查看更多

本來打算假日黎長洲散散心，但天雨關係只能食個lunch行幾下就回程。幸好黎食左個唔錯既lunch，算無白行一趟😌咁岩行過見到呢度就行上去食，上到去可能比較新，無特別帶位我地就自己入座。坐底見到好得意，係自助式煲水，本來見個煲無水想叫店員加水，點知原來佢會自動加水😳我真心大鄉里未見過😂而且調味料好齊全，成件事好user friendly 另外都係第一次見茶樓係用ipad點菜，平時火鍋店或日餐就見得多。佢除左ipad外另仲有一本menu比你睇清楚有咩食，呢一頁就係介紹唔同茶既款式，平時唔懂茶既我都可以了解下咩茶岩自己。另一特別之處，每位客人可以根據自己喜好選擇想飲既茶，同平時茶位錢都係咁上下，十個人黎都可以選擇十種唔同既茶，感覺更多樣性。每個位會有一個壺沖茶，真心好得意好有feel~我就選擇左菊普，順喉舒服😌男友不嬲係茶怪，仲係鐵觀音既忠粉，識飲既佢都話茶葉的確唔錯，難怪有淨飲既價錢。*麻辣手撕雞*麻辣唔算好出，但雞肉還好，青瓜清甜。*香茜牛肉腸*唔好睇佢皺皺咁，腸粉皮薄有米香，牛肉滑滑的。（男友大讚係細個既味道，而家好少地方食到。）*避風塘炸蝦餃*炸得幾脆又挺身，不過就唔係好避風塘感覺，蝦都幾新鮮，幾新穎既食法。*迷你佛跳牆*啖湯好濃郁，入面有冬菇、花膠、瑤柱、雞肉、粉葛...，幾足料架👀*蒜香南瓜蒸排骨*南瓜係幾甜幾粉香，但排骨太多醬，感覺有點漏。…查看更多

長洲居民大飽口福了五四假期兼星期六，三人行到長洲旅遊及行山，行完山，已是晚上九点了，唸住返中環，咦！見到碼頭，有間新開的茶樓名叫廣州茗点居，嘩！外面裝修好有加拿大多市唐人街的感覺，尤其是那條的中國龍！I like it. 上網才知道這間周記茗點居在國內廣州有超過50 間分店！以為好似普通酒樓一樣，拿票入座，原來吾系。要先拿第一張號數及人數票，然後再等另一部平板電腦安排入座，全智能由電腦安排入座｡坐到位后，又有全智能的自動煲水系統，自動入水，自動煲滾，聽聞全香港系第一間酒樓採用。差不多9點仍坐滿了人，我地三人點了一個陳皮普洱茶，他們是提供一包茶葉，每個位置都有熱水可以自己泡茶，這點我還滿喜歡的，另外我們點了鲍魚海鮮盆菜(推薦)、胡椒豬肚，都很好食及份量又夠，價錢又大眾化，可以推薦這家試試。由於仍在試業，因此，暫時只做中午至晚上十一点個人認為CP 值很高，尤其是在長洲！…查看更多