廟街小食 (已搬遷) 新店位置

每次去廟街，都係食煲仔飯，原來廟街都有串燒食，仲有室內座位坐，唔洗熱。喺門口串燒檔揀下想食咩串燒，可以自己直接執，執完一籃就交比店員，攞個牌，就可以入去坐低，涼住冷氣等食，如果想外賣都得，都唔見有寫話要食幾多先可以坐喺度食，有好多位。串燒會由個師傅即刻炭燒，所以好香。串燒款式都唔少，又唔係話好貴。要辣嘅話會有啲辣汁，我只係要咗好少，不過都幾辣。魷魚香，其他肉都燒得出面幾脆，都仲juicy，啲丸都幾彈牙。

仲係街舖果陣，魷魚燒得非常香，而家入左舖之後唔知邊個大聰明提議魷魚落鬆肉粉呢？魷魚變得唔香質地又怪，希望有所改進啦，其他都還可嘅……openrice 比分個版面設置唔直觀，好難用

被呢間串燒檔嘅香氣吸引住，索性試試檔口有啲舊 應該開咗好多年，菜單掛到高高，河粉、撈麵、各種串燒應有盡有老闆喺爐頭前忙過不停，火光同香氣一齊繃發，好有煙火氣叫咗雞翼、紅腸、雞肉串。雞翼燒到金黃，外皮微脆，咬落肉汁滿瀉，調味啱啱好；紅腸煙韌帶汁，鹹香夠晒惹味；雞肉串好嫩，火候掌握得絕，仲帶住炭燒香。價錢好親民，食完仲想再叫返幾串。呢種街邊嘅樸實滋味，係連鎖店食唔到嘅，下次經過一定再幫襯

🍢炸串種類超齊全，雞肉、牛柳、魷魚等肉類香氣撲鼻，茄子、秋葵、年糕等素菜亦做得超有水準，外皮炸得金黃酥脆，內裡軟嫩多汁完全唔油膩，必定係佢哋嘅靈魂沙爹醬!!沙爹醬就係靈魂秘密武器，鹹甜交織質地濃稠，完美掛滿每一串炸物層次感爆發，真係會食到停唔到口😍🌶️平時唔食得辣嘅朋友記得要同老闆講飛辣...

呢間烤串店真係俾我撞到寶啦!!尤其係嗰個沙爹醬，簡直就係成個美食嘅靈魂所在🥰🥰食過之後成日心心念念住，真係掛住個味到不得了。第一啖品嘗嘅時候就後悔點少咗。嗰個沙爹醬一入口，濃郁嘅香味即刻好似爆彈咁，瞬間彌漫成個口腔，真係正到冇朋友🤩🤩更加有驚喜發現，沙爹醬入面居然隱藏住一粒粒肉粒，咬落去嗰種口感，每一口都充滿住鮮香‼️味道層次分明，甜、辣、香三種味道完美融合，令人食完一啖又想再食一啖，根本停唔到口，完全淪陷喺呢個沙爹醬嘅魅力之中🤎🤎

用餐日記：廟街小食🍽️**日期：**2025/03/09**地點：** 廟街鴉打街33號地舖#### 環境氛圍今次經過廟街，想食宵夜，發現這間小食店裝修了，空間擴大了唔少，仲可以選擇坐室內😍。但可能半開放式廚房嘅關係，加上出入口門口位有膠膜阻隔走冷氣，有時候多客人時室內會有少少焗（始終旅客區多人，看得出都有唔少遊客食客；又或者可能其他媒體有介紹），但氣氛卻熱鬧得不得了，好有香港味！ #### 點餐選擇我哋兩個點咗一份撈麵，仲有炭燒茄子、豆腐、豬頸肉、雞中翼、雞軟骨、翠肉瓜、魷魚配王老吉；選擇實在太多，好多都想試！！因爲已食晚飯，所以胃容量有限 ，其他試唔到嘅食物只好留返下次再食😹#### 食物評價所有食物都非常正，撈麵份量很大，估計有兩個平時印尼撈麵咁多，宵夜唔需要食太多嘅話，一份都夠兩個人食。尤其係配埋佢個特製串燒汁，真係無敵！平時最鍾意食嘅雞翼，呢度反而有少少乾，竟然其他食物都更吸引，特別係炭燒翠肉瓜，口感超正，雖然燒左但滑溜又多汁入味。#### 服務體驗呢度點嘢食同比錢方法係首先在門外揀食物，然後佢會比個號碼牌你放枱面，當炸好燒好就會送到你面前即時收費～店裡面啲姨姨叔叔都好友善，爽

為何深夜總是餓😋😎呢間串燒真係不得了，嗰個沙嗲汁可能係全香港最好食嘅沙嗲汁，配上熱辣辣嘅串燒非常好味😋而家香港地，返工OT完咗真係好鬼激心，基本上去到邊個商場都係冇嘢好食，間間餐廳都閂晒😆有時真係谷埋一肚氣，咁辛苦返工都係為咗一啖食啫。好彩仲有呢間廟街小食🤩🤩居然由晚上六點開到凌晨三點😍今晚去到仲要基本上坐滿晒，人才濟濟，以前係街邊舖，而家變咗一間有堂食嘅大舖，有得坐，香噴噴，好好味，舒舒服服。

#fatxyaumatei ‼️ 食 過 最 正 嘅 撈 麵‼️·① ［ 魚 蛋 燒 賣 腸 仔 撈 麵 // 肥 肉 撈 麵 ］| 佢哋嘅自家秘製沙嗲辣汁就係呢個撈麵咁鬼好食嘅原因໒꒰՞ ܸ. .ܸ՞꒱ა⋆⑅˚₊辣汁可自辣度，建議選小，因為都偏辣。份量勁大，應該落咗2人份量。但唔知點解比較喜歡第一次外賣個次： 「 魚 蛋 燒 賣 腸 仔 撈 麵 」😂 （可能嗰日要等成30分鐘，反而第二次唔使排隊，建議大家唔好宵夜時間去） ｜𓋪9.5/10•② ［ 茄 子 // 雞 軟 骨 // 司 華 力 腸 // 豬 腩 肉 // 豬 頸 肉 // 牛 肉 ］ ｜串燒反而冇撈麵好吃。試一次便好。如果真係揀會推介 「 豬 腩 肉 」，幾有驚喜！ ｜𓋪6/10· 廟街小食 (油麻地)油麻地鴉打街33號地舖

這次我品嚐了一家提供多種燒烤串的餐廳，整體體驗相當不錯。首先，餐廳的選擇非常豐富，從肉類到蔬菜，再到海鮮，應有盡有，讓人眼花繚亂。我特別喜歡他們的麻辣汁 ，麻辣鮮香，辣度適中，不會蓋過食物本身的味道。我點了幾串牛肉、雞肉和一些蔬菜，牛肉串烤得恰到好處，外皮微焦，內裡多汁，調味料的味道恰到好處，既增強了肉的風味，又不會過於搶眼。雞肉串則是嫩滑可口，烤得金黃诱人，搭配的調味料讓人回味無窮。蔬菜串同樣出色，尤其是玉米和土豆，烤得恰到好處，既保留了蔬菜的清甜，又增添了燒烤的香氣。我選擇了幾種不同的食材，包括魚丸、豆皮和一些蔬菜。麻辣味道非常到位，辣而不燥，麻而不苦，食材在湯底中煮得非常入味，每一口都是滿足。特別值得一提的是，餐廳的服務態度非常好，工作人員熱情周到，人太多上菜速度是有點慢，但是整個用餐過程非常愉悅。此外，餐廳的環境也相當不錯，乾淨整潔，裝修風格簡約而不失時尚，給人一種舒適的感覺。總的來說，這家餐廳無論是食物的口味、服務質量還是用餐環境，都給我留下了深刻的印象。我會推薦給朋友，並期待下次再次光臨，嘗試更多不同的美味。對於喜歡燒烤的朋友來說，這絕對是一家值得一試的餐廳。

嗰日咁啱想食宵夜 之後去咗一直都好想試既廟街小食 叫咗一份淨撈麵再加串燒 撈麵好出色，加咗佢哋自製沙嗲醬 個麵好掛汁亦都唔會太淋 份量大約應該有兩個麵餅價錢合理 建議大家一定要嗌 同朋友share就差唔多！串燒嗌咗大約10串，最出色係翠玉瓜同埋牛肉，翠玉瓜好多汁好鮮 牛肉都燒得好淋 沙嗲醬仲會分開上好貼心 連埋啲串燒食超級夾 其他串燒都出色下次想食宵夜會再去！嗰日去都好多人排隊，啲員工全部都好有禮貌好nice 所以食得好開心

人均消費：$50推薦指數：⭐️⭐️⭐️⭐️趁住聖誕，同朋友專登去食宵夜。知道呢間既撈麵好出名，好多人介紹，咁我哋就專登去試下！😍😍我哋分別叫左腸仔燒賣魚蛋撈麵🐠，肥牛撈麵🐮同雞髀撈麵🐓。三個撈麵麵底一樣，舖頭用咗自己較既沙爹汁，好重花生醬香味。賣相雖然一般，但比出面既好食。腸仔燒賣魚蛋正常，肥牛冇太鞋，雞髀有少少乾。同撈麵夾埋幾滿足😋！我哋仲叫左雞軟骨同雞肉串，串燒燒得香口，唔會太乾。淋左佢地既沙爹汁，成件事升級咗好多☺️但係等既時間有啲耐，唔建議多人嘅時候去。我哋都等左成個鐘先有🥲#foodiehk #foodie #廟街小食 #油麻地 #油麻地美食 #油麻地友 #香港 #香港美食 #boyyyfoodie

行過油麻地，我又點可以錯過呢間人氣熱爆嘅串燒攤檔！今次試咗幾款佢哋家嘅經典小食，講真，味道絕對唔輸某啲高檔餐廳🌟！燒雞肶外皮燒得脆卜卜，入口即溶嘅鮮嫩肉汁令人一啖再一啖。雞全翼香滑得嚟又保持咗脆口嘅質感，啖啖肉實在太過癮！中翼部分稍嫌少肉啲，但呢個價錢，我覺得真係揩嘅幾抵。燒羊肉味道剛好，肉質鬆軟得黎又唔會太腥，港人使味口啱晒。重點來到，隔離檔嗰隻秋刀魚欖到我啲口水咽唔停！燒得皮脆肉嫩，唔似好多地方雪藏過嘅魚咁又乾又硬。蘸嗰陣嘅醬汁，微嗲鹹香，正到爆炸🤤！加埋上次食個燒豆腐，唔講唔知，加咗秘製醬汁嘅豆腐原來可以咁夾！唔使擔心食多咗𠹌熱，因為對面即搾果汁專家等緊你。一杯清新自家搾嘅果汁，真係為整個美食體驗畫上完美嘅句號。食完今晚，唉，甘心啦！飲食其實就係咁簡單，肚滿心滿個滿陀陀😋！要揾香港味，不如黎條街試試！

尋日倒數我就同我大佬留在家中倒數，晏晝又遲食夜晚就自己食少啲，所以叫左啲小食拎返屋企倒數，第1時間就諗到串燒重要係呢檔❤️❤️首先1.) 廟街小食 6串野食$85間野座落於廟街紅茶館對面，呢檔野我由佢舊鋪食到家下，佢個沙嗲汁我敢講係好正，個汁撈麵一流(個麵係維力炸醬麵黎(自己屋企有既😂)不過無用佢啲味用左沙嗲汁撈好食到癲，串燒黎講我大佬話雞肉唔駛叫，要叫既我首推豆腐次推水魷，配埋個汁正到癲！！！呢刻都無理乜野健唔健康😂😂😂因為真係好食！！

打電話落單15-20分鐘拎得------------------------------串燒有D乾 , 比少左串雞------------------------------串燒沙爹計都幾正------------------------------雞/牛 捞面正常                      ------------------------------ 冇野飲 ,老闆娘親自燒------------------------------開左張桌子

無敵的醬汁！是次點了燒烤牛、雞、豬和豬頸肉，不同種類的肉類經過燒烤處理，呈現出香氣四溢、口感豐富的美食。燒烤的牛肉肉質鮮嫩多汁，散發著誘人的肉香。每一口牛肉都帶著微妙的燒烤香氣，咀嚼時肉汁充滿口腔，讓人愉悅不已。牛肉的口感柔軟，帶有一定的嚼勁，讓人滿足感十足。燒烤的過程使牛肉表面形成一層微焦的外皮，增添了獨特的口感和風味。經過燒烤處理的雞肉保持了其滑嫩的特點，同時散發出濃郁的雞肉香氣。雞肉燒烤後的表面呈現金黃色，微微焦香的口感令人愛不釋手。每一口雞肉都帶來滿滿的肉汁和鮮美滋味，讓人忍不住一口接一口。燒烤的過程使雞肉的口感更加豐富，同時保持了肉質的嫩滑。燒烤豬肉的口感豐富多樣，帶有豬肉獨特的香氣。豬肉經過燒烤後，肉質更加鮮嫩，每一口都帶來豐富的肉汁和濃郁的味道。燒烤的過程使豬肉的表面微焦，增添了一種脆口的口感，同時豬肉的肥美也得到了很好的保留。豬肉的口感豐富，讓人愉悅地享受每一口。豬頸肉是燒烤中的美味佳餚，其肉質豐腴多汁，帶有豬肉獨特的香氣。燒烤後，豬頸肉外表金黃酥脆，內部保持著鮮嫩多汁的口感。每一口豬頸肉都帶來豐富的肉汁和濃郁的滋味，讓人回味無窮。豬頸肉的肥美融合了燒烤帶來的香氣！價錢