影片
话说2022年第一餐居然食咗啲唔知食唔食得落肚嘅嘢，叫咗个鲜茄猪扒饭，嚟到一路食一个吐啲一粒粒硬米出嚟，好似未煮熟咁！大佬！而家我唔系嚟食煲仔饭呀！猪扒好够淋，好易咬，梗系，因为揾嘢嗱到完全无晒猪扒味，入口食到阵嗱喉咙嘅味道！食完唔知驶唔驶睇医生！疫情其间啲侍应姐姐连口罩都带唔好就周围行嚟行去递餐比人！人哋食紧饭仲响周围扫地！极差！！！点解会有啲咁低质素嘅餐？！平时食嘢比较少留意价钱，听朋友讲话呢间嘢今日仲要加价，哈！香港多几间呢啲餐厅简直系饮食业嘅悲哀！！！
继续阅读
要赶去邮轮码头接船。所以一早就到达九龙湾工业区准备。但因为时间太早，那边餐厅和设施都未开。所以就选择在附近九龙湾食点东西。庆幸还有这间餐厅。这间餐厅我当日去到时大约6点左右。那时其实已经有食客在食早餐中。系咪24小时我就唔太清楚了。因为那时有两个姐姐，一个是新人，一个就好严肃工作中。唔太方便打扰佢哋。讲返食物：凤爪排骨饭早市只有这个Size。但对终一个大人来说都够食。如果唔够食都可以令加点心。点心价格有平有贵。自己选择和衡量。凤爪只有一只。当日试过后都觉得几好。排骨比较「淋」身。好似比老友记食到那种质素。那个饭都算热。豉油自己落。本人唔建议落太多。因为本身都够味道。当日一个人只点选了一个饭。因为放点心位离自己太远。这里好似大部分人都自肋餐。我拎杯和茶都自己落手落脚做。但我又唔太介意。因为我喜欢浓一点又可以淡一点又可以。这里又唔需要收加一，只需要收4蚊茶钱。我在这里坐了差不多四十分钟。大部分人都点西餐早餐。可能因为比较快。其实饮茶都快。冲完茶后任饮。比饮西茶更抵。下次如果再那么早到九龙湾。都可以再去试。这里坐得舒服，无咩人会打扰自己。
继续阅读
公司系九龙湾，有时都会行去工厂区个边食，因为价钱相对亲民。康乐茶居系区内算系老字号餐厅，唔少系九龙湾返过工既人都知道依间茶居。餐厅环境虽然比较旧，唔算坐得舒服，但胜在食物价廉物美，唔洗去酒楼都可以食到一盅两件！今日同一班同事黎食，叫左蒸饭同点心一齐食。蒸饭原本想叫凤爪排骨饭，但卖晒，所以就叫左腊肠滑鸡饭同咸鱼肉饼饭，鸡肉几滑而且已经去左骨，肉饼肥瘦适中，配埋豉油一齐捞黎食，好好食！点心款式都几多，一般酒楼有既点心都有，而今日叫既点心，我最推介义烧包，因为佢个义烧酱汁整得好好食！最后埋单一人都系35蚊，系九龙湾黎讲真系好抵食，野食又好食，价钱又唔贵，所以真系物超所值！
继续阅读
本身见到依间餐厅好似好旧咁，都无乜吸引到入去帮衬！但听同事讲好抵食，而且啲野食仲要唔差，所以就揾日lunch去试下！佢啲蒸饭好好食，仲有好多款拣！今次净系影左凤爪排骨饭同腊肠滑鸡饭！两个都好好食凤爪排骨饭系连个饭都好香排骨味，入哂味！至于个滑鸡饭个鸡都好滑～加埋豉油真系好好食！一个饭再配埋一壶茶都系三十几蚊，超平！另外都可以拎点心食，烧卖虾饺牛肉球马拉糕依啲传统点心都有，热辣辣可以自己去拣，味道同酒楼差唔多但价钱就平好多！今日七个同事嗌左4个蒸饭同4个点心埋单每人$33！间中食餐咁平仲要好食嘅真系好开心环境当然相对地坐得咁无舒服同嘈啲，但一餐半餐绝对无问题啦！
继续阅读
今次已经系本月第二次光顾，同事本来唔愿意带我嚟，因为我怕汚糟。但其实还可以，想像中满地油汚或枱面污糟嘅情况都无。食物质素及价格绝对区内抵食之选，午饭食得愉快又饱足，选择又多！点心自取，见到喜欢嘅便自取。最传统嘅虾饺、烧卖、牛肉、叉烧包、鸡扎、牛肚及蒸饭，蒸饭有多款，只欠炒粉面饭同肠粉，另外有汤粉面部。各式肠粉只在早上供应，午市未能食到好可惜，可能因为午市比较忙碌。如果时间有限但又想饮茶，此处实在可满足大家要求。请留意，餐厅只收现金。
继续阅读
您可能会有兴趣的...