影片
同同事偶然拣左呢间食lunch，因为都钟意饮汤，所以就谂住试下，点知试完之后....连续两日lunch都去左呢到食因为真系好食如果钟意饮汤嘅朋友，必试个炖汤，真系好好饮，个人推介鹧鸪汤&女神汤 (而家新张期间，叫套餐加$28就可以有个炖汤)饺子好足料，个人推介固元饺，叫饺子可以加$10要米线，个米线都好好食，唔系煮到淋晒𠮶只，我个人真系觉得好好食笼仔蒸饭真系份量好足，三个人叫两个真系够另外都有小炒甜品点心𠮶啲，今日都试左个川味藤椒鱼片＆鲍参翅肚捞饭，又系好好味
继续阅读
今日去开凯汇揾朋友，去咗几次裕民坊，都唔知佢原来三楼有休戏平台，仲有几间餐厅。趁未够钟先去食个lunch. 见到有间新开张，格局清幽，环境舒服舒服嘅中餐厅。入去试试，开头以为会有点贵，见到餐牌同茶餐厅差唔多。试咗个菜芯狮子头，简直不得了，有惊喜。送饭一流。仲包埋个红枣茶同埋，唔知系咪新开张，老板送咗个例汤，抵赞。个摆盘同埋卖相直头似高级嘢，睇得出摆盘有心思，个汤清得嚟好润，够味冇味精，有机会再试埋其他。
继续阅读