康姨咖啡室

营业中

休息中

位於海防博物館的社企Cafe✨愛心社企✨店員熱情招待💖風景怡人✨落地玻璃✨面向海景🌊博物館通行證🪪仲有9折優惠✨黑松露蘑菇忌廉汁意粉🍝$55 甜品✨草莓石榴乳酸梳打❤️$40 香蕉朱古力窩夫🤎$58窩夫製作需時✨熱辣辣😍質感同出面唔同🤔比較煙靱✨配上新鮮嘅香蕉& 朱古力醬🍫米加💭：西餐cafe黎講真係好平OAO…!!!✨咁既價錢好ok啦✨又可以支持一下社企💕

剛參觀完海防博物館感到肚餓，發現樓上有一間西餐廳—「康姨咖啡室」。這間餐廳是愛心社企，致力於支持傷健共融，值得支持💪🏻 💕走進咖啡室，第一眼就感受到這裡的環境寬敞舒適。餐廳面向海景🌊，窗外風光明媚，配合柔和的自然光線，整個氛圍顯得非常寫意 🌞🏞️餐廳的飲料選擇豐富，無論是咖啡、果汁還是特調飲品都應有盡有 🥤☕️🍹 價格方面，飲品大約是三四十元一杯，算是合理範圍。而午餐的價格則相對親民，意粉類大多在$50-60左右，這對於一間環境不錯的西餐廳來說，性價比算是可以接受～這次我點了兩款意粉，分別是「煙三文魚卡邦尼意粉」（$58）和「黑松露蘑菇汁意粉」（$55） 🍝🌟🔥 1. 煙三文魚卡邦尼意粉這道菜的賣相相對吸引，意粉上擺放了兩大塊捲成花狀的煙三文魚，頗有美感可惜分量偏少。味道方面，卡邦尼的奶香味輕盈，煙三文魚的鹹香為整道菜增添了一點層次感，惟整體口味稍嫌平淡。🔥2. 黑松露蘑菇汁意粉意粉表面覆蓋著稀薄的蘑菇汁，看不到太多黑松露的痕跡。入口後，蘑菇和黑松露的味道幾乎欠奉。此意粉的口感和另一款相近，整體味道也是中規中矩。整體而言，康姨咖啡室的兩款意粉份量都偏小，對於食量稍大的客人來說可能不夠飽足。

早前去過海防博物館無時間去這間咖啡店。今次專程去坐下、食嘢、hea吓。剛巧去到3點半，有一枱客人，坐吓坐吓多3枱客人，眼看有D係行完山過嚟的，有D應該係參觀完上嚟的。不管是什麼原因來的，大家都被落地大窗外的美景不其然地wow wow聲。午餐食得飽，沒有吃招牌菜，輕食叫咗火腿芝士飛碟、冰美式咖啡、柚子梳打，主打欣賞靚景。食物整體來說ok啦！員工主動遞上餐牌，客人走咗好快收拾餐桌，另外，還有送餐服務添。說白D，今次來主要係支持社企！

閨蜜忙於湊B少咗聚會，剛諗起海防博物館內的扶康會康姨餐廳，就約佢去食完再館內逛逛。閨蜜是有啲要求的女孩😊，佢到餐廳都大讚餐廳環境好舒適，落地玻璃景緻一流，好啱傾偈聚餐慢慢坐。我地叫咗鴨胸沙律，三文魚卡邦尼意粉和黑松露意粉，都好好味。我之前食過菠蘿油，今次就陪佢食蛋糕，好唔錯。咖啡我就更喜歡佢哋嘅多於出邊啲大牌子。雖然點餐和餐具要自助，但有樓面哥哥仔送餐到枱。特別要讚吓樓面哥哥仔很殷勤細心，上甜品時主動幫我哋換餐具同碟。餐廳整體性價比高，又有3小時免費泊車。之後我地再在樓下博物館室內外走一走，同新手媽咪過咗個開心寫意的下午。

今日係復活節最後1日假期，我們去了筲箕灣海防博物館，除了重溫香港歷史，發現在博物館最高層有個輕食餐廳，環境非常好，由社企經營，提供三文治，意粉， 沙律和各式飲品等輕食，價錢不貴，店員姐姐都訓練有素，禮貌勤力 ，令我們有意想不到的收穫。從筲箕灣地鐵站行去海防博物館，搭電梯上到八樓，參觀各個展廳後，再搭電梯上多一層，就見到 康姨咖啡室，一出電梯就見到大大個字寫住扶康會，知道這是一家社企，提供簡單的食物，有個好大嘅餐牌清楚列明各種食物和飲品，餐廳用半自助式，自己買飛自己斟水，我們一心想支持下社企，所以就選了靠窗的位置坐下，一個中年店員走來告訴我們，要自己去買飛， 又主動為我們斟熱水，她的語速很慢但很清楚，明顯見到她非常認真地工作。我們選了兩份三文治，一個沙律，當時餐廳人客不少，但效率不低，很快就有野食，三文治細細份，材料新鮮，沙律就幾大碟，內容有生菜，雞蛋，車厘茄，粟米，菠蘿，麵包🍞乾，淋上芝麻沙律醬，好味。😋坐在窗邊位置，外面景觀開闊，綠樹林蔭，枝葉繁茂，遠眺將軍澳大橋，確是一個下午茶的消遣好地方。👍

已經有一年多冇去海防博物館，加上今次想去支持入面社企餐廳🍴趁放假又平日、天氣又唔凍又唔熱就去啦😊食咗煙三文魚卡邦尼意粉$58同加配凍朱古力咖啡$30，味道唔錯呀😋由於平日，可以坐到直接望住外面風景嘅位，坐位舒服☺️店員有禮，仲遞上咭片比我👍大家到海防博物館參觀時不坊都順道支持下佢哋啦😊

睇到近日位於博物館内的咖啡室「康姨咖啡室」重開， 就黎試下，可能復活節比較多人， 12點去到已經好難搵位， 仲要無野食， 本身想食三文魚卡邦尼，我想像唔到未到lunch 已經售罄😬 環境唔算好大， 靠窗打卡位置唔多， 同埋好多一家大細黎， 出現有枱無凳嘅情況。🥯菠蘿包 $25有真菠蘿嘅菠蘿包， 個麵包唔錯， 不過菠蘿同cream 加埋一齊唔係好夾， 勝在可以打卡， 麵包類無得跟餐。🍝黑松露蘑菇忌廉汁意粉 $55本身覺得小店價錢應該實惠，黎到發現個cp值都幾低，份量細， 有種即食嘅感覺。🥤藍天乳酸梳打 $30原價$40， 跟餐叫左杯特飲打卡，藍色係色素溝糖水， 上面個cream 都溶得好快， 我建議大家可以嗌正常飲品。✨不過康姨咖啡室由扶康會營運，聘用左5位殘疾及精神復元人士，負責收銀、樓面和助廚，為殘疾人士創造就業機會，協助他們自力更生，融入社會。其實好值得支持💪🏻 希望餐廳可以繼續努力！