影片
此店个猪杂汤饭，俾YT两位夫妻档KOL赞到上天花板，好食内脏嘅揾食肥华在12月27日，就同靓妈到此店一试呢客猪杂汤饭，睇吓喺咪𠮶两位夫妇食评家所讲咁高？此客猪杂汤饭一上枱即即获肥华好感，因佢喺汤和饭分开汤碗和饭碗上，啲白饭唔会俾啲汤浸到涨晒，加上碗猪杂汤内有，猪润，猪心，猪肚，猪腰，粉肠，再加一粒肉丸和一块潮式鱼片和唐生菜，真喺真材实料，而且味道又佳，难怪获两位食评家高度评价。而今餐另一款食品，菜远牛肉炒米粉，亦喺有水准之作，米粉煎得够脆，配料牛肉份量多又好味，菜心又够淋甜，又喺一个货真价实食品而此店供应食品繁多，由潮洲打冷到广式小炒及粉面，及连坊间茶餐厅一般西式食品都有得供应，以今餐食物水准来计，揾食肥华和靓妈会再来，光顾此店嘅晚饭小菜。👍👍👍👍👍😋😋😋😋😋
继续阅读
今日同小朋友去深水埗经过一间叫幸福的舖头，入去食左个下午茶☕️，小朋友叫佐一个炸云吞，我就叫佐碗猪杂河，味道都唔错，碗猪杂汤河真的好鲜甜，香港好少地方有得食，值得品尝
继续阅读
🐯懒新鲜试食 潮式打冷小菜🐭 ⭐️按「更多」睇详细食评😋懒惰二人组其实真系几钟意饮茶、食小菜同打冷😂 今日去开深水埗就睇下有咩新餐厅。有间新既餐厅，有潮洲小菜，咁就入去食返几味啦！🍽️ 如果你都钟意饮饮食食，个人平时又钟意耍懒，follow我地啦！🍻🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟《椒丝腐乳炒通菜》 $68都几重腐乳味，不过唔太够镬气喇！食啫啫煲应该会香口惹味啲？！《蚬仔肉(潮州“红”肉)》 $68呢个系冷盘黎既，唔算太大碟。成碟都系细细蚬仔肉，同少少辣椒碎炒埋一齐。食入口都真系成啖蚬肉。就咁食就未到一般，点啲潮州辣椒酱好味好多。《卤水大拼盘+鹅片》 $178潮州打冷必备！比起平时食既潮式拼盘，唔算太重卤水味。但有醋、豉油同埋辣椒酱加埋一齐都唔错。🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟🌟整体 ❤️食物味道味道偏淡，重口味既就未必咁啱喇！💚环境方面，店舖装修都好新净。不过啲凳就唔系咁好坐。💛服务方面，员工服务算系唔错，比较殷勤有礼。卫生方面就去翻我哋social media睇啦Rating： 懒惰鼠😻😻+0.5懒惰虎 🤩🤩+0.5📍幸福深水埗汝州街289-291号地舖港铁深水埗站C2出口,步行约2分钟💰人均消费：$150
继续阅读
点咗蚝仔粥，韭菜猪红，通菜煲。。。。 冇猪红。。。所以改蒜蓉开边虾128蚊得6只（都唔系好大只咁）本来想点2杯饮品。。。 见普通中式饭或炒饭套餐都有+6热饮，+8冻饮。。或半价优惠，我点280+价钱嘅嘢都冇得半价或优惠价，只有正价（我就觉得咁好奇怪） 好啦，上菜啦，啫啫通菜煲啲菜劲湿答答，浸菜浸得太耐啦。。唉，味道还可以。 到蚝仔粥嚟喇，冇味嘅？？ 试真啲，真系得蚝仔味咁啰！ 最后系要自己加啲豉油先有返啲味。加啲胡椒粉咁啦。都可以入到口嘅。 最后到开边虾，得瘦小嘅6 只海中虾，粉丝底又干又有啲未熟。豉油底色又冇，再一次唔够味。 虾系新鲜嘅，咁有啲对唔住个价钱啰。 唉，我觉得应该冇下次。。。 有都系因为有啲友人一齐去先会有可能 or 未必参与i。。 感觉有啲未够班开呢类餐厅。 附近有几间都好过佢，沪海港，九龙餐室， 华园，或隔离有间上1楼嘅餐厅刚转手冇耐都唔错。 点都好，经济唔好，生意系难做，揾食好难，肯俾呢啲价钱食个晚饭，都要俾返啲诚意嘛。 希望日后有所改善啦。
继续阅读