幸福珈琲町

营业中

休息中

大伏❗️‼️‼️首先，服務係負分。就算有位店員見你等緊都唔會叫你入去坐，要客人喺出面見到有人走自己走入去望。如果唔係其他餐廳仲等得多人啲同埋外面落大雨絕對唔會入去食。同店員落單後食物等左30分鐘，我地摧完再等多15分鐘再上，比我地遲落單嘅都就快食完，結果食物黎到發現店員係落錯單。。。食物質素方面，自己整會好食啲。個包會乾，蛋係冇落過調味，完全唔明自己做錯咩事會揀到呢間餐廳食野。。。希望唔好有更加多嘅人好似我地咁中伏。。。

新蒲崗地區想在中午搵嘢食，大部份餐廳都爆滿，排隊，坐位擠迫的茶餐廳，難得搵到一間Cafe，店內座位只有10個左右，可能因為價錢偏高，所以不會太多人和擠迫，可以慢慢嘆慢慢食。朋友叫了那不勒斯牛肉配牛油果酸種包，牛肉好腍，好入味，配料有蕃茄和紅蘿蔔，店員話師傅每日用好多個鐘頭炆煮，朋友已經食咗好多次，佢話有一次晏咗去就賣晒，極力推薦給食牛肉的朋友。我叫了蒜蓉大蝦通粉，原本係跟意大利粉，我加錢改了通粉，通粉較煙靭，大蝦爽口，份量都幾足夠，不會太油但好香蒜蓉味

以10分 伏 為滿分的話，尼間餐廳榮獲20分。 係附近上完堂咁啱到飯點，就上OpenRice search 咗下，見尼間離我哋最近。 同埋個名十分溫馨，叫「幸福珈琲町」，我心想能取出這樣有溫度的名稱的餐廳owner,定能製造出像餐廳名般美好的食物，就撿咗尼間食。但事實十分失望，就連我這個平時食嘢中伏都笑下算啦嘅人，都忍唔住寫食評。 伏點有下： 1.等候時間超長，最快個餐都等咗半個鐘，最慢個等咗成9個字😴2.分量少到離譜，你話佢精緻嗎？就連堂食都用紙餐具。3.價錢不合理。分別體現在食物份量極少+食物味道非常普通。 圖一all day breakfast $88(兩條腸、少許沙拉菜、3粒加咗鹽焗過嘅番茄仔、少許蘑菇，少許炒蛋、一塊唔好食嘅酸種麵包，沒有飲品） 首先，店鋪位於新蒲崗工廠區，餐廳雖座落於商業大廈，單就舖租而言，大把地方舖租貴過貴餐廳，卻能提供性價比高的美食。 加上貴店只有三個員工，一個負責熱食，一個負責收銀，一個負責飲品。所以說labour cost的話，貴店應該控制得很好。 裝修的話，沒有特別。 所以定價極不合理。 同埋味道真係無特別。（說不上難食，但就係很普通） 4.有同行

點左一個all day breakfast , 有得轉太陽蛋 開心加埋飲品 $118 菇同沙律既份量略少，個酸種包無以前咁好食 變咗茶餐廳牛油多士feel.. 堂食都無靚餐具轉晒paper 有啲sad當初黎開除咗靚咖啡杯 襯返飲品都會chill d， 同好飲既咖啡、布甸而家變晒外賣餐具 好似食快餐咁.. Hojicha latte 茶味唔夠濃 奶太多，蓋過左茶味朋友點了蒜香大蝦pasta 表示食物唔夠熱有啲失望牛小排沙律加價加得太多..整體ok , 午餐時段 人唔多，但等餐有啲耐 All day breakfast 等了20分鐘左右

我已經係第二次嚟呢間食，雖然等候的時間比較長，始終佢哋每個崗位得1-2個人做嘢多，但質素真係好好，食物好正，咖啡亦都好好飲如果唔係趕時間，呢度係一個可以幾放鬆慢活的地方。

幸福珈琲町位於新蒲崗萬迪廣場一樓，被店名吸引，入來試試，店面不大，但裝飾有花心思，在裝飾櫃上有不同款式的漂亮茶壺和茶杯，座位舒適，可以輕鬆休息一下。平日有優惠是散點加$28有不同的熱咖啡選擇，主食有all day breakfast，自選款式的牛角酥、多士，意粉，自家製的提子或咖啡鬆餅，賣相幾吸引，我點了煙肉蘑菇忌廉意粉、牛角酥、cafe mocha和特別手Shakerato（冰瑤咖啡），食物味道不錯，咖啡味香濃，但價錢則有點偏貴。

呢間Cafe嘅位置係一個唔起眼嘅角落，平時都冇留意到原來有一間Cafe喺度，經朋友介紹後先至發現到👀Cafe環境唔錯，相對上係比較安靜，而啲意粉同咖啡都係出色👅，對比其他Cafe嚟講算係中上級別，強推燉牛小排肉醬水管粉🐮，聽老細講呢個係呢間Cafe嘅signature意粉，牛小排燉咗起碼三四個鐘以上，所以口感軟爛而且又夠晒入味，份量亦都唔少，性價比極高👍🏻配合埋其他意粉同食物，渡過一個滿足嘅晚上😋

同朋友下午茶，想揀間靜靜地的cafe，呢度評價幾高，可以留座，就嚟試下。之前去過同層的The Brew Dog Coffee ，覺得一般，而呢間就出色啲。下午茶時段冇tea set/cake set，只得主菜加$25可跟$42或以下飲品，價格唔算經濟實惠，但食物同環境都令人滿意。沙律：食材幾豐富，新鮮；有蔬菜、生果同杏仁，營養均衡，味道清新牛油果水波蛋酸種麵包：麵包細長形，薄薄一片，烘咗，香脆，味道唔錯；整體份量偏細，作為下午茶亦只係輕食；用料不過不失，只係唔抵食Latte：粉色杯好girly，有少少夢幻感覺，拉花ok；咖啡味幾濃，推薦花茶：朋友點，味道唔清楚，但presentation好睇，雖然茶蛊同茶杯唔係套裝，但分開睇都賞心悅目Cafe環境安靜，座位寬敞，坐得舒服，幾適合傾偈，惟獨係冷氣弱，喺酷熱天氣下，呢度只適合唔怕熱人士。Cafe人手唔多，服務有限，呢度係用自助形式，需自行到收銀處落單、俾錢，坐低後亦冇水供應，不過，免加一的話，都係可以接受既~~

性價比高嘅Cafe室，這間咖啡店的食物和招呼都很好，環境舒服，店員都好nice 。我order 一杯熱latte ，質素好高, 因早幾天去了一間聲稱冠軍咖啡的Cafe ，也不及今天飲的😆預訂了芒果特飲，朋友話有驚喜，喜歡芒果的朋友必定要飲。 當天訂了枱給好友慶生日，訂了牛油果沙律，沙律好新鮮， 大蝦意粉的香祘味的我最鍾意， 水管通粉，我有幾位朋友試過叫我一定要order, 結果真的味道十分好，有朋友試過來吃已售罄。因此早些訂，因有限供應。

這間店應該是新開的，環境挺舒服，有點像台灣的咖啡室。我點了egg Benedict + smoke Salmon Bagel，這個沒什麼特別技巧吧！(太餓了，切了一下才記得拍照)另外點了一杯焙茶拿鐵這個有驚喜啊！喝下去茶味香濃應該是新開的緣故，員工都比較生手，不過服務態度夠親切，下次再來試試主食😁

早前於新蒲崗等待上瑜珈班時，無意間發現了這間很有水準的小店。餐廳不是很大，裝潢佈置令人舒適休閒放鬆。還有熱情的店員，食物更是廚師誠意之作，令人充滿著幸福的感覺。那不勒斯燉牛小排肉醬水管粉 $118這不是非一般肉醬，是慢煮了數小時以製的牛小排肉醬，味道濃郁，配以軟硬度適中的長管粉，非常掛汁。(製作需時)慢煮雞胸凱撒沙律 $85滿滿的嫩滑雞胸味道一流，配上新鮮凱撒沙律，飽腹感滿滿。香煎牛小排特式沙律 $108厚切的牛小排肉質鮮嫩，煎得恰到好處，配上新鮮沙律，很清新的配搭。煙三文魚牛油果貝果 $52滿滿的熟成厚切牛油果，加上美味煙三文魚，都是我最愛，如果可以加點醬汁就更好。伯爵茶巴斯克芝士蛋糕 $52非常實在及充滿濃郁的伯爵茶味，面層帶點脆口，口感一流。這是我故意光顧2次後才推介的，因為這餐廳實在值得被更多人知道。

order 2杯飲品2份食品，包括一杯焙茶鮮奶一杯果茶，一份牛油果水波蛋酸種包，一個焦糖布丁。由落單到出第一杯飲品等左35分鐘，其後每5分鐘出多一樣野，出齊4樣野等左50分鐘，最後被迫花5分鐘倒落肚度。最嬲係遲過我哋落單嘅人嘅嘢食都出曬，我哋都係冇嘢食，到催佢嘅時候，店員話「我知呀，我而家整」（但佢態度良好）。如果不是落單已畀晒錢，否則一定走。我本身都唔係好趕時間都搞到幾乎遲到，趕時間喺度食真係大鑊。嘢食味道冇問題，但等待時間真係冇可能接受。

幸福咖啡町開業大約半年，近期見有群組推介佢既mint chocolate muffin , 身為薄荷朱古力控既一定要買黎試，我一試難忘， 而家仲做緊試食價優惠💰$30 ,超抵食😋我用微波爐叮熱一樣咁好食，外面有少少脆，一咬落去有淡淡既薄荷味，中間仲有朱古力流心，真係好好食，下次經過一定會再去買，肥就肥啦，因為太好食，下次試買配佢地出品既咖啡先😍😍聽講佢既muffin 係買完就無，建議專程去既朋友要打去問下有冇stock 先📞

之前搜尋新浦崗咖啡時， 看到新開的 「幸福珈琲町」，便決定進來試試看. 點了一份全日幸福早餐. 可加 + HK25選配HK$42或以下之飲品， 便再點了Flat White.酸種包上面還抹了牛油香草，嚐起來真香～用了蒜蓉洋蔥炒蘑菇也很好吃😋，不像有些餐廳只是簡單的煎磨菇而已。個人也覺得咖啡也不錯喝😊整體非常滿意👍

朋友仔生日，約埋班friend 10幾人👫一齊包場，環境唔錯，坐得幾舒服，冷氣夠足，靜靜地自成一角。🏝️始終咖啡店有高質花茶同咖啡，呢樣已經吸引。✌️包場前菜有青口，芝士薯條，雞翼同雞肉沙律、鮮雜果柚子沙律，我自己就鍾意嗰個雜果沙律，好fresh，甜度適中😋，主菜雜扒就有牛扒、羊架同大蝦，煮嘅時間啱啱好，保留到肉汁🍗，正！🤩仲有叫咗signature那不勒斯牛肉水管通粉，呢個係我暫時食過最好食嘅通粉🥳🥳。大蝦意粉都唔錯，個汁濃度較得好好。龍蝦包龍蝦好多，而且包好軟熟，真係好好食。👍👍廚師search咗綠茶蛋糕同朱古力蛋糕，🍰我就食朱古力雲朵蛋糕，配埋Panama Esmeralda咖啡好多層次，而且入口好順滑，perfect match! 😘美中不足就係個場中最多只係容納到10幾人，不過好處就係小人都包到場，同埋個Menu可以自己同老闆溝通，可以有啲Taylor Make😎，個friend就好搞笑，因為鍾意食麥樂雞，廚師幫佢整咗個幸福麥樂雞盤，加藍芝士醬配襯。😝整體來講係好味同服務好好！老闆同員工都好nice, 唔係壽星仔幸福，我去食都覺得幸福滿滿。🥰💕