幸福小廚

中午來到不用等位有午餐套餐，包湯及一款飯，我選了京都豬扒，原本只諗會係碟頭飯，點知豬扒和飯分開碟上，已經係一個好既印象。食物質素方面，京都豬扒上灑滿白芝麻，賣相很精美，豬扒有4至5件，每件都有肉大大件，唔會只係得骨，仲有約5年波蘿，成碟餸，酸酸甜甜，好開胃。午餐跟既老火湯係冬瓜湯，都不錯！成餐食完好飽，$54可以甘飽同有甘既質素都唔錯了。服務方面，上食物的時間很快，大約5分鐘。環境就一般茶記環境。…查看更多

5點幾，6點前打電話去叫下午茶餐，48蚊包野飲果個，去到比錢時收我正價仲要收埋野飲錢，原來話要左湯，但個湯係聽電話個阿姐問要唔要，無講係正價，仲有話佢個下午茶餐叫粟米滑蛋牛肉飯，不是滑蛋牛肉飯，街坊生意都呃，一定以後唔會再幫襯…查看更多

等外賣等咗一個鐘頭同我講漏咗單事源12:05諗住叫個午餐俾兩歲女食打電話過去一個呀姐聽叫完外賣12:40分見未送到就再打去問講完地址佢話出左，:(等到1:05都未到再打去講地址先話漏單，3次致電都係同一個呀姐聽，叫老闆聽電話又話老闆唔係到，係咁話落返盡快出俾你就算，back list以後都唔會叫佢地d 野食幾出色都冇用…查看更多

已經好多年，乜嘢都有得食， 晚餐食小菜，最近裝修完，環境新淨左。茶餐啲西餐天使麵有時仲好食過出邊啲西餐，夜晚炒餸都OK有菜有魚，西蘭花炒班柳都ok, 有套餐。價錢親民合理。…查看更多

一年都唔會嚟紅磡一次，中午帶兩個女去黃埔冒險樂園玩完，肚餓搵嘢食，見兩點零鐘就附近睇下有冇茶記可以食下午茶，兜咗幾分鐘見到呢間茶記有位就入去坐，我哋坐四人枱， 坐低冇耐，侍應見我哋帶住兩個小朋友就主動問我哋轉唔轉卡位坐舒服啲，我哋一口應承， 我哋叫咗乾炒牛河 、鮮茄豬扒火腿意粉、西多士配魔薯，乾炒牛河有鑊氣，佢加咗辣椒絲炒有少少辣好野味，我老公話第一次食到咁好味嘅乾炒牛河🤤 鮮茄豬扒火腿意粉麻麻地，汁還汁意粉還意粉咁樣，但阿女好鍾意食😄， 西多士配魔薯ok好味，西多士好大件，餡料係粗粒花生醬，埋單一百二十幾蚊，經濟又好味👍…查看更多

#幸福小廚放假前返寫字樓，係黃埔行咗一圈，門口望見依間茶記$48午餐包湯及熱飲，就入去試吓。食飯時間都幾多人，座位都幾窄，一定要搭枱接近零距離，如果附近有人咳都咪話唔驚。坐低咗一陣都冇人寫野，因為全部員工都低頭處理外賣，叫咗個豬扒飯，紅湯，熱檸水。紅湯有以前大家樂既味道，湯盅同個味都似，係比較稀但夠味。個飯好快都到，依類接近快餐模式既都冇乜期望，是可以接受。熱檸水正常冇苦澀味。比較欣賞個湯，$48唔算貴，不過環境一般，可能下次會買外賣，堂食就冇咁快返轉頭。幸福小廚紅磡黃埔新邨民泰街18號地下…查看更多

幸福小廚 ｜ 紅磡今日做完野到左搵食時間行下行下見到依間好地道既街坊茶餐廳入面人流都爆哂場 可能因為到左午餐時間入到去都係一般茶餐廳做法 自己埋位 叫餐見到佢有半西式午餐ABC 餐另外仲有1-5 號中式午餐見到佢個A餐 係蒜蓉汁香煎豬扒拼德國牛仔腸即刻叫左依個 仲有碗木瓜雪耳中式湯跟碗湯冇影到 但飲落唔似有味精好有屋企既味道😋😋😋個飯例牌一大碟白飯 跟豬扒同德國腸豬扒應該有d飯咁既size 食落唔會有雪味德國牛仔腸 都ok下次經過要幫襯😋…查看更多

經過幸福小廚，見佢無咩客唔洗等位，於是入去幫襯！吸引我去幫襯，唔係D咩特別原因，只係中意佢個店名，聽上去有一種莫名其妙嘅親切感.晚餐點咗個鹽焗雞，咸蛋蒸肉餅.咸蛋蒸肉餅係水準之作，如果咸蛋油份更多更香口.鹽焗雞有驚喜，雞肉超嫩滑，有入口即溶口感，點上沙薑汁馬上再添惹味，質素好過不少燒味店D鹽焗雞，而且份量足無偷工減料.平時食開鹽焗雞都無落芝麻，但幸福小廚將隻鹽焗雞鋪滿芝麻，令入口多一入芝麻香.今次幫襯之后，之后都有幫襯幸福小廚，發覺佢地嘅菜式都會花心思唔係hea煮.缺點只係環境淺窄咗少少.…查看更多

番工日日食呢間野 下午茶既焗飯焗天使麵 十分十分之推介 落單時段去到6點半 晚餐早d食既話就慳返十幾蚊 變下午茶價錢 而且份量相差唔算太多 其他野正正常常啦 就今日叫左個小小茶蝦乾豆腐 都叫唔錯 只可以話焗野抵食 其他正常…查看更多

叫左外賣足足一個鐘頭先到，打電話催單都好聲好氣，點知送外賣個位叔叔大條道理咁話：「等唔到咪唔好叫，淨係送你一個呀？有啲人要等一個半鐘呀！」但叫外賣個陣又唔通知有排等？原來呢間餐廳叫外賣最少要一個半鐘頭架，請大家留意。另外盒飯黎到係凍哂，味道更加唔洗講啦，凍哂可以好味得去邊？…查看更多

今日嚟到一間食小菜嘅餐館，就係位於黃埔附近嘅小店辣子雞外脆內軟，辣咪啱啱好，又冇油膩嘅感覺。有朋友直接食咗個乾辣椒都唔覺得辣雪藏雞有雪藏味，但整體來講都叫做好好味😋，都真係幾大碟。清清地食番個清炒西蘭花西蘭花嘅蒜香味十分惹味，乾乾地又有少少汁🥳其實最抵食就係、送嘢飲同埋湯、仲有好大碗飯任裝。呢間野真係好抵食個老闆娘仲要好好人，送咗一碟小食俾我哋食由於呢間野係朋友介紹，事後我Fact check咗佢唔係黃店，我立即以後都唔會再去幫就襯，收佢皮…查看更多

幸福餐廳是一間開景 好耐啲餐廳， 事應有禮貌， 下午茶抵又平又好食， 加上這間餐廳有新鮮海鮮， 海鮮類有蝦蟹魚同埋青口， 每日都新鮮， 我幫襯咗好多次買咗海鮮， 常見的海鮮薑蔥炒蟹， 清蒸膏蟹， 白灼海中蝦， 鮮甜好味， 值得推介這間餐廳…查看更多

漏單仲聲大夾惡 問你要定唔要 以後都唔會幫襯！食物一般態度嚴重惡劣！！！外賣早餐一個鐘頭都唔送來，送到黎的時候麵已經浸到發脹。不知所謂的茶餐廳！發誓一定唔會再幫襯佢！…查看更多

今日行過黃埔區由於中午都未食，所以快快手走左入一間茶餐廳，入到去叫左個餐肉肉丁炒飯既茶餐，由於當時都成5點幾喇無人野食黎得好快，黎到見到個炒飯因為太餓好快就食曬，認真如果唔係餓好難食得曬，味道一般，個炒飯炒完之後好似仲好濕。，但係d料都係足既，至於杯奶茶既味道都唔好，應該係由於個茶既問題，飲起上黎有小小”確“既感覺。另外間茶餐廳既人飛碟野上枱同衞生環境都真係要改善下有太重既飯味。有可取之處既係真係平既。…查看更多

原來特餐係冇炒蛋同豬仔包架!!! :(被騙了!我哋問佢, 有個侍應仲要好惡咁話係冇架...“不嬲都冇架啦!” “佢咁寫都唔代表有架!!”“淨係E個個特餐先有!! 佢冇以上兩個字!”就算收銀個個話應該係個餐牌錯左, 個侍應都好惡咁話自己岩,仲要拎多次個餐牌同我哋對質… 坦白講, 食個飯者,餐牌寫得唔清楚, 咪講囉… 洗唔洗咁既語氣… 味道方便就一般啦, 烏冬太林, 湯都有味既, 牛肉有d有好多筋, 咬唔爛...下次都係唔去呢到食啦 …查看更多