幸會

今天初嘗了幸會甜品，朋友告訴我這家店品質不錯。今天就過去吃了芋頭芋泥西米露，這個椰汁底層次很豐富，有很香的椰青水味，一點也不膩，之前在大埔吃了別家的椰汁西米露，吃了數口就已經不想再吃了，西米很彈牙，芋泥甜而不膩，芋頭芋泥混合椰汁🥥，好味！店舖的環境有別於一般的甜品舖，這裏坐得很舒適，桌子很大，又有音樂，年輕的服務員態度很友善！唯一美中不足的地方就是地方很難找，不是在街頭當旺的地方，有點隱世的感覺。…查看更多

今日去咗大美督，咁啱喺翠怡花園落車。原來落車依個位有間糖水舖😝😝見下午茶唔使排隊就入去試吓，嗌咗個黑糖麻糬蘋果肉桂窩夫，聽落幾特別，好少地方食到🩵🩵淡淡嘅玉桂香味，配搭熱辣辣嘅窩夫凍冰冰嘅雪糕😍超級正好少見到出邊有黑糖麻糬會夾喺嗰個窩夫入邊，食落去仲有拉絲另外嗌咗個芒芒小丸子，啲芒果好新鮮好甜個底係西米露再加好香濃嘅芒果汁再配搭埋芒果雪糕總體而言，呢兩樣嘢都好出色😍🩵下次再會過嚟試👌🏻👌🏻…查看更多

甜品衝擊味蕾，入口的第一瞬間，濃郁的香氣撲鼻而來，帶著淡淡的奶香與果香交織，令人垂涎。質地細膩且層次分明，帶有微微的焦糖香氣，奶油滑順濃郁，不過分甜膩，搭配新鮮水果的酸甜點綴，達到完美平衡。甜品的甜度控制得宜，即使食多幾口都唔會感覺負擔，反而越食越想品味每一層次的細節。外觀設計精美，色彩搭配和諧，顯示出對細節的用心，甜品可以帶來輕鬆愉悅的享受。總體而言，“幸會”甜品不僅美味，仲令我感受到製作者的愛與熱情，絕對值得一試！…查看更多

本身認識呢間舖頭係喺網上外賣平台 嗰度睇到，嗌過一次外賣出奇地高質😝當時嗌咗個黑糖麻糬窩夫，送來嘅時候雪糕有送埋冰粒，仲要分開放，呢個舉動已經好細心！👍🏻👍🏻窩夫仲要用咗個透氣紙盒裝住，嚟到仲keep到外脆內軟！好味～🫶🏻🫶🏻所以今次喺附近食完晚餐，特登過去堂食窩夫，果然真係keep到個水準，仲比外賣好食好多，材料一d都唔手緊，小店一定要keep住份熱誠呀！唯一缺點就係小店偏僻左d…係內街入邊，不過我同朋友係後面街泊好車行過去都係1分鐘嘅事，都ok 嘅！…查看更多

今日同老朋友相聚，食完晚餐，嚟到呢間甜品舖。湯圓芋圓薑湯，薑味十足，好暖心。桑寄生蓮子蛋茶，味道亦好好。舖頭環境很不錯，好適合朋友相聚。洗手間亦好乾淨。值得推介。…查看更多

平時食飽係大埔其實係無咩糖水甜品店，自從鮮芋鮮執咗，就得返大中連鎖排長龍既松_，但上次食過凍湯丸後就blacklist.上網見翠怡花園近(原來前身Bulldog)位置重開咗間糖水甜品店，就決心試下。因為店望沿用返試一手既木台木椅，所有野都多咗份親切感。龍眼冰：呢度居然會有龍眼冰，小丸子都幾彈牙，龍眼冰都細滑好味同清新唔會太甜。加咗雪糕球多咗層次，但略略覺得冰溶得好快。朱古力香蕉黑糖麻糬窩夫🧇：窩夫外脆內軟，連香蕉都原條切上，份量好足不欺場，窩夫中心有黑糖麻糬成件事又多份甜味，同朱古力雪糕一齊食更特別。希望小店可以keep住熱誠，保持食物質素，等大埔友可以多一個選擇！…查看更多

見新開張都幾企理就試下我叫咗芋泥西米露都唔平但係一啲芋泥都無問女店員確認，佢話係有落一球係入面係佢面前撩底都係無見到但佢堅持落咗咁好囉….我成碗食晒結果都係一丁點芋泥都無埋單時再同男店員反映咗聲個情況淨係講咗句唔好意思…..咁即係我就食咗一碗好貴嘅椰汁西米露勒味道就係普普通通椰漿開水變做椰汁嘅味入面嘅芋頭粒亦未煮熟硬硬地同埋好細粒其實仲有叫左個朱古力三重奏有球雪糕同窩夫都係普普通通個窩夫係入面好硬果種同埋都少少貴整體來講不會再去…查看更多

經過好幾次都滿座。星期六3點難得人少坐低發現原來係主打食甜品🍮（記錯咗轉手前係做正餐，撈亂咗。）好在都有熟食叫全日早餐可以自由配搭，呢樣真係抵讚雞胸、煙三文魚、黑糖麻糬窩夫、乳酪杯、司華力腸、沙律菜、薯餅、炒蛋、漢堡、薯條、粟米….鐘意食多啲又得少少哋又得豐儉由人，有彈性選擇變化多，十分之好今次試咗（1）雞胸 （3/5分）（2）煙三文魚 （4/5分）（3）黑糖麻糬窩夫 （4/5分）（4）沙律菜 （3/5分）（5）炒蛋 （3/5分）份量都幾夠。Latte 都沖得唔錯，不過可以嘅話個人喜好濃厚啲嘅…查看更多

自從枇杷樹結業後，大埔叫做ok ge糖水鋪真係得返松記，但松記又冇窩夫食。。經過見到係以前熱狗店嗰位開左個新店，就去左試😁窩夫好好食！入邊有黑糖麻糬，外脆內軟！一日食一個都唔厭😂依到仲有咖啡飲，意外地出色，真係估唔到，以後落樓有個可以hea 嘅地方😂另外食咗個仙草芋圓，好有仙草味👍🏻👍🏻 40幾蚊有咁多款材料加埋一齊好抵食，有紅豆、仙草、芒果、小丸子、糖水、花奶！應該之後會變咗依到嘅常客😄…查看更多

今日經過大埔，發現新開咗一間糖水店，就走入去試下 。最suprise係個”焦糖蜂巢脆脆窩夫”，原本諗住都係普通窩夫，點知原來入面係有黑糖，都真係幾好味好有口感！另外，嗌左個”榴槤椰椰”，碗入面係有好多榴槤肉,完全岩哂中意食榴槤既我！老闆係後生女，仲走出嚟問我地食物點，好nice 好認真，下次會再黎幫襯，支持加油💪🏻…查看更多

今日喺翠怡花園食完飯，喺街尾發現有一間新開嘅甜品舖。裏便位置唔多，好好彩即刻可以入到去食，見到台台都嗌窩夫！所以我哋都嗌咗窩夫！個奶蓋好絲滑，同個窩夫兩樣嘢好夾，窩夫入邊釀咗啲黑糖，可以拉到絲添😂但係全份窩夫真係太飽，雖然佢好抵，半份同全份都只差幾蚊雞。。。今次我同朋友過嚟食，share啱啱好。最後我嗌多咗個黑糖滋味外賣，賣相就真係冇咁好😂 但呢個芋圓真係好好食！好似我喺台灣食嗰啲，超級煙韌，仲有芋肉喺入邊，出色！…查看更多

這裏的沙冰十分好吃，東南亞風味， 夏天吃一流， 窩夫吃完有幸福的感覺，大大份，好香噴噴， 值得一試另外間店環境衛生，中午有午飯，所以有很多學生幫襯，午餐可能要排隊，要留意…查看更多

碗碗都勁足料 性價比高！嗌咗10分鐘內就已經食到 黑糖麻糬窩夫好好味！窩夫入邊加咗黑糖麻糬好特別 ！唔會太甜 而且外脆內軟 ！ 一個人啱啱食完晚餐都食到半份！芒果小丸子同龍眼冰都勁多料 粒粒龍眼同芒果都勁豐富 芒果同龍眼都好甜 配料都勁多 小丸子珍珠爆珠 ！ 嗌左杯焦糖脆脆鮮奶 唔會太甜 但好夠味！西瓜冰即使啲冰融咗都好夠甜！老闆都好細心 會出嚟詢問客人意見 好nice~食物方面一啲都唔吝嗇 值得去 係食晚餐之後食甜品嘅好去處 以後一定會再幫襯！😋…查看更多