影片
入梅窝去到下午茶时间，首选之一系平记既炸鸡髀餐，梅窝出晒名，外脆肉嫩多汁！仲要平，$4字头有炸鸡髀+沙嗲牛肉面+冻饮，冇得输👍。除左鸡髀餐仲有好多配答，好多都系旧香港经典茶记小食😋，有西多士，卤水鸡髀，卤水鸡翼，炸春卷，炸菜肉丝面。不过因为系旧式茶记，所以地方系香港旧式打冷𠮶种，要有心理准备⋯⋯不过都有呢啲地方少有既，冷气😍。其实去得效区有冇理由介意个环境既，而且其实唔差，同级黎讲环境卫生系好好了。
继续阅读
收工同朋友去咗梅窝呢一边打篮球，打波之前求其喺附近熟食中心谂住食啲嘢先打，朋友就话食过呢一间抵食嘅茶餐厅，佢餐厅的位置其实都几方便喺梅窝码头旁边，行过去大概5至7分钟就到，绝对唔会话有好难揾嘅情况出现我哋今日去食下午茶佢每一个餐可以拣两款唔同嘅嘢食，我再拣一首我的牛肉面同埋炸鸡比，沙嗲牛肉面嘅份量嘅牛肉都非常多，绝对唔会因为下午茶餐好平，所以比好少，而且沙嗲味都非常香浓，配埋公仔面食味道都非常夹，炸鸡髀即叫即炸热辣辣非常好食，啖啖肉嘅感觉真系非常好，而且调味亦都适中，最后加埋杯冻柠茶，正！
继续阅读
同朋友由愉景湾行山行到来梅窝，行咗4个钟后，𠮶个都变成饿鬼误打误撞入左嚟熟食街市，见到呢间宁舍多人食就揾位坐低一见到餐牌𠮶个都话「哇，咁抵食」三十几蚊有面有小食仲有野饮！我叫左沙嗲牛肉面加鸡髀加冻柠茶少甜沙嗲味够浓、公仔面硬度适中、虽则鸡髀炸得偏干身左少少但咁既价钱夫复可求！我朋友叫左西多士作小食，我以为会得半件西多士但佢居然真系比足一份西多士，仲要够脆口够热辣辣，真系好好味下次如果有朋友喺梅窝行山我一定会推介佢嚟呢度食下午茶
继续阅读
行完个山落到梅窝紧系即刻揾食，去到熟食中心眼花撩乱，劲多唔同选择。本身想望住个海景叹个茶，但经过呢间茶记见到佢做紧1+1呢个set就俾佢吸引左。🐒1+1下午茶💰$40👉🏻五香肉丁通粉+卤水鸡髀+热央走👉🏻沙嗲牛肉公仔面+西多士+热茶走味道黎讲其实就同普通茶记差唔多，唔系话好惊喜，但就系所有野都份量多又实在，行完山有间咁既茶餐厅系附近真系够哂满足😇
继续阅读
今日郊游嚟到大屿山嘅梅窝，见到有个熟食中心所以入去睇一睇。个环境都几好有好多间茶餐厅，有啲仲可以望住个海景食嘢。去完个厕所见到有间平民茶记，食啲嘢都几地道。所以就入去试试。嗌左个套餐，1+1，一个主食加一个小食，仲包埋野饮，都系$40。主食叫咗个沙嗲牛肉公仔面，小食叫咗个西多士。沙嗲牛公仔面系好普通但系好正宗嘅沙嗲牛面，个汤底唔系话好咸，个牛又唔系好鞋，个面又唔系话好林个啲，总括黎讲好普通但系好好味。另外个西多士都系正嘅，首先佢系热辣辣，同埋佢啲花生酱都好多，啲边边位仲系脆卜卜，总括嚟讲好好味，唯一改善嘅地方就系佢落咗好多糖浆所以有啲甜，如果可以自己落糖浆嘅就会完美。大家不妨去开梅窝不妨都俾个机会佢。
继续阅读