影片
港铁尖沙咀/尖东站 N3 出口, 步行约2分钟
继续阅读
营业时间
星期一
全日休息
星期二至日
12:00 - 16:30
18:00 - 22:00
公众假期
12:00 - 16:30
18:00 - 22:00
以上资料只供参考，请与餐厅确认详情
叫左碗黑蒜油赤味噌拉面，一送到上枱面，完全没有黑蒜油香气，喝一口汤，系酸的，好酸。成碗面好难食，叉烧又干争争又无猪肉味同好松散，面底偏软和有枧水味。但最伏最伏最差都系个汤底，汤底应该系一碗拉面嘅灵魂，但呢碗汤底差到一啖都唔想再饮，好酸好奇怪，无黑蒜油味，又无味噌味，又无辣味，得个酸同油，好奇怪。本人好钟意食汤面，成日去唔同店食唔同嘅面，将一碗拉面整得咁难食都唔简单，可以荣登食过最难食嘅拉面Top3。
继续阅读
呢间拉面店其实我已经唔系第一次帮衬, 我谂前前后后都有食过7-8次左右啦响香港, 特别系尖沙咀一个餐饮业竞争咁大嘅环境, 要经营一间拉面店可以想像到十分困难, 而呢间拉面店我真心认为算系沧海遗珠. 佢绝对唔系排队店, 人气不大, 而地址亦相当吊脚, 唔系你会行行吓街, 路过会食碗, 更加唔系你响媒体见到慕名而去嘅店. 不过, 只要你有机会试过一次, 你一定会认同佢地拉面嘅味道真系唔错, 性价比高!今次我推介嘅系酱油拉面 🍜, 以下系食评:1. 香味 (4/5) - 非常充足! 啖啖一阵焦香味, 应该系来自d笋2. 汤头 (4/5) - 无论系咸度同鲜甜度都系平均之上, 顺口唔会口渴3. 面 (4/5) - 目测系中细面或中太面之间, 唔粗唔幼, 口感扎实, 小麦香算够4. 配料 (4/5) - 叉烧, 蛋同葱, 就平均水平, 但藉得一提嘅系d笋, 因为有烧过, 阵阵焦香味, 入口就更惊喜, 脆口, 感觉到系有放心机做. 顺带一提, 蛋嘅选料貎似系兰王, 而且跟一整只, 但我本身对兰王麻麻地, 所以冇因此而加分.整体 - 值得推荐 👍👍👍👍
继续阅读
尖沙咀比人感觉好多野食，但大部分都要同游客争饭食嘅餐厅，好想揾多啲价钱合理食物唔揸流摊嘅小店，今晚好想食拉面就去咗棉登径果边揾嘢食，街尾见到呢间外面简洁嘅拉面店，就入去试试。叫咗碗鸡汤拉面，上枱嚟到嘅时候热辣辣，鸡汤香滑唔油腻，面质弹牙，叉烧系好似火腿咁薄嘅食落唔会肥腻，配料笋好出，只蛋先系重点真系好好食（试咗你就明），佢哋仲有大蒜蓉同埋福神渍可以放埋一齐食又系另一个层次！正！有啲美中不足嘅系唔明点解间店要收+1服务费，因为我感觉唔到有服务，建议试吓取消咗服务费，然之后加多$10我都愿意俾，因为碗面真系好出色，请继续加油！呢间店系可以再嚟多几次食！
继续阅读
出开尖沙咀想食碗拉面，但系又唔想食连锁店，上网发现原来选择唔太多，今次就谂住试下平和拉面，店内嘅座位都系吧枱，一部分望向街，一部分望住厨房睇住师傅煮面，依次嚟到唔需要排队，不过都keep住有人嚟食。拉面嘅基本款式有酱油、黑蒜油味噌、香浓鸡汤，今次拣咗香浓鸡汤拉面，配料有叉烧、溏心蛋、紫菜、葱、笋，鸡汤望落好似好浓郁，但系饮落不论系质感定系味道都较为单薄，称不上香浓，单以汤底嚟讲较为失色，但系配料同埋面条都系正常水准嘅。
继续阅读
呢间拉面店唔系咁容易揾倒，系巷仔入面细细间既拉面店。店舖门口有工业风特色，但都带有日系嘅感觉。餐厅入边主要系Bar枱形式，个人好钟意坐喺吧枱，可以见到师傅煮面嘅过程。另外餐厅仲好贴心喺位置度准备咗围裙俾客人，而且每个座位都有自助热水提供，让客人可以自己根据喜好冲绿茶。🍜平和酱油拉面$88首先好惊喜，因为拉面嘅卖相好吸引，而且配料好多好足料有两大块叉烧，紫菜，荀，同一只溏心蛋，都几抵食。 个汤有鲣鱼味道加上酱油汤味道唔错，较浓味一啲。🍜香浓鸡汤拉面$88首先配料同酱油拉面系一样，只系汤底唔同。个汤好够热，比起酱油呢个汤就淡少少，不过鸡汤味道香浓，好似系用鸡鸡骨熬制而成，但又唔会偏咸系我钟意既味道。🍲自家制日式炒荀 $18另外仲叫左个炒荀做小食，味道都唔错几入味。
继续阅读