影片
常聚名字好有人情味，店内不大但餐牌就好多款式选择，食嘢其次，睇到店员与人客之间嘅互动，就更感亲切⋯⋯我同老公叫左几样驰名鲜蚝仔肉碎泡饭新鲜蚝仔饱满大粒，洗得干净冇沙，最紧要好多葱、芫荽、冬菜，呢啲都系蚝仔泡饭嘅灵魂，丰富得黎更显蚝嘅鲜味。新鲜猪杂汤面猪杂面系用咗猪骨汤底，味道香浓亦唔油。材料多款:猪面青、猪心、蝴蝶腩、猪膶、粉肠、猪肚，全都入味够腍。我比较钟意猪心够爽，猪膶够滑，粉肠冇异味，食得安心。怀旧蝴蝶腩猪油捞面（配自家制xo酱）捞粗面够爽，亦冇碱水味，蝴蝶腩够腍，要落埋自家制XO酱，够野味又唔太辣，配捞面一绝。小食蝴蝶腩每只猪只有一块，经过厨师细心烹调，肉质保持嫩滑又好味。菜心油菜嫩绿嘅菜心，入口爽脆清甜。
继续阅读
今次去启德行下，晚饭时间黎到新蒲冈揾好西食，最后拣左常聚面家，主要见到有新鲜蝴蝶腩同埋自家制XO酱，环境又算新净光猛，于是就入去试下。 -$52好多人以为蝴蝶腩系属于牛腩，其实唔系，佢系属于猪肉一部份，实际系猪肺裙肉，因为形状似蝴蝶所以用「蝴蝶腩」命名。蝴蝶腩每只猪只有一块，所以极其罕有，如果要新鲜就更加难揾。呢度的蝴蝶腩份量好多，食落去无任何猪骚味，证明有预先处理过。另外呢度的捞面加上猪油，同老板倾完计后先知系自家制的，唔怪之望落去好清，食落去香得黎唔会混浊。最后加上可以「任落」的自家制XO酱，呢度的XO酱好特别系加左鱼干，另外再会有一阵烟熏的味道好特别，同时够香辣，最后配埋自家制重料的XO酱就系绝佳的配搭。 -$55一上枱估唔到份量都几多，足足可以食到6碗份量，相当足料。蚝仔泡饭最重要系蚝仔够新鲜，呢度每只蚝仔都胀卜卜，硬落去爆汁，食落去无腥味同泥味，够晒新鲜。之后就系上汤，系每日新鲜用猪骨熬制，配埋芹菜、芫茜同肉碎，增加味道的复杂性，另一个要赞的位系相信呢度的汤底无加味精，因为饮晒啲汤都唔会觉特别口干。 -$40呢度的炸大肠系新鲜即炸，所以食落去做到新鲜热辣、外脆内软的感觉，另外肠内仍然保持油份，所以咬落去会保持到Juicy的口感。 - $22正常渌菜唔需要特别介绍，但因为呢度的上汤系每日新鲜用猪骨熬制，所以用上汤浸完的芥兰都隐约食到上汤的味道。另外呢度拣选左比较嫩的芥兰，所以食落去相对脆口，最重要唔会食到有渣。整体而言，呢度的菜式唔算话好Fancy，但食得出有「内涵」，无论系汤底、XO酱，甚至捞面的猪油都系自家制。食材又够新鲜、连油菜都拣比较嫩的部份，可以见到老板的用心。有时食小店就好似开盲盒咁，往往有惊喜的存在。
继续阅读
新蒲岗爵禄街新开张《常聚面家》环境干净企理，见食客颇多应该不错。 我们点左蚝仔肉碎泡饭$55: 新鲜蚝仔很鲜甜又足料有20多只，肉碎滑嫩，汤底清甜香浓，加芫茜、葱花、炸蒜，口感丰富美味好食。新鲜猪杂汤面$65（幼生面）：猪杂新鲜洗得干净无异味，有瘦肉、猪粉肠、猪肠、猪肚、猪心、猪膶，猪骨汤底味清甜，面质爽口，大大碗份量足抵食又好食。剩食蝴蝶腩$50: 腩肉质腍滑、筋膜软滑入味有胶质，非常美味，值得推介👍👍蚝油菜心$22: 菜心苗嫩绿可口。饮品：冻阿华田、冻柠茶：正常发挥。总结：真材实料食材新鲜大份抵食，枱面的辣椒酱都好惹味。
继续阅读
常聚面家系喺新蒲岗嘅一间街坊小店，主打性价比高嘅汤面汤饭，更有多款自家制小食，系附近街坊钟意嘅人情味小店😜😜😜👍🏻👍🏻⭐蝴蝶腩猪油捞面比较少见嘅美食，蝴蝶腩带筋膜位，肉质软嫩，含丰富嘅胶质，层次丰富。捞面用咗猪油特别香口，粗面尽吸猪油香气，仲配埋清鸡汤💯💯😍😍⭐新鲜蚝仔肉碎泡饭新鲜蚝仔大大粒，好饱满❤️❤️，处理得好干净，一啲腥味都冇。汤底鲜甜，配合蚝仔嘅鲜味，好满足⭐香脆炸大肠大肠洗得好干净，火喉控制得刚删刚好😁😁👍🏻，外脆内软，沾上泰式辣酱，更加惹味🉐🉐常聚面家新蒲岗爵禄街82号地舖
继续阅读
今日专登过嚟新蒲岗试呢间街坊小店主打鲜猪杂同蚝仔泡饭 果然名不虚传店仔细细但坐满熟客 睇嚟真系有料到～🌟 必试招牌🐷 新鲜猪杂汤面 $65有齐猪心、猪肠、蝴蝶腩、猪肚、粉肠、猪膶等猪杂处理得超干净 零异味！猪润粉嫩唔鞋口 猪肠爽脆汤底滚烫上枱♨️个猪杂汤面热到吹咗劲耐先食到..........但就系要咁先够风味！猪骨熬足数小时 清甜带微微胡椒辣粗面吸汤能力强 索尽精华~~鲜蚝仔肉碎泡饭 $55蚝仔多到泻 粒粒饱满冇砂🦪肉碎增加口感 再加埋芫茜葱蒜令到成碗泡饭都好香汤底鲜甜到饮晒猪蝴蝶腩净食 $50部位罕见🐖肉质劲滑 原汁原味肉质香浓 零猪膻味！🥬 油菜 $22菜芯嫩绿 蚝油份量刚好汤底真材实料 饮完唔口渴猪杂处理认真 完全冇异味价钱合理 大碗足料
继续阅读