常相聚小廚 (已結業)

早前团年饭聚 5 位只不过 $500 有找，平到笑抵到烂。见餐牌上添加大量新菜色，五光十色，吸引力不弱。沙姜鸡脚，全晚最好味的菜色。热辣辣沙姜味浓厚入味刚刚好，不过咸不呛喉。胶弹黏滑的鸡皮包著爽脆脚筋，损得过瘾，滋味满分。大白菜猪骨汤细，重重奶味蕴藏著白菜鲜甜在后，幼滑清甜阵阵肉香。趁热饮超赞，冻饮大打折扣。桶骨啖啖甜肉，还有甘香肥美骨髓啜啜，大满足。生芋炆鸡煲，椰奶味特浓，完全系奶味，不是芋头味。鸡件炸到干争争，鸡胸鸡背鞋烚烚，骨多肉少。消失的鸡髀鸡翼无影无踪跟早前食过的啫啫鸡煲情况一样。炸蚝饼，蚝仔细细瘦奀奀不肥美，不香甜出完水无味，干柴缩水无味道。蛋浆除了脆口就一无是处，对面新鹿鸣居好食百倍。马拉盏炒莜麦菜，大量蒜蓉兜炒，油滴滴而有镬气！油到不得了，食完把口啷过油。油麦菜本身味道爽甜多汁，但食不到辣味。水煮牛，突然阿妹兴起想食辣，一向家庭饭局不会选的味道。饮啖红汤痲味够重，辣味近乎食唔到，牛肉𢲡到滑潺潺腍劈劈，腌味清淡，大豆芽爽脆爆汁更加好食。沙姜鸡，肥美咸鸡招牌菜。全熟没有一丝血渍出现，皮薄肉甜，凤脂甘香撞上咸鲜白肉，弹滑髀肉，软棉胸肉，食得津津有味无投诉，咸鸡肉送饭一流。茄子斑腩煲，厚厚青衣柳让松软炸粉包著，完全吸收芡汁滑嘟嘟，阵阵鱼味咬落结实。茄子肉半爽不绵，茄皮干硬扣掉不少分数。茄子并斑腩齐齐食，味道更吸引。中式牛柳，突然想食就去食，不知何其多年不见。酸酸甜甜开胃洋葱茄汁，牛柳超韧，少点牙力都赵唔到，走过油外层微脆香口，肉汁可以还有著牛甜味的。椒丝腐乳炒通菜，炒得有点黄带点渣，不够鲜嫩爽脆，乳汁杰挞挞，乳香特浓。梅菜扣肉煲，极咸地狱，扒多两啖饭才顶得紧！微暖那会好食，扣肉仍是室温，干鞋不松化。垫底大白菜硬掘掘，太生难食。依旧我请客吧，食得开心最紧要。…查看更多

爸爸生日拣左佢钟意食嘅客家菜。客家菜，主要指客家人嘅饮食，喺广东菜嘅三大流派中，客家菜可以话系最原始的嘅广东“土”菜，就地理条件同物产而言，食物大多数系家养禽畜同山间野味。因客家地区主体分布喺闽粤赣交界处，所以又叫东江菜、闽西菜、赣南菜。因为客家族群多迁徙且居住喺华中、华南丘陵嘅丘陵山地地区，迁徙行程中只能以盐保存食物，劳动出汗多亦需补充盐分以维持体力，因此饮食倾向多油多咸嘅重口味菜，同埋会加入各式处理过嘅腌制菜类（如酸菜、福菜、梅干菜、大叶品种嘅芥菜）。客家菜嘅口感偏重“肥、咸、熟”，喺粤菜或闽菜系中独树一帜。虽然我哋唔系客家人，但我哋成家都重口味！客家饮食文化古老，有以下四个特色，以肉类为主，水产品较少突出主料，原汁原味，讲求酥软香浓注重火功，以炖、烤、煲、酿见称，尤其以餐厅舖面同平时d茶仔差不多，贴咗d招脾菜嘅poster，仲有欢迎光临嘅走马灯，其实都有d大陆feel~入面装修简洁，大圆枱加茶楼櫈，都系一般饭店格局，光光猛猛，坐得几舒服。 酸萝卜客家人好腌制菜类，连前菜都系用醋腌制过嘅酸萝卜，酸may may 囗感爽脆，令人好开胃，差唔多食晒先记得影相。驰名钵头桶骨大白菜（大）呢个系招牌菜之一，成个木桶装住一大钵热辣辣嘅猪骨汤，以瓦煲装住，保存汤温，外套木桶，保留农村风味印象。全煲猪骨加埋奶白菜，起码要用几个钟先煲好，火喉十足。一个大份足够我哋一家7囗饮，妈咪话喺肉档买份桶骨其实都几贵，呢份汤入面起码有5、6旧拳头咁大， 我觉得呢个汤都几抵食！猪骨系选用猪腿同猪手嘅臂骨，入面有大量骨髓，最美味嘅莫过于将浸饱靓汤嘅骨髓啜出来，啖啖鲜味，原汁原味。金牌沙姜鸡沙姜鸡都系客家菜嘅常见菜式之一，鸡肉够入味不过比较鞋咗d!客家炆猪肉呢个简直系客家菜嘅佼佼者，当中包含晒所有客家菜的特点！以肉为主通常选用五花腩，煮果阵加入腌制过嘅咸酸菜，用老抽、蚝油同生抽炆煮猪肉，上枱时已经闻到阵阵香气，猪肉色泽诱人，食落够焾、香口。姜葱爆鱼鳔鱼鳔则系鱼卜，大多数嘅硬骨鱼体腔上部嘅消化管同脊椎间都有鳔, 里面有很多胶原蛋白,可以令皮肤更加光亮同有弹性。姜葱爆炒够香，但可惜鱼鳔较韧。杂菇薯仔牛柳粒牛肉煎封后香口唔韧，薯粒都煎香咗，加埋走过油既杂菇，淋上少少蜜汁一齐炒。唔错！黄金鲜鱿虽然话传统客家菜，无乜海产嘅菜式，不过而家嘅食店，都会加入d新派菜式，例如近几好受欢迎嘅"黄金"系列！鱿鱼新鲜弹牙，外皮炸得酥脆，而"黄金"则系咸蛋黄，通常会预先蒸熟佢，再将炸好嘅鲜鱿同牛油炒匀，超级惹味！宫廷酱烧虾球呢个好明显唔系客家菜，但因为我哋钟意食海鲜，所以点都会点d~不过呢个比预期中无咁好味，因为原来所谓宫廷酱烧就系泰式酸甜汁。虾仁好大只，不过无乜味，麻麻地。…查看更多

约了亲戚到大埔行街,晚上时段,好多市肆不是休息就是满座了,一直行到太和看看有冇其他店子,阿姨想起附近有间小店,是客家菜,抵食又好味的,于是去博一铺,太好了!有开,我们4人,等了一会儿就有位了。是小小的店子,环境有点儿挤迫,新年时段,果然好爆满,多是一家大细,电视播放新年节目,气氛喜气洋洋。这里的招牌菜,见大部份人都是点以上的,特别是糖醋黄花鱼,而我,也是被这道菜吸引了。看餐牌,都几多选择,价格合理,点了4款小菜及两碗白饭。餐前小食有花生,茶要了水仙。糖醋黄花鱼,$88,招牌菜之一,油炸的黄花鱼,味道香口,配上酸酸甜甜的糖醋酱好醒胃,太美味了,条鱼好快就清晒,酱汁都唔好嘥拎来捞饭。金牌沙姜鸡,$80,招牌菜之一,沙姜味道适中,不浓不淡,鸡肉不算太幼滑,正常水准。金翠蒜香骨,$75,招牌菜之一,味道香有咬口,但蒜香不算太浓郁。秘制黄金豆腐,$68,招牌菜之一,因为食了太多肉要叫碟菜,对豆腐本身不太有感趣,但估不到有惊喜,油炸的豆腐,外脆,内里豆腐香软滑溜,有点似玉子豆腐,但味道更浓,好味呀,个酱汁都有水准,加上好多冬菇,好抵食呀。果然好味又低食,食物有水准,价格合理,环境系迫左少少咁,叫𩠌食饭之选。…查看更多

「大埔饭堂」真系无夸张到嫁!!! 因为我番大埔除左系屋企食饭 ,就系去常相聚食饭虽然距离我家有点远 ,加上唔系咁方便 ~系大埔和太和的中间~但对于揸车既朋友就方面 ,因为门口对住有几个拍车位!!!讲到系饭堂 ,我当然食左好多次先写blog !点解??? 只系介绍d 最最最好食 ,最最最出色俾大家 ~第1 ) 姜葱鱼云煲例牌必食~~~因为系其实地方真系食唔到 ~~~每一件鱼云都好有镬气 ,而且份量都有好多 (我估都有2个鱼头) 第2 )  糖醋黄花本身喱个𩠌只系得我钟意食 ,但你一睇相就知.....我映相映慢左少少 ,就俾人食左半条=0=""所以唔洗我讲都知好食啦~~~条鱼煎完都唔会怕太油 而且仲好香口 ,而且仲有汁俾我送饭食 ....赞~~3)铁板生啫姜葱鱼鳔铁板生啫姜葱鱼鳔我起码去左第3次先食到 ,因为每次都卖哂~~今次排队个时叫定先 ,但都唔够整一碟 .老板问我地介唔介意配多样𩠌我地当然唔介意啦 ,呵呵!! 最紧要有得食 ,因为每次都见到人地食自己就食唔到 ~~当然喱个𩠌无令到我失望 ,而且加左少少黑椒仲正~~~4) 蚝仔煎蛋角有少少出奇地好味 ,因为蚝我钟意生食 ,熟左我都系一般 ~~~~但我爸食到津津有味 ,所以我就试下啦 ~蛋煮得岩岩好 ,唔会过耐 ~~喱个𩠌会配埋鱼露俾你 ,但我觉得就咁食已经拍手掌!!!5)蒜香骨炸完仲有肉汁,唔会太干 ~简单一个𩠌就已经好好味~~基本上 ,我称「常相聚小厨」为我既饭堂 ,当然赞到不得了 (绝对唔系卖广告)另外系早几个月前仲翻新左 ,所以地方都干净左好多 !!而且入面有2张12人台 ,加10张左右4人台 ...大家唔介意仲可以坐街外 叫得做饭堂,仲点少得仲有2部电视俾我送饭食XD…查看更多

我同屋企人好喜欢去呢间小菜馆食饭的，虽然系铺子细细，但整既小菜都不错的。其中有几样特色食物如什菌黄金豆腐、桶骨大白菜汤、大良炒鲜奶。琴晚我地七点几黎到已经好多人，好在都有张细台可以即时坐，不过以四人来说就逼左少少了。环境都系一般小菜馆格局，空间细细，多人既时候会好嘈吵。胜在有部大电视可以比人电视送饭，不用错过睇某些节目。一入座每台都会有一碟酸萝卜既前菜，有白同红萝卜两款，咬下去爽口，酸萝卜十分入味，酸酸的很开胃。今次我地叫左桶骨大白菜汤、羊腩煲、赛螃蟹同蚝仔前蛋角。1) 桶骨大白菜汤每次黎都会叫，有大煲同细煲，四五个人饮细煲已经十分足够。汤是白白的，饮落味道有猪骨香味亦有少许牛奶味，整个感觉很特别，与平时既猪骨汤好唔同。虽然系猪骨汤，但饮落一哟都唔肥腻。除左有汤饮，亦有大白菜同猪骨可以食。白菜吸收左汤既味道，更加鲜甜好食。猪骨就好似平时食猪骨煲既样，肉不多但有骨髓可以啜黎食。2) 羊腩煲大部份台都有点，味道同普通酒家的差不多。三个人食每人都可以有四旧食，份量都合理。不过枝竹既分量就好似太多，变左好似枝竹先系主角。羊肉油香十足而且没有太劲既苏味，不过在我个人而言，食羊多哟苏味先够好味。利用附送既生菜浸入汤汁，吸收哂汤既精华，正啊，不过当然就较为唔健康。3)赛螃蟹另一款每次都会食既菜式，蛋白炒得香滑而不会很散。捞埋生蛋一齐食就更加美味，仲可以配埋醋，不过个人认为不点醋已经好好味。赛螃蟹除左有少少蟹肉丝外亦有些带子粒。口感更加丰富。4)蚝仔煎蛋角蚝仔既数量合适，蚝仔冇太重腥味同沙，不过整体煎蛋角感觉好湿好油，冇左平时食果种干身同香脆既感觉。所以觉得不太好食。总括而言味道不过不失，不过都是招牌菜较为出色，其他就比较普通。呢度既服务唔错，同客人有讲有笑同亲切。不过人多既时候手脚较为不足。但价钱就算是便宜，大部分小菜都只系四十至五十多元，不失为一个平价之选。共$224…查看更多