常滿百家菜

营业中

休息中

今日約左屋企人食飯🤭一於正氣d食下中菜，見呢間餐廳做緊$198中式小菜點心放題咁抵食就過黎荃灣試下啦！🉐 $198中式小菜點心放題，50款種中式小菜點心放題 + 自助區任食🉐餐廳期間限定送蠔皇扣鮑魚同埋雙皮奶🉐加$10可以任飲啤酒汽水鮮蝦蒸燒賣燒賣夠哂實淨又有咬口，絕對唔係機製的貨色，夠哂真材實料常滿蝦餃王食蝦餃最怕皮厚，但係呢個外觀非常飽滿嘅蝦餃真係皮薄餡靚，爽滑清鮮，果然是招牌菜！招牌小籠包平時出面食小籠包都覺得好貴，好驚喜呢個放題竟然會有包含在內，而且小籠包重粒粒飽滿、充滿肉汁！豉汁蒸鳳爪飲茶必叫嘅鳳爪，最鍾意佢濃郁嘅香味同埋富有膠質嘅口感，一定要叫呀！懷舊馬拉糕好鍾意呢個馬拉糕做到充滿蛋香又軟熟嘅口感，而且香甜好食！芋絲炸春卷食炸春卷最怕又淋又濕嘅口感，呢個絕對唔係，相反係有脆又有鮮味，有驚喜呀！鮮竹牛肉球乒乓波牛肉球，咬落有粒粒馬蒂，味濃可口，蘸喼汁食一流！必食小菜：蠔皇扣鮑魚+ 蜜汁叉燒+ 花雕醉雞+ 北京黑醋肉蠔皇扣鮑魚嘅芡汁相當入味，呢個任食價有咁大隻嘅鮑魚真係冇得輸，直頭超值！而蜜汁叉燒方面，我就最鍾意食叉燒甜甜地燒到略帶焦香嘅口感，呢個叉燒食落無渣又唔嚡口，真係幾不

午市任食星期日168+1，六張點心紙睇落就好正，又水煮牛又叉燒咁，正式叫落一半都冇黎，見到人地散叫的話野食就齊。總之環境差，野食一般，服務差，諗住食放題特登黎就冇謂

之前已經黎過呢間酒樓食飯，記得上次係食火鍋+點心放題，朋友話我知最近佢地推出左小菜+點心放題感覺都幾新鮮wo, 而且價錢又唔貴，只係每$198已經可以任點任食，絕對值得一試啦限定優惠而家幫襯小菜+點心放題仲每人送一客 蠔皇扣鮑魚，呢個絕對唔係取巧，鮑魚都幾大隻仲大過眼鏡個圈圈，望到已經流晒口水，而食落充滿濃郁既蠔汁，而鮑魚既口感啱啱好唔會太覺得太韌。。除左鮑魚之外，最尾仲每人有一碗自家制雙皮奶，好滑溜大人細路都啱食其餘既食物都好有驚喜，最鐘意就係水煮牛肉，味道好濃郁，但又唔會太辣，底層仲有好多芽菜岩晒我口味，另外菠蘿咕嚕肉都好有水準，每舊大小均勻，炸到香脆再混埋醬汁一齊，酸酸甜甜非常開胃，十分開胃點心方面，最鐘意就係流沙奶黃包，軟綿綿嘅包皮入面包住滿滿嘅奶黃餡料，但食落又唔會太甜。。仲有蝦餃燒賣當然係必食架啦，好大粒睇見都流晒口水呀

常滿百家菜荃灣眾安街55號大鴻輝(荃灣)中心12樓qu其實香港一直都唔算太流行飲夜茶，不過最近有朋友介紹呢間位於荃灣大鴻輝中心既酒樓推出左點心+小菜放題，感覺又幾得意wo, 所以放工就約左朋友過黎試下啦，而家仲每位加送一客蠔皇扣鮑魚同埋雙皮奶，真係幾吸引我哋大約8點嚟到酒樓見到超級墟撼，完全係坐無虛席，等咗大概15分鐘到先有位，見到食物主要分左6大類，係以點心紙形式落單，另外仲有部份小食，啤酒汽水同埋甜品係自取嘅點心方面首推一定係大大粒既蝦餃皇，蝦肉超大隻而且皮薄，另外流沙奶皇飽都值得推介，我地仲試左燒賣，咸水角燒味方面，當然一定要食叉燒啦，雖然份量少左啲但係蜜汁味好濃好吸引，除此之外花雕醉雞都唔可以錯過， 雞肉好嫩滑入口有淡淡醇香小炒方面，就食左菠蘿咕嚕肉，黑椒野菌牛肉，水煮牛肉， 奶油扒津白，基本上全部都係即點即炒熱辣辣架蠔仔肉碎粥覺得呢個都幾有驚喜，真材實料好大隻既蠔仔，食落非常鮮味，加埋d肉碎蔥花，真係見到都流晒口水呀當然要食埋甜品先走啦，餐廳既自家制芒果布甸同埋啫喱真係冇得輸，充滿童年回憶，如果想食d熱嘢可以試下番薯糖水，都係一個唔錯既選擇，最尾再食埋杯香滑既雪糕就岩岩好啦

跟親戚昨晚(星期日)去了大鴻輝的常滿百家菜. 有以下評價:服務: 不可以說差, 只是慢. 我們叫了棷子雞窩. 窩上了, 但沒有湯勺. 到水開始熱, 還未有人送來. 找了一位職員, 聽到她叫另一位同事取給我們(她正趕著”執枱”). 到水都滾了, 還未到, 於是找了另一位男職員. 等了數分鐘, 湯勺終於到. 又如, 我們叫了炸雲吞. 等了一個多小時, 到我們準備走時, 它才姗姗來遲. 走時, 在等升降機時, 看到宣傳海報才發現, 原來每人送一份鮑魚及双皮奶. 但完全沒有送來. 真失望.食物: 棷子雞窩: 失望, 窩完全無棷子味, 雞肉亦無雞味; 脆肉鯇: 非常爽脆, 值得一讚; 蝦: 新鮮; 蝦餃/燒賣: 一如網上推介, 雖不至如乒乓球大, 也比一般食肆來得巨型, 而且足科. 食物品種不多. 自助區補貨很慢. 唯一缺點是熟食味精太多.飲品: 種類多. 有瓶裝啤酒. 值得一讚的是, 有加熱設備, 供加熱維他奶.最大問題是衛生. 入坐時, 看到枱面有一個沒有蓋的膠水勺. 初時以為是倒廢水的, 但裏面已有些白色的液體. 安全計, 問一下職員. 答案是:

今日去到荃灣咁遠探親戚，幾大都係呢頭食埋晚餐先返屋企。屋企人揀咗大鴻輝呢間常滿百家菜，食小菜點心放題，呢間聽就聽得多，今次真係第一次食。呢度中式小菜點心放題真係好抵，只係198咋，仲要無限時任食，即係可以由1800食到2330， 選擇仲好多，超過50款揀。出面仲有自助區任食， 雞軟骨、雞翼、椒鹽豬扒、雞腳、 豬腳薑、湯羹等等，都唔馬虎，幾好味。原來期間限定仲送蠔皇扣鮑魚同雙皮奶，鮑魚新鮮超彈牙，雙皮奶又好香又滑。呢度既點心大大隻，大大粒，份料豐富。蝦餃入面已經有五粒蝦🦐。燒賣饀有香菇，成個味道提升唔少。呢度甜品芒果🥭布甸好好味，食咗兩碗。仲有雪糕🍨可以食，但已經太飽了，食唔落。如果想任飲啤酒🍺汽水🥤，只需要加10蚊就可以，抵。

第一次試小菜+點心放題，好神奇!! 小菜同點心加埋有over 50款，$198/位真係超扺，原來小菜點心都可以有咁多選擇～仲要加$10就有埋任飲，啤酒汽水各款茶都係任飲，見到好多檯都係一枝枝啤酒咁飲，好爽～❤️蝦餃燒賣小籠包 全部都係超大件，好耐冇見過咁大粒既點心!! 每粒蝦餃都有幾粒大蝦仁，燒賣豬肉新鮮又有蝦仁粒粒，好足料!!🧡叉燒包 一樣超大個，餡料仲要係真叉燒肉粒，唔係得pat叉燒醬，個包又夠鬆軟，唔錯唔錯💛蠔皇扣鮑魚 限定每人送一客既新鮮飽魚， 鮑魚好新鮮軟嫩，個醬汁調較得岩岩好， 好有驚喜💚雙皮奶 期間限定送既雙皮奶，味道唔會太甜，奶味香又夠滑

夜晚想食點心，又唔係好多地方晚市有做點心，上黎OpenRice 度search下，竟然搵到大鴻輝中心12樓常滿百家菜做緊$198 任食點心+任點幾十款小菜，+$10仲可以無限暢飲啤酒汽水茶等等……晚市仲要送大大隻既蠔皇扣鮑魚添呀😍 另外，最重要係無限時‼️環境同一般舊式酒樓差唔多，當日幾乎全場坐滿坐，好彩仲有二人枱😌坐底急不及待落order，可能真係即叫即蒸，都等好耐先有點心食，不過等緊都可以係出面自助區拎湯，小食，甜品頂住肚先🤭🤭點心基本上都係大路野：蝦餃、燒賣，鳳爪、排骨、牛肉球、叉燒包等等…….賣相就一般般啦😅味道同一般酒樓差唔多，正常野小菜細細碟，所以我都算叫咗好多款式。食下食下原來食咗好鬼多😝😝好豐富滿足既一餐🤗🤗

-中意食中菜嘅朋友又點會唔識呢間餐廳知道最近推出超抵食優惠🍽️$198小菜+點心放題+自助區任食(飲品放題+$10/位)🔥可無限時享用超過50款種中式小菜點心放題期間限定每位仲送蠔皇扣鮑魚+雙皮奶！中意食中菜嘅我梗係要第一時間去試吓😍/食物主要分為六大類▫️湯羹粉麵飯類▫️包含主食，飯、麵、年糕等等絕對係飽肚之選👍🏻/▫️時蔬類▫️選擇夠多，平衡返肉類嘅油膩感👍🏻試咗清炒野菌、上湯蒜子浸時蔬蔬菜少油少鹽調味食出最原味菜味🥬/▫️小食類▫️小食包括冷盤、燒味等等試咗青瓜海蜇頭、辣咸菜牛肚牛肚又好爽口彈牙，好惹味冷盤溫度夠晒凍冰冰夠清新夠fresh🌱食主菜前要打開味蕾😋/▫️肉類▫️中意食肉嘅朋友一定大滿足有齊雞、鴨、豬、牛肉選擇試咗北京黑醋骨、菠蘿咕嚕肉黑醋骨黑醋夠晒濃郁菠蘿咕嚕肉酸酸甜甜夠晒惹味😋/▫️海產豆腐類▫️好多惹味鑊氣小炒🔥試咗川醬炒蝦仁、京式賽螃蟹、紅燒豆腐樣樣都夠晒鑊氣，味道適中👍🏻/▫️點心類▫️私心推介❣️必試大大粒常滿蝦餃皇蝦餃入面有三隻原隻蝦🦐爽口彈牙另外仲試咗小籠包、薑蔥牛柏葉、酸甜炸雲吞、蘿蔔絲酥餅仲有好經典嘅炸饅頭！配煉奶真係絕配😋點心即叫即整夠晒新鮮熱辣辣🔥每樣原粒點心一件件計，食幾

先說，這家餐廳是走簡單粗暴路線，若你要浪漫約會或是優雅用餐的話可不推薦喔😂進店只要跟服務人員說要”點心任食”，然後選擇要喝哪種茶（普洱、香片、鐵觀音、水仙）就好，自己洗好碗筷餐具就可以來瘋狂點餐啦❤️小眼睛因為喜歡吃蝦，所以狂點蝦餃，每一顆蝦餃都超巨大，一顆蝦餃裡面有三隻大蝦🤤，皮薄餡超多超好吃😍鮮蝦蒸燒賣也超巨大，燒賣裡也有一隻大蝦混合了豬肉，好吃👍🏻小籠包皮薄餡多超爆汁好吃（小心不要被燙到喔😆）花雕醉雞的份量不會很多，酒味很濃雞肉很嫩。水煮魚片的辣度應該算中辣，魚肉很嫩很入味，好吃💕紅燒豆腐煮的很入味，醬汁很濃郁好吃🤤清炒野菌沒有很好吃，個人不愛勾芡的口感，它有點太多了🌚大不推雪耳海底椰，甜到一個爆炸🌚，我們喝一口就嚇到（我是螞蟻人我都覺得甜你就知道有多誇張），桂花糕清甜好吃，紅豆沙終於沒有陳皮味了我好喜歡😂吃好飽好滿足💕大推👍🏻👍🏻👍🏻👍🏻

早幾年去過一次，當時都ok嘅，但因為唔太啱食就冇再去。最近屋企人見到佢個廣告，話想去食，就book左位。環境：但今次一上到去就發現有一陣古怪嘅味道帶到我地去個位到，就見地下同用嚟做間隔嘅幕簾，有好多污漬同好多塵因為嗰日擺咗好幾圍，所以成間鋪頭俾人放咗好多隔木板，引致到成間舖頭都覺得好暗服務：個經理都算幾好人嘅，畀我哋自己揀枱，因為到個陣都唔算多人。但係問啲姐姐有冇圓椅佢就話冇，但後尾我食食下飯見經理叫姐姐拎圓椅比其他客佢就有其實一坐低我見隔離枱都有畀熱水同盆，好似酒樓咁畀我洗野，但唯獨我個枱冇，我屋企人要自己去拎食物：點心嗰啲係ok嘅，同正常酒樓差唔多，係排骨好多碎骨出面自己拎嘅炸物方便就幾好食，雞軟骨同埋雞翼都好好味。薯角就冇咩味。 照燒雞肉串食落口一pat pat火鍋就唔得啦，沙嗲湯都可以冇味嘅，自己出左去拎一碗沙嗲醬落去先好少少。其他火鍋嘢食都唔太好，不過呢個價值野食方面算係咁。總結：唔會再去第二次

吃任食點心火鍋晚餐。 火鍋湯底叫了椰子雞湯，都幾鮮甜味。湯底當然仲有好多選擇有香辣魚鍋、冬陰功魚鍋、水煮鍋、蕃茄薯仔排骨鍋、鹹菜豬肚粉腸鍋等等比較有特色既湯底火鍋配料雖然唔多，但基本算有齊我鍾意既海生蝦、肥牛、手打丸、牛展、脆肉鯇、牛脷等等點心亦好多款，鹹水角燒賣、蝦餃、豉汁蒸鳳爪、流沙包、小籠包、懷舊馬拉糕等等岩哂我唔夠仲可以出去自助吧攞火鍋配料及熟食，仲有湯、糖水及酒水最最最重點係無限時，慢慢吹水慢慢食都無$198 ，真係抵到震😁

荃灣大鴻輝中心抵食任食火鍋+點心放題，一個價錢食到飽而且唔限時，有個地方可以同朋友慢慢食吹下水火鍋有雞煲可以揀，湯底亦都有十幾款湯底。另外餐紙上多款火鍋配料，肥牛、滑牛、海蝦、鯇魚同各款手打丸，食材夠晒新鮮火鍋配料自助區，有唔同種類蔬菜、肉丸等。飲品款式亦好多，有任飲樽裝汽水、荼類、啤酒等點心即叫即蒸，熱辣辣，有燒賣、蝦餃、鳳爪、小籠包等等，比起火鍋我更中意佢地既點心。性價比：3 / 5推薦指數：3 / 5

同朋友聚餐，揀左一間任食火鍋店而且點心都係任食，每人$198火鍋湯底有好多選擇，可以揀個雞食完再打邊爐，或者直接打邊爐都得。我地今日揀左個最新推出既椰子燉雞湯鍋底，好養生既選擇火鍋配都好豐富，有肥牛、滑牛、牛展、牛脷、海蝦、脆肉鯇魚同手打丸，材料夠晒新鮮。另外仲有自助區，有好多唔同既丸類同蔬菜，而且汽水啤酒任飲，仲有雪榚同港式甜品除左火鍋之外，點心都同樣出色，蝦餃燒賣大大粒，有幾隻原隻鮮蝦超足料😋整體食物質素：3 / 5💰性價比：3 / 5👍推薦指數：3 / 5

有好多點心選擇而且係仼食！小籠包的皮度適中，但再薄啲更好，味道濃沃多汁 。鮮蝦燒賣大粒，咬落彈口，蝦肉豐滿和豬肉的比例恰到好處。鹹水角脆口，餡料多，外皮適中。食落不肥膩， 又再想食嘅感覺。 桂花杞子糕和椰汁糕屬於少甜，適合健康人士，前者嘅杞子大粒，而後者嘅椰汁糕質感嫩滑 ，但椰汁味唔算太濃。食完點心仲有高質火鍋海蝦大隻，食落爽口彈牙 。脆肉鯇魚咬落爽口，而且大細適中易入口 。而且仲有好多唔同嘅火鍋配料，肉丸咬落無氣根，味道正常，唔會有大驚喜。 支竹塊塊都幾大塊，唔係溶溶爛爛。喜愛食菜嘅朋友有好多選擇 ，每款望落都乾淨新鮮。仲有酒樓嘅經典糖水紅豆沙，味道啱啱好唔太甜，紅豆粒粒都好大，係煲到起沙架！