常樂漢堡

嘢食真係唔錯，價錢唔貴又好食，但個後生店員真係西到不可思議😅嚟過幫襯三次，有兩次都係個後生四眼仔店員第一次我行埋嚟落order，個店員挨住後面望住我5-6秒，先至企返直個人，慢慢行過嚟勁唔情願勁不屑咁落order，仲要藐我一眼我都明白有時返工攰，可能表情冇咁好，我本身都冇放喺心度但第二次我勁好聲好氣咁「唔該我要個A1」，個店員又係勁慢條斯理咁擰過嚟，之後問我「A咩話」，我好禮貌咁答多次佢之後，佢就反白眼加藐嘴，都唔知做乜😅😅😅買個嘢食無啦啦比人咁樣西真係乜胃口都冇晒，每次經過都見到呢條友企喺舖面西口西面，真係即刻調頭走🤢…查看更多

漢堡好食 間鋪叫常樂漢堡但每次見佢啲員工都唔多快樂 可能因為入面太熱 每次去都係黑口黑面 多謝無聽過 態度差。有幾次去到想食見到個店員黑口黑面都唔想買就走咗。有兩個唔知係咪老闆就幾有禮貌有次漢堡加咗菠蘿，個餐我都拎走咗行咗段距離，個男仔追返出嚟同我講比漏咗，唔知係咪老世。個人推介韓式炸雞漢堡 同佢個雞塊西班牙油炸鬼就比較甜 有少少太多糖 食一兩條唔錯 最好兩個人share一份整體來講嘢食好食 店員唔好 叫自取去到直接拎最好…查看更多

買過好幾次漢堡 次次都唔錯 好足料 A4>A3>A2 冇一次係差嘅薯條好大份 黑松露醬都幾好 芝士醬就有啲假 唔係幾鐘意茶就唔合個人口味Overall算幾好 但係今日嘅章魚小丸子 感覺有啲空心 少菜 食落就係迷你章魚加軟麵糊口感但是蟹籽幾多 調味都唔錯都係值得支持…查看更多

依家漢堡店都開咗一段時間今日經過心血來潮，想食漢堡就試吓呢一間咁就嗌咗經典牛肉漢堡套餐有薯條或者粟米片雞塊揀我就揀咗粟米片雞塊個雞塊幾特別就麥樂雞再加咗一啲燕麥片咁樣好脆口感脆同埋豐富不過最出色嘅都係佢個漢堡 之前見到佢每日都係人手整嘅漢堡肉 唔係雪藏貨肉汁都幾多，而且彈牙然後佢個皮有牛油焗既香味完全有齊晒一個出色牛肉漢堡嘅元素…查看更多

今次搵到間隱世外賣burger小店最平嘅芝士雞扒burger只系$32咋😳另外牛堡同有啲其他款式都系$36重點系個burger大大個 食完一定夠飽!到底好冇食? 睇落去咪知囉🤪👍🏿BBQ菠蘿烤雞堡 $36其實個包都幾大個🤪麵包就系普通x頓嗰啲burger bun啦正常嘅唔系空氣包👌🏿雞扒煎到好香 史努比送咗塊雞皮比媽媽🤣佢話幾香脆架🫣雞肉亦都好嫩 系略嫌油咗少少充分嘅調味食落帶啲美式甜甜地嘅味同黑椒香最surprise嘅系加咗菠蘿之後成個包更加juicy😳配搭BBQ醬食落更惹味😛不過史努比覺得可以唔使落番茄佢嘅水分會整濕咗個包🙌🏿但overall系好食嘅 呢個價錢物超所值😚味道: 8/10性價比: 10/10👍🏿經典芝士牛肉堡 $36牛肉好厚身😆煎到好香食落牛味都幾濃加上半溶嘅芝士😚生菜同番茄為個包增添下色彩另外搽咗mayonnaise同茄汁令個包更加惹味😛雖然睇落好普通但唔系講笑其實都幾好食🤭呢個價錢抵到爛啦😍味道: 8/10性價比: 10/10👍🏿煙三文魚芝士炒滑蛋堡 $38呢個就系媽媽👩🏻嗌嘅Burger用咗honey mustard佢超like😂Overall佢都話好食!如果嗌套餐嘅話就$46有嘢飲同小食(薯條/粟米/薯餅)+$8就可以轉地瓜球/番薯條👍🏿地瓜球 (套餐+$8)雖然賣相普通但味道唔錯🤭外賣返屋企都依然keep到微微脆口入面有一層黃色嘅食落煙煙韌韌幾得意🤪最中心就系紫色嘅番薯蓉甜甜地咁口感軟糯味道唔錯嘅細佬好鐘意😂史努比都覺得可以一試 但好飽肚🤣🤣味道: 7/10性價比: 8/10👌🏿番薯條 (套餐+$8)外賣返到屋企已經淋咗 加咗梅子粉調味甜甜鹹鹹都ok嘅史努比就覺得普通 但屋企人竟然話番薯條淋咗先好食😳大惑不解😂味道: 6/10性價比: 7/10一個女仔其實食一個burger系夠飽嘅史努比比較細食 食完一個超級飽😂大食啲好似發緊育嘅細佬食咗兩個burger再加小食🤣🤣佢誇張姐😂單點一個包真心抵食 $32起就有交易😆仲要質素唔錯 推薦大家一試整體評分：味道: 7.5/10環境: /服務: 6/10衛生: 8/10抵食: 9/10回頭率: 8.5/10 …查看更多

之前開鋪時，學生未放暑假，好多人排隊買。今日經過見未有人落單，就試左A1經典芝士牛肉漢堡。唔係好餓又怕熱氣，所以冇叫套餐薯條。冇學生排住隊買，所以落完單等左唔洗10分鐘就攞得。而家已經收八達通喇，唔洗一定要用現金。漢堡應該有嘅料都有齊，醬汁唔會太濃味，冇蓋過其他材料嘅味道。唔算好有牛肉味，但$36幾抵食。…查看更多

岩岩見到有新漢堡店開業，試下佢個漢堡餐。7點幾order 有兩三個食客等緊，全部外賣冇堂食，即叫即整，大約等10-15分鐘。✅️黑松露炒滑蛋牛肉堡（$46）一打開都幾多炒蛋，炒蛋不算太滑可以接受。塊牛肉食得出係手打自家製，因為唔係平時果d咁實心, 口感會有一粒粒碎牛肉粒。黑松露醬係底部會食到。即叫即整唔錯喎✅️薯條汽水跟餐（+$13）薯條即炸嘅，拎番屋企都重脆口，有少少鹽味，如果俾埋茄汁會更好。因為係新鋪所以重未有八達通，要自備現金喔。…查看更多

脆皮之士熱狗，一打開見到呢個樣，誤會咗以為係一般見慣嘅熱狗，一心係一隻熱狗，點知唔好，一條是基本上完全唔夠飽，但呢個酥皮感覺，一食勁有驚喜，勁好食！但如果啲醬可以唧得有誠意啲會比較好！話晒都收三十幾蚊一隻，打開見到呢個樣，真係會不太好。仲試咗經典牛肉漢堡，普通，正常不會一食有太驚喜但一定唔係難食，呢個價錢食得過。薯條係粗薯，幾好口感，幾好食外賣自取都唔會焗到淋晒！整體感覺，良好。會推薦比家人朋友試下…查看更多