帝豪中菜廳

营业中

休息中

和幾位都是對食物很有要求的朋友聚餐，今次選址到新蒲崗帝豪中菜廳 ，預留了奄仔蟹，蘇鼠，其他現場再加。先來前菜，椒鹽豆腐，鹵水鵝掌送酒再來奄仔蟹，鮮甜多膏，油鹽煮不太油不太咸，味道剛剛好。然後足料冬瓜盅，有鮮蟹肉，金華火腿，瑤柱，肉粒，少不了蓮子和夜香花，不用多講已知味道清甜，很消暑。吃蟹時，便叫廚房預備冬瓜盅和蒸魚，一道道分開上便不會擺凍了。朋友們很有要求，一早訂定了海魚蘇鼠，蒸得剛剛好，4人冇停口份量足，不用你推我讓，大家都吃得滿足。之後叫了澳龍煎麵底，這個麵沒有梘水味，原來是蛋麵，脆到卜卜聲夠乾身，加上另上的龍蝦汁，龍蝦汁沾上乾麵，入口滿滿龍蝦精華，繼續吃到停不了口。然後到甜品時間，可以開啟另一個胃，一般酒樓甜品只有紅豆，綠豆沙，這裏有麥米糖水，足料有咬口，不太甜，比糖水店更好味。另外，椰果包是熱吃，外面包著椰絲，內裏是蒸糯米包着椰果，軟綿綿的，又吃了一整個。最後，吃完蟹來個薑汁糕熱吃，整餐飯圓滿豐足。四位每人7百多，好品質廚師有水準，朋友吃完沒投訴，異口同聲說比外面什麼什麼大集團，根本另一層次。私心推介，嘉許廚師，現在營商環境困難，難得找到一間好的食店，留港消費的你不妨一試。

今晚二人晚飯，諗住近近地去咗新蒲崗試試呢間酒樓，叫咗3樣小菜，紅燒乳鴿幾好食，黑蒜茄子魚腩煲一般正常，上湯蒜子浸莧菜，淡而無味，我同侍應講是滾水淥菜，態度聽完不理，到最後我唔食埋單，才說換個碟，又話退錢。這種服務態度真係…..今時今日咁嘅服務態度真係唔會再幫襯，最後我冇答佢，碟菜系退咗錢嘅，但係餐飯我就冇食囉，最種要是服務性行業，卦唔知個個都北上消費。極度不滿意呢餐晚飯，我絕對不建議大家光顧此店。

老闆們請食飯，來到這個酒樓吃午飯，整體感覺很不錯。吃團餐，全部大大碟，既有燒賣，又有蝦餃，還有好好味的叉燒，全部都值得一讚！最有驚喜的是干炒牛河和瑤柱蛋白炒飯，兩碟一上枱就有煙噴出來，而且吃下去都幾有穫氣，以酒樓來說，筆者覺得這都是很不錯的！另外，我見有其他吃貨都有評論這個茶樓的服務不太好，但我自己就覺得挺好，一路keep住也有refill水，另外也不像其他酒樓會給外賣盒和膠袋予客人自行解決包裝事宜，而是會主動幫你包好，這點除了在婚宴之後再也沒看到了！筆者覺得除了指示不太清楚之外，其他的都好好！

呢間野我岩岩食完，今日年初三，9:15am入去坐底，9:30am人齊，4個人食野，入座前無講有限時，10:40am開始趕我地走，話好多人等位，但係入面仲有好多枱係未有人坐，大枱細枱都係吉的，出面係一個客都無，唔存在好多人等位既情況！我地本身都係預11:30am走，因為估佢午市開始前會多人，最後我地10:55am走，d職員擘大眼講大話！呢樣係最可恥！早過我地入黎既都無俾人趕！唔係要d咩好服務，但過年既服務原來係睇有無利是！有俾利是就唔趕你走！唔怪得我地香港人返哂大陸消費！

帝豪中菜廳 (新蒲崗） 平安夜與家人7個人到新浦崗帝豪中菜廳飯宴，在2樓方便亦接待有禮，預約下安排大枱作晚飯，好整齊清潔，有套餐有小茶適隨尊便，點了乳鴿餐($588)加羊腩煲($368)同臘味糯米飯($168)，乳鸽香口，蒸頭腩我喜愛，羊腩煲好足料驚喜地跟荳苗，送紅綠豆沙，整體好大碟好味，一路在電視看維港水上煙火滙演，好精彩，呢個中菜場唔多人，真係不錯的地方👍😋

我其實好少寫食評，今次係第一次，因為我從來未去過一間咁無禮貌既餐廳食嘢。我搵唔到投訴渠道，所以係度寫。話說今日帶爺爺奶奶黎呢度飲茶，等拎位。個帶有大陸口音既阿姐同我講「@$*%下午茶」，因為佢大陸口音好重，加上茶樓好吵，我真係聽唔明佢講咩，叫佢講多次，但我依然聽唔明。然後佢又極度唔耐煩咁講多次，但我淨係聽得明「下午茶」呢三個字，然後我話「係啊，黎飲下午茶」。然後佢直情反曬白眼係度話「係咩係啫，我問你係午市定等下午茶啊」嘩，咩態度啊，我未話你廣東話唔正，你係度反我白眼？！仲話中秋全家係度食，馬上轉場。真係影響曬我心情，啲嘢幾好食都無用啦

星期六 9 點來到 唔使等位 ，坐四人細枱環境都Ok,坐得舒適唔會太迫 其間都要加水，但每次都要舉手主動叫阿姐，就無主動向客人添水粉果/點心透明餃皮比較厚，味道比較淡口好食只有鮮竹卷及燒賣😜 其他就真係好普通 三個孖寶+ 一個點心拼盤 四個人都夠飽，埋單 $240

朋友推介到這家酒樓，據說是早上的點心很抵吃，原來沿着地鐵站往舊工廠大廈方向，酒樓就處於眾工廠大廈之中，大廈是新建的，酒樓不是很大，相信足以應付附近社區的需求。早上來飲茶的大部分是退休人士，酒樓相對應提供了很多「孖寶」，即是買兩碟點心或小吃便實惠些。由於這个優惠價当中亦包括很多飯面，所以很受歡迎。點心和食物味道都可以。兩个人吃过飽可以不用每人100元，確實以香港的消費水平可以評為便宜了。當然酒樓位置就不算是非常旺，有時間到鑽石山，可以考慮一下。

帝豪中菜廳，位於新蒲崗爵祿街33號Port33 2樓。 以中菜為主， 價錢經濟， 店員服務親切有禮。晚餐🥢～ 龍蝦伊麵、 蒜蓉粉絲蒸扇貝、 海鮮雜菜煲、 炸子雞、 士多啤梨一字排、 是日糖水。 🔸龍蝦伊麵 ～ 龍蝦爽口鮮甜， 伊麵有咬口，唔會好腍。 🔸蒜蓉粉絲蒸扇貝 ～ 扇貝大大粒又彈牙，粉絲的蒜蓉味好濃郁。 🔸海鮮雜菜煲 ～ 有蝦球、帶子、珊瑚蚌、魷魚、北寄貝和蟹柳，豐富又好味。 🔸炸子雞 ～ 金黃脆皮的炸子雞賣相已經吸引， 皮脆肉滑。 🔸士多啤梨一字排 ～ 酸酸甜甜開胃，但一字排做得比較硬身，呢個位扣一扣分。 🔸是日糖水 ～ 紅豆沙和綠豆沙都不錯。 整體質素唔錯， 一定會再嚟👍🏻。🏷️溫馨提示～ 整個用餐體驗均屬個人分享意見， 只作參考😊。

訂了檯中午上班時間飲茶, 因用餐時間唔多, 就打電話要求FAX張點心紙先揀點心, 點知聽電話的姓劉的女接待員拒絕, 並聲稱當日到酒樓先睇, 通多兩句仲直接 CUT線, 服務態度惡劣!第二日直接上茶樓問佢拎點心紙, 都等了5-10分鐘先拎到! 聲稱唔記得! 帝豪價錢唔算平, 中價茶樓, 服務態度竟還比低價酒樓差那麼多, 有得揀都唔會再去! 寧願行遠D!!唔怪得OPENRICE咁多關於服務的劣評!

新蒲崗區有唔少酒樓但多數都係比較簡陋嘅傳統酒樓。Port33呢就有依間比較大間服務比較好，燒味唔錯嘅酒樓，缺點就係價錢貴。中午飲茶一行八人，叫咗個六人餐，點心可以揀六款，一款小菜，一款炒麵飯，一款燒味同一碟菜，價錢$688，其實係比同區貴。酒樓嘅皇牌叉燒，跟餐嘅半肥瘦好入味好好食，但一人只可以分到一舊半😂份量約半斤左右。同相有春卷不過不失。單點嘅燒腩仔，明顯比叉燒多，一人都有三舊，價錢都唔平過百蚊架。但好脆皮唔太咸肥瘦適中。同相嘅雞扎點心就欠佳，蒸得略嫌老咗少少。跟餐嘅咕嚕大蝦球，好好食蝦好大隻好新鮮，入味，一共有八隻。其餘嘅炒麵飯就一般般就唔介紹了。七個人落樓要950蚊。久唔久一餐ok啦。

第一次來，四人枱坐两人必须要搭枱，你迫客搭枱係咪要整塊板隔一下呢？成个场咁多吉枱你仲迫人搭枱你係咪發神經？个知客串个馬头姑尼。你要擺架子，你望下自己个场有几多客先得架！

叫了蝦餃，味道唔錯。鮮蝦春卷味道亦可以。芋角只有芋蓉，沒有其他餡料。腸粉唔夠滑。基本上所有點心都唔夠熱。另外叫了燒腩仔飯，$33好抵食，脆皮但肉太咸。酒樓環境還可以，不算太逼夾。服務OK。新蒲崗區內飲早茶，價錢屬於偏貴。

百花蒸釀魚肚簡直就係完美，蝦膠肉粒粒分明非常有口感；可以叫多兩籠！黑松露雜菌水晶餃皮嫩又薄，菌氣滿溢；時菜鯪魚球都幾正；脆皮燒腩仔皮厚硬身，一塊都咬唔爛，驚喜🤣

態度超差，book左1230時食lunch, 叫我地1330時離開，我地叫野食，主任話唔好叫，真係好勁，咁樣趕人走都得，以後唔會來。超級黑人憎囉。竟然叫野食都唔比