巷口炸雞專門店 (T Town South)

营业中

休息中

今天經過附近購物，看到有炸雞台便幫襯了貴店，點了一份塔香炸雞，炸雞本身的確不錯，但店員的態度卻令人搖頭，大大拉低了整體的用餐體驗。先談談這份塔香炸雞。香氣撲鼻，塔香的獨特風味在口中散開，調味恰到好處，份量方面尚算合格。可惜的是，店員的服務態度卻讓這次用餐體驗打了折扣。從點餐開始，店員的態度就顯得冷淡，甚至有些不耐煩，甚至遞上外賣單時態度差勁。該男台員由我們點餐、收錢，到最後點來拿取炸雞時，態度都保持不耐煩，真的不知所謂。總體而言，貴店的炸雞確實不錯，份量亦可以。然而，店員的態度卻讓人感到遺憾，服務質量的不足直接影響了用餐的愉悅感。不知道貴店是否不愁生意，還是只懂處理外賣平台的網上訂單，不懂待客，希望貴台能重視服務培訓，提升店員的專業度和親切感，讓這份美味能搭配更好的用餐體驗。最後，因為今天這位男店員，我應該不會再光顧貴店了，想不到簡簡單單的一次外賣自取點餐也能得到如此不愉快的經歷。

今次經過巷口炸雞，點左該餐廳的醬蒜炸雞。雞肉經過精心醃製後，再裹上特製的麵衣，油炸至金黃酥脆。炸雞的外皮酥脆可口，咬下去時伴隨著油脂的香氣，瞬間讓人感受到滿滿的幸福感。而內裡的雞肉則保持著鮮嫩多汁，與外層的酥脆形成了完美的對比。醬蒜的調味更是這道炸雞的靈魂所在。特製的醬料融合了大蒜的香氣與多種香料的風味，淋在炸雞上，讓每一口都充滿了層次感。大蒜的香味不僅增添了風味，還讓這道菜的口感更加豐富。搭配著微微的鹹香，令人一口接一口，根本停不下來。

快點去試試這間！這家台灣小吃店的醬蒜炸雞確實非常誘人🍗！店員會先秤好炸雞嘅重量，確保足夠份量，這次我叫的是大份的。然後再加上醬汁，醬料的口感濃郁而順滑，它融合了大蒜的香氣和微辣的風味，與炸雞的香脆相得益彰。酥脆的外皮搭配多汁的肉汁和美味的醬料，絕對是一個完美的組合。😋這家店的炸雞香氣四溢，甚至在店外也可以聞到❤️ 這件店鋪只可以外帶，不可以堂食，等待時間大概5-10分鐘。乘這空檔還可以到旁邊嘅天仁茗茶買杯飲料，是不錯的搭配呢～

呢間聽聞係好好食嘅炸雞🍗，但從來都未食過，某日收工路過聞到陣香味，實在頂唔住誘惑去咗試😹。叫左個大份炸雞餐配椒鹽杏鮑菇（小）$66+冷泡茶$8醬蒜炸雞🍗炸雞新鮮熱辣唔再講，配上獨特嘅風味醬真係一流👍🏼👍🏼👍🏼。蒜片🧄份量好足，食曬啲炸雞都仲有剩，鐘意食蒜味嘅朋友千祈唔好錯過‼️椒鹽杏鮑菇菇🍄都夠大件，落嫌椒鹽粉灑得唔夠均勻，但個店員一腳踢落完order，炸野，pack野，無停過手，可以體諒嘅。🥹冷泡茶係預先雪好係雪櫃拎出嚟，味道都甘香嘅。會再幫襯🤤

本身都好鍾意食炸雞 呢間炸雞路過都幾香 一份炸雞$30$40 套餐六十零蚊仲跟多個小食 叫咗2號餐一份醬蒜炸雞加杏鮑菇 醬炸炸雞唔會好熱氣 醬汁啱啱好仲有超多蒜頭片 杏鮑菇好多汁 不錯

收工來一個久違了既台式炸雞先🍗今次揀既呢間炸雞店都係源自於台灣🇹🇼分店未算有好多 暫時主要遍佈係新界區 仲有間係屋企附近🫢同一般炸雞店一樣都係以外賣為主 堂食就有少少立食位我就選擇咗買返屋企舒舒服服咁嘆😆 炸雞除咗可以單嗌 仲有配唔同套餐既選擇今日遇上限定既花火售罄 好想食佢個花枝蝦排😣見佢做到6月 起碼我都仲有機會食多次🫣➷🪐 雞魚雙拼▸ 原味炸雞 - 大份▸ 原味魷魚 - 小份炸雞佢有幾款口味選擇 原味 醬蒜 塔香🌿今次我就揀咗原味 試試佢最原始既味道同質素先😋炸得通透亦唔會太過重粉漿 食起上黎有脆身既肉感👍🏼內裡都保留到有肉汁 唔乾身 質素都唔錯🤤魷魚脆卜卜好過癮 微微既咸口 一口食都幾滋味😋口感帶點煙韌 如果有埋條鬚呢 應該就會更加正🦑§🪐 點心套餐▸ 椒鹽杏鮑菇▸ 香酥熱狗球▸ 椒鹽涮嘴甜不辣如果想試多啲野 可以揀佢地既點心套餐試多幾款😍呢個套餐設計對於鍾意食炸野既人係福音🤣我就揀咗呢3款 整體都做到香口誘人 唔覺意愈食愈多🫢係甜不辣既火喉過咗少少 掌握返好啲就無問題喇😋➷🧸🌞 𝗖𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟

今日同細佬行街本身想買街市裏面既豪大大經過天仁茗茶見到有一間未試過既炸雞店就心思思買一份細既黎試下我地叫左細份既「醬蒜炸雞」份量唔多.但勁香.係新鮮出爐既雞肉非常嫩口..醬汁方面係蒜汁黎.重有夾雜住啲蒜片味道非常驚喜蒜味都算濃郁..唔鐘意蒜既可能就要揀其他口味呢份雞絕對要encore

我開店至今已經消費咗好多次，呢次真係失望，以後都唔會再買。我唔明白點解炸雞入面有綠色既脂肪，試既每塊都有。以前滿滿一袋變成宜家一袋都冇都有keep住買，呢次真係以後都不會再買24/02/2022 下晝2.45左右Oder

一向有幫襯開，知道份量多少，知道價錢同即場買係同價，都預咗會少，但點知外賣自取係少一半，今次買原味炸雞細份及杏包菇，炸雞比平時少咗三分一，杏包菇少咗一半，有啲誇張，大失預算

山長水遠搭車過天水圍買，點知買到番黎食左舊覺得怪怪地酸酸地，以為錯覺啦，食第二舊真係酸既😡唔通又山長水遠走番去話佢咩，又黑蚊蚊，千年油炸的嗎？好死唔死仲要買左大份真係虧大了，點解酸左都會唔知照賣架，離譜.....

一份大嘅醬蒜炸雞，得7粒半，售價42蚊！大份都係得7 粒，細份嘅26蚊，會有幾多粒？呢款醬蒜炸雞係人氣No. 1，No. 2係塔香炸雞，其他仲有炸甜不辣、粗薯條、粗蔬菜等等味道方面，醬汁偏少，只是剛好每件雞粒沾到少許，味道偏甜唔夠濃，無蒜味，得幾塊生蒜片雞粒尚算炸得酥，口感都軟硬適中店舖環境尚算乾淨，只做外賣。店員衞生可以再努力，只因負責包裝嘅員工同時負責收銀，但……沒有戴手套。總括嚟講，唔一定要試！不合推介！

買左 $26 小份 原味炸雞等左十幾分鐘先有既炸雞😰😰炸雞份量一般，ok味道5錯，調味粉係好味，肉幾嫩，同嗒嗒肉但係 個皮5係特別脆，偏淋整體一般，下次都5知會5會再買🙍🙍

這間炸雞店， 今年初(2020年) 在天頌苑頌富商場開店，我已試完全間店美食，我最愛這間真才實料，其實樣樣都值得食，因價格合理，我最愛蒜頭炸雞及蔥餅，我買給朋友食，她們都比like.

無得去台灣食唯有係香港食住先炸雞黎講我已經好耐冇食過因為我搵唔到一間係覺得好食就連好大大同大雞大我都覺得唔好食之前朋友話呢間幾好食咁我就終於有時間嚟試吓佢嘢食種類其實我覺得算多由雞去到魷魚到薯條都有好多野都想試但無奈我的胃說不可以叫咗份細既炸雞佢好似話有160g佢地係計重量架佢地真係用個磅去睇磅完再加粉我數過有8-9件左右28蚊黎講都算ok重點係好食😋

話說好在習慣乜都食之前影底。呢日阿媽見到有間新嘅炸物店，於是一口氣買左幾款野食，返嚟比我地兩姊妹食。的確好香，我印象有炸雞，炸魷魚鬚，炸甜不辣，炸杏鮑菇。首先不得不說，炸雞真心嚇人，咬幾啖，「依～入面雞肉酸嘅～～」，然後見我妹無乜反應，佢話會唔會係本來咁嘅味？我再咬多舊「嘩～唔得囉～酸架啵真係，壞左啦應該」就係咁，懷疑嘅同時下，酸嘅炸雞都比我食左三舊落肚。原因係抱住，因為覺得佢係新舖........唔會咁快做衰自己掛⋯⋯⋯後來個晚個肚就唔舒服，第二日又痾又嘔，手軟腳軟足足三日⋯⋯⋯⋯⋯我都好肯定係雞出問題，因為我個日響屋企無乜食野。整體上，味道中規中矩。個人覺得最好食係杏鮑菇，唔乾身，仲好有汁。