巷口炸雞專門店 (西菁街)

前排去完台灣旅行，系夜市食左好多小食仲未食夠喉，所以返香港繼續買台灣小食！呢間小食店以炸物為主，即叫即炸。一大袋入面有炸雞、炸魷魚呢啲邪惡又美味既台灣小食，望到已經好掛住台灣。原味炸雞 （大份）$43炸雞一啖一粒，啲肉炸得幾滑，吾乾，加左啲椒鹽粉，但吾會好咸，食完喉嚨吾會火燒個種。醬蒜魷魚 （小份）$34蒜蓉醬汁幾惹味，仲有啲生蒜片，魷魚絲較幼身。骰仔百頁 $25炸百頁豆腐，將豆腐變成一小片狀，外面炸得脆口，入面豆腐好似空心禁，食得幾得意。塔香炸雞 （大份）$43系原味炸雞再加塔香粉，塔香粉味幾濃郁，同樣炸得滑，而且炸物無咩油，食完都吾覺膩。餐牌：…查看更多

完美還原台灣街頭小食風味🍢我哋一家對於香口炸物，基本上完全沒有抵抗力😛經過呢間「巷口炸雞」聞到陣陣香氣🍗，忍唔住買一大袋返屋企加餸！招牌炸雞🧆即叫即炸，等候時間15分鐘，外皮香脆，雞肉嫩滑多汁。塔香炸雞🌿在原味炸雞的基礎上，加入九層塔等香料去腌，入口香氣倍增😚。咔啦薯條🍟 有多款口味可選（椒鹽/海苔/甘梅/醬蒜/蕃茄醬），小朋友鍾意海苔味，薯條混合紫菜碎，果然香脆可口。醬蒜魷魚🦑有點驚喜😋原來有一片片生蒜片，可以一口炸魷魚粒連一口生蒜片一齊食🧄好惹味，呢種食法係我去台灣旅行時在夜市食過😍好正呀！…查看更多

經常會喺元朗行街但係有時候會口痕想食野，就會食呢一間台灣小食店😉食過幾款小食後最鍾意都係佢嘅炸雞，特別係薑汁蒜蓉味🧄入邊係有生嘅蒜頭配埋炸雞食係好好食而且炸雞係好嫩的！唯一不好就係稍為貴少少🤏🏻…查看更多

行街行到肚餓❤️食小食一定係最佳嘅選擇 👍🏻你今次就食左一份細嘅炸雞🐥🐥炸雞質地唔乾，炸漿又唔會太厚👍🏻👍🏻仲要係熱辣辣添😍平平哋過吓口癮亦都係一個唔錯嘅選擇❤️…查看更多

經開元朗千色，雖然係連鎖店但都有人龍排緊，就買黎試下佢 2點左右，只係買左大份原味炸雞。A) 環境  (4/5)始終開左唔算好長時間，環境新正企理，不設堂食。B) 食物質素  (3/5)Order左原味炸雞，雞肉食落有D死實，可能同雞件部位有關，食落無肉汁，所以扣左D分，而味道同一般炸雞店一樣主要黎自味粉，唔算好特別。C) 店員服務 (4/5)店員服務唔錯，好有禮貌，仲會提提客人因為單多而需要等待時間。D) 性價比 (3/5)如果同樣價位既小食店係元朗區黎講真係有好多選擇，個人認為同其他炸雞店比較唔算特別出色，所以性價比真係一般般，不過未試過既朋友都可以試下既。…查看更多

早一、兩個星期已經食過一次個套餐，今次再食一來當然睇下佢keep唔keep到水準，二來試下其他新口味既野啦。咁一個餐入面就包左雞翼、薯條、炸雞、杏包菇同2枝野飲。今次雞翼、薯條同炸雞都係要左醬蒜味，無辦法，佢個醬蒜味人氣no.1唔係無原因，出色過其他味好多，薯條都比較容易吸到個醬蒜味。雞翼同炸雞一如既往都係咁外脆內軟，不過個紙袋真係要搞搞佢，對住d有醬汁/油既食物一拎起手就已經爛。而枝酒就要左荔枝味既，跟餐要加$20，我自己就覺得麻麻地，個感覺似飲緊咳藥水。茶就冷泡茶黎既，正正常常。…查看更多

評分：🌕🌕🌕🌕🌗（4.5/5）總評：好多人排隊買嘅炸雞質素的確有保證👍👍👍 —————————————蒜醬單骨雞翼年初三去到門口都依然好多人排隊可惜就已經冇晒炸雞😩😩如果供應可以再多啲就好啦見店內做緊大部分小食$60/3價錢都唔算好貴😗單骨雞翼其實為返都係四隻雞翼左右性價比一般但係醬料同本身雞翼嘅調味都好唔錯👍👍醬料係比較甜嘅醬料加咗啲生蒜片一齊食即刻重口味返，好正😋下次要試埋佢其他小食同炸雞！.如果有外賣平台pro會員可以睇吓有冇優惠先落單之後見到佢係某平台自取同外送都好似有七五折咁樣計更加抵食大炸雞$40都唔使😋😋😋…查看更多

果晚晚餐買外賣，去米米食買盒飯，見到隔離新開咗呢間炸雞。唔知佢咩料，search下先知原來係連鎖嘢，見食個飯有啲寡，炸雞我又ok，咪加料試下。其實都幾多人等緊，唔知係佢出名定周圍冇炸雞賣，又加上新屎坑，落order果下個收銀都話人多最少要得15-20分鐘。叫咗一份細塔香炸雞，一份細醬蒜魷魚，結果等咗大半個鐘。等咁耐返埋屋企都成粒鐘先食，仲熱，但已經淋咗啲。啲雞，正常嘢，同繼光香香雞一樣果啲嘢。魷魚個皮真係淋晒，入要有生蒜片，幾有台灣風味。唔使等得耐都食得下。…查看更多

放工返到元朗突然好想食雞西菁街附近除咗M記同水門雞而家仲多咗呢間巷口炸雞專門店其實之前已經食過幾次佢地既醬蒜炸雞不過今次係第一次買佢地既套餐首先講下個椒鹽杏鮑菇本身我都唔係好鐘意食菇類但意外地覺得好食咬落去有啲彈牙跟住就係椒鹽薯條非常之脆唔會有啲霉霉地軟晒既薯條係入面味道就中規中矩不過都唔會話太過鹹然後係單骨醬蒜雞翼呢個相對黎講我比較失望因為有少少炸得過左龍啲肉有啲鞋反觀主角醬蒜炸雞外脆內軟仲有啲汁痴喺啲雞上面都幾juicy雖然話係炸但唔係好熱氣餐飲仲包左2枝冷泡茶整體黎講食物幾ok，鋪面都幾綦理，會繼續幫襯，唯一缺點真係等好耐。…查看更多

呢排成日喺屋企食嘢，食到口都啖埋，冇乜選擇。近日行過呢度附近，見到有新野😆😆😆立即試下😍😍😍😍一試上癮，醬蒜炸雞我覺得好正，味道好岩我🥰🥰🥰🥰🥰，另外蔥仔餅好少食到，正，可以一試😎😎😎😎😎😎最緊要係店員服務態度又唔錯，笑笑口，唔會西口西面，呢個好重要，唔洗受氣，十分之值得推薦💪🏻💪🏻💪🏻💪🏻🐷🐷🐷🐷🐷🐷🐷🐷🐷🐷🐷🐷🐷🐷🐷🐷🐷🐷🐷🐷…查看更多

嚟到元朗，大街小巷周圍都係美食，行過富盛大廈附近突然見到有好多人排隊買野食，原來係一間剛開張嘅台式炸雞😍 好耐無食過炸雞，因為台式炸雞係香港嘅連鎖店已經食到好厭倦，而呢間有好多味道選擇，即刻簡左個醬蒜炸雞嚟試🍗，味道剛剛好，炸雞都好香脆可口，蒜同醬都非常夾亦都好均勻，因為時間好趕，下次一定會再試其他小食，超想試甜不辣，係一間好有質素嘅炸雞，必試必食！！好耐無食過咁有驚喜嘅炸雞，好彩人山人海令我搵到好野食…查看更多

本身正苦禁堂食，搞到民恕沸騰，晚餐都唔知點著落，一丁友行到去千色，睇下本身想食果間有冇啦，點知原來星期一休息，見到旁邊原來開左呢間台灣炸雞，又好似唔錯，又台式炸雞又台式小食，啱晒我口味又啱我心水試一試啦，問個收銀妹妹咩招牌，佢話蒜味果個多人食，好啦，一於試試，啲雞又香口又入味，夾埋蒜片真係冇得彈，小食食左花枝丸又係冇得頂，煙煙韌韌咁，原來仲有台灣汽酒，有荔枝、鳳李、水蜜桃等味，正野！完美一餐，下次係元朗國又多個選擇了…查看更多

之前食過一次就變咗個人最愛嘅炸雞💓就算要搭車去買我都會特登去買😂而家係元朗開咗真係超方便😆近排仲要成日都要經過過度附近😙🔺醬蒜炸雞(小)🧄 $29呢款台式炸雞真係個人嘅最愛❤️首先炸粉唔會太厚🙌🏻而且仲好脆😙每一舊雞都好大舊同淋🤩醬汁方面醬油味好夠😜仲有好多生蒜🧄但生蒜就咁食有d辣🌶所以個人覺得唔配生蒜食更配😋🔺地瓜球(10粒)🍠$20呢個都係個人好鐘意嘅✨外脆內軟🤤好皮好煙靭同脆😚而外皮係番薯🍠裡面係香芋嘅涵🥰而且真係食得出有番薯味😬…查看更多

新開咗間炸雞 一定要試吓都幾多人排隊8pm嚟到試一份 原味炸雞$39大職員好有禮貌咁問等15分鐘可唔可以當然可以啦附近有千色店 好多嘢可以行15分鐘完全唔係問題好juicy呀 好香😋好好味唔會太乾 真係好好食😋下次再試佢其他味…查看更多