影片
招牌菜
未食过就要试吓啦.因为做到2011年7月30日.旧址是在总统戏院则的后巷，环境非常差，生活也很吃力猪红很入味,值得一试.这里有很多四海出品的制品,有所保证呢.猪肠味道不错,有口感.牛腩也炆得很稔这是一间与别不同的车仔面店.这里最出名应是大什面想起当年和朋友一齐系sogo后巷食.始终开业40多年已不倒的食店并不多.份量适中，味道不太浓
继续阅读
一直都想试呢间老字号, 直至今日下午茶时刻去试, 店舖十分简洁, 我order 咗大什面, 要幼面内有猪红, 红肠, 鱼旦, 鱼片 , 手打牛丸, 萝卜(我走咗猪皮同粉肠) 另加牛腩 * 大什面上台, 面身好幼滑同爽, 汤内加上牛腩汁, 正 !* 手打牛丸, 食落去好有质感,好食到可以外卖回家 !* 猪红, 估唔到有芳香卤水味, 口感方面都十分爽 !* 萝卜, 入口霖及清甜 , 不老 ! 最后结账 : $42 (因加咗牛腩)下次一定再去食 ^^
继续阅读
因为想食车仔面所以试左呢间, 点知累左个朋友!!叫左杯冻咖啡但黎错左热咖啡, 同佢讲完竟然直接加番冰落去就算!连糖水都唔落....讲番车仔面, 𩠌的选择唔多, 汤底无味不得止....朋友食食下发现有条虫系碗面入面!!!!!条虫足足有成5CM长!! 搞到我食左半碗都唔敢再食喇....服务态度又差! 一定唔会再去!!!!
继续阅读
又一个遗留已久的食评, 师傅已经唔记得点解会黎左呢区, 更加唔记得之前食左啲咩, 但就好记得当时食得唔饱, 加上有好多时间净, 所以决定揾个地方坐底食野! 咁啱行过见到呢间食店, 见个名熟口熟面, 叫巷仔但食店又唔喺巷仔咁得意, 点都要入去食下啦! 入到去食店, 食客唔算多, 求其揾个位就坐底! 坐底后, 慢慢先谂番呢间食店以前原来真系喺条横街嘅巷仔, 不过搬左铺, 所以店名就照旧! 于是亦攞起张柯打纸, 谂左一阵就决定要碗三𩠌面, 食物就拣左猪肠, 猪红和粗牛丸, 配上幼面! 点知一阵个伙计同师傅讲 “猪肠卖晒”! 当下真系晴天霹雳, 师傅最爱嘅猪肠竟然冇得食, 真系想止蚀离场! 可惜最终都做唔出, 唯有另选蟹粉包心丸! 先试汤底, 汤底味道劲咸, 绝不吸引, 饮左两啖汤师傅已经心知中伏, 咁应该点算好呢 师傅已经好想松人, 但础于唔想浪费食物, 唯有免为其难食埋佢啦; 于是即刻放旧猪红入口, 发觉猪红唔滑, 煮得有少少过火, 老老地所以亦韧韧地, 对于钟意有咬口嘅人可能会欣赏, 但对于师傅黎讲就绝对合格, 猪红要滑身先至够正, 感觉就如豆腐一样, 滑先至正!粗牛丸就几松身, 有少少牛香味道, 而牛丸里亦夹杂少少芹菜粒, 钟意芹菜就会觉得香, 唔钟意一定话臭, 所以呢个位唔特别评论; 蟹粉包心丸就差得紧要, 虽然馅料嘅蟹粉都几多亦几香, 系几吸引下, 可惜粒丸就劲腍, 绝冇爽口弹牙嘅感觉, 放入口中有如受罪; 面身一般, 绝冇特别, 反而碗内亦有几条菜, 西洋菜鲜甜嫩绿, 看来系全碗最好! 总括黎讲车仔面质素唔合格, 由汤底至𩠌冇一样吸引, 境就系干净, 价钱就唔太平, 三𩠌面公价廿十六蚊, 咁嘅水准绝对唔抵食! 要知车仔面系师傅嘅至爱, 但是次绝对不是味儿, 少少优点都揾唔到, 计师傅话呢间食店应该改名, 巷得济车仔面似乎贴切啲, 纵是比了喊脸仍令师傅难以释怀, 四个字形容 – “不值一试”; 所以肯定冇下次!
继续阅读
6月5日, 晏昼餐brunch食得太饱, 夜晚念住求求其食少少野算~ 于是去咗呢度食个油菜车仔面~~~::: 红肠猪大肠鱼饺米 ::: $32一个好清淡嘅米线, 正好帮助消化一下晏昼嘅tea. 清汤底冇乜味, 连带𩠌料都唔太多味. 猪大肠白晒晒但系都叫有少少卤水味, 但系红肠鱼饺就几淡… 好嘅系随米都有萝卜同菜送. 但系$32唔系好抵…::: 净菜 ::: $13是日油菜系通菜, 同时奉送你一个芽菜底~ 菜唔老唔嫩, 淋上些少腩汁, 味道都叫正正常常啦~ 但芽菜无摘过, 仲要食食下有d装菜嘅发泡胶粒! 当下即刻嬲咗! 求其唔紧要, 但唔好咁唔卫生丫嘛!!::: 冻柠茶 ::: $10冻柠茶唔够冻, 用热茶整坏处系要靠冰去整冻佢, 但系就会令杯野淡咗同d冰好快融晒, 最后只得一杯开水温嘅柠茶…本来由巷仔做到入舖系值得开心嘅事, 但如果入咗舖但卫生水平反而仲系咁差就真系唔要得啰!
继续阅读