巴黎咖啡店 (已結業)

本身諗住同個朋友搵個地方坐耐啲，傾下計食少少嘢，以前嚟過覺得正常，唔想找其他就嚟呢度。得兩個員工，hea做，態度差叫左個豬扒意粉，現成忌廉汁都凍的，豬扒又硬又薄，好心叮耐少少，熱上啦！總之難食啦，我只係食左五分一就唔想委屈自己了。環境十枱有九枱食煙嘅，都算了，個抽風加冷氣係完全無！走嗰時焗到頭暈，擺明比人食煙，就好心整下啲冷氣啦！總結，會比多啲錢去其他，同唔會再嚟。

入口在後巷是日無下雨但門口在不住的滴水(不是一滴滴, 是水柱)上去的樓梯極污槽上到去D侍應會用奇異眼光迎接你好似你闖入咗佢地的禁地咁因為包場所以係到會形式的食物全部係微波叮返熱叮到硬哂靱哂完全唔掂ｄ侍應嬉笑怒罵仲大聲過你ｄ客無啦啦會尖叫大嗌嚇到全場靜哂望住佢地唔知發生咩事無可能返兜！！

違規俾客0係室內食煙,坐低無耐發現隔離食煙,已經刻意調到"舞雷公"咁遠,但後來有枱新客又0係隔離食煙,唔覺有分吸煙區,通風又差,被迫食二手煙!嗌左下午茶餐,apple tart+banana milk tea,個tart ge size同相片相差好遠,有點被騙的感覺(約5x5 cm,盛惠$25,味道一般啦)...banana milk tea 唔覺有banana 味,奶茶味亦偏啖一句講晒,無下次!

今日搞gathering,去左呢間cafe食之前book左位,但係去到話唔夠位,一係分開兩邊坐,一係坐吸煙區(我地book左非吸煙區)搞gathering叫人分開坐,有冇搞錯?最尾坐左係吸煙區,不過都唔係好大陣煙味,因為冇乜人食煙叫完野食黎左個餐湯先羅素湯 冇乜特別 有少少咸 都叫過得去但係d餐具就好唔齊有10個人,spoon就少兩隻,叉就少6隻問佢攞,攞左好耐都未有,咁就自己去攞啦攞完番黎,佢就攞左d spoon同叉比我地,但係係比錯左2隻叉同6隻spoon到到食野,d野食真係好難食!!我叫肉醬意粉,呢個野已經好穩陣難食極都有個譜但係呢個肉醬意粉陣味好怪我第一次食肉醬意粉入面係有眉豆焗另外對面個同學叫左個司華力腸雞扒鐵板餐佢話d味怪怪地但係我唔知啦因為我冇食到最後,餐飲凍奶茶飲左一啖,不如佢比杯糖水我好過啦淨係飲到甜味,冇奶味冇茶味未飲過一間cafe d野可以難飲到咁我冇係openrice打過食評但係呢間野真係難食到我要特登上黎個比劣評佢!!

有點像扮巴黎感覺, 事實係佢既裝飾都算可以接受既, 環境都ok, 起碼叫企理當日同朋友去食, 點知個三文魚意粉, 薯皮, 係lunch, 大約四十幾三文魚意粉: 三文魚做得幾好味, 不過d汁返而過多, 令到有d留既感覺芝士薯皮: 局得幾好味, 外皮有小小脆口, 芝士都幾重手下, 食左第二件已經有d飽既感覺服務其實無咩服務可言, 只係點完菜上菜埋單就走人可以一試

今日同女友上呢度坐，格調其實唔錯，人又唔係太多，而且D坐位坐得超舒服叫兩杯熱飲可以坐足幾個鐘，仲可以用埋WIFI 上網，一流啊~係度同朋友傾計，或是同女朋友談心其實係唔錯既選擇...但一到左夜晚8點左右就出事了，有幾個好年青既員工(應該係返夜更既)就來到，點知佢地一返到來，成間CAFE既氣氛就被佢地破壞哂了!!首先班後生女，尤其是戴啡框眼鏡的女員工，同一個短頭髮的員工，佢地服務質素同態度超差，不單傾計大聲，雖然在場得本人同女友，但佢地咁既態度，係今時今日，實在係好唔要得，要我出聲鬧先收歛一下，但過左一陣又故態復萌...唉!跟住個啡框眼鏡既後生女，仲要係度大大聲講粗口，完全當我地無到，真係懶得出聲，講野冇禮貌，又無端端較大聲個音樂，乜野格調都被人破壞哂了!又要出聲先收歛，然後又轉左音樂做D 快歌，仲係乜鬼法式主題的CAFE丫，咁樣同快餐店有乜分別?! 不知所謂!而家係度寫埋篇食評就埋單走人，希望個幾個靚妹唔會計錯數P.S. 服務態度如果有負分真係會比負分，因為個幾個靚妹，希望老細盡快炒左佢地~ 本來想食埋晚餐先走，而家都下定決心轉場

本來一班朋友就住搵個地方坐下.. 但點知..-等咗成個鐘有多啲野先到齊 (就連件蛋糕都要等超過半個鐘先拎到出嚟)-員工勁無禮貌 (講粗口鬧人!!! 點做生意呀...)-計錯單(原本:$198, 張單竟然係$248. 真係唔知點計出嚟?!?!)-啲野又唔好食, 野飲一係無味, 一係超甜-後樓梯周圍都係垃圾大家要去哩間野, 真係要諗清楚, 唔好後悔.......

講真，唔係要同人傾野唔會上去，呢道ｄ咖啡只可以用唔難飲來形容，至於食物，因為我幾個朋友都在這叫過飯，但份量細又唔好食，而且都唔平，所以我只係食過呢道的熱狗，都ｏｋ，條腸同個包都幾脆，不過我ｄ朋友都話唔好在這裡食其他野，因為唔得囉！！

下午茶餐正常來說最基本應該係一份食物加一杯飲品, 但這裡只是一份食物, 加飲品係半價... 所以我覺得這個不是下午茶"餐", 只是下午時段的優惠...好, 叫了一個雞翼加一杯凍朱古力, 成了一個"餐", 雞翼油淋淋, 好細隻, 吃第一隻, 只有雪藏味, 沒有雞翼應有的味... 凍朱古力, 正常味, 不過愈飲愈淡... 朋友叫了司華力腸加榛子咖啡, 腸也是油淋淋, 冇味~ 最可笑就係連茄汁都冇味... 榛子咖啡更慘, 沒有榛子味... 最後飲不下... 到結帳時, 小妹妹沒有拎張單過來, 只是說63蚊, 我當時照比..., 但當我自己找錢比朋友時覺得有點問題, 問小妹妹找張單睇, 原來計多我地2蚊, 雖然這是一個小數目, 如果每台客收多2蚊, 那你每日你便從中...??

今日十個人一齊去食tea 傾o野.... 上到去.... 叫tea set... o野飲有好多款都無.... 仲要係叫完之後o既十幾廿分鐘裡面分幾次話俾我o地知無.... 十杯o者... 又唔係多... 點解要隔咁耐先話無呢? 仲有就係... 好多人食煙......好辛苦....

去過幾間PARIS,食物質素都好統一...一般!呢間就煙左D,上到去有幾台都食煙,而且D梳化擺位好奇怪!不過SET DINNER 都幾抵食!

d 咖啡太淡啦，不過服務就好好

名稱:Magic Eleven地址:旺角登打士街36號恒威商業中心11樓Tel : 60299836平均消費: $30~50因為好想俾意見~~~

唔好意思啊~~網主先生/小姐~~sorry 啊~~ 我攪錯左間cafe的資料啊~~ 間cafe的資料應該係~ 名稱:Magic Eleven地址:旺角登打士街36號恒威商業中心11樓萬二分抱歉啊~~ 攪錯左啊~~唔知網主可唔可以幫我改返d資料呢~~~ ???

Paris Zone 8 cafe淨係得1 , 2 樓~~~11樓果間係叫Magic Eleven同Paris係無關係Magic Eleven Phone : 60299836希望板主盡快更正(By Editor : Updatded. Thx )