巴辣烤魚米線 (已結業)

今日黎到銅鑼灣食野，又係一個好難搵食嘅地方，今次見到一撻新地方，係有得食烤魚嘅地方呀！真係世間少有呀😍，位於呢間時代廣場嘅附近，天氣而家轉涼真係岩哂啦🤪🤪，呢到有唔同嘅烤魚揀，有麻辣烤魚、酸菜烤魚、蕃茄烤魚，我就揀左蕃茄烤魚，因為市面比較少有，價錢為 $328，除此之外我仲加左啲邊爐配料，蟹棒 $25、生菜 $22、娃娃菜 $28、豆腐 $22、薯份 $22，都好多野食呀😂😂，等左一陣，魚就黎左啦，係好大條嘅嘅成條魚呀，好多蕃茄呀，慢慢煮慢慢個味就濃😍😍，而配料我地果啲唔單止叫得多，份量都多，係抵食嘅！🤗🤗

還記得有一次去深圳，吃了一鍋酸辣魚，除了酸辣魚，原來還有烤魚！雖然身在香港，也可以試一試！這家餐廳裝潢十分簡陋，有圓台和卡座，感覺像茶餐廳。除了烤魚，還可以吃米線和飯，價錢比較親民。今晚決定試試烤魚。⭐️沙巴龍躉$258先選魚，我選了龍躉。廚師把魚烤熟，放在盤裡繼續煮，盤上 放 了芫荽、蔥花、豆卜、蜆、酸菜、辣椒等， 我另外加了米線。 店員端上後，以電子爐加熱和保溫。一邊吃，一邊煮，熱騰騰的！米線的口感跟平時吃的不一樣，可以浸泡了太久，欠缺口感，比較腍。盤的表面泛着一層薄薄的辣油，未進食已經聞到香味 。魚肉鮮嫩，沒有骨頭，夾著酸菜進食，酸菜吸滿了辣油，入口有強烈的辣味直達胃裏，雖然點的是小辣，但我已經覺得很辣了！▫️星期五六日建議預訂座位，因為到了8點，開始客滿。另外單點烤魚是不夠飽的，另外還加了米線和可樂。

整個夏天沒有吃烤魚，天氣轉涼便立刻去吃久違了烤魚。食肆環境㓗淨簡潔，佈置也算不錯。酸菜烤清江魚煲 清江魚很大條，魚肉嫩滑新鮮，蜆鮮甜又沒有沙，還有芽菜、青瓜和豆卜，吸收了小辣的湯底，很是惹味。安格斯牛肩胛 牛肩胛油脂分佈均勻，切得很薄身，吃起來口感軟腍。酸菜水煮魚 桂花魚起了骨所以吃時很方便，份量頗大，我們選了小辣的，可是酸菜卻略為鹹了一點。萵筍 萵筍爽脆清甜，是我吃火鍋必點其中的菜式。娃娃菜 娃娃菜一開為二，吃時很方便。薯粉 薯粉很彈牙，吸收了湯的精華，所以很惹味。蜜椒烤雞翼 烤雞翼竟然變了炸雞翼，所以吃時比較油膩。

銅鑼灣不嬲都多好野食，今次行經禮頓中心發現出面有間巴辣烤魚米線，就係咁我同男朋友就入左去食，原先兩個人諗住食烤魚，點知最後突然改變主野，因為見到其他客人都食緊雞煲，而且麻辣香味撲鼻，人太少所以就決定食雞煲先下次再食烤魚。門口光猛店內亦亦寬闊，午餐主打米線。, Menu有烤魚同雞煲選擇，當然火窩配料都不少價錢都合理，以銅鑼灣區同地方舒適。雞煲選擇麻辣，還有香辣同奇味，其實我都好奇什麼是奇味，最後男朋友話麻辣爽d, 大大煲，麻香花椒香，伙記細心煮一陣佢就回過來搞拌，直到佢話可以食就剛剛好，雞肉滑而且雞味濃，加上同多款配料炒，洋蔥，青椒，辣椒，芫荽，令成個雞煲都即時提升，少少辣少少麻好過隱添新鮮之後加湯碌唐生菜，金菇同埋炸魚卷，真係無得輸，用上新鮮食材！

兩公婆陪媽媽出銅鑼灣買野，順便食埋晚飯，而且老人家鐘意早點食，諗左好耐食乜好，竟然係禮頓中心見到對面有烤魚米線，媽媽話不如食呢間，由對面望過去何其吸睛！三個人就決定暖暖胃唔使上內地都能夠食到媽媽話想清清地要個米線share 用黎配烤魚好好味喎！烤魚可以揀湯底之外還可選用什麼魚，媽媽唔食得辣，所以要左個鮮魚湯底，同桂花魚價錢亦不同 $328，除桂花魚還有沙巴龍躉或者清江魚選擇，成鍋烤魚送上份量足，夠晒三個人食，桂花魚輕輕煎過食落無蒸咁滑，用奶黃色鮮魚湯打抵，內藏著蜆，支竹，豆腐卜同香菜。滾起就可以食架！ 魚肉比蒸就實肉些，桂花魚骨少而且啖啖肉，蜆肉出色鮮甜。配料都選擇多，個人最鐘意係金菇，它能吸收晒湯嘅精華，食落煙韌有咬口！ 魚腐亦好好味菜類新鮮，塘生菜即刻生食就爽口，水滾放入湯內碌熟亦可。食飽係門口見到下午茶先係最經濟呀 推廣限定

突然好想食大陸嘅酸菜魚，不過喺香港食價錢貴一倍又唔正宗。朋友介紹下搵到依間性價比高嘅烤魚。隔離兩枱都係大陸人，所以味道應該都算正宗。酸菜烤魚 清江魚 $288叫左少辣，越煮越入味，好重口味。清江魚好大條，抵食。魚肉嫩滑，要盡快食，煮耐左口感冇咁好。酸菜水煮魚 $328用左桂花魚，起左骨方便進食。魚肉彈牙，個人較喜歡依種口感。酸菜較咸，同我之前喺大陸食嘅帶甜味唔同。安格斯牛肩胛 $128切得好薄，牛味一般。萵筍 $22爽脆清甜，食完重口味火鍋必點。娃娃菜 $28好吸味，所以食落好咸。薯粉 $22軟滑彈牙，配辣湯好夾。蜜椒烤雞翼 $28明明係烤雞翼，但變左炸雞翼....

天氣漸涼，又是時候對著火爐，烚下烚下喇喂。途經這間餐廳，見到招牌「巴辣」二字，然後嗅到朕朕濃香從店內飄出，即時食指大動，今晚一於在此開飯。店子裝修平實，勝在光猛，沒有亂糟糟的感覺。客人未算太多，可以慢慢坐慢慢食。不用三心兩意，小妹一眼便看中烤魚，製法包括麻辣、酸菜、水煮、番茄及鮮魚湯，可以選擇辣度，魚種則有沙巴龍躉($258)、清江魚($288)和桂花魚($328)。此外，餐廳還供應麻辣雞煲($238)、毛血旺($188)及多款火鍋配料，另亦有米線和燒味。酸菜烤魚明爐奉客，邊滾邊吃最滋味，把熱辣辣的食物直送嘴裏，渾身也火燙起來。小妹揀了中價的清江魚，貪其碎骨較少，方便進食。店家將魚身開邊放平，加入酸菜、蜆仔、豆卜、青瓜、大豆芽菜、芫茜、蔥花、辣椒等配料，陣容鼎盛。雖然只選小辣，成品遠比想像刺激得多，冷不防嗆著喉嚨，淚水也飆了出來。對於嗜辣者而言，應該會很過癮。酸菜份量不賴，略嫌鹹度稍重，似乎將香味掩蓋了。清江魚滑嘟嘟，即使在鍋內煮了一段時間亦不老，個人尤愛魚皮，充滿油花。鍋內本身已有蜆仔和豆卜，前者細細粒帶煙韌，後者是吸湯高手，索盡所有精華。另亦點了響鈴($28)和魚肉春卷($28)，

天氣凍少少就好想食辣野，行過見到呢間烤魚好香，就忍唔住入左去試下！呢間主要食烤魚同雞煲，雖然雞煲都好吸引，但係今年都係比較流行食烤魚所以最後都係揀左烤桂花魚。條魚一黎到已經好吸晴，好大條，差唔多用曬一張四人枱的空間。味道好香，都頗麻辣，而且係越食越有味！桂花魚亦很鮮嫩，配麻辣岩晒，好快就食曬成條一路食烤魚仲可以一路叫啲配菜打邊爐，因為條魚好大條，所以只係叫左幾樣配菜。叫左魚腐，金菇，同牛肩肉。全部配菜都好新鮮，最鐘意係牛肩肉，牛味很濃，又有口感

好耐無黎呢邊，咁岩去完街，又記起這家店的烤魚聽說很好吃，所以過來嚐嚐，環境依然乾淨舒服，不過我呢個時間唔係食晚飯又唔係食飯時間，所以不用等位，太好了原本想吃烤魚，可惜朋友說太飽，因此我只好吃個清湯米線(包芽菜及韭菜)HKD24轉薯粉加HKD3，因為隻腳整親，所以避開左食我好愛既重慶酸辣粉另外加左芝士腸HKD8,蟹棒HKD8,竹笙HKD12,及魚腐HKD12這里配料選擇好多，雖然我食唔到酸辣，但其湯底好好味，所以清湯都好食之後朋友選了個蒜泥白肉HKD30呢到定價超值，份量多，味道不錯，呢個辣勁十足不辣既涼拌雲耳HJD20好正，但我不能吃太多，始終未好返，如果喜歡辣既亦可選擇，但其實不辣都有少許辣，所以還是點不辣較好，微酸帶點辣好爽口不辣涼拌青瓜HKD18爽又脆，好入味，大大碟，定價很低，想不到有這水準涼拌藕片HKD24亦都好爽好食，味道適中帶辣，喜歡川菜喜歡辣的不容錯過整體食物質素不錯，定價不高，但味道及份量都適中，比起好多其他食川菜的店來得好，而且不吃這些還可選燒味飯，又有特飲及茶餐廳必有的飲品，下次等我好返要再來！

好耐冇同中學同學食飯，今次就喺銅鑼灣搵到一間食四川烤魚同雞煲嘅餐廳！食完覺得呢間餐廳都幾有驚喜！所以推薦比大家。餐廳係茶餐廳格局，但係座位都算係幾寬敞。坐卡位啱啱好！麻辣雞煲$158（奇味）（中）因為朋友唔係好食得辣，所以就叫左一個小小辣又有啲惹味嘅雞煲。原來師傅係四川人！呢間雞煲啲調味料恰到好處，有青辣椒，洋蔥、豆豉等等，好味得來又唔會覺得鹹！雞肉非常幼嫩。食完就可以加湯打邊爐啦！叫咗薯粉同埋米線。薯粉已經事先幫我地烚好！好細心，所以唔駛等好耐就有得食啦！本地黑毛豬肉$68豬肉味好濃，肉質綿軟好好食！魚皮餃。$28打邊爐之選！餡料都幾多肉！響鈴$28吸收晒湯底嘅精華，係邪惡又好味之選！餐廳嘅侍應非常細心，會主動幫我地加湯，同埋介紹食法。所以如果喺銅鑼灣想食四川菜，可以考慮下呢一間餐廳！

約左幾位姐妹飯聚，其中一位姐妹好鍾意米奇，我地就順佢意去銅鑼灣睇米奇展覽同飯聚。有一位係附近返工，介紹一間抵食嘅烤魚火鍋店，話經濟實惠又有質素，講到咁好當然要試試。餐廳位於禮頓道，係大街當眼處好易搵，我地7點到達，餐廳裝修簡潔明亮，原來係米線店，除咗有散叫米線之外還有烤魚火鍋。我地點了唔辣嘅鮮魚湯烤魚，魚類就選了大家都未試過嘅清江魚，另外再加選火鍋配料。鮮魚湯烤清江魚條魚超過一斤重，好大條，先調味煎香再放入清湯一起煮。湯底配料有豆卜~香菜~芽菜~蜆肉，入口都好鮮味又無魚腥味。清江魚肉肉質較結實，烚耐左都唔會易散開，一梳梳的魚肉入口彈牙，唔多骨，我地好快就食晒。本地黑毛豬肉黑毛豬無豬臊味而且同魚湯好夾，入口陣陣豬肉甜味，正!午餐肉打邊爐必點午餐肉，厚切大大塊口感好好，肉的比例多，入口唔會好重粉味。萵筍好甜，如果喜愛食爽的便不要烚太久。豆腐百福豆腐夠滑豆卜吸湯好夠味四個女仔食完條魚都已經半飽了，再加埋其他火鍋配料十分滿足，每人都是200蚊，好實惠呢！

雞煲呢家野真係去到邊都咁受歡迎，今晚再次擺脫集團式經營，去挑戰其他民間無名英雄。其實又係來自一個喺呢區返工嘅朋友介紹，佢話呢間日頭食米線同燒味飯多，晚黑就推出雞煲同烤魚，雖然我都諗唔到三者有乜關係，但最緊要係啲嘢整得好食就得。開頭叫咗兩款專配米線嘅小食，蒜泥白肉同青瓜皮蛋， 蒜泥味道非常濃烈可惜白肉如果再厚身啲就不得了。另外皮蛋蛋黃流心效果出色，黏住帶入喉嚨，極之邪惡。銅鑼灣區，仲要係地舖，238就有一整隻嘅雞煲，一啲都唔貴囉！我哋叫咗大麻辣，煮煮焗焗好快就食得，個人意見如果可以再多啲紫洋䓤就更加正，因為係成隻，雞件比平時多得很，肉質嫩滑仲越食越入味。喺呢個時候，潑開小小啲雞直至見到個底汁，點舊響鈴落去啲汁，嘩正到逼迫跳！正過點湯架！呢個食法都唔係第一次講， 係要個汁有高水準同埋個響鈴夠厚身先可以配合到我所講嘅逼迫跳咁正。加水之後仲叫咗美國肥牛同萵筍，肥牛係爽滑架，可惜唔多，至於萵筍就不過不失，清甜爽口，咁啱呢兩樣都唔可以滾得太耐。其實整體我覺得性價比都幾高，而且佢比到我想要嘅味道，超出預期，值得推介。

這一間火鍋店位於銅鑼灣的後街，人流不算很多，但是食物質素高，服務態度良好這一間火鍋店位於銅鑼灣的後街，人流不算很多，但是食物質素高，服務態度良好。我們的叫兩份小食，分別是涼拌青瓜$16和蒜泥白肉$28！超級開胃，好好食。另外點了一份麻辣雞煲$238，雞煲的雞肉非常嫩滑，有雞味，味道剛剛好，香噴噴，好夠鑊氣，食唔停呀。而我們點了小辣，辣度剛剛好，還不錯。小窩米線$26肉碎，芽菜，韭菜（另外後加：生菜，金菇，竹笙，魚腐，五花腩）很喜歡竹笙，爽口，索哂湯汁。魚腐夠哂滑身！加上米線滑口，喜歡。好抵食下！！臨走前見到而家做緊優惠，下午茶$1米線，大家不妨黎試吓。

老婆既鍾意食魚, 又鍾意食米線, 今日Happy Friday同佢加埋表妹逛銅鑼灣見到呢間巴辣烤魚米線, 因為老婆唔食得辣, 好彩餐廳都有多款唔辣嘅烤魚選擇, 所以我地就入去食返餐, 醫飽個肚再去睇戲。餐廳裝修簡約, 雖然我地到餐廳時仲未到晚市繁忙時間, 客人未多, 每枱都點左餐廳招牌嘅烤魚。烤魚除左可以選擇口味之外, 魚嘅種類都有得選擇, 我地揀左唔辣嘅鮮魚湯烤清江魚, 另外加左幾款配料以烤魚湯底火鍋, 三個人share應該好夠食。鮮魚湯烤魚(清江魚) $288香濃嘅鮮魚湯底加上蜆肉, 香茜原本都已經好鮮甜, 再加上整條清江魚, 個湯一滾起我地已經忍唔住先喝兩碗鮮魚湯, 清江魚細骨好少, 啖啖鮮嫩魚肉, 我地好快已經食完整條。食完烤魚之後, 店員幫我地添加魚湯再用黎打邊爐, 因為添加嘅都係魚湯, 所以鮮味唔會溝淡左。👍安格斯牛肩胛 $128呢份牛肩胛性價比非常高, 油脂分佈均勻, 口感軟腍而且牛肉味濃, 份量又多, 只係$128, 抵食。😋本地黑毛豬肉 $68老婆最愛嘅黑毛豬肉當然要叫一份啦, 肥瘦有致, 肉質細嫩, 味道同西班牙黑毛豬好相似。自家製魚腐 $38其他火鍋配料質素都唔錯

係香港好少舖頭專門係食烤魚，今日朋友帶咗我去銅鑼灣食烤魚米線，好多人以為烤魚淨係北上先有，當然唔係啦 銅鑼灣依間都好有水準㗎。因為我本人就唔食得太辣，所以叫咗小辣嘅沙巴龍躉底下係酸菜湯，沙巴龍躉好好味 魚肉好滑肉質鮮美，魚應該有事先煎或者烤過 個皮夠香口，酸菜湯帶啲微辣味道好令人上癮。仲叫咗好多配菜，有超級索湯嘅豆卜 一咬爆曬啲湯汁出嚟，美國特選肥牛肉味夠濃 肥瘦適中，薯粉吸湯同煙un控必點，魚肉春卷好彈牙仲好食過魚蛋。