影片
以上资料只供参考，请与餐厅确认详情
招牌菜
午膳时间，餐厅竟然只坐满一半左右的坐位。本来想就止打住不内进，但被门外的膳稿说服了，决定一试此店如何正宗。我要了份肉骨茶套餐。套餐先上菜，味道还可以，而且还有些肉丝伴碟，可惜一点镬气也没有，是凉的。一边等主角肉骨茶，一边吃。餐厅人虽少，但侍应总爱把顾客编排到角落里，例如近厨房或是走廊边，留空中间的好位置不知让谁来坐；我则是被安排在一个BAR枱上，对住一个放插单座和抹布的地方，店员每每拿了抹布清洁后，把抹布归回原位前，总要在我的食物上方抽荡几下......很烦人也很肮脏。肉骨茶上桌后，我翻了翻汤料，见到的是最普通不过的药材，杞子、准山之类。老实说，妈妈用这些东西煲煮的药材汤，我几乎是哭丧著脸喝的。还幸这茶的味道却很易入口，虽然其实是酷似别的餐厅的例汤，但却渗进了不太浓烈的药材味，甘甘的还不错。可惜，茶里的那二条肉骨真的不能入口-- 无肉味而且干干的，咬也咬不来，是名副其实的汤渣，根本不能𩠌饭。所以那一碗白饭，我几乎是干啃下去的。其实我从没有去过新加坡，所以也无从对比。我对肉骨茶的憧憬是源自多年前的一个旅游广告，提到肉骨茶是令人回味无穷的。不过，我今天试的肉骨茶未达这个水准。其实进店之前，我看了看价钱，约50多元；心想这个试食价还算合理，万东西不好吃，还不会太肉痛。只是埋单时超过60元。没错，我是给其他餐厅午市免加一的收费宠坏了，忘了不是每间店也不加那10%。一般的食物水准，不舒服的环境，不太值的价钱。没有一个让我再来的理由。直至我吃毕这一餐，顾客更少了，跟附近其他餐厅比较，反差还真大。
继续阅读
lunch念住去食川居点知门口排左成10几人,近近地就去隔离食巴沙,入去果时都只系坐左3~4成人.之前食过一次汤面,记忆中还可以,但记得好细碗今次去食炒野,一个系特式炒米粉,另一个系炒福建面.等左大约10分钟.特式炒米粉就黎拉.未食就好明显见到有一片蛋壳,有个豪子咁大.跟住炒福建面都黎埋,同样情况又系未食就见到有鸡壳.好不幸,我叫既特式炒米粉梅开二度,食食下又发现多一片蛋壳.果时人唔算多,炒既人居然可以咁唔小心.街边铺都未必会发生咁既情况.讲反d野食,福建面 = 拉面, 好似无炒既感觉.上菜时跟本有几匙更份量既汤系到,简水味重,d𩠌食落无咩味.特式炒米粉.特式既系有鸡蛋壳.其余感觉唔到有𩠌.d米炒炒到痴埋晒一pat pat咁~原全唔爽口.如果真系黎呢到,可以食汤面,闻到人地果d系几香.不过真系细碗,见到隔离台有2个大只d既男人食左一碗唔够食,要再叫多过炒罗白糕同炒米粉.佢地咁样食个lunch就去左100蚊一个人其实个罗白糕只系一个小食既size.唔明点解佢可以当lunch set咁卖.埋单时,出去埋,但加一.我地有俾到加一服务费,但系佢无俾到加一既服务我地.坐低水都无杯.之后叫佢俾水.应左句之后无下文.个服务费其实系for d咩野?出到去之后见到原来呢到系位食家常去既地方.唔知佢去果时有冇俾蛋壳佢食.定系佢d蛋壳其实真系食得既呢!!!!!!!!!!!?ps: 走既时候仲见到川居好多人等梗位.
继续阅读
3-4-2009好耐之前睇过蔡澜先生关于呢度的专栏, 提及呢度的 laksa 落了好多𫚕𫠐, 呢日终于有机会0黎试试了 问阿姐「特色喇沙」($68) 及「正宗喇沙」($48) 有乜分别, 佢竟然答「特色喇沙多 d (食送) 丰富 d 啰」, 真 informative -_-" 咁就试试贵少少0个个吧:汤底: 橙色「浮油」好多, 少少辣, 椰味唔出, 整体味道亦无加东的 (http://www.openrice.com/restaurant/commentdetail.htm?commentid=150231) 咁有层次, 不过比起上环0个间 (http://www.openrice.com/restaurant/commentdetail.htm?commentid=1984163), 佢好好多!面底: 系檬粉, 几索汤, 不错.配料就认真丰富:- 原只大虾: 个头劲黑, 虾膏带腥苦, lur 都 lur 唔切! 虾肉结实爽口又几鲜甜, 系挑虾肠0个0下比较麻烦.- 两只 (4 边) 开边虾: 鲜甜爽口, 比原只大虾更好食!- 𫚕𫠐 (7-8 粒): 够新鲜, 初初食头几粒觉得几鲜甜, 不过始终未完全接受到呢种味道, 对我0黎讲味道太「血腥」了. - 鱼片: 份量几多, 几弹牙, 不过味道稍咸.- 墨丸 1 粒: 味道几浓, 但腍得不能接受, 食面粉团一样的口感, 谂起都打冷震.- 烚蛋 (半边): 冻冻的又样衰衰, 呢个得啖笑...- 仲有豆卜及芽菜: 豆卜唔太索汤, 感觉一般.见有好耐无食的千层糕 (Kueh lapis) 供应, 又叫一件 ($12) 当甜品试试: 够甜, 够 moist, 带点 cinnamon (?? 定斑兰?) 味又带点蛋香, 好食. 唔知边度有得买? 好想买 d 返屋企食!环境干净光猛, 不过招呼就麻麻0地, 阿姐0系身边「chit 出」咁转, 而且实在太多0野讲了, 好烦.连加一 $88, 唔平, 不过食物不错 (唔明点解会咁多喊面?), 都值得试试的.
继续阅读
每次luch经过，加上见铺面咁多宣传广告就入去试下啦~ 今日我叫了个 叻沙.& Chicken noodle. 里面有大虾2只、鲜蛤、Tofu pot....唔知大家有无吃过正宗叻沙呢？其实个叻沙比我想像中差..大虾、鲜蛤唔新鲜, D 鸡丝一食入口就feel到有好严重的雪藏味。总括黎讲唔去都无损失!! 我自已就唔会有下次喇...
继续阅读
真系后悔入去帮衬呢间餐厅, 真系唔明点解会有人拣"笑"? 现在的时势, 以这个价钱和食物质素, 呢间餐厅仲可以生存真系奇迹!问有无套餐, 答案系"有呀, 野饮加$5或$8"! 跟同事叫了肉骨茶($53) 和炒贵刁 ($48), 肉骨茶的汤内只在两块骨, 而且仲系得少少肉黏住O既O个只, 完全唔够饱! 真系唔明佢地好唔好意思收呢个价, 炒贵刁等了颇久, 但一点镬气也没有, 一pat pat O既, 只有一些不知明的极薄切肉片和大约三只虾毛! 成个粉只有一点咸味, 我吃不出有其他...... 卖单O既时候, 发觉还要加一!!! 天呀~~~~ 顺带一题, 我地睇到其他所谓"散叫"O既菜式, 如三色沙冰要收$36!!!!! 真系太过分了吧?如果大家嫌钱腥, O系呢个经济环境下仍有太多钱使, 而附近O既餐又咁O岩间间都无晒位, 不妨可以考虑去呢度食
继续阅读