巴打火鍋館 (已結業)

午餐经外送平台嗌左大虾星洲炒米，平台上的图片大虾真的是「大」虾，而且是连壳的。满心期待，点知送到过嚟系图片嘅模样。。。。。有点失望。唔系唔好味，但如果实际唔系咁样，图片唔好用得咁靓。。。收到会打咗个突😅味道系好正常嘅，系虾个位真系好似俾人呃咗咁…查看更多

喺yoho 对面，见到好大个招牌写住有火锅，睇餐牌被汤底吸引到就入去试试！睇餐牌已经觉得系间有认真经营的火锅店，汤底设计好特别，我地就叫咗个平时好少见嘅冬瓜云腿素翅汤底。本身以为系嘅普通养生中式清汤，点知原来真系有原个大冬瓜喺个锅度！金黄色素翅闪令令咁铺喺面，真系令人食欲大增！煲到咁上下店员会帮忙剪开个冬瓜，服务周到！唔少得火锅必备嘅混酱～牛肉拣咗马扇古吊龙伴，呢个部位真心推荐，肉同油脂比例刚好，口感好嫩好柔软又重牛味，值得细嚼品尝！而且色泽红润十分新鲜！食完牛肉啲冬瓜差唔多够林，汤底亦变得再浓咗，冬瓜入味，浓汤又好正！然后再试咗个小菜客家豆腐，都唔错，煲仔上够惹味，豆腐都够滑！最后食个瑶柱蛋白炒饭，炒饭唔油，好味！…查看更多

朋友同我庆祝生日，所以嚟咗呢间边炉环境好阔落过猛，而且桌同桌之间都有足够距离叫咗椰子鸡火锅汤底汤底十分有诚意，足足用咗三个椰青，而且仲有唔少新鲜椰肉汤底饮落10分鲜甜新鲜鸡件（随汤底）鸡都望落好新鲜食落亦都好嫩滑店员好用心帮我地计时因为只系两个女仔惊食唔晒，所以食咗啲鸡肉已经半饱之后就冇叫太多𩠌紫菜响铃卷叫咗紫菜响铃卷，食落好香脆好配合呢个鲜甜嘅汤底而且紫菜响铃卷份量好多沙白蚬&扇贝海鲜方面叫咗沙白蚬同埋扇贝海鲜处理得好干净，冇沙食落好鲜甜出奇地发现海鲜同呢个椰子鸡汤底都好夹好值得叫海鲜配呢个汤底牛肉&手打牛丸肉类方面仲叫咗牛肉好新鲜同手打牛丸入口好弹牙食得出认真手打质素高同份量好够，有机会叫一班朋友一齐食可以试多啲食材…查看更多

今日放假入咗元朗佢朋友睇戏食饭，喺九龙入元朗真系好方便搭几个至西铁就到。睇完戏朋友带咗去食一间好好味嘅火锅值得推介。巴打火锅馆，yoho行过去几分钟就到，餐厅地方阔落座位空间足够，喺度食嘢感觉都几舒适。椰汁竹笋炖鸡煲 218元，汤底味道香浓，奶白色嘅椰汁汤底及收埋鸡嘅鲜味，竹笋索晒个汤汁味道劲鲜甜。鸡肉嫩滑鸡味香浓净系个汤已经觉得好好味。新鲜吊龙 248元，牛肉卖相劲吸引，脂肪分布均匀牛肉味香浓，食落去有入口即溶嘅感觉。唔使渌太耐十秒左右就食得，好难得喺香港可以食到咁靓嘅牛肉。三秒脆响铃 6件58元，响铃新鲜即叫即炸，拖一拖水就食得，炸到好松脆，值得推介。炸香芋，芋头炸到金黄色，入口又香又甜。爆打柠檬茶 32元，打边炉整返杯柠檬茶，又解渴又开胃，绝配。…查看更多

巴打火锅位于元朗，成日都听人讲元朗好多好野食，今日一试果然有惊喜！平时打边炉打得多，咁真材实料火锅配料咁拣手真系好耐冇食过～首先要讲一讲个锅底，我哋点咗个鸳鸯锅，麻辣𠮶边非常香口，小辣刚刚好又唔会辣到食唔到，吊起晒食物嘅鲜味～另一边清清地更加食到食材嘅原汁原味，尤其是点左一份骟古吊笼，烚一烚即起好有牛味，肉质嫩滑入口即化，超正😋跟住点左份猪天梯，估唔到呢啲比较偏门嘅食材都有得嗌，款式繁多包罗万有。猪天梯其实就系猪嘅上颚，部位超级爽口，放落去辣𠮶边更加惹味～至于墨鱼滑则好弹牙，同脆鲩一样鲜嫩又美味🤩之后推介大家必点椒盐豆腐，外皮非常香脆，外脆内软，里面豆腐好滑。整体而言，其他食材例如鸡件、金菇土豆片等都令人食到停唔到口，吸收咗汤底嘅精华，真系人间美味钟意打边炉嘅朋友不妨一试～…查看更多