影片
《不负责任食评 — 巴打小食》评分：🌕🌕🌕🌗总评：元朗佢都算系间几出名嘅小店主要都系买啲炸既小食或者系简单嘅饭盒之前经美食平台叫咗乳鸽同黑椒牛仔骨炒乌冬乳鸽炸得好靓 皮脆肉嫩调味适中 的确系几好食😋比起之前食过嘅炸子鸡感觉更高质👍🏻炒乌冬够干身 黑椒味好炝辣好惹味牛仔骨份量都多 但可惜有啲真系㶶到炭一样🤯如果火候控制得更加好会几好食之后都会再试其他👌
继续阅读
一啲都唔抵 个蛋就ok嘅 但系蚝冇蚝味 都算啦 咖哩唔够多 食完仲有好多饭 仲有menu上面话会有椰菜 但系实物根本冇 泡芙根本唔值$20 虽然佢系送嘅 但系佢话原价的确系$20 而且都好细
继续阅读
寻日见到巴打小食嘅芝士薯波终于返黎今日即刻仆去买😻芝士薯波 $20/6pcs比起之前𠮶款系大粒d嘅不过芝士味 好似之前𠮶只浓d另外买埋麦乐鸡 $20/6pcs佢个甜酸酱真系好味好多
继续阅读
早排食完饭口痕得制，忍唔住带左个靓靓食物袋去见巴打（全元朗国都知，店铺最出名唔单止系食物，系巴打！），点知一试难忘！平时黄金馒头食得多，今次去到禁钟仔我拣左份盐酥鸡（$25大份）同埋鱿鱼须（ $28细份）真系唔热气都唔食～我平时有自备食物盒买外卖既习惯，今次都唔例外，我带咗个食物袋买炸物，点知大只巴一手接过之后完全无问点样用点样装食物……睇嚟元朗国民都好环保，巴打对食物袋一啲都唔陌生，真系用惯用熟。依个食物袋好处系轻身而且容量够大，绝对够装多款炸物，所以我无特登再带多个盒出街，最紧要系我可以打开个袋边行边食，正!好好彩等咗唔使十分钟就有得攞外卖，仲记得临走个时大只巴讲左句：唔好焗住我啲鸡啊！我梗系唔会焗住啲鸡啦，我仲一路行一路食，周围途人眼光光望住我袋入面装左啲咩野食，第一次食炸物咩酱咩粉都唔使加，够哂味！真鱿鱼须，清晰可见绝对唔系食紧炸粉，诚意推介！温馨小提示：食物袋不易放入太高温的食物，否则会释出有害物质总结:食物味道＊＊＊＊*(5/5)食物种类＊＊＊＊(4/5)等候时间＊＊＊＊(4/5)容易走塑程度＊＊＊＊＊(5/5)
继续阅读
11月第二次申请Visa入元朗国，同朋友一早plan定揾食路线，先去beanlab买两支豆浆，谂住去罗东肉羹，可惜太多人排队，于是转战其他地方，行程都以小店为主，省略食过边尐，我会再去𠮶尐小店出食评。同朋友最后一站系去巴打小食，见好多人大赞佢地既炒米粉好好味，于是一早预定，等米粉期间叫咗黄金炸馒头同唐扬鱿鱼须，见社交平台食群尐人大赞好味，必食推介，当拎到上手我朋友忍唔住x咗一声，尐馒头同鱿鱼须好。。难。。食！价钱贵唔紧要，味道是良知，炸到黑蚊蚊，尐馒头爆开㶶晒，食入口一食就知尐炸油系万年油，好臭油益味，于是我到盒米粉出嚟𠮶阵细细声同店员讲炸得㶶咗啲，个店员木无表情同我讲:"啱食就食唔啱食就冇下次!" 我有尐愕然，点解咁讲嘢既？算，反正唔系国民，一次以后真系冇下次，我吞咗佢!返到屋企打开盒炒米粉，有几碌炸午餐肉条，都系炸得偏㶶系香口好味既，之不过盒米粉都几碎，配菜太多，味道不过不失，以小食店嚟讲价钱偏贵，味道同态度麻麻!Btw个店员唔带口罩，但带住手套收钱，唔知系佢唔记得定系厨房做嘢唔需要带口罩，感觉上唔太卫生，收完钱又煮嘢食，唔带口罩又出出入入!
继续阅读