影片
寻日睇新闻话荔枝角某冰室MMA，心谂而家啲茶餐厅都咁澳牛风既咩？正在怀疑之际，今日就见识咩系恶劣既茶餐厅。今朝一早去长沙湾开工，做完上半场就去食个早餐，经过呢间巴打见早餐有丹麦多士，就入去试下。一坐低，一个挛毛女侍应用好港式茶餐厅既语气问食咩？我免得对方唔开心就尽快落单，点个早餐B 沙爹牛肉面，等待中感到餐厅冷气唔够，一直飙汗，听到有顾客问点解无冷气，侍应答话如果开大怕会冻死你原来咁都系答案。已经感到唔对路，好彩食物好快就到，呢个效率值得赞下。先食沙牛面，牛肉太咸，腌肉粉味浓，有啲苦，面OK。之后就系煎蛋肠仔，无咩好讲，不过不失，可惜期待中既丹麦多士，变咗普通多少，而且又冻又硬，好难话佢好食。冻奶茶走甜，茶味一般，奶味较多。由于太热，拿拿声食完走人，埋单问挛毛收唔收wechat，佢粒声唔出净系用手做过类似过嚟既手势，我话下？挛毛就愤怒了，话：单呀！下？咁即系收唔收wechat？佢又好唔耐烦咁掉咗一个单字：收好好好，咁我比现金，可能wechat要佢揿多两个制唔高兴。比完钱走人，同巴打讲bye bye，妳以后都唔会赚到我钱啦。
继续阅读
行过入去食了个下午茶餐，干炒牛河跟咖啡，三十九元，我觉得可以。餐厅待应好像很忙，一人要兼顾多项工作，想落单时她在收银处收钱中，她问我要吃什么，由于收银台与我的座处都有一段距离，我只好大大声回应。干炒牛河上台随附上辣椒酱一枝，又几体贴，不用开口已知道炒河配辣椒酱最好味。干炒牛河份量都适中，河粉虽带有油光但不会过份肥腻，粉色泽偏白，应该没有放太多老抽，不过也没有影响食味，牛肉厚薄均衡，不鞋口，洒上一小撮黑白芝麻碎，伴随芽菜，葱条炒均，带有镬气。醮上辣椒酱同吃，十分惹味。热咖啡就一般，没什么特别。
继续阅读
行过求其入左去食lunch,叫左个午餐系沙嗲金菇牛肉炆米，到上碟，我见到有波萝，已经觉得好奇怪，点解会有菠萝，成件事完全唔夹，跟著食落去，菠萝唔系酸，系叔架🤢完全影响晒成碟野！到牛肉啦……佢系大块，不过un 过我条命啰，完全咬唔开，要生吞落肚咁🙄加上碟野又油又咸，食咗一半已经唔想再食……到环境方面，成只乌蝇喺我张枱上面，跟住又见到啲蚊仔😑好啦，到埋单，我只系问：有冇wechat? 收银姐：冇wechat, 下次唔好再问！我话：下次？我唔嚟啦！！估唔到第一次帮衬会咁失望⋯呢间垃圾真系冇下次啦！
继续阅读
入到店内已经见到张张枱都无人执 枱面仲要劲污糟 抹张枱抹完好似无抹咁 已经好无奈个干炒牛河入面无牛肉都吾紧要 仲要油到呕重点系d员工真系劲无礼貌 讲嘢难听到好似杀左佢全家咁真系比钱买难受 以后都吾会去！
继续阅读
路过青山道，刚刚食开嘅清汤牛腩舖头执咗笠，突然变咗间食鸡饭嘅，都嚟唔切反应，咁唯有再周围行吓，睇吓有无嘢想试吓啦。行行吓，见到呢间食肆，突然想饮杯冻柠茶，咁就入去试吓个下午茶，叫咗个星州炒米。大家见到上图，都系普通星米咁嘅样，都唔会太高期望啦。香味一般，辣味太重盖过咗香味，食到一半，都揾唔到继续食落去嘅理由。其实青山道仲有好多选择，大家可以再考虑一吓，唔好浪费食美食嘅机会啦。
继续阅读