巴打冰室

营业中

休息中

服務態度極差 桌面一大陣酸臭味 想坐去旁邊比較乾淨既檯 就俾男經理呼喝 指就黎關門 要即刻落單 唔準坐去其他既檯 食就食 唔食就過主 唔一定要做你生意呢個態度真係俾個負評你 對唔住自己

琴晚買咗兩份外賣，豉椒牛肉炒河，乾炒豬扒烏冬，2份份量都好大，成個外賣盒裝滿。豉椒牛肉炒河炒得入味，牛肉都有6-7塊大大塊，不過豉椒份量就少咗啲。乾炒豬扒烏冬出面好多炒烏冬都睇得出淨係用一袋烏冬所以好細份又唔夠食，不過呢度裝好裝滿睇落都有兩袋烏冬，所以性價比好高喎，味道適中，豬扒都煎得好好食，唔會出晒油淋晒。而飲嘢先加$6就有凍飲，然後仲包埋中湯，中湯飲落係冇味精非常好，飲完唔會好口渴，入面都比舊大紅蘿蔔你唔會太 dry

住左係長沙灣20年 平時都好少去呢間食早餐 今朝經過就買左個外賣早餐返屋企食 一開盒就見到塊牛扒有啲白色水 仲好似有少少泡咁 成塊牛扒底面都有 開頭都以為係倒汗水 點知一食落去乸口勁重怪味 食左一啖已經食唔到 剩係咬落去果下都食到我面目猙獰 成50蚊咁貴買個早餐得塊蛋同火腿同杯野飲係正常食到 依家果一啖都唔知食左咩化學野落肚 塊牛扒仲好意思要人加10蚊 加完錢仲難食過唔加錢 呢餐早餐塊牛扒大概係成世人食過最難食既一塊 講緊食一啖已經要扔左塊扒

一入餐廳坐收銀個男侍應已經爆粗，話自己一腳踢，茶水都係佢做。見唔係話我，就冇理佢。到落單，呢個男侍應係隔幾張枱問我食乜。ok，都算。落左單，佢執枱。將d垃圾掃左去我到。我好聲好氣同佢講，你掃到d野去我度。咁之後佢話 「咁又點x樣」，仲兇我問我想點，叫我唔好x食。我嬲到唔食就走。唔知佢係老細定打工啦，如果請到咁既伙記，真係不幸。

昨晚同友人共四個入內光顧，未夠六點，點了四個小菜，女侍應講包埋四個湯，四碗飯及四杯飲品，並說先給我們例湯。隨後，女侍應只遞上3碗湯，等了5分鐘，仍未有第四碗湯，之後再向那位女侍應提及仍欠一碗湯，但再等了5分鐘，仍沒有湯給我們。於是再向另一位男侍應追問，最後才遞上一碗全清湯！那位女侍應沒有再出現！再等了很久，四個小菜先後送上，最奇怪是，男侍應只遞上3碗白飯，又是欠了一碗！當時食客不多，只得四五枱，但卻見那幾名侍應工作態度十分惡劣。我們不再追問另一碗白飯，大家心裏已有一個共識，就是草草完成食物，快快離開，並永不再光顧這間不知所謂的食店！

餓位個肚想食早餐。想食個快早餐，偏偏間餐廳客多，廚房出唔切，等咗十幾分鐘，影相後立即食。件豬扒，唔薄，及juicy, 有水準喎，出前一丁，煮得恰當。唔怪之得，星期日早上，都有9成枱有客坐住。杯茶走，一般水準。

第一次寫食， 由於唔够時間搵地方食早餐，就求其搵間咁嘅茶餐廳食早餐，點知中曬伏， 成間餐廳漂白水味、地下又濕滑都算，叫咗杯熱檸水飲，點知嗰隻裝檸檬水嘅“透明”膠杯啲漬厚到嚇親人，仲污糟過公廁😱😱，咁大個人我從未見過咁狀觀嘅污漬！同佢哋反映，佢哋竟然話“從嚟未有人投訴過bor，轉外賣杯就要另外加錢...” 最後無飲到杯嘢（畀員人收走咗），但錢就照收！態度同衛生環境一樣非常惡劣，垃圾茶餐廳，永不幫襯！！！

而家二人一枱，午市找間坐得舒服的都不易，這間勝在座位非常多。叫了午餐青咖哩雞飯同餐牌的上的炒飯。首先，呢個青咖哩真的差，因為啲雞質地淋得很，許多地方都為了慳，會把肉煲湯，然後作煮成菜式，唔知這店是否這原因，雞肉淋得不需咀嚼。個青咖哩汁就正常一般。不是午市快餐的炒飯，料足而炒得夠火候。這些即叫即煮質素還可以。這店勝在座位多，又不會太擠逼。若對食物沒有要求的話，這可考慮吧！不過有一樣不滿影響了食飯心情，就是個男員工，說話多，又大聲，最重要是粗言穢語，成餐飯都聽到你燥動地粗口鬧人。難道茶餐廳都會這樣？！

去長沙灣上完堂，最緊要醫肚！一落樓就有呢間巴打冰室，見個名咁得意，我又趕時間要1小時內快食，就拿拿臨入去食午餐。叫左個常餐，有蕃茄碎牛通粉、厚多士、火腿奄列，我叫左杯凍華田。番茄通粉偏酸不過尚可接受，火腿奄列水準一流 凍華田係我飲過史上最甜嘅華田，搞到我溝咗半杯水，整體上覺得可以再encore

很少寫食評，但今次忍唔住要寫路過長沙灣見呢間茶記大間諗住唔洗坐咁迫入去前冇睇open rice叫左個瑞士汁撈生麵套餐, 一食落好大陣化學藥水味d雞翼食落好霉成個麵食左一兩啖冇食同阿姐講叫佢轉番公仔麵佢話：生麵係咁架啦，冇人叫你叫呢個麵，冇得轉其他麵喇然後佢同成班侍應講，冇人叫佢食生麵wo個餐$48蚊完全唔抵從冇食過咁難食既茶記絕冇下次侍應態度極差由其係帶眼鏡個肥女人中完伏先睇open rice, 原來呢間咁多負評

一星期總有幾天想食肉，食肉都離不開吃扒餐， 如果要求 不高， 到茶餐廳吃個扒餐都是不錯選擇。 雜扒餐配意粉（蒜蓉汁），有餐湯&熱飲$69雜扒有雞扒+豬扒+牛扒+香腸+煎蛋特別之處有煎蛋， 而且是流心蛋， 深得我這個愛吃蛋之人喜愛既是來茶記吃扒， 要求當然不太高， 雖然雞扒沒雞味， 牛扒沒牛味， 豬扒也沒有味。 也是用鬆肉粉「那」到肉質很淋， 但不會很爛， 不會嚡， 不會up, 已經很好。 司華力腸變了香腸， 但香腸貨源不錯，也算札實。至於蒜汁和意粉有點兒hea, 意粉只是燙一燙熟， 沒有炒過， 而且一點味道， 再加上煮的時間也有點過， 以至意粉有點發脹。蒜蓉汁， 蒜蓉味完全不足。 配菜更加不用說， 也是煮得太老。 不過也是那句， 茶餐廳吃扒， 要求不能太高， 要碼他那鐵板還是熱的。友人點的是雞煲配白飯， 餐湯&熱飲 $62這個雞煲相對出色一來它很有鑊氣，二來色澤油亮吸引，三來香味味道也十足，也夠入味 而且雞也有點雞味，雞件大部分都不會太老太嚡。最後餐湯因為西湯已售罄， 只能喝中湯。 由於沒有任何湯料， 而且味道清淡， 所以我並不知道自己實在喝甚麼湯

愛飲奶茶，每一天都不能沒有茶記，貪佢全天候，早午晚餐都啱食☕️🍗🍞🥢街坊茶記，價格相宜，要冷氣有冷氣，巴打冰室幫到你☕️🥄基本早餐，大眾化嘅價錢，大大碟咁都算抵食嘅，中西午餐有焗飯、有小炒，都好多選擇下，味道就一般般咁嚟過幾次食嘢，貪平貪就手就要醒目D，熟讀餐牌，ABC餐點組合，落單一定要快狠準，千祈唔好改，唔好催，唔好換枱....唔係你就唔好食😂😂😂事關樓面好鬼忙，落單唔醒目、食乜都唔知，即送你貓麵一牒，蚊滋咁細聲，阿姐聽唔到一樣係罪，茶餐廳潛規則，去到邊都要記住，鬼叫你鍾意茶記，唔夠麻甩就唔好去囉，知道明白未？

星期四我本來想出「九龍」，在「長沙灣」找電影院看套電影，然後食完晚飯才坐車返回「西貢」，不過現在沒有合適電影給我觀賞，「長沙灣」跟「深水埗」裡面也沒有茶餐廳，可以同時讓我食到「牛腩」跟「雞扒」。結果我退而求其次，首先在「長沙灣」「元州街」，找間可以食到「牛腩」飯食品的港式茶餐廳，食完「牛腩飯」晚餐之後，再在「深水埗」其他港式茶餐廳裡面，找其他「雞扒」類食品。最後我在「元州街」找到「巴打冰室」這間港式茶餐廳，我還未看完「巴打冰室」門口貼着，所有充滿港式茶餐廳風格餐牌價目表，純粹拍攝完店門照片後，就已經直接進入餐廳裡面。我看完「巴打冰室」餐牌裡面顯示的所有食品跟飲品之後，立刻決定了選項享用「咖喱牛腩飯」，作為我今晚的晚餐裡面，屬於「牛腩飯」類別的食品。負責為我寫單的「巴打冰室」侍應一聽到我的點餐實際內容之後，立刻詢問我晚餐想喝什麼餐湯，跟想享用什麼飲品。當時我疑惑地回答他，難道「巴打冰室」晚餐套餐裡面有「咖喱牛腩飯」？怎料「巴打冰室」裡面的侍應，當時真的回答我：有。於是我需要再在「巴打冰室」貼在餐檯表面上餐牌，眾多的大大小小飲品裡面，找尋值得我一試的飲品。結果我無意中，在「巴打冰室」張貼在

在娘家附近拎貨，但係遇上他們的午膳時間我們在附近餐廳食飯，甘岩下午茶時間食少少野先先來個花生芝心西多其實方包很厚身，沾上蛋漿再煎熱辣辣上碟，賣相算不錯牛油已半溶狀態，證明都好熱附上蜜糖漿你食幾多就落幾多切開果陣都有流心，芝士拉出很香很滋味，老公話花生醬都夠唔錯，不算太油膩我要香脆吉列魚柳配雜果沙律薯條我見唔差既，但我覺得太熱氣成塊魚柳好大塊唯一唔好就係炸粉太多太厚，扣左分魚柳如果醃下少少胡椒調味更好一般茶記配沙拉醬佢反而配千島醬，我好中意千島醬夾海鮮，所以又加分沙律都要讚，夠曬凍沒有水淋淋既感覺基本上都係罐頭水果，我食落係但可以接受，因為沙律都真係食落好味不是好稀身，我要求唔算高，所以接受

上菜勁慢，啲菜到左但啲飯等左10幾分鐘先到。招牌海南雞配瑤柱海蝦球唔好叫😂😂😂😂😂有幾舊西蘭花伴碟，白烚嘅西蘭花味道可接受。不過海南雞放左系啲瑤柱汁下面，完全唔係海南雞味，呢個配搭真係令我R晒頭，但雞好食，好嫩嘅。啲蝦麻麻，好生。建議叫海南雞飯！！！豉汁蒸帶子滑豆腐成個配搭都ok。豆腐好食，帶子味道好淡。飲品就嗌咗雪山菠蘿冰同熱華田。熱華田正常，菠蘿冰有少少似沙冰但粗冰，唔太好飲。整體黎講，茶記之中，認真麻麻。PS藍店下次不幫襯了😂