巴希雅海灣重慶燒烤

营业中

休息中

#大尾督必去燒野食 #川式燒烤 .▪️每位$178 任燒放題 (包1飲品)▪️開爐費$50(1-5人) .過左中秋 終於天氣涼返d 可以燒野食啦😏 私心介紹呢間我由細食到大既川式燒烤(雖然有點遠) .星期六晚揸車黎到大尾督 勁大停車場隨便泊 泊好車之後門口計人頭收費 每枱另送(菠蘿,海蝦,蜆,金菇,香蕉) 一坐低就會有職員幫手開爐 亦有辣椒豉油 孜然粉 辣椒粉 配料提供埋☺️.▪️食物方面基本野都齊（主要推介串燒食物 ：雞軟骨 雞腎 牛肉串 魷魚 ... ) 醃肉類不會過鹹 另外中意食菜既朋友好推薦 （平時燒野食 食菜好麻煩Xd) 但呢度原本已經串好一串串 唔怕菜會難燒/散開 仲有重點有原條茄子 🍆 即係可以自己勁落孜然粉辣椒粉燒😆好似出左去食港式串燒咁 😋😋.呢間燒烤幾適合2個人黎拍拖 價錢唔貴 又唔使自己買料咁麻煩 重點係野食串好晒 唔使逐串拮 每樣食一串 岩食再encore 方便又快捷😍 而且因爲呢種炭爐好近野食 爐溫高好多 燒野食既時間唔需要好似一般爐咁耐 👍🏻 .但係真心要秋冬天先黎到🙈夏天應該真係會比較熱。其他都無咩好挑剔🤣 (連廁所都幾乾淨XD).。📌地址：大埔汀角路龍尾村

天公造美，秋風起去左食重慶燒烤特色野😛特別在佢個爐一枱一個自己燒，火喉好平均👍🏻而且個炭可以keep到起碼3個中，唔洗換炭好方便，又乾淨！佢d食物自取，好驚喜係每款食物都有自己醃料味道，唔係劃一一隻味！例如香芧豬扒，香芧味好重；羊架配左一瓶香草🌿；叉燒夠厚夠彈牙👍🏻⋯⋯其他仲有豬頸肉、雞件、牛仔骨，包羅萬有😋另外好深所象係有一串串生蒜🧄、青色長尖淑、牛油多士、洋蔥圈🧅⋯⋯都好特別唔常見！老闆應該精心挑選過食材🙇🏻‍♀️🙇🏻‍♀️仲有不得不提就係個海鮮鍋🦞原來d蜆就咁用個瓦煲焗熟就食得😍仲保留左海鮮味😋同埋隻香蕉就咁燒軟左可以做甜品🤤其實可以request 朱古力醬，但想原汁原味就咁食條蕉蕉都好一流🍌🍌

終於可以呼吸一吓大自然嘅新鮮空氣，難得有假期又好天，一於去郊遊。去左大尾督踩單車，做運動舒展下筋骨！沿途風景好靚，仲有少少秋風，好舒服！夜晚我哋係大尾督食埋飯先走，就揀咗巴希雅BBQ做我哋嘅晚餐，仲可以觀賞到日落。以前都同月友黎過幾次，記得以前個場就無甘大，有啲迫，但而家唔同哂啦又大又寬敞，好舒服！食物佢呢度用串燒形式bbq，亦可以自行落辣粉/椒鹽粉，亦都可以喺呢度買返蜜糖揸！食物無論肉類定蔬菜類都多選擇，肉類既話我最鐘意食安格斯牛肉串、叉燒、雞軟骨、漢保扒同羊架。鐘意食牛同羊架既，食多幾件都已經回本啦。蔬菜類都有冬菇、蕃茄、洋蔥、青椒，最正既有茄子，超巨型，買盒蒜蓉架落去，加埋孜然粉，簡直無得頂。另外包埋人頭份量既大蜆、海蝦、菠蘿、香蕉同牛油金菇，新鮮。另外仲有兩款熱食有燒賣同咖喱魚蛋，啱哂啱啱踩完車既人又餓又攰，食返兩粒先開始燒野食。

價錢昂貴，食物選擇少，乜嘢都要收錢，飲品得一罐其餘要收錢，好似乞食咁，拎野食好似配給咁，比左200左右每人，得到咁樣嘅待遇真係不可一不可再，如果唔係隔離餐廳full booking，我地唔會再入黎食！重點分享：入黎排隊嗰陣已經覺得奇怪，位置好多，但係無乜人，見唔到拎野食嘅地方，只係見到拎野飲同收錢嘅地方，有好處嘅係佢可以一邊涼住風扇一邊燒野食，拎野食只可以拎你枱面嗰一隻碟去裝，食物種類少，你想食嘅野未必會喺度，甚至要主動問佢先有兩條！

好耐冇去過大美督，難得long weekend同男朋友入去BBQ👫。.每位$178（+每個爐$50開爐費）可以燒足3個鐘，已包括🔅飲品一款🥤🔅菠蘿🍍🔅香蕉🍌🔅蒜蓉牛油金菇🧄🔅蝦🦐🔅蜆煲🦪其他蔬菜、肉類都係任燒🌽🥩.BBQ個爐好重要😝！個人覺得備長炭爐好易用，燒得快之餘熱力夠均勻，間唔中翻下食物就可以了。.任食嘅肉類之中比較推薦雞全翼，本身已經過醃製夠晒味，表面燒到好香脆，自己燒好食過出面買😋。羊架肥瘦均勻，食落有少少羶味☺️。.素食種類有成十幾種，以鮮冬菇🍄同粟米🌽最易燒又最好食。冬菇簡單燒一燒香味就出晒嚟。粟米可以加少少牛油（from 蒜蓉牛油金菇），食落特別香。.整體價錢唔貴，而且食物種類多，間唔中拍住拖燒下嘢食都唔錯👩‍❤️‍👨。.🥢巴希雅海灣重慶燒烤 (大埔)大埔汀角路龍尾村101號

🔸重慶燒烤任燒三小時 $178/位🔸開爐費 $50/爐-入咗秋咁耐中秋都過埋，梗係要去bbq啦！平時去得多大欖小欖，今次轉場試吓都好出名嘅巴希雅，都係任食三小時嘅燒烤，同平時圍爐bbq唔同，呢度用嘅係小型啲嘅炭爐，唔駛撥爐透火，兩個人去燒都好方便。巴希雅嘅食物大部分都預先穿好一串串，無論燒同食都方便得多。丸類、蔬菜、肉類，都應有盡有，任燒唔嬲，啱晒各位大胃皇吖！今次去都未試得晒所有食物，特別推薦原條茄子、卜卜蜆、新鮮菠蘿，一定要試啊！

難得假期又好天，今日就同屋企人入大埔BBQ, 今次呢間我地未去過的，係朋友介紹， 因我今次唔想係用燒烤叉那種BBQ, 係想燒重慶燒，一細串那種。呢到入場後會有蝦，蜆，菠蘿，香蕉一份比大家，野飲每人包一支， 其他食物就任燒任食。今次我超開心，因為去燒野食我最喜歡多春魚，但自己吉永遠都整得唔好，燒到條魚斷左咁呀。但呢到吉好一串串，我負責燒加上d 孜然粉，辣椒粉已經好惹味。另外呢到的牛柳串，羊架，雞翼都好正， 海鮮又新鮮， 蒜蓉包燒兩下就已經好脆， 呢到有原條茄子夠哂正。差唔多食飽，燒最後的香蕉， 工作人員好細心，拎香蕉時已經提我地燒完後拎出來加朱古力醬。呢到幾好，每張枱都有風扇提供，仲有幾個洗手位，岩哂我呢d怕痴立立的人， 呢d細心位唔係間間做到。

難得的四日連假雖然我得兩日😫但我都忍唔住去左轉郊外本身諗住踩單車👨🏽‍🦱話好曬好熱放棄左但竟然做左樣同樣地都好熱嘅活動😂中秋節就係要BBQ先過癮——————————————————地點好方便有巴士直到門口環境寧靜舒適加上今日天氣清涼燒烤場位置又近海感受陣陣海風寫意得呢令人心曠神怡燒烤場雖然係室外但係又冇乜蚊蟲坐咗幾個鐘完全冇畀蚊咬過而且佔地廣闊人多都唔使同人逼野食方面入場俾錢就會俾張飲品卷同有張卷可以換海鮮大蝦 蜆 金菇同菠蘿煲蜆加啲水去焗超正仲食到海水味如果有得連呢啲都有任食就正🤤食物供應源源不絕 雞翼大大隻仲有原條茄瓜俾你燒 正最好就係每樣食物都用竹籤串起超方便唔洗驚食嘅時候麻煩👍🏻最緊要係樣樣都好新鮮——————————————————

週末和朋友去了大尾篤，玩完已經接近7點多，就在附近找了這一燒烤，附近吃吃，味道還真的唔錯，露天燒烤場，香蕉和菠蘿意外的好吃，雞脆骨也好吃，雞翅也不錯，推薦的豬頸肉一般！

燒烤放題 $178位終於都到秋天，可以BBQ🥩🍗🍖 第一次用炭火爐燒烤，唔使加炭個火力都好持久，完全冇熄過火，食物都燒得好均勻好快熟，全無冷場。食物方面係任攞，特別推介豬頸肉同ribs，醃得好味，燒完更有風味！仲有無限量嘅丸，同埋其他肉類，如羊肉、牛肉同埋雞肉串！好正另外每枱仲有一鍋蜆，海蝦同蒜油金菇，Oishiii 最後梗係食埋個燒菠蘿，又清甜又解渴同埋好彩有帳蓬遮蔭同埋免費車位，就算係黑雨都無損興致😂

因為疫情關係,基本上所有戶外活動都無哂,去親大埔多數都係踩單車🚴🏻‍♀️加BBQ🛢但見近排好轉返少少,太耐無BBQ啦,所以專登揀左哩間有得任食3個鐘慢慢燒,雖然有限聚令,最多4個人,但都可以同朋友一齊放鬆一下都唔錯啦!食物方面:📌$178/位 3小時任食🥤包一罐飲品另加開爐費$50 (每6個人1個爐)🍴已包括調味料同所有燒烤工具🥢大部分食材都己經預先會用竹籤串好,乾淨方便食物種類都幾多,基本既雞肉,牛肉,豬肉,雞翼,雞軟骨,雞腎,丸類,蔬菜全部都齊👍🏻💗私心推介:⚪️羊架羊架少少羶,但可接受,肥瘦適中,肉質好鮮嫩,調味岩岩好!⚪️牛仔骨肥瘦分佈得好平均,好厚身😊燒完加少少辣粉好惹味!⚪️雞肉超級嫩滑無皮,啖啖肉,一串4件😋唔會太厚太大件,燒幾分鐘就熟,正!⚪️雞翼我中意食雞中翼,食得比較方便,燒熟左可以加孜然粉同辣粉,超級香,我1次食左5隻!停唔到口🙌🏻⚪️牛油芝士蒜蓉燒金菇牛油芝士蒜蓉醬係分開比你自己落.👅撈埋金菇超好味.正!整體方面:地方唔算難搵,有小巴/巴士會去到,最岩就係踏完單車一班人一齊去食,一個價錢包哂所有野,性價比高👀又唔洗買野食,買野飲買碳囉入去燒咁麻煩,野食都幾好味,要食既野都有

-巴希雅海灣重慶燒烤 (大埔)大埔抵食BBQ！細個已經成日去！環境都唔錯，好大好闊落好企理，而且有帳篷，落雨都唔驚！-每台都有兩把大風扇吹住，d煙唔會漂向人，燒完個人都唔會成大陣味。最最重要係夏天都唔會好熱！拎野食嘅地方好乾淨整齊，BBQ嘅食物選擇好多，最基本嘅各式扒類同丸類都齊全，仲有好多唔同款嘅串燒同蔬菜，啱晒唔同口味嘅人👍🏻.-叉燒 & 豬頸肉-叉燒有驚喜，燒完甜甜地咬落好juicy! 而且好入味！-豬頸肉好爽口彈牙，調味同樣出色，非常入味- 原條多春魚-值得一讚係佢地有供應原條多春魚，魚肉彈牙冇腥味仲好多春！鮮甜彈牙！魚燒嘅過程好容易，反兩下，燒熟就可以原條上碟-蒜香牛油麵包 + 漢堡扒-呢度有好好食嘅蒜香牛油麵包，輕輕烘熱佢就食得！拎嘢食嗰度嘅staff仲推介我地試下用蒜香牛油麵包夾漢堡扒。我地即刻試吓，估唔到又真係幾夾！平時就咁食漢堡扒會覺得好油膩，而家夾住食唔單止唔油膩仲食到蒜香牛油嘅香味同漢堡扒嘅味道！好有驚喜！ -用餐心情🎋：平平地想去bbq又唔想自己搞，舒舒服服同朋友黎呢度有人幫你起埋爐同準備咗多款食物俾你隨便燒都唔錯！呢間性價比高，食物選擇都多，係唔錯嘅選擇。.味

朋友想黎試試呢間任食自助燒烤店好耐，所以我就陪下佢～一入去俾左每位人頭費$178加$50開爐費，就有專人帶位去開爐。呢個價錢包括有限數量既飲品（每人一罐）、蝦、蜆、金菇、菠蘿、香蕉，至於其他既串燒就可以燒幾多拎幾多。串燒既款式都好多，肉類、蔬菜、丸類、麵包都有。如果好餓，仲可以拎蒸燒賣食住先。枱頭提供左醬汁同孜然粉等等既調味料，等你可以燒出重慶風味。我朋友就一顯身手，燒左好多野我食！好多都燒得好好食，例如：雞軟骨、蝦、多春魚、一口牛、羊架、粟米、菠蘿、香蕉等。海蝦同蜆更加係有驚喜，新鮮至餘，仲有海水既味道～

好耐無黎過巴希雅燒烤啦，最鐘意可以自己燒串燒，將食物放在炭爐上烤熟，再加埋孜然粉就不得了，好治癒架，好喜歡自己做廚師👩‍🍳 哩度有做防疫措施，攞食物位置一定要戴口罩😷百幾蚊 一位，任食好爽呀🤪🌟一去到收銀處排隊俾💰，然後就可以去拎野飲 ，職員俾左一煲硯💕🦐🍍🍌，哩啲只可以拎一次架乍，然後再去拎仼食既，種類好多架，全部用竹簽幫你串好哂，又方便又偉生👏🌟羊架羊架羊架，一定要食，重要事情講三次🥰夠羶味，又大件，好入味，啖啖肉👀🌟牛肉串，牛仔骨，火辣牛肉是必食的，又淋又juice🤤大大舊，分量多，而且好易燒，再搽上豉油，孜然粉，辣粉，再燒多一陣😜香味散發出來，味道簡直同出面既串燒店一樣😝🌟雞軟骨又係要食，一定要加辣粉，更惹味🌟廚師腸同紅腸唔係唔食呀嘛🥳🥳🌟燒雞全翼真心要食多幾次😜😜🌟煲蜆食落鮮甜美味💕 燒菠蘿都勁好味🤪🌟牛油🧈蒜蓉金針茹，用錫紙包住，方便食又好味道👩‍🍳👩‍🍳🌟第一次食燒香蕉🍌就係喺度，烤過後別有一番風味架😚除咗以上肉類，仲有漢堡扒，🦑，多春魚啦蔬菜🥬🍆🍄類，雞髀🍗菇😝另外仲有熟食添燒賣👍 巴希雅海灣重慶燒烤 (大埔)大埔汀角路龍尾村101號

扶老攜幼，親子交郊遊好去處，點解我咁講！？因為大美督風景優美空氣清新，好適合一家大細去嘅地方。郊遊完梗係要醫下肚啦，我就選擇咗吧希雅重慶燒烤，有得泊車好方便，地方好大。食物選擇好多，重點係調味自己落，濃啲淡啲都得，可辣可唔辣，悉隨尊便👍🏻怕熱嘅朋友，每張枱都有帶大把風扇，咁樣追住我唔怕有蚊啦。食物方面由於太多選擇，我重點推介一下俾大家啦。燒雞翼我最鍾意食😋係全翼呀燒大海蝦，爽甜無比蒜蓉包勁多牛油呀，好香噴噴燒大蜆，勁有海水味，隻隻好肥美，無沙架